Juaa̱ 20:17 - Xo̱jo̱n eén Néná

¹⁷ Kjisoo̱, bi̱ katsó: –Ngata̱ niꞌínje̱jínní, ngatꞌa̱ kji̱e̱ fikónjáa̱n Na̱ꞌmina, ta̱nga ta̱sá tꞌenchíi̱n ntsꞌié án, kó bi̱ tꞌíi̱n nga jè tsꞌénfikóo̱n Na̱ꞌmina xi Na̱ꞌmijnú nga, Néná xi Nejnú nga.

Juaa̱ 20:17 ပူးပေါင်းရင်းမြစ်များ

Xo̱jo̱n Salmoo̱ 22:22

Kꞌuini̱jmìi̱ ntsꞌié án kjo̱a̱a̱ ji, kó sa̱ꞌintsjaá ji ngi̱jii̱n xota̱ xi matikó nga tsꞌéntsjaà.

Xo̱jo̱n Salmoo̱ 43:4

Kósꞌe̱ kꞌosꞌi̱e̱n an nínga tikón ṉchaa̱n Néná, kui Néná xí kjo̱a̱tsjana, ko̱jo kjo̱a̱mojnóna, kó ki̱a̱ sa̱ꞌintsjaá nga sa̱ꞌinkjièn án soó arpaa̱, ngatꞌa̱ jí boá xi Néna ji, Ne tsa̱ꞌa̱n.

Xo̱jo̱n Salmoo̱ 48:14

¡Nga bo̱a̱ kjiꞌi ni xi tsꞌén Néná, ngatsjéni̱xtjin ko̱jo ta̱kjiꞌání! ¡Néná boá xi kꞌuíjñatjónná ngaskande nínga kjín ngasenii̱ kjo̱a̱bo̱yaa̱!

Xo̱jo̱n Salmoo̱ 68:18

Kꞌinnijíngí ji nínga nkꞌaa̱, nga kꞌinje̱ ji xota̱ xi síndoꞌniuú, ki̱a̱ kachjábé jí kjo̱a̱tjó xi katsꞌénkꞌasꞌiee̱n xota̱ nga̱sondiee̱, kó ngaskande ko̱jo xota̱ xi kitikjo̱a̱a̱ katsꞌénkꞌasꞌiee̱n nga, kó ki̱a̱ kixindyinjìi̱n kui xotaa̱ ji Ne.

Xo̱jo̱n Salmoo̱ 89:26

Kó kuí ni̱ma̱ ka̱tso̱ nga bi̱ ka̱tso̱na: “Jí boá xi na̱ꞌmina ji, jí boá xi Néna ji, ko̱jo jí boá kui ndi̱jo̱je xí ꞌboxiéꞌána”.

Matioo̱ 12:50

Ngatꞌa̱ ngayeje xi sa̱ꞌínkjatjosón ni xi mejeén Na̱ꞌmina xi tikón ndiꞌakꞌajmi jàn, kuí xi̱ꞌba̱ xi ntsꞌié án, ko̱jo xi ndichja an, ko̱jo xi na̱ana.

Matioo̱ 25:40

Sꞌe̱ bi̱ ka̱tso̱o̱ kui nda̱ Ree̱ nga ku̱i̱chji̱a̱: «Ja̱koxi̱ ni xi xiánjnúꞌun nga ngayeje ni xi kiniꞌánjo̱jnú ngo nda̱ ntsꞌié án xi ꞌniú ni̱ma̱a̱, ja̱ án boá xi bo̱a̱ kiniꞌánjo̱jnúꞌun.»

Matioo̱ 28:7

Tsá tangínjnú, kó tꞌíyájnúu̱ xota̱ tsi̱ꞌe̱ nga jè jaꞌáꞌyaá ngi̱jii̱n xota̱ xi je jesoón, kó bo̱a̱ tꞌínjnúu̱ nga ki̱a̱ ko̱e̱je̱tjónjnú nga kongínjnú nangi Ngalilea̱, ki̱a̱ xcha̱jnú kuí, «ja̱ jè kixiyajnúꞌun.»

Markoo̱ 12:26

Ta̱nga kjo̱a̱ ngaá nga foaꞌáꞌyá nginií xota̱ xi je jesoón, a kji̱e̱ niꞌányàjínjnú xo̱jo̱n xi katsꞌénda Moisee̱, nínga ítꞌa kjo̱a̱a̱ yá sarsa̱ xi tjítií. Néná bi̱ katsoó Moisee̱: “Án boá xi Nee̱ Abraa̱n, ko̱jo Nee̱ Isaa̱, ko̱jo Nee̱ Jako̱b.”

