Juaa̱ 20:31 - Xo̱jo̱n eén Néná

³¹ ta̱nga kui ni xi kjitꞌa kꞌi̱e̱e̱, tsi̱ꞌe̱ nga sꞌi̱jinjnú nga Kjisoo̱ xí Kristoo̱, xi ndií Néná, kó si̱ꞌansꞌijinjnú tsi̱ꞌe̱ nga kꞌuiéjnú kjo̱a̱mindyion ngi̱yaa̱ jaꞌeén kui.

Juaa̱ 20:31 ပူးပေါင်းရင်းမြစ်များ

Xo̱jo̱n Salmoo̱ 2:12

¡Ti̱ꞌantsjàjnúu̱ Néná, tatíndsoꞌájnú sé ndií, ngatꞌa̱ tsita̱ sa̱ꞌínxchán, kó sa̱ꞌínkꞌiénjnú ngi̱ya ndi̱ya̱à, ngatꞌa̱ ta̱niján má ꞌniú tsꞌénxchán! ¡Achichíra̱tsjaa̱ ngayeje xota̱ xi kui mongase nga kui xi skoón!

Xo̱jo̱n Salmoo̱ 2:7

Án boá xi xiyà an kjo̱a̱botíxoma xi Néná katsóyàna, nga bi̱ katsóna: «Jí boá xi ndína ma ji, ndeskande koó ngotꞌe̱ ꞌne̱ nga na̱ꞌmíi̱ ma an.

Matioo̱ 16:16

Kó Ximo̱ Peé, bi̱ katsoó: –Jí xí Kristoo̱, ndií Néná xí tikoón.

Matioo̱ 27:54

Kó ngito̱ko̱o̱ jájuún ko̱jo jájún xi ndyi̱konda Kjisoo̱ nga kamábe kjo̱a̱ndi̱ko̱ón, ko̱jo ngayeje ni xi kamaá, achichí katsakjónní, kó bi̱ katsó: –¡Ja̱koxi̱ nga kui nda̱a̱ xi ndií Néná!

Matioo̱ 4:3

Kó xi kjitꞌayákónná jachókoón Kjisoo̱ tsi̱ꞌe̱ nga skótꞌayákón, kó bi̱ katsoó: –Tsi ja̱koxi̱ nga ndií Néná jí, bo̱a̱ tꞌín ji nga pan ngatama kui ndi̱jo̱o̱.

Markoo̱ 16:16

Xi sꞌi̱jii̱n, kó ko̱tíndá yojoo̱, kuí xi̱ꞌba̱ xi kjo̱tjoꞌaa̱ yojoo̱, ta̱nga xi sꞌi̱jinjiín, kuí xi̱ꞌba̱ xi ka̱majeé.

Rkaa̱ 1:35

Kó ndítsjiee̱, bi̱ katsoó: —A̱si̱énni̱xtjii̱n Néná kji̱ndi̱bánieé ji, kó ngaꞌniuú Néná xí tikón ndiꞌakꞌajmi jàn ko̱óꞌmánii̱ tji̱nkꞌi̱e̱én, kuíni nga kui ndí xí stse̱én jí, ndií Néná kꞌuiín.

Rkaa̱ 1:4

tsi̱ꞌe̱ nga nda xchi̱e̱ ji nga ja̱koxi̱ boá kjo̱a̱a̱ ni xi je akakoyaá.

Rkaa̱ 24:47

ko̱jo nga chjiéngá jaꞌeén Kjisoo̱ kꞌuini̱jmi̱ì xotaa̱ nga sa̱ꞌínkꞌoyà yojoo̱ kjo̱a̱a̱ jé xí ndyi̱tsꞌèn, ko̱jo tsi̱ꞌe̱ nga si̱ꞌanjetakoón jeé ngayeje xota̱ na̱xi̱ńdaá, kó nga na̱xi̱ńdáꞌniú Jerusale̱n ku̱i̱ꞌítsꞌi̱yani kui nii̱.

Juaa̱ 1:49

Sꞌe̱ bi̱ katsó Natanaee̱l: –Mostro̱, jí xí ndií Néná, jí xí nda̱ Ree̱ Israee̱l.

Juaa̱ 10:10

Chejeé kjo̱e̱ꞌe, ta̱ tsi̱ꞌe̱ nga sa̱ꞌínchejé tsí, ko̱jo kjo̱e̱ꞌe nga sa̱ꞌínkꞌién, ko̱jo kjo̱e̱ꞌe tsꞌenkjié, ta̱nga an jéꞌe̱ án tsi̱ꞌe̱ nga kꞌuiéjnú kjo̱a̱mindyion, ko̱jo tsi̱ꞌe̱ nga tsie kꞌuiéjnú.

Juaa̱ 19:35

Kó kui nda̱ xi kamábee̱, kuí xí chistiko̱, kó ja̱koxi̱ boá ni xi katsóyà, kó kuii̱ be nga ja̱koxi̱ boá ni xi tjítsó, tsi̱ꞌe̱ nga ko̱jo jún sꞌi̱jinjnú.

Juaa̱ 20:28

Sꞌe̱ Tomaa̱, bi̱ katsó: –¡Jí xí Ndi̱a̱na ji, kó jí xí Néná jí!

Juaa̱ 3:18

Xi sꞌi̱jii̱n kui, ka̱majéjiín, ta̱nga xi sꞌi̱jinjiín kui, jè tji̱e̱e̱n jé, ngatꞌa̱ kisꞌijinjiín jaꞌeén ndí ngototoo̱ Néná.

Juaa̱ 3:36

Xi sꞌijii̱n ndií Néná, tjiín kjo̱a̱mindyion ngatsjéni̱xtjii̱n, ta̱nga xi sꞌijinjiín sa̱kójiín kjo̱a̱mindyioo̱n, ta̱sá kjo̱a̱xcha̱án Néná sa̱ko̱ó.

Juaa̱ 5:24

Ja̱koxi̱, ja̱koxi̱ ni xi xiánjnúꞌun: Xi ku̱i̱ntꞌiè énna, kó sꞌijii̱n xi katsangiyana, kꞌuieé kjo̱a̱mindyion ngatsjéni̱xtjii̱n, kó ka̱majéjiín, ngatꞌa̱ xín je katsꞌénkjaꞌa kjo̱a̱bo̱yaa̱, kó je katseꞌeé kjo̱a̱mindyioo̱n.

Juaa̱ 6:40

Ngatꞌa̱ kuí nii̱ xi mejeén na̱ꞌmina: Nga ngayeje xota̱ xi be ndií, kó xi sꞌijii̱n, sa̱ko̱ó kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌa kui nga̱sondiee̱.

Ni xi kamá 10:43

Ngayeje já chji̱ni̱e̱ꞌe̱én Néná ja̱bo̱a̱ jè tsíchji̱a̱ kjo̱a̱a̱ Kjisoo̱, kó bo̱a̱ tsꞌén tsíchji̱a̱ nga ngayeje xota̱ xi sꞌijii̱n kui, sa̱ko̱ó kjo̱a̱jetakoón jeé.

Ni xi kamá 3:16

Kó ta̱ngatꞌanii̱ nga sꞌijinjne̱ Kjisoo̱, nga kui nda̱ xi̱ꞌbi̱, kui xi ndyi̱yajnú, ko̱jo xi ja̱bo̱a̱ je yàjnú, kasakongaꞌniuú, kó ta̱ngatꞌanií nga sꞌijii̱n Kjisoo̱, kuíni nga kamándaya cha̱n cha̱n kui nda̱a̱ ngindyikónjnú.

Ni xi kamá 8:36

Kó nga ndyi̱fí ngi̱ya ndi̱ya̱à, jachó ngo ngi̱ndie nínga tjín ndáfoa, kó bi̱ katsó kui nda̱ Etiopiya̱ xi tsoꞌbájo̱ Ngiripee̱: –Tjín ndáfoa kꞌi̱e̱e̱, mí xí ꞌbíchjaá nga ka̱ma sa̱tíndá án.

Ni xi kamá 8:37

Sꞌe̱ Ngiripee̱, bi̱ katsó: –Tsi ngayeje ini̱màa̱ nga sꞌijii̱n, ka̱ma. Kó kui nda̱a̱, bi̱ katsó: –Sꞌijinna nga Jesukristoo̱ xi ndií Néná.

Ni xi kamá 9:20

Kó Sauloo̱ ti̱ kjiꞌa íni̱jmì ki̱a̱ ndiꞌa nínga ndokjo̱a̱ eén Néná nga Kjisoo̱ xi ndií Néná.

1 Xo̱jo̱o̱n Peé 1:9

tjínjnú kui nii̱, ngatꞌa̱ jè ndyi̱fochótꞌajnúu̱ kjo̱a̱ꞌnaxiéꞌájnú, kó kui nii̱ ki̱a̱ ndibánií kjo̱a̱sꞌijinjnú.

1 Xo̱jo̱o̱n Juaa̱ 4:15

Ngayeje xota̱ xi ka̱tso̱yà nga Kjisoo̱ xi ndií Néná, Néná tikónjii̱n xi bo̱a̱ ka̱tso̱o̱, kó kui tikónjii̱n Néná.

1 Xo̱jo̱o̱n Juaa̱ 5:1

Ngayeje xota̱ xi sꞌijii̱n nga Kjisoo̱ xi Kristoo̱, Néná je katsjaá nga ndií kui ka̱ma. Ngayeje xota̱ xi tjoó Néná xí Na̱ꞌmii̱, ti̱ tjoó ngayeje ndií kui Na̱ꞌmii̱ nga.

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.

2 Xo̱jo̱o̱n Juaa̱ 1:9

Ta̱ꞌyaní xi kjo̱a̱ꞌatjoón ni xi akóyá Kristoo̱, kó ki̱a̱jín kꞌuijñájin kui nii̱, tikónjinjiín Néná ngi̱jin ini̱ma̱a̱. Ta̱nga kui xota̱ xi ta̱kuítsí kjo̱a̱bokoyaá Kristoo̱ xi tsꞌénbokoyá, kuí boá xi̱ꞌba̱ xi tikónjii̱n ngi̱jin ini̱ma̱a̱ Néná xí Na̱ꞌmii̱ ko̱jo Ndií.

Ni xi akakoo̱ 2:18

Bi̱ tsꞌén ti̱ꞌinꞌindée̱ ndítsjiee̱ xota̱ na̱ngo̱xi̱i̱ Tiatiraa̱: “Kui nii̱ xi tsó ndií Néná, kui xi ndyi̱ko̱n xikó maá ndiꞌií, kó se xikó maá ki̱cha̱ bronse̱ xi tjíniꞌánńdaá: