Juaa̱ 3:16 - Xo̱jo̱n eén Néná

¹⁶ Ngatꞌa̱ Néná achichí tjó kamaá xotaa̱ kui nga̱sondiee̱, nga katsjá ndí ngototoo̱, tsi̱ꞌe̱ nga ngayeje xi sꞌijii̱n kui, xcha̱jàjín, kó ta̱sá ngatꞌieé kjo̱a̱mindyion ngatsjéni̱xtjii̱n.

Juaa̱ 3:16 ပူးပေါင်းရင်းမြစ်များ

Jenesii̱s 22:12

Kó bi̱ katsó ngase kui ndítsjie xi Néná: «Ngata̱ jmí ni niꞌínje̱jín ji kui ndií, jè be an nga ndaꞌyéꞌínní, ngatꞌa̱ ndasénjín kamaá nga ndí ngototóo̱ xi si̱ꞌinkꞌasꞌínní jí ngo kjo̱a̱tjó».

Matioo̱ 9:13

Ta̱nga tangínjnú, kó ngatamajnú ni xi mejeén tsó kui eén: «Kjo̱a̱ni̱ma̱takón xí mejénna, jmí tsi kjo̱a̱tjó xi si̱ꞌankꞌasꞌienna.» Kó án jmí xota̱ xi kixi̱ jéꞌe̱chjiajáa̱n, xota̱ jé xí jéꞌe̱chjiáa̱, tsi̱ꞌe̱ nga sa̱ꞌínkꞌoyà yojoo̱.

Markoo̱ 12:6

Kisꞌijñaa̱ ingo xi fetꞌa xi katsangiya: Ndí tsi̱ꞌe̱, kui xi achichí tjoó kó katsangiyaa̱ kui jaá, ngatꞌa̱ bi̱ katsó: “Kui jaá sku̱i̱e̱ndikón ndína.”

Rkaa̱ 2:14

¡Ngatꞌieé kjo̱a̱je Néná ndiꞌakꞌajmi jàn! ¡Kó ngatꞌieé kjo̱a̱xió kꞌi̱e̱ tꞌanangii̱ xota̱ xi ndyi̱tsꞌènkjátjosoón kjo̱a̱ndaa̱ Néná!

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Juaa̱ 1:18

Kji̱e̱ ngo xi be kókjiꞌi Néná, kó kui ndí ngototoo̱ xi tikón nínga tikón Néná xí Na̱ꞌmii̱, kuí boá xi akó ngatꞌaa̱ Néná.

Juaa̱ 1:29

Nga kamángindyiojón Juaa̱ kamábe nga Kjisoo̱ tsꞌéndibákón tiñaa̱, kó bi̱ katsó: –Kꞌi̱e̱ tikón kꞌi̱e̱e̱ ndí cho̱tsa̱nga̱a̱ Néná, xi foaꞌáxín jeé xotaa̱ kui nga̱sondiee̱.

Juaa̱ 10:28

kó an tsjàa̱ kjo̱a̱mindyion ngatsjéni̱xtjii̱n, kó nginijánjín ko̱yà, kó nde ngojín xi kjo̱a̱ꞌáxínna ngi̱ya ndsa̱ án.

Juaa̱ 3:15

tsi̱ꞌe̱ nga ngayeje xi sꞌijii̱n kui, xcha̱jàjín, kó ta̱sá ngatꞌieé kjo̱a̱mindyion ngatsjéni̱xtjii̱n.

Juaa̱ 3:18

Xi sꞌi̱jii̱n kui, ka̱majéjiín, ta̱nga xi sꞌi̱jinjiín kui, jè tji̱e̱e̱n jé, ngatꞌa̱ kisꞌijinjiín jaꞌeén ndí ngototoo̱ Néná.

Juaa̱ 3:36

Xi sꞌijii̱n ndií Néná, tjiín kjo̱a̱mindyion ngatsjéni̱xtjii̱n, ta̱nga xi sꞌijinjiín sa̱kójiín kjo̱a̱mindyioo̱n, ta̱sá kjo̱a̱xcha̱án Néná sa̱ko̱ó.

