Juaa̱ 3:29 - Xo̱jo̱n eén Néná

²⁹ Kjiꞌanga ma ngo ndiꞌibixan, kuí nda̱ xi ku̱i̱xaa̱n xi tsi̱ꞌe̱ ka̱ma na̱ xi ku̱i̱xaa̱n, ta̱nga nda̱ amingoo̱ nda̱ xi ku̱i̱xaa̱n xi tikóntꞌaa̱ ntꞌieé, kó ꞌniú tsja maá ni xi tsó nda̱ xi ku̱i̱xaa̱n, bo̱a̱ tsꞌén nga je kjimando̱jo kjo̱a̱tsjana ngotꞌe̱.

Juaa̱ 3:29 ပူးပေါင်းရင်းမြစ်များ

Én xí nda xi ꞌniú tsjatsó ngasee̱ 3:11

¡Tja̱tjójnú ínchjín xí chji̱a̱ni na̱xi̱ńdáꞌniú Jerusalee̱n! ¡Ja̱bítsitsíjenjnúu̱ nda̱ re Salomoo̱! Tikón maá to̱ko̱ kui korona̱ xi katsꞌéndaa̱ na̱aa̱n ni̱xtjin nga ixán, ¡kui ni̱xtjin xi ꞌniú tsjá ngase kamaá nga kisꞌijña kui nga̱sondiee̱!

Én xí nda xi ꞌniú tsjatsó ngasee̱ 5:1

Jè jéꞌe̱ an ngi̱ndie nínga tjitji̱e̱na nii̱, ji ndí ndíchja, ji ndí chjo̱onna. Jè jaꞌatikó án mirraa̱ ko̱jo tosijee̱n, jè iskjíni̱e̱ an ntsjién xí ndyi̱a̱ ndo̱bo̱a̱ cho̱ndo̱ꞌo̱sieèn, jè katsꞌe an binoo̱, ko̱jo ntsjeén. ¡Yàjnú já amingo̱ xi tjóna, chi̱ni̱e̱jnú ko̱jo tꞌi̱o̱jnú ngaskande nga nda stsi̱e̱jnú!

Matioo̱ 22:2

–Nínga botíxomaa̱ Néná xikó maá tsi ngo nda̱ re xi katsꞌeén ngo ndiꞌibixan je ndií.

Matioo̱ 25:1

Nínga botíxomaa̱ Néná xikónií tie ínchjín xo̱ngò xí iskjíbé ndiꞌíxoò, sꞌe̱ kijí nínga kjo̱chó nda̱ xi ku̱i̱xaa̱n.

Matioo̱ 9:15

Kó Kjisoo̱, bi̱ katsoó: –A ka̱márií xa̱ꞌya̱ kjo̱a̱ꞌa xota̱ xi tjimá ngo ndiꞌibixan tji̱e̱nga nda̱ xi ku̱i̱xaa̱n ki̱a̱ tikónjo̱. Ta̱nga nga kjo̱chó ni̱xtjin nga xchje̱ꞌéxiín nda̱ xi ku̱i̱xaa̱n, kjiꞌá boá nga ka̱ma kꞌuíndo kjindiá.

Rkaa̱ 15:6

kó nga kjo̱chó ndiꞌaa̱, ku̱i̱ꞌítikó xota̱ xi nda yaꞌa ko̱jo xota̱ tꞌa ndiꞌaa̱, kó bi̱ ka̱tso̱o̱: “Tsja ngatamajnú, ngatꞌa̱ jè kasakona cho̱tsa̱nga̱ xi kichajána.”

Juaa̱ 15:11

Kuí nii̱ xi kixiyajnúꞌun, tsi̱ꞌe̱ nga kꞌuiéjnú kjo̱a̱tsjana, kó kjo̱tjosón kjo̱a̱tsjajnú.

Juaa̱ 16:24

Ngaskande ngotꞌe̱, kji̱e̱ ngo ni xi ngajona chjiáꞌájnú, chji̱a̱ꞌajnú, kó ko̱e̱ꞌéjnú, tsi̱ꞌe̱ nga ka̱mando̱jo kjo̱a̱tsjajnú.

Juaa̱ 17:13

Ta̱nga ngotꞌe̱ ꞌne̱, jè tsꞌénfikoo̱n ji, kó kui nii̱ tsꞌénxiyàa̱ xotaa̱ kui nga̱sondiee̱, tsi̱ꞌe̱ nga kꞌuié ndo̱jò ndójo̱ò kjo̱a̱tsjana.

Juaa̱ 3:30

Kuí boá xi chjiéngá ꞌniú ngase ngatamayandikón, kó an chiboa ngase ngatamayandikónna.

2 Xota̱ Korinto̱ 11:2

Ngatꞌa̱ kui kjo̱a̱chi̱ni̱ xi tjínna kjo̱a̱a̱ jún, Néná xí katsangiya. Ngatꞌa̱ an jè xikoó tsi katsjáa̱ jún, nga ta̱ ngo tsí xi̱ꞌin xi ku̱i̱xanjo̱jnú, kó kui xi̱ꞌii̱n kuí xí Kristoo̱. Mejénna nga xikoó ngo tsa̱kjìn xo̱ngò xí kji̱e̱ jmí xi̱ꞌin ꞌbéjiín, nga bo̱a̱ tsꞌén sa̱ꞌinkꞌasꞌienjnúꞌun.

Xota̱ Filipo̱ 2:2

ti̱ꞌando̱jojnú kjo̱a̱tsjana, nga ti̱ bo̱a̱ ti̱ tsꞌén ku̱i̱ndyionjnú, nga kꞌuiéjnú ti̱ kuii̱ kjo̱a̱tjó, nga ngo ndséje̱n ka̱majnú, ko̱jo nga ti̱ kuii̱ ni xi kjójintakónjnú.

1 Xo̱jo̱o̱n Juaa̱ 1:4

Kó kui nii̱ xi ndyi̱ꞌbítꞌajne̱ xo̱jo̱n tsi̱ꞌe̱ nga ka̱mando̱jo kjo̱a̱tsjaná.

2 Xo̱jo̱o̱n Juaa̱ 1:12

Achichí ni xi tikónna xi kuichjiájojnúꞌun katsaki, ta̱nga mejénjínna nga xo̱jo̱n ko̱jo tinta̱ sa̱ꞌinkjièn án. Ngatꞌa̱ ta̱sá skoyáa̱ nga tsi ta̱ꞌa ka̱ma kjuínkátsijenjnúꞌun nga án má, tsi̱ꞌe̱ nga ka̱ma tíkje̱n tíkje̱n xchi̱boáni̱jmì, kó bo̱a̱ tsꞌén ka̱mando̱jo kjo̱a̱tsjaná.

Ni xi akakoo̱ 21:9

Kó kjindibákónna ngo kui xi yito ndítsjie xi ndyi̱yaꞌa chi̱tsen xí tjikítsie má kjo̱a̱ni̱ma̱ xi fetꞌaa̱, kó bi̱ katsóna: –Ja̱bíꞌi̱n, kokòo̱ chjo̱on xí ku̱i̱xanjo̱ cho̱tsa̱nga̱a̱.