Juaa̱ 3:15 - Xo̱jo̱n eén Néná

¹⁵ tsi̱ꞌe̱ nga ngayeje xi sꞌijii̱n kui, xcha̱jàjín, kó ta̱sá ngatꞌieé kjo̱a̱mindyion ngatsjéni̱xtjii̱n.

Juaa̱ 3:15 ပူးပေါင်းရင်းမြစ်များ

Xki̱ 21:9

Kó bo̱a̱ kamá. Moisee̱ katsꞌénda ngo ye̱ xi ki̱cha̱ bronse̱, kó ngo yá ndojó ítokó. Kó kjiꞌanga ngo xota̱ xi ye̱ iskjiniee̱, kui xi bo̱a̱ kamaá askotsijee̱n kui ye̱ xi ki̱cha̱ bronsee̱, kó jmí ni kamájiín ngijee̱.

Matioo̱ 18:10

Tsitsíjenjnúu̱ nga ngojín xi sa̱ꞌínchꞌó ngo kui ndí jákjíndií, ngatꞌa̱ xiyàjnúꞌun nga ndiꞌakꞌajmi jàn ndítsjiee̱ kui kotsijen síkijií kje̱n Na̱ꞌmina xi tikón ndiꞌakꞌajmi jàn.

Matioo̱ 25:46

Kó kui xota̱ xi ndajiín, ka̱majeé nínga jmíni̱xtjin kju̱i̱e̱ jeé, kó xota̱ xi kixi̱i̱ sa̱ko̱ó kjo̱a̱mindyion ngatsjéni̱xtjii̱n.

Markoo̱ 16:16

Xi sꞌi̱jii̱n, kó ko̱tíndá yojoo̱, kuí xi̱ꞌba̱ xi kjo̱tjoꞌaa̱ yojoo̱, ta̱nga xi sꞌi̱jinjiín, kuí xi̱ꞌba̱ xi ka̱majeé.

Rkaa̱ 19:10

Ngatꞌa̱ ndií nda̱ xi̱ꞌii̱n, jeꞌekꞌaxiéꞌá xota̱ xi je ndi̱yà kichajá tjimá.

Juaa̱ 1:12

Ta̱nga ngayeje xota̱ xi katsꞌénjo̱ꞌo, ko̱jo xi kisꞌijii̱n jaꞌeén, kuí xí katsjaá ngi̱ndie nga ndií Néná kamá.

Juaa̱ 16:33

Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.

Juaa̱ 20:31

ta̱nga kui ni xi kjitꞌa kꞌi̱e̱e̱, tsi̱ꞌe̱ nga sꞌi̱jinjnú nga Kjisoo̱ xí Kristoo̱, xi ndií Néná, kó si̱ꞌansꞌijinjnú tsi̱ꞌe̱ nga kꞌuiéjnú kjo̱a̱mindyion ngi̱yaa̱ jaꞌeén kui.

Juaa̱ 3:16

Ngatꞌa̱ Néná achichí tjó kamaá xotaa̱ kui nga̱sondiee̱, nga katsjá ndí ngototoo̱, tsi̱ꞌe̱ nga ngayeje xi sꞌijii̱n kui, xcha̱jàjín, kó ta̱sá ngatꞌieé kjo̱a̱mindyion ngatsjéni̱xtjii̱n.

Juaa̱ 3:36

Xi sꞌijii̱n ndií Néná, tjiín kjo̱a̱mindyion ngatsjéni̱xtjii̱n, ta̱nga xi sꞌijinjiín sa̱kójiín kjo̱a̱mindyioo̱n, ta̱sá kjo̱a̱xcha̱án Néná sa̱ko̱ó.

Juaa̱ 5:24

Ja̱koxi̱, ja̱koxi̱ ni xi xiánjnúꞌun: Xi ku̱i̱ntꞌiè énna, kó sꞌijii̱n xi katsangiyana, kꞌuieé kjo̱a̱mindyion ngatsjéni̱xtjii̱n, kó ka̱majéjiín, ngatꞌa̱ xín je katsꞌénkjaꞌa kjo̱a̱bo̱yaa̱, kó je katseꞌeé kjo̱a̱mindyioo̱n.

Juaa̱ 6:27

Ti̱ꞌanxájnú, ta̱nga jmí tsi kjo̱a̱a̱ nichinie xi fee̱, ta̱sá ti̱ꞌanxájnú kjo̱a̱a̱ nichinie xi tsja̱ajnú kjo̱a̱mindyion ngatsjéni̱xtjii̱n, kui xi tsja̱ajnú ndií nda̱ xi̱ꞌii̱n, ngatꞌa̱ jè Néná xí Na̱ꞌmii̱ katsjáxaá kuí.

Juaa̱ 6:40

Ngatꞌa̱ kuí nii̱ xi mejeén na̱ꞌmina: Nga ngayeje xota̱ xi be ndií, kó xi sꞌijii̱n, sa̱ko̱ó kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌa kui nga̱sondiee̱.

Juaa̱ 6:47

Ja̱koxi̱, ja̱koxi̱ ni xi xiánjnúꞌun: Xi sa̱ꞌínsꞌijinna, sa̱ko̱ó kjo̱a̱mindyion ngatsjéni̱xtjii̱n.