Markoo̱ 16:19

Kó bo̱a̱ tsꞌén Ndi̱a̱ Kjisoo̱ ngije tsíchji̱a̱jo xota̱a̱, kachjaninkꞌa nga kijí ndiꞌakꞌajmi jàn, kó tsja fojnií Néná kisꞌijñatꞌa.

Rkaa̱ 10:4

Ngata̱ jmí stsa chꞌiájínjnú, ti̱nde stsato̱n, ti̱nde jmí ndiétjíbo̱a̱ chꞌiájínjnú, kó nga ta̱ꞌyajín xi niꞌántindejnú ngi̱ya ndi̱ya̱à.

Juaa̱ 13:1

Kó ngindiee̱ sꞌué paskuaa̱, nga ja̱bo̱a̱ je be Kjisoo̱ nga je jachó chi̱bo̱a̱a̱, nga ko̱e̱je̱ kui nga̱sondiee̱ sꞌe̱ ko̱e̱je̱koo̱n Na̱ꞌmii̱, katsꞌéntjó xotaa̱ kui nga̱sondiee̱, katsꞌéntjó ngaskande nga fetꞌani.

Juaa̱ 13:3

Kjisoo̱ ja̱bo̱a̱ jè be nga Na̱ꞌmii̱ katsjaá ngi̱ya tsja ngayeje nii̱, kó nga Néná jatjoni, ko̱jo nga ti̱ kuii̱ ko̱e̱je̱kon nginií,

Juaa̱ 14:2

Ndiꞌaa̱ Na̱ꞌmina achichí ngi̱ndie tjín, tsi bo̱a̱jín kjiꞌi, jera̱ kixiyajnúꞌun, ja̱ je tsꞌénfíkꞌijñándajnúꞌun ngo ngi̱ndie xi tsa̱jún.

Juaa̱ 14:28

Jè kandaꞌyájnú nga bi̱ kixian an: Je tsꞌénfí an, ta̱nga kjo̱e̱ꞌekón nginíjnúꞌun. Tsi tjójnú an katsaki, tsjara̱ ka̱majnú, ngatꞌa̱ je kixiyajnúꞌun an, nga Na̱ꞌmina tsꞌénfikóo̱n, ngatꞌa̱ nkꞌa ngase xaá Na̱ꞌmina ta̱bo̱a̱jiín an.

Juaa̱ 14:6

Sꞌe̱ Kjisoo̱, bi̱ katsó: –Án boá xi ndi̱ya̱à, ko̱jo xi ja̱koxi̱i̱, ko̱jo xi kjo̱a̱mindyioo̱n, ta̱ꞌyajínni xi kjo̱chókoón Na̱ꞌmii̱ tsi ngatꞌaa̱ ánjín.

Juaa̱ 16:28

Na̱ꞌmina xí katsangiyana, kó jéꞌe̱ an kui nga̱sondiee̱, kó kꞌuijñá ngiñá an kui nga̱sondiee̱, kó kjuínkón ngiñáa̱ Na̱ꞌmina.

Juaa̱ 17:11

Kó jè ngiti̱ kuijín nga̱sondiee̱ tikòn an, ta̱nga kui xotaa̱, ta̱kó ki̱a̱ síndo, kó án ki̱a̱ tsꞌénfikoo̱n ji. Na̱ꞌmi tsjie, xota̱ xi katseꞌéní, chíi̱n nga ti̱ꞌinkjìn jí ngaꞌniuú jaꞌée̱n, tsi̱ꞌe̱ nga ngo ka̱ma kui, xikótsꞌèn ngo má ñá.

Juaa̱ 17:25

Na̱ꞌmi kixi̱, nga ja̱koxi̱ xotaa̱ kui nga̱sondiee̱ kamábejiín jí, ta̱nga beñaá jí, kó kui xotaa̱ be nga ji xi kanangiyení,

Juaa̱ 17:5

Ngotꞌe̱ ꞌne̱ Na̱ꞌmi, tꞌa nínga tindyin jí, te̱ꞌéní kjo̱a̱je xi kisꞌiena nga kisꞌijñajoo̱, ngindiee̱ nga kamánda kui nga̱sondiee̱.

Juaa̱ 20:27

Sꞌe̱ Kjisoo̱, bi̱ katsoó Tomaa̱: –Tꞌíjñí ji ńjná ndse̱ kꞌi̱e̱e̱, kó tsitsíjìi̱n ndsa̱ án, kó ndibéje̱boeꞌé ndse̱, kó nangísꞌín ji ni̱se̱nna. Ndajín tiniꞌín nga sꞌijinjín kjimaa̱, ta̱sá sꞌijin ngatamaa̱.

Juaa̱ 7:33

Sꞌe̱ Kjisoo̱, bi̱ katsó: –Ta̱ ngi chiboa tsí ni̱xtjin kotíjña̱jinjnúꞌun, sꞌe̱ kjuín án ngijee̱ nínga tikón xi katsangiyana.

Xota̱ Roma̱ 8:29

Ngatꞌa̱ xota̱ xi Néná ja̱bo̱a̱ je be, índa nga kui xi xikoó tsi ndií kui ka̱ma, tsi̱ꞌe̱ nga ndií kui, kui xi tjón ka̱maa̱ ngayeje ntsꞌiee̱.

2 Xota̱ Korinto̱ 6:18

Kó án xí Na̱ꞌmijnú ka̱ma an, kó jún xí ndína ka̱majnú, bo̱a̱ tsó Ndi̱a̱ná xi tjiín ngaꞌniuú.

Xota̱ Ngalasia̱ 3:26

Ngotꞌe̱ ꞌne̱ nga ngayejejnú, nga je ndií Néná jún ngatꞌa̱ sꞌijinjnú Kristo̱ Kjisoo̱.

Xota̱ Ebreo̱ 11:16

Ta̱nga ngo na̱xi̱ńdá xí nda ngase xi kamámejeén, kó kuí boá xi tikón ndiꞌakꞌajmi jàn. Kuíni nga Néná, soboájín maá nga Nee̱ kui xota̱ tjíꞌmií, ngatꞌa̱ jè íjñandaa̱ ngo na̱xi̱ńdá.

Xota̱ Ebreo̱ 8:10

Kjiꞌa ngije bo̱a̱ ka̱ma, kuí ni xi̱ꞌbi̱ xi kꞌuindajo̱ an xota̱ Israee̱l: Jaskan ngije jaꞌa kui ni̱xtjii̱n, ngi̱jii̱n kjo̱a̱kjíntakoón kꞌuijñájin an kjo̱a̱kitina, kó nga̱són ini̱ma̱a̱ sa̱ꞌinꞌindó an. Án xí Nee̱ kui ka̱ma an, kó kuí boá xi xota̱ na̱xi̱ńdána ka̱ma.

1 Xo̱jo̱o̱n Peé 1:3

Nganiꞌántsjaá Néná, kui xi Na̱ꞌmii̱ Ndi̱a̱ná Jesukristoo̱, kui xi ta̱ngatꞌanii̱ kjo̱a̱ni̱ma̱takón jee̱ nga katsꞌéntsen nginíná nga ndyi̱chiyáa̱ nga ko̱jo ñá kꞌuiéná ngo kjo̱a̱mindyion, ta̱ngatꞌanii̱ nga jaꞌáꞌyaá Jesukristoo̱ ngi̱jii̱n xota̱ xi je jesoón.

1 Xo̱jo̱o̱n Juaa̱ 3:2

Jún ndí ntsꞌie xi tjóna, ngotꞌe̱ ꞌne̱, jè ndií Néná ñá, kó ndatsi kji̱e̱ yàjín ñá mí ni xi ka̱ma ñá jaskan, jè ya ñá nga kjiꞌanga kjo̱e̱ꞌe Jesukristoo̱ xikó maá kui, nga bo̱a̱ kon ka̱ma ñá, ngatꞌa̱ xcha̱ cha̱n cha̱n ñá xikó má kjiꞌi kui.

Ni xi akakoo̱ 21:3

Kó tsintꞌie an ngo nda̱ xi ꞌniú askjandáyà xi kjindibáni nínga tikón xi botixómaá, xi bi̱ katsó: Kꞌi̱e̱ tikón kui ngi̱ndie ndikón nínga Néná tikónjo̱ xotaa̱, kó kuí ki̱a̱ kꞌuijñájo̱, kó kuí boá xi xota̱ na̱xi̱ńdaá ka̱ma, kó ti̱kuíní Néná xi kꞌuijñájo̱ nga xikoó nga kui xi Nee̱ ka̱ma.

Ni xi akakoo̱ 21:7

Kui xi sa̱ꞌiín, sa̱ko̱ó ngayeje kui nii̱, kó án xí ka̱ma an Nee̱, kó kuí xi ndína ka̱ma.