Juaa̱ 3:10 - Xo̱jo̱n eén Néná

¹⁰ Sꞌe̱ Kjisoo̱, bi̱ katsó: –Ngo mostro̱ xi chji̱a̱ni Israee̱l ji, kó a yejín ji kui nii̱.

Juaa̱ 3:10 ပူးပေါင်းရင်းမြစ်များ

Xo̱jo̱n Salmoo̱ 51:10

Ji Ne, ngo ini̱ma̱ xi tsjie ti̱ꞌindení, kó ngo a̱siénni̱xtjin xi kixi̱ tꞌíjñijìnní.

Xo̱jo̱n Salmoo̱ 51:6

Ja̱koxi̱ boá nga mejeén xchi̱e̱ ji ni xi tjiꞌmaá, kuíni nga ꞌma ꞌma te̱ꞌéní kjo̱a̱kjínkóo̱n.

Xo̱jo̱n Salmoo̱ 73:1

Nga ja̱koxi̱ Néná, achichí ndaxota̱ tsꞌénjo̱ xota̱ Israee̱l, kui xota̱ xi tsjie síndo ini̱ma̱a̱.

Matioo̱ 11:25

Kui ni̱xtjin jàn Kjisoo̱, bi̱ katsó: –An tjítsꞌèntsjaà Na̱ꞌmi, Ndi̱a̱a̱ ndiꞌakꞌajmii̱ ko̱jo tꞌanangii̱, ngatꞌa̱ kui nii̱ ikꞌíjñiꞌmíi̱ xota̱ xi kjínkoón ko̱jo xi makjiín, kó akakèe̱ jákjíndií.

Matioo̱ 15:14

Xióchònjnú kui xotaa̱, xota̱ ti̱ka̱ xi tjimátjoón kje̱ꞌe xota̱ ti̱ka̱ boá, kó tsi ngo nda̱ xi ti̱ka̱ tsꞌénbokoó ndi̱yà ingo nda̱ xi ti̱ka̱, a mí tsí nga joó nga ku̱i̱xo̱ya ngo ti̱xa̱.

Matioo̱ 22:29

Kósꞌe̱ Kjisoo̱, bi̱ katsó: –¡Ta̱nisién bo̱a̱jín kjiꞌi ni xi ndokjo̱a̱jnú ngatꞌa̱ yàjínjnú ni xi kjitꞌa xo̱jo̱n eén Néná, ti̱nde yàjínjnú ngaꞌniuú Néná!

Rkaa̱ 2:46

Kó xi ma ján ni̱xtjin kasako ki̱a̱ na̱ngo̱xi̱i̱, nga tikónjii̱n já chji̱ni̱e̱kjo̱a̱kitii̱, nga tsintꞌieé ko̱jo nga asíyaꞌa.

Rkaa̱ 5:17

Kó ngo ni̱xtjin nga tsꞌénbokoyá Kjisoo̱, ki̱a̱ kisꞌińdojii̱n já fariseo̱ ko̱jo mostroo̱ kjo̱a̱kitii̱ xi kjindibáni ngayeje ndí na̱xi̱ńdá xí chji̱a̱ni nangi Ngalilea̱, ko̱jo nangi Jundea̱, ko̱jo na̱xi̱ńdáꞌniú Jerusale̱n. Kó ngaꞌniuú Néná kisꞌijñajii̱n Kjisoo̱ nga katsꞌéndaya xota̱ xi oo̱n.

Juaa̱ 3:9

Kó ti̱ tsíchji̱a̱ nginí Nikondemoo̱, nga bi̱ katsó: –Kó kótsꞌèn nga ka̱ma kui nii̱.

Ni xi kamá 5:34

Kósꞌe̱ ngi̱jii̱n kui jáxaá kisꞌijña ngo nda̱ fariseo̱ xi ꞌmí Ngamaliee̱l, ngo nda̱ mostroo̱ kjo̱a̱kitii̱ xi ta̱nisién kamábendikón xota̱ na̱xi̱ńdaá, kó kui nda̱a̱ jastjíe̱n, kó tsíꞌá kjo̱a̱ tsi̱ꞌe̱ nga ko̱ꞌna̱xié ngotjón ndi̱tsee̱n kui já apostroo̱,

Xota̱ Roma̱ 2:28

Ngatꞌa̱ jmí tsi yojoo̱ xi bokó ꞌyání xi jundío̱, ti̱nde jmí tsi sirkunsisioo̱n xi niꞌán ja̱koxi̱i̱ yojoo̱ xi ja̱koxi̱ nga kui xi sirkunsisio̱n.

Ndeuteronomio̱ 10:16

Ta̱nga ngata̱ kitikjo̱a̱jín niꞌánjnú yojojnú, ti̱nde ngata̱ niꞌánchíyájínjnú ni xi índajo̱jnú Néná.

Ndeuteronomio̱ 30:6

Néná boá xi sa̱ꞌín nga xchi̱yàjnú nga ni xi ndajín si̱ꞌánjnú. Kósꞌe̱ jún ko̱jo xota̱ tji̱e̱jnú si̱ꞌantjójnú Néná, kó ko̱nda̱ꞌyáꞌénjnúu̱ ngayeje kjo̱a̱kjínkónjnú, ko̱jo ngayeje kjo̱a̱mindyionjnú, kó jmí tsi kjo̱a̱ꞌniú nga bo̱a̱ si̱ꞌánjnú. Kó bo̱a̱ tsꞌén nga kjín nó ka̱majnú nga ku̱i̱ndyionjnú nga̱sondie.

Xota̱ Filipo̱ 3:3

Ngatꞌa̱ sirkunsisio̱n xi ndaa̱, kuí xí kichꞌiá ñá xi yandikón Néná xikótsꞌèn bokoyáná A̱si̱énni̱xtjii̱n, kó kjimaꞌniátakón ñá ni xi katsꞌén Kristo̱ Kjisoo̱, jmí tsi ni xi kiniꞌaán yojoná.

Xota̱ Kolosa̱ 2:11

Kjiꞌanga kisꞌijinjnú Kristoo̱ kiniꞌánjnú ngo sirkunsisio̱n, ta̱nga jmí tsi ngo sirkunsisio̱n xi niꞌaán yojoo̱ xotaa̱ xi kiniꞌánjnú, ngo sirkunsisio̱n xi jaꞌáxín jé xí kiniꞌánjnú, kó Kristoo̱ boá xi bo̱a̱ katsꞌénjo̱jnú.