Juaa̱ 3:17 - Xo̱jo̱n eén Néná

¹⁷ Ngatꞌa̱ Néná jmí tsi katsangiya ndií kui nga̱sondiee̱ tsi̱ꞌe̱ nga sa̱ꞌínjeé xotaa̱, katsangiya tsi̱ꞌe̱ nga kui ndií xi kꞌo̱xiéꞌá xotaa̱.

Juaa̱ 3:17 ပူးပေါင်းရင်းမြစ်များ

Matioo̱ 1:23

Ngo tsa̱kjìn xo̱ngò ndí ko̱a̱ꞌa̱, kó ngo ndí kꞌuieé, kó Emanue̱l si̱tꞌa jaꞌén. Néná tikónjo̱ná, tsó kui eén.

Matioo̱ 18:10

Tsitsíjenjnúu̱ nga ngojín xi sa̱ꞌínchꞌó ngo kui ndí jákjíndií, ngatꞌa̱ xiyàjnúꞌun nga ndiꞌakꞌajmi jàn ndítsjiee̱ kui kotsijen síkijií kje̱n Na̱ꞌmina xi tikón ndiꞌakꞌajmi jàn.

Matioo̱ 18:11

Ngatꞌa̱ ndií nda̱ xi̱ꞌii̱n jeꞌe tsi̱ꞌe̱ nga kꞌo̱xiéꞌá xota̱ xi je kichajaá.

Rkaa̱ 19:10

Ngatꞌa̱ ndií nda̱ xi̱ꞌii̱n, jeꞌekꞌaxiéꞌá xota̱ xi je ndi̱yà kichajá tjimá.

Rkaa̱ 9:56

ngatꞌa̱ ndií nda̱ xi̱ꞌii̱n, jmí tsi jeꞌe tsi̱ꞌe̱ nga sa̱ꞌínchaja ini̱ma̱a̱ xotaa̱, ta̱sá jeꞌe tsi̱ꞌe̱ nga kꞌo̱xiéꞌá. Kósꞌe̱ jaskan kijí kje̱ꞌe ndí nangi.

Juaa̱ 1:29

Nga kamángindyiojón Juaa̱ kamábe nga Kjisoo̱ tsꞌéndibákón tiñaa̱, kó bi̱ katsó: –Kꞌi̱e̱ tikón kꞌi̱e̱e̱ ndí cho̱tsa̱nga̱a̱ Néná, xi foaꞌáxín jeé xotaa̱ kui nga̱sondiee̱.

Juaa̱ 10:36

míkjo̱a̱a̱ nga kui nda̱ xi Néná xí Na̱ꞌmii̱ katsꞌéntsjie ko̱jo katsangiya kui nga̱sondiee̱, jún bi̱ ndyi̱ꞌmìjnúu̱: “Néná chꞌo tsoó”, ngatꞌa̱ bi̱ kixian an, nga an xi ndií Néná.

Juaa̱ 11:42

Jè be an nga ngatsjéni̱xtjin ndaꞌyéní, ta̱nga bo̱a̱ kixian an kjo̱a̱a̱ xota̱ xi síndotꞌana, tsi̱ꞌe̱ nga sꞌi̱jii̱n nga ji xi kanangiyení.

Juaa̱ 17:18

Xikó tsꞌén kanangiyení kui nga̱sondiee̱, ti̱ bo̱a̱ ti̱ tsꞌén katsangiya an kui xotaa̱, kui nga̱sondiee̱,

Juaa̱ 17:21

tsi̱ꞌe̱ nga ka̱ma ngo, xikoó ji Na̱ꞌmi, nga ngo má ñá ji ko̱jo an, ti̱ bo̱a̱ ti̱ tsꞌén nga ngo ngatama kui xotaa̱ ko̱jo ñá, tsi̱ꞌe̱ nga sꞌi̱jii̱n xotaa̱ kui nga̱sondiee̱ nga ji xi kanangiyení.

Juaa̱ 17:23

ngatama ngo kui xotaa̱ ko̱jo an, kó jí ko̱jo an, tsi̱ꞌe̱ nga kjóchotꞌáa̱ kjo̱a̱a̱ ngo tjín xí ja̱koxi̱i̱, tsi̱ꞌe̱ nga xotaa̱ nga̱sondiee̱ sku̱i̱e̱ nga ji xi kanangiyení, kó nga tjoó kui xotaa̱ xikótsꞌèn tjoó an.

Juaa̱ 17:25

Na̱ꞌmi kixi̱, nga ja̱koxi̱ xotaa̱ kui nga̱sondiee̱ kamábejiín jí, ta̱nga beñaá jí, kó kui xotaa̱ be nga ji xi kanangiyení,

Juaa̱ 17:3

Kó kuí xi̱ꞌbi̱ xi kjo̱a̱mindyion ngatsjéni̱xtjii̱n: Nga sku̱i̱e̱e̱ ji, nga ta̱ jí tsí xi Néná xí ja̱koxi̱i̱ ji, ko̱jo Jesukristoo̱, kui xi kanangiye ji.

