Juaa̱ 21:12 - Xo̱jo̱n eén Néná

¹² Sꞌe̱ Kjisoo̱, bi̱ katsó: –Ja̱bíjnúꞌun, kó chi̱ni̱e̱jnú. Kó nde ngojín xota̱ tsi̱ꞌe̱ xi kamámejeén asíyaá ꞌyá kuií bo̱a̱, ngatꞌa̱ be nga Ndi̱a̱a̱ xi̱ꞌba̱.

Juaa̱ 21:12 ပူးပေါင်းရင်းမြစ်များ

Matioo̱ 22:46

Kó nde ngojín xi kamaá katsóyà ni xi asíyá Kjisoo̱, kó ndeskande kjiꞌa ngiti̱ ingojín xota̱ xi kamákón nga asíyá ngasee̱ kje̱ꞌe ni.

Markoo̱ 9:32

Ta̱nga kui jaá kamákjínjiín kui eén, kó katsakjónní nga asíyaá.

Rkaa̱ 9:45

Ta̱nga kui jaá kamákjínjiín kui eén, ngatꞌa̱ Néná íꞌmaá, tsi̱ꞌe̱ nga ka̱makjínjiín ni xi ka̱ma, kó katsakjónní nga asíyaá Kjisoo̱, tsi̱ꞌe̱ nga ka̱tso̱yà cha̱n cha̱n ni xi tjítsó.

Juaa̱ 16:19

Kjisoo̱ kamákjiín nga tjín ni xi kamámejeén ko̱síyaá xota̱ tsi̱ꞌe̱, kó bi̱ katsoó: –A ndyi̱bosíyàjnúu̱ xingi̱jnú kjo̱a̱a̱ nga bi̱ xian an: Jè ta̱ ngi chiboa tsí ni̱xtjin chaja nga ngiti̱ xcha̱jínjnúꞌun, sꞌe̱ ti̱ ngi chiboa tsí nginí ni̱xtjin nga xcha̱ nginíjnúꞌun.

Juaa̱ 21:11

Kijíyà Ximo̱ Peé tjotso jee̱, kó iskjifé nda̱ꞌya̱a̱ nínga kixií, tjikítsie ma tji̱o̱ yiꞌi nda̱ꞌya̱a̱, úchán ichítié ko̱jo ján tji̱o̱ yiꞌi yaꞌa, kó ndatsi achichí kjín má, katjondiyájín nda̱ꞌya̱a̱.

Juaa̱ 21:15

Ngije iskjinie ṉño̱, Kjisoo̱, bi̱ katsoó Ximo̱ Peé: –Ximoo̱, ndií Jonaa̱, a ꞌniú ngase tjoó án, ta̱bo̱a̱jiín kui jaá. Sꞌe̱ bi̱ katsó Ximo̱ Peé: –Jo̱o̱n, Ndi̱a̱, jè yé ji nga tjóna ji. Sꞌe̱ Kjisoo̱, bi̱ katsó: –Chíi̱n cho̱tsa̱nga̱na.

Juaa̱ 4:27

Kó kjiꞌá má jachó xota̱ tsi̱ꞌe̱ Kjisoo̱, kó kijíndikoón nga Kjisoo̱ ngo xota̱chjo̱on tsꞌénchji̱a̱jo, ta̱nga nde ngojín xi bi̱ katsoó: Mí xí tibosíyé ji. Ko̱jo tsi, mí xí tindokjo̱e̱je kui xota̱chjo̱on.

Ni xi kamá 10:41

jmí tsi ngayeje xota̱ na̱xi̱ńdaá xi akoó yojoo̱, ta̱ ji̱n tsí xi kamáyàjne̱, ji̱n xi ja̱bo̱a̱ je jaꞌájinjne̱ Néná nga chistiko̱ kamájne̱, kó ji̱n kichiniejo̱ ko̱jo kiꞌyójo̱jne̱ jaskan ngije jaꞌáꞌyaá.