Juaa̱ 3:13 - Xo̱jo̱n eén Néná

¹³ Kó nde kji̱e̱ ngo xi fí ndiꞌakꞌajmi jàn, ta̱kuítsí xi jatjajenni ndiꞌakꞌajmi jàn, kuí xí ndií nda̱ xi̱ꞌii̱n, xi tikón ndiꞌakꞌajmi jàn.

Juaa̱ 3:13 ပူးပေါင်းရင်းမြစ်များ

Énkjínkón 30:4

»ꞌYá xí kijínijíngí nkꞌajmi jàn, sꞌe̱ kjindibájaya nginí. ꞌYá xí kamaá íjñaꞌniú tjo̱o̱ ngi̱ya tsja. ꞌYá xí kamaá nga ngo ńjño íxtiéní ndáchíkoón. ꞌYá xí kamaá íjñaá tsindió tꞌanangii̱. Kó ꞌmí kuí, kó a yé jí jaꞌeén ndií.

Matioo̱ 28:20

kó takoyajnúu̱ nga sa̱ꞌínkjatjosón ngayeje ni xi akoyájnúꞌun, kó an ngatsjéni̱xtjin kotíjña̱jojnúꞌun, ngaskande nga kju̱i̱e̱ nga̱sondiee̱. Bo̱a̱ kjiꞌi.

Matioo̱ 8:20

Sꞌe̱ Kjisoo̱, bi̱ katsoó: –Xańñaá ti̱xa̱ tjiín nínga ꞌbíndoyá, kó ni̱siee̱ ndo̱bo̱a̱ tjiín nínga ꞌbíndo, ta̱nga ndií nda̱ xi̱ꞌii̱n jmíjiín ngo ngi̱ndie nínga sa̱ꞌínkjaꞌyá.

Juaa̱ 1:18

Kji̱e̱ ngo xi be kókjiꞌi Néná, kó kui ndí ngototoo̱ xi tikón nínga tikón Néná xí Na̱ꞌmii̱, kuí boá xi akó ngatꞌaa̱ Néná.

Juaa̱ 13:3

Kjisoo̱ ja̱bo̱a̱ jè be nga Na̱ꞌmii̱ katsjaá ngi̱ya tsja ngayeje nii̱, kó nga Néná jatjoni, ko̱jo nga ti̱ kuii̱ ko̱e̱je̱kon nginií,

Juaa̱ 17:5

Ngotꞌe̱ ꞌne̱ Na̱ꞌmi, tꞌa nínga tindyin jí, te̱ꞌéní kjo̱a̱je xi kisꞌiena nga kisꞌijñajoo̱, ngindiee̱ nga kamánda kui nga̱sondiee̱.

Juaa̱ 3:12

Tsi nii̱ kui nga̱sondiee̱ xi tsíchji̱a̱jojnúꞌun, kó sꞌijinjín májnú, ja̱ kótsꞌèn ka̱ma sꞌi̱jinjnú tsi nii̱ ndiꞌakꞌajmii̱ xi kuichjiájojnúꞌun.

Juaa̱ 3:31

Kui xi kjindibáni nkꞌa jàn, kuí xí je ngase ta̱bo̱a̱jínnii̱ ta̱ꞌya xota̱ní, kó kui xi nga̱sondiee̱ nangii̱, kuí xí xota̱ nga̱sondie, kó ni xi tsi̱ꞌe̱ nga̱sondiee̱ xí chji̱a̱. Ta̱nga kui xi ndiꞌakꞌajmi jàn kjindibáni, je ngase ta̱bo̱a̱jínnii̱ ta̱ꞌya xota̱ní,

Juaa̱ 6:33

Ngatꞌa̱ paa̱n Néná, kuí boá xi kjindibáni ndiꞌakꞌajmii̱, kó kuí xí tsjaá kjo̱a̱mindyion xotaa̱ kui nga̱sondiee̱.

Juaa̱ 6:38

ngatꞌa̱ ndiꞌakꞌajmi jàn kjindibáni an, tsi̱ꞌe̱ nga sa̱ꞌin an ni xi mejeén xi katsangiyana, jmí tsi tsi̱ꞌe̱ nga sa̱ꞌin an ni xi mejénna an.

