Juaa̱ 3:11 - Xo̱jo̱n eén Néná

¹¹ Ja̱koxi̱, ja̱koxi̱ ni xi xiáa̱n ji, nga ni xi yàjne̱ ndokjo̱a̱jne̱, kó ni xi kamáyàjne̱, kuí ni xi ꞌmíyajne̱, ta̱nga sꞌijinjín májnú ni xi ndyi̱ndokjo̱a̱jne̱.

Juaa̱ 3:11 ပူးပေါင်းရင်းမြစ်များ

Matioo̱ 11:27

Ngayeje nii̱ Na̱ꞌmina boá xí katsꞌénkꞌasꞌienna, kó ta̱ꞌyajín xi be ndií, ta̱kuítsí Na̱ꞌmii̱, kó ta̱ꞌyajín xi be Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Matioo̱ 23:37

¡Jún xota̱ na̱xi̱ńdáꞌniú Jerusale̱n, jún xota̱ na̱xi̱ńdáꞌniú Jerusale̱n, xi niꞌánkꞌiénjnú já chji̱ni̱e̱ꞌe̱én Néná, kó ndi̱jo̱ foyàjnú xota̱ xi nangiyajnú! ¡Kótjín ndi̱yà kamámejénna itikojnúꞌun, xikótsꞌèn ꞌbitíkó ndií xo̱nda̱na̱aa̱n ngindie nga̱a̱, kó kamámejénjínjnú!

Rkaa̱ 10:22

Ngayeje nii̱ Na̱ꞌmina xí katsꞌénkꞌasꞌienna, kó ta̱ꞌyajín xi be ꞌyání xi ndií, ta̱kuítsí Na̱ꞌmii̱, kó ta̱ꞌyajín xi be ꞌyání xi Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Juaa̱ 1:11

Ngi̱ndie xi tsi̱ꞌe̱ jachó, kó xota̱ xi tsi̱ꞌe̱ katsꞌénjo̱ꞌojín.

Juaa̱ 1:18

Kji̱e̱ ngo xi be kókjiꞌi Néná, kó kui ndí ngototoo̱ xi tikón nínga tikón Néná xí Na̱ꞌmii̱, kuí boá xi akó ngatꞌaa̱ Néná.

Juaa̱ 12:49

Ngatꞌa̱ jmí tsi ta̱xkiya tsíchji̱a̱ an, Na̱ꞌmina xí katsangiyana, kuí xí katsjána kui kjo̱a̱botíxoma xi tsꞌénchji̱a̱ an ko̱jo xi sꞌe̱ kuichjiá an.

Juaa̱ 14:24

Xi tjójiín an, tsꞌénkjátjosónjín kjo̱a̱botíxomana, kó én xí je tsintꞌié tsa̱ꞌa̱njín bo̱a̱, tsi̱ꞌe̱ Na̱ꞌmi xi katsangiyana boá.

Juaa̱ 3:12

Tsi nii̱ kui nga̱sondiee̱ xi tsíchji̱a̱jojnúꞌun, kó sꞌijinjín májnú, ja̱ kótsꞌèn ka̱ma sꞌi̱jinjnú tsi nii̱ ndiꞌakꞌajmii̱ xi kuichjiájojnúꞌun.

Juaa̱ 3:13

Kó nde kji̱e̱ ngo xi fí ndiꞌakꞌajmi jàn, ta̱kuítsí xi jatjajenni ndiꞌakꞌajmi jàn, kuí xí ndií nda̱ xi̱ꞌii̱n, xi tikón ndiꞌakꞌajmi jàn.

Juaa̱ 3:3

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi stse̱njín nginí, ka̱májiín sku̱i̱e̱ xikótsꞌèn botixómá Néná.

Juaa̱ 3:5

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiáa̱n nga tsi ngo xi ndáfoajín ko̱jo A̱si̱énni̱xtjii̱n Nénájín stse̱n nginí, ka̱májiín kꞌo̱sꞌien nínga botixómá Néná.