Juaa̱ 17:8

Ngatꞌa̱ én xí katseꞌéní, jè katsjáa̱, kó iskjíbé, kó jè kamábe nga ja̱koxi̱ nga ji jatjoxiejinñaa̱, kó jè kisꞌijii̱n nga ji xi kanangiyení.

Juaa̱ 20:21

Sꞌe̱ Kjisoo̱ ti̱ bi̱ ti̱ katsó nginií: –Ngatꞌiéjnú kjo̱a̱xió ngayejejnú, xikótsꞌèn katsangiyana Na̱ꞌmina, ti̱ bo̱a̱ ti̱ tsꞌén sangiyájnúꞌun jún.

Juaa̱ 3:34

Ngatꞌa̱ kui xi katsangiya Néná, eén Néná xí chji̱a̱, ngatꞌa̱ Néná tsjaá ngayeje ngaꞌniuú.

Juaa̱ 5:36

Ta̱nga an tikónná ngo én chistiko̱ xi je ngase, ta̱bo̱a̱jiín xi tsíchji̱a̱ Juaa̱ kjo̱a̱a̱ an, ngatꞌa̱ kuí xá xí katsjána Na̱ꞌmina xi katsangiyana, tsi̱ꞌe̱ nga kjo̱tjosón ni xi tsꞌen an ngotꞌe̱, kuí xí chji̱a̱ kjo̱a̱a̱ ni xi tsꞌen an.

Juaa̱ 5:38

kó ti̱nde tikónjinjínjnú eén, ngatꞌa̱ kui xi katsangiya kui, kiniꞌánsꞌijinjínjnú.

Juaa̱ 5:45

Ngata̱ niꞌánkjójínjnú nga an xi kongítaꞌínjnúꞌun ngindyi̱ko̱n Na̱ꞌmina, kjo̱a̱kiti xi katsꞌénda Moisee̱ boá xi ko̱óngítaꞌínjnú, kuí xí ndyi̱chiyákjo̱a̱jnú.

Juaa̱ 6:29

Sꞌe̱ Kjisoo̱, bi̱ katsó: –Kuí xi̱ꞌbi̱ xi xaá Néná, nga si̱ꞌansꞌijinjnú kui xi katsangiya kui.

Juaa̱ 6:38

ngatꞌa̱ ndiꞌakꞌajmi jàn kjindibáni an, tsi̱ꞌe̱ nga sa̱ꞌin an ni xi mejeén xi katsangiyana, jmí tsi tsi̱ꞌe̱ nga sa̱ꞌin an ni xi mejénna an.

Juaa̱ 6:40

Ngatꞌa̱ kuí nii̱ xi mejeén na̱ꞌmina: Nga ngayeje xota̱ xi be ndií, kó xi sꞌijii̱n, sa̱ko̱ó kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌa kui nga̱sondiee̱.

Juaa̱ 6:57

Xikó tsꞌén katsangiyana Na̱ꞌmina xi tikoón, kó ta̱ngatꞌanii̱ kui nga tikòn an, ti̱ bo̱a̱ ti̱ tsꞌén xi skji̱ni̱e̱ yojona, kꞌuijñá ta̱ngatꞌanii̱ an.

Juaa̱ 7:29

Ta̱nga be án ꞌyání kui, ngatꞌa̱ ki̱a̱ kjindibáni an nínga tikón kuí, kó kuí xí katsangiyana.

Juaa̱ 8:11

Sꞌe̱ bi̱ katsó kui xota̱chjo̱on: –Nde ngojín Ndi̱a̱. Sꞌe̱ Kjisoo̱, bi̱ katsó: –Nde an tsꞌenjéjaán, tꞌen ꞌne̱, kó ngiti̱ niꞌínjéjín ji.

Juaa̱ 8:42

Sꞌe̱ Kjisoo̱, bi̱ katsó: –Tsi ja̱koxi̱ nga Néná xí na̱ꞌmijnú, tjóra̱ si̱ꞌánjnúꞌun, ngatꞌa̱ Néná boá xi na̱ꞌmina, kó jéꞌe̱ an kꞌi̱e̱e̱, ngatꞌa̱ jéꞌe̱so̱bo̱a̱jín an, na̱ꞌmina boá xi katsangiyana.

1 Xo̱jo̱o̱n Juaa̱ 2:2

Jesukristoo̱ boá xi katsjá yojoo̱ xikoó ngo kjo̱a̱tjó, nga jaꞌatio kjo̱a̱ni̱ma̱ ta̱ngatꞌanii̱ nga íchjítjé jéná ñá xi je kisꞌijinná Néná. Kó jmí tsi ta̱ jéná tsí, ko̱jo jeé ngayeje xota̱ xi tjín nga̱sondiee̱ boá nga.

1 Xo̱jo̱o̱n Juaa̱ 4:14

Kó ji̱n jè kamáyà ji̱n, kó chistiko̱ ji̱n nga Néná xí Na̱ꞌmii̱ xí katsangiya ndií, tsi̱ꞌe̱ nga kꞌo̱xiéꞌá xota̱ xi tjín kuí nga̱sondiee̱.