Juaa̱ 6:42

kó bi̱ katsoó xkjín: –A kuijín xi̱ꞌbi̱ xi Kjisoo̱, ndií Kosiee̱. A yàjín ñá ꞌyání xi na̱ꞌmii̱ ko̱jo na̱aa̱n. Ja̱ kótsꞌèn bo̱a̱ tsóni nga ndiꞌakꞌajmi jàn xò kjindibáni.

Juaa̱ 6:46

Kji̱e̱ ngo xota̱ xi be kókjiꞌi Na̱ꞌmii̱, ta̱kuítsí xi katsangiya Néná xí be kókjiꞌi Na̱ꞌmii̱.

Juaa̱ 6:51

Án boá kui pan xi tikón xi jatjajenni ndiꞌakꞌajmi jàn, tsi tjín xí skji̱ni̱e̱ kui paa̱n, kꞌuijñá ngatsjéni̱xtjin, kó kui pan xi tsjàa̱ yojona boá, kui xi tsja an kjo̱a̱nda tsi̱ꞌe̱ kjo̱a̱mindyioo̱n kui nga̱sondiee̱.

Juaa̱ 6:62

Ja̱, kó ka̱majnú tsi xcha̱jnú nga ndií nda̱ xi̱ꞌii̱n ko̱e̱je̱nijíngí nginí nínga ja̱bo̱a̱ tikón.

Juaa̱ 8:42

Sꞌe̱ Kjisoo̱, bi̱ katsó: –Tsi ja̱koxi̱ nga Néná xí na̱ꞌmijnú, tjóra̱ si̱ꞌánjnúꞌun, ngatꞌa̱ Néná boá xi na̱ꞌmina, kó jéꞌe̱ an kꞌi̱e̱e̱, ngatꞌa̱ jéꞌe̱so̱bo̱a̱jín an, na̱ꞌmina boá xi katsangiyana.

Ni xi kamá 2:34

Ngatꞌa̱ kuijín Ndabii̱ xi kijí ndiꞌakꞌajmi jàn, ta̱nga ti̱kuíní xi bi̱ katsó: Bi̱ katsoó Ndi̱a̱ná, Ndi̱a̱na: “Ti̱ndyintꞌení nga fojnína nínga botixoma an,

Ni xi kamá 20:28

Kó bo̱a̱ tsꞌén nda chónjnú yojojnú, kó chónjnú ngayeje xota̱ na̱ngo̱xi̱i̱, nínga A̱si̱énni̱xtjii̱n Néná katsjájnú ngo xá nga stsitsíjenjnúu̱, tsi̱ꞌe̱ nga jún xi xchindàjnú xota̱ na̱ngo̱xi̱i̱ Ndi̱a̱ná, kui xi jiín ndí tsi̱ꞌe̱ íchjítjéni.

Xota̱ Roma̱ 10:6

Ta̱nga bi̱ tsꞌén ítꞌa kjo̱a̱a̱ xota̱ xi sꞌijii̱n Néná: Ngata̱ bi̱jín se ji ngi̱jii̱n ini̱màa̱: ꞌYá xi ko̱e̱je̱ ndiꞌakꞌajmi jàn. (Bi̱ xian an, tsi̱ꞌe̱ nga ko̱e̱je̱kjaꞌá Kristoo̱, kó kji̱ndi̱bájo̱ kꞌi̱e̱ tꞌanangii̱).

1 Xota̱ Korinto̱ 15:47

Kui nda̱ xi tjoón ńdie kamándani, kó xota̱ xi chji̱a̱ni kui tꞌanangii̱ kamá, kó nda̱ xi ma joó, kui xi Ndi̱a̱ná, ndiꞌakꞌajmii̱ kjindibáni.

Xota̱ Éfeso̱ 1:23

ngatꞌa̱ xota̱ na̱ngo̱xi̱i̱ kuí boá xi yojoo̱ Kristoo̱, kui Kristo̱ xi tsꞌén nga ka̱mando̱jo ta̱jmì niní. Tsi jmíjín xota̱ na̱ngo̱xi̱i̱ nde tikón ndo̱jòjínra̱ Kristoo̱.

Ndeuteronomio̱ 30:12

Niꞌínjín kjiꞌi nga ka̱makjínjnú, ti̱nde chjiénjín nga tjín xí ka̱tso̱yà cha̱n cha̱njnú tsi̱ꞌe̱ nga si̱ꞌankjatjosónjnú.