Juaa̱ 6:40

Ngatꞌa̱ kuí nii̱ xi mejeén na̱ꞌmina: Nga ngayeje xota̱ xi be ndií, kó xi sꞌijii̱n, sa̱ko̱ó kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌa kui nga̱sondiee̱.

Xota̱ Roma̱ 5:10

Ngatꞌa̱ tsi kjiꞌanga kondraa̱ Néná kamá ñá, akjandajo̱ Néná ta̱ngatꞌaa̱ nga kꞌien ndií, kó kuíni nga, nga nda yaꞌaná Néná, kuí xí kꞌo̱xiéꞌáná ngotꞌe̱ ꞌne̱ nga tikón ndií.

Xota̱ Roma̱ 5:8

Ta̱nga Néná akó kjo̱a̱a̱ nga tjoó ñá, ngatꞌa̱ ndatsi xota̱ jé ñá, Kristoo̱ kꞌientjéná.

Xota̱ Roma̱ 8:32

Néná íxꞌi̱a̱njín ndií, kó ta̱sá katsjandiè nga kiniꞌánkꞌién ndií ta̱ngatꞌanii̱ ñá, kó kótsꞌèn nga ka̱májín ta̱ tsja̱aná ñá ngayeje nii̱.

Xota̱ Éfeso̱ 2:4

Ta̱nga Néná achichí ꞌniú ni̱ma̱ máa xotaa̱, kó katsꞌénkjién kjo̱a̱tjó jee̱ nga katsꞌéntjóná,

2 Xota̱ Tesalónika̱ 2:16

Kó kuí má Ndi̱a̱ná Jesukristoo̱, ko̱jo Néná xí Na̱ꞌminá, kui xi tsꞌéntjóná, ko̱jo xi tsjáná ngaꞌniú ngatsjéni̱xtjin, ko̱jo xi tsjáná kjo̱a̱chiyá ngatꞌaa̱ kjo̱a̱ndaa̱,

Titoo̱ 3:4

Ta̱nga kjiꞌanga akó kjo̱a̱ndaa̱ Néná kui xi tsꞌaxiéꞌáná, ko̱jo kjo̱a̱tjó xi tjiín kjo̱a̱a̱ ngayeje xotaa̱,

Xota̱ Ebreo̱ 2:9

Ta̱nga yàjne̱ xikótsꞌèn Kjisoo̱ chiboa ngase kiniꞌán ngotjón, ta̱bo̱a̱jiín ndítsjiee̱, kó nga kuí xí tikoón kjo̱a̱jee̱, ko̱jo kjo̱a̱yandikoón kjo̱a̱a̱ kui kjo̱a̱ni̱ma̱a̱ xi jaꞌatio nga kiniꞌánkꞌién. Jaꞌajin kjo̱a̱bo̱yaa̱ ta̱ngatꞌanii̱ nga kꞌientjé ngayeje xotaa̱, kó bo̱a̱ tsꞌén katsꞌénkjatjosón kjo̱a̱ndaa̱ Néná.

1 Xo̱jo̱o̱n Juaa̱ 3:1

Tsitsíjenjnúu̱ kókjiꞌi tsie kjo̱a̱tjó xi tsꞌéntsjáná Néná xí Na̱ꞌmii̱, nga xotaa̱, ndií Néná tsóná ñá, kó ndií Néná boá ñá. Kuíni nga xotaa̱ kui nga̱sondiee̱ bejínná ñá, ngatꞌa̱ kui bejín Néná.

1 Xo̱jo̱o̱n Juaa̱ 4:19

Ñá ndyi̱niꞌántjó Néná, ngatꞌa̱ kuí xí tjón katsꞌéntjóná ñá.

Ni xi akakoo̱ 1:5

ko̱jo xi katsangiya Jesukristoo̱, chistiko̱ xi ꞌniátakoón, kuí boá ndí tjón xi jaꞌáꞌyaá, ko̱jo xi tjiín xá nga botixómaá ngayeje re xi chji̱a̱ni tꞌanangii̱. Kristoo̱ tjoó ñá, kó kuí boá xi índondéná kjo̱a̱a̱ jéná nga iskjitjón jiín,