Juaa̱ 5:43

Ngajoo̱ Na̱ꞌmina jeꞌe an, kó kiniꞌánjo̱ꞌojínjnúꞌun, ta̱nga tsi kje̱ꞌe xí jeꞌe xki̱ tsi̱ꞌe̱ soboá, kuí xi̱ꞌba̱ xi niꞌánjo̱ꞌójnú.

Juaa̱ 7:16

Sꞌe̱ Kjisoo̱, bi̱ katsó: –Ni xi bokoyá an tsa̱ꞌa̱njín, tsi̱ꞌe̱ xi katsangiyana boá,

Juaa̱ 8:14

Sꞌe̱ Kjisoo̱, bi̱ katsó: –Ndatsi ti̱ an xi tsꞌen an chistiko̱ yojona kjo̱a̱a̱ an, chjírií ni xi xian an, ngatꞌa̱ be án ñá kjindibáni an, ko̱jo ñání tsꞌénfí an, ta̱nga jún yàjínjnú ñá kjindibá an, kó ñá tsꞌénfí an.

Juaa̱ 8:26

Achichí ni xi tikónna xi xiyàjnúꞌun, ko̱jo nga xiyà an tsi nda ko̱jo tsi ndajín ndyi̱niꞌánjnú, ta̱nga kui xi katsangiyana, kuí boá xi ja̱koxi̱i̱, kó án ni xi je tsintꞌie an, kuí ni xi xiáa̱n xotaa̱ kui nga̱sondiee̱.

Juaa̱ 8:38

Kuí ni xi chjiá an kjo̱a̱a̱ ni xi kamábe an tiñaa̱ Néná xí Na̱ꞌmii̱, ta̱nga jún niꞌánjnú ni xi je kandaꞌyá tiñajnúu̱ na̱ꞌmijnú.

Ni xi kamá 22:18

Kamábe an Néná nga bi̱ katsóna: “Tsá ti̱ꞌíi̱n yojòo̱, kó tsá ti̱tjaxi̱e̱ ji na̱xi̱ńdáꞌniú Jerusale̱n, ngatꞌa̱ jmíjín xi sꞌi̱jii̱n ni xi ko̱ndókjo̱e̱ kjo̱a̱a̱ an.”

2 Xota̱ Korinto̱ 4:4

Ngatꞌa̱ nee̱ kui nga̱sondiee̱ katsꞌénjñoó kjo̱a̱kjíntakoón kui xota̱ xi sꞌijinjiín, tsi̱ꞌe̱ nga sku̱i̱e̱ cha̱n cha̱njín, kjo̱a̱tsijee̱n ndiꞌí ꞌna̱a̱ éntjatsi̱e̱ xi tsꞌéntsáyà kjo̱a̱jee̱ Kristoo̱, kó kuíni nga, nga ya ñá Kristoo̱, makjínná kókjiꞌi kjo̱a̱jee̱ Néná.

Ni xi akakoo̱ 1:5

ko̱jo xi katsangiya Jesukristoo̱, chistiko̱ xi ꞌniátakoón, kuí boá ndí tjón xi jaꞌáꞌyaá, ko̱jo xi tjiín xá nga botixómaá ngayeje re xi chji̱a̱ni tꞌanangii̱. Kristoo̱ tjoó ñá, kó kuí boá xi índondéná kjo̱a̱a̱ jéná nga iskjitjón jiín,

Ni xi akakoo̱ 3:14

Kó ti̱ bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Laondiseaa̱: “Bi̱ tsó kui xi ꞌmí Bo̱a̱ kjiꞌii̱, kui xi chistiko̱ xi ꞌniátakón ko̱jo xi ja̱koxi̱i̱, kui xi ta̱ngatꞌanii̱ kui nga Néná ítsꞌi̱yanii̱ nga katsꞌénda ngayeje nii̱: