Juaa̱ 20:19 - Xo̱jo̱n eén Néná

¹⁹ Ngije kamájñoó kui ni̱xtjii̱n, ni̱xtjin tjoón xomanaa̱, tjíchjá nga̱ntjo̱a̱a̱ ngi̱ndie nínga kamátikó xota̱ tsi̱ꞌe̱ Kjisoo̱, ngatꞌa̱ katsakjónní xota̱ jundíoo̱, kó ki̱a̱ jachó Kjisoo̱, kó ngije tikónjii̱n ngamasiee̱n kui jaá, bi̱ katsó: Ngatꞌiéjnú kjo̱a̱xió.

Juaa̱ 20:19 ပူးပေါင်းရင်းမြစ်များ

Xo̱jo̱n Salmoo̱ 122:8

Mejénna nga kꞌuieé kjo̱a̱xió ntsꞌié án, ko̱jo ndichjá án.

Matioo̱ 10:13

Kó tsi kui xotaa̱ tsja ka̱maa̱ nga kjóchójnú, kjo̱a̱xiójnú kꞌuijñá kui ngi̱ndiee̱, ta̱nga tsi jmí, kui kjo̱a̱xioó kji̱ndi̱bákón nginíjnú.

Matioo̱ 18:20

Ngatꞌa̱ nínga jó ko̱jo tsi ján xota̱ ka̱matikó xí sꞌijii̱n an, ki̱a̱ kotíjña̱jìi̱n ngamasiee̱n.

Markoo̱ 16:14

Nga fetꞌa Kjisoo̱ akoó yojoo̱ nga tiengo xota̱ tsi̱ꞌe̱ tji̱e̱nga síndotꞌa yeje yámíxa̱, kó katsꞌénxchánjo̱ ngatꞌa̱ kisꞌijinjiín, ko̱jo kjo̱a̱a̱ nga ta̱nisién tajá kamá ini̱ma̱a̱, ngatꞌa̱ nga katsꞌénsꞌijinjiín xota̱ xi je kamábe nga je jaꞌáꞌyaá Kjisoo̱.

Juaa̱ 14:27

Kjo̱a̱xióna kꞌuijñájnúꞌun, kjo̱a̱xióna tsjajnúꞌun, jmí tsi bo̱a̱ tsꞌén tsja an xikótsꞌèn tsjá xotaa̱ kui nga̱sondiee̱. Ngata̱ nda̱jín maá ini̱ma̱jnú, ti̱nde ngata̱ ndakonjínmájnú.

Juaa̱ 16:22

Kó jún ndasen kjimajnú ngotꞌe̱, ta̱nga nga skuié nginíjnúꞌun, tsja ka̱maa̱ ini̱ma̱jnú, kó nde ngojín xi ka̱maa̱ kjo̱a̱ꞌáxínjnú kjo̱a̱tsjajnú.

Juaa̱ 16:33

Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.

Juaa̱ 20:21

Sꞌe̱ Kjisoo̱ ti̱ bi̱ ti̱ katsó nginií: –Ngatꞌiéjnú kjo̱a̱xió ngayejejnú, xikótsꞌèn katsangiyana Na̱ꞌmina, ti̱ bo̱a̱ ti̱ tsꞌén sangiyájnúꞌun jún.

Juaa̱ 20:26

Kó ngije jaꞌa jin ni̱xtjin ngijee̱, ti̱ kamátikó nginí xota̱ tsi̱ꞌe̱ Kjisoo̱ ko̱jo Tomaa̱. Kó jachó Kjisoo̱ nga tjíchjá nga̱ntjo̱a̱a̱, kó Kjisoo̱ kasasienkixi̱ ngamasiee̱n kui jaá, kó bi̱ katsó: –Ngatꞌiéjnú kjo̱a̱xió ngayejejnú.

Juaa̱ 21:1

Ngije kamá kui nii̱, Kjisoo̱ akó nginií yojoo̱ xota̱ tsi̱ꞌe̱ tꞌa ngi̱ndi̱o̱ tsie Tiberia̱, kó bi̱ kamá nga akoó yojoo̱ kui jaá:

Juaa̱ 21:14

Kuí xi̱ꞌbi̱ xi ma jaán ndi̱yà nga Kjisoo̱ akoó yojoo̱ xota̱ tsi̱ꞌe̱, ngije ja̱bo̱a̱ je jaꞌáꞌyaá ngi̱jii̱n xota̱ xi je jesoón.

Juaa̱ 7:13

Ta̱nga nde ngojín xi ta̱xkiya tsíchji̱a̱ kjo̱a̱a̱ Kjisoo̱ ngindyi̱ko̱n xotaa̱, ngatꞌa̱ katsakjónnií ngito̱ko̱o̱ xota̱ jundíoo̱.

Ni xi kamá 1:3

kui já apostro̱ xi akoó yojoo̱, ngije kꞌien kó jaꞌáꞌyaá, kó bo̱a̱ tsꞌén akó cha̱n cha̱a̱n chi̱bo̱a̱ nga tikón, yichán ni̱xtjin akoó yojoo̱ Kjisoo̱ kui jaá, kó tsíchji̱a̱jo kjo̱a̱a̱ xikótsꞌèn ko̱tíxoma Néná.

Xota̱ Roma̱ 15:33

Kó kui Néná xí tsjáná kjo̱a̱xioó nga tꞌíjñajinjnú ngayejejnú. Bo̱a̱ kjiꞌi.

1 Xota̱ Korinto̱ 15:5

kó nga Kristoo̱, akoó yojoo̱ Peé, sꞌe̱ jaskan akoó yojoo̱ nga tiejó xota̱ tsi̱ꞌe̱.

Xota̱ Éfeso̱ 2:14

Ngatꞌa̱ Kristoo̱ boá xi kjo̱a̱xióná, kó kuí boá xi xota̱ ngo tji̱e̱ katsꞌén xota̱ xi jundío̱ ko̱jo xi jundío̱jín, kó katsꞌénkjié kui ni xi kondra̱ kamánii̱ nga ndajín tsaꞌa xkjín kuí xotaa̱, kui xi xikoó tsi ngo xó xí kisꞌijña ngamasiee̱n.

Xota̱ Éfeso̱ 6:23

Néná xí Na̱ꞌmii̱, ko̱jo Ndi̱a̱ná Jesukristoo̱, nga tsjaá ngayeje ntsꞌié, kjo̱a̱xió, ko̱jo kjo̱a̱tjó, ko̱jo kjo̱a̱sꞌijin.

Xota̱ Filipo̱ 1:2

Néná xí Na̱ꞌminá, ko̱jo Ndi̱a̱ná Jesukristoo̱, ngatsjájnú kjo̱a̱ndaa̱ ko̱jo kjo̱a̱xioó.

2 Xota̱ Tesalónika̱ 3:16

Ndi̱a̱ná xi tsi̱ꞌe̱ kjo̱a̱xioó ngatsjájnú ngatsjéni̱xtjin kjo̱a̱xioó ngi̱jii̱n ta̱jmì niní xi ku̱i̱tjájinjnú. Ndi̱a̱ná ngatꞌíjñajo̱jnú ngayejejnú.

Xota̱ Ebreo̱ 7:2

kó Abraa̱n katsꞌénkꞌasꞌiee̱n kui nda̱ ree̱, tie nga úchán ngayeje ni xi kasakoo̱ xi katsꞌén kui kjo̱a̱xcha̱án. Jaꞌeén Melkisendee̱k, “nda̱ Re xi kixi̱” tsó, ko̱jo Ree̱ nangi Salee̱n, kó kui jaꞌeén “Re xi tjiín kjo̱a̱xió” tsó.

3 Xo̱jo̱o̱n Juaa̱ 1:14

Ngatꞌa̱ ta̱sá skoyáa̱ nga tsá skuieé jí, tsi̱ꞌe̱ nga ka̱ma tíkje̱n tíkje̱n xchi̱boáni̱jmì.

Ni xi akakoo̱ 1:4

Juaa̱ tsꞌentínde nga yito na̱ngo̱xi̱ xi chji̱a̱ni nangi Asia̱: Chjábéjnú kjo̱a̱nda ko̱jo kjo̱a̱xió xi katsangiyajnú kui xi je kuii̱, kui xi kui kamaá, ko̱jo kui xi sꞌe̱ ndibaá, ko̱jo xi katsangiyajnú nga yito a̱siénni̱xtjin xi síndo kje̱n nínga tikón Néná xí botixómaá,