Ni xi kamá 13:41

Tsitsíjenjnú jún xi mojnóchàjnú eén Néná, ngatjíndikónjnú, kó ngachajàjnú, ngatꞌa̱ kui ni̱xtjinjnú tjín ngo ni xi sa̱ꞌin an, ngo ni xi sꞌijinjín ka̱majnú, tsi tjín xi ka̱tso̱yàni̱jmìjnú.

Ni xi kamá 8:36

Kó nga ndyi̱fí ngi̱ya ndi̱ya̱à, jachó ngo ngi̱ndie nínga tjín ndáfoa, kó bi̱ katsó kui nda̱ Etiopiya̱ xi tsoꞌbájo̱ Ngiripee̱: –Tjín ndáfoa kꞌi̱e̱e̱, mí xí ꞌbíchjaá nga ka̱ma sa̱tíndá án.

Xota̱ Roma̱ 5:21

Ngatꞌa̱ xikótsꞌèn ta̱ngatꞌanii̱ jeé nga atíxoma kjo̱a̱bo̱yaa̱ kó katsꞌénkꞌién xotaa̱, ti̱ bo̱a̱ ti̱ tsꞌén ngatatixómá kjo̱a̱ndaa̱ Néná, tsi̱ꞌe̱ nga kixi̱ ka̱ma xotaa̱ ngi̱yaa̱ kjo̱a̱mindyion ngatsjéni̱xtjii̱n ngatꞌaa̱ Ndi̱a̱ná Jesukristoo̱.

1 Xota̱ Korinto̱ 1:18

Ngatꞌa̱ én xí tsáyà nga kꞌien Kristoo̱ tꞌa kroo̱ kjo̱a̱tsobé maá xota̱ xi tjimá kichajaá, ta̱nga xota̱ xi je jatjoꞌa xikoó ñá, ngaꞌniuú Néná máná kuí eén.

2 Xota̱ Korinto̱ 4:3

Ta̱nga tsi ta̱kó tikónꞌmá ngase éntjatsi̱e̱e̱ Néná xi ndyi̱ꞌbíni̱jmìjne̱, tikónꞌmá kuí eén, ta̱nga ngi̱jii̱n xota̱ xi kichajaá nga tikónꞌmá.

Xota̱ Ngalasia̱ 2:16

Kó jè ya ji̱n nga ngojín xota̱ xi kixi̱ ka̱ma ngindyi̱ko̱n Néná kjo̱a̱a̱ ni xi tjítsꞌén nga sa̱ꞌínkjatjosón kjo̱a̱kitii̱, ta̱sá kixi̱ ka̱ma ta̱ngatꞌanii̱ nga sꞌijii̱n Jesukristoo̱. Kuíni nga ko̱jo ji̱n xi jundío̱ ji̱n kiniꞌánsꞌijinjne̱ Jesukristoo̱, tsi̱ꞌe̱ nga kixi̱ ka̱ma ji̱n ta̱ngatꞌanii̱ kjo̱a̱sꞌijii̱n Kristoo̱, kó jmí tsi kjo̱a̱a̱ nga si̱ꞌankjatjosón ji̱n ni xi tjítꞌa kjo̱a̱kitii̱, ngatꞌa̱ kjo̱a̱a̱ kjo̱a̱kitii̱ nde ngojín xota̱ xi ka̱ma kixi̱ ngindyi̱ko̱n Néná.

Xota̱ Ngalasia̱ 2:20

Jè kꞌien an ngatꞌa̱ je akjatꞌajo̱na kro Kristoo̱, je ngiti̱ ánjín xi tikón ngase an, Kristoo̱ boá xi tikónjinna, kó bo̱a̱ tsꞌén tikón ngase an nga̱sondiee̱ ta̱ngatꞌanii̱ kjo̱a̱a̱ nga sꞌijinna ndií Néná, kui xi katsꞌéntjóna, ko̱jo katsjá yojoo̱ nga kiniꞌánkꞌién ta̱ngatꞌanii̱ an.

Xota̱ Ebreo̱ 10:39

Ta̱nga ñá jmí tsi bo̱a̱ kon, xikoó xota̱ xi fíni nga̱xto̱n sꞌe̱ chaja, ta̱sá ñá boá xi tjínná kjo̱a̱sꞌijin tsi̱ꞌe̱ nga kjo̱tjoꞌa ini̱ma̱ná.

Xota̱ Ebreo̱ 7:25

Kó kuíni nga Kristoo̱ maa̱ ꞌboxiéꞌá ngatsjéni̱xtjin ngayeje xota̱ xi ngatꞌaa̱ kui nga tsꞌéntíñaa̱ yojoo̱ Néná, ngatꞌa̱ ngatsjéni̱xtjin tikón, tsi̱ꞌe̱ nga ku̱i̱ꞌatjé nga ku̱i̱chji̱a̱a̱ Néná kjo̱a̱a̱ kui xotaa̱.

1 Xo̱jo̱o̱n Juaa̱ 2:25

Kjo̱a̱mindyion ngatsjéni̱xtjii̱n boá xi katsóyàtjónná Jesukristoo̱ nga tsja̱aná.

1 Xo̱jo̱o̱n Juaa̱ 5:1

Ngayeje xota̱ xi sꞌijii̱n nga Kjisoo̱ xi Kristoo̱, Néná je katsjaá nga ndií kui ka̱ma. Ngayeje xota̱ xi tjoó Néná xí Na̱ꞌmii̱, ti̱ tjoó ngayeje ndií kui Na̱ꞌmii̱ nga.

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.