Juaa̱ 2:11 - Xo̱jo̱n eén Néná

¹¹ Kuí bí xi̱ꞌbi̱ chi̱bo̱a̱ ndikón xi tjón katsꞌén Kjisoo̱ na̱xi̱ńdá Kanaa̱, ngi̱ndie xi tikónjii̱n nangi Ngalilea̱. Kó bo̱a̱ tsꞌén akó kjo̱a̱jee̱, kó xota̱ tsi̱ꞌe̱ Kjisoo̱ kisꞌijii̱n.

Juaa̱ 2:11 ပူးပေါင်းရင်းမြစ်များ

Xo̱jo̱n Salmoo̱ 72:19

¡Ngatsjéni̱xtjin nga ngatamachikonñé jaꞌeén, kui xi tjiín kjo̱a̱je! ¡Ngasꞌikitsieni kjo̱a̱jee̱ ngayeje nga̱sondiee̱! ¡Bo̱a̱ kjiꞌi! ¡Bo̱a̱ kjiꞌi!

Xo̱jo̱n Salmoo̱ 96:3

¡Tꞌíni̱jmijnú kjo̱a̱jee̱ ngi̱jii̱n na̱xi̱ńdaá, kó ngi̱jii̱n ngayeje nangi tꞌíni̱jmijnú ni xi fíndikónná xí katsꞌén kuí!

Éksondo̱ 14:31

Kó xota̱ Israee̱l nga kamábe nga Néná katsꞌénkjié xota̱ Ejiptoo̱ nga katsꞌénkjién ngaꞌniuú, katsjaákon nga ku̱i̱ntꞌiéꞌeén ko̱jo nga ka̱maꞌniátakón Néná ko̱jo Moisee̱.

Éksondo̱ 4:9

—Tsi ngije kamábe kui xotaa̱ nga jó kui chi̱bo̱a̱a̱, kó tsi sꞌi̱jinjiín ko̱jo tsi ku̱i̱ntꞌiéꞌénjiín, tꞌen ji nínga tikón ndejèꞌ Niloo̱, kó ꞌna̱xié chií ji ndáfoaa̱ ndejeèꞌ kó chjatjén ji nga̱són tꞌanangii̱, kó tji̱e̱nmá jín kamá kui ndáfoaa̱.

Eklesiastee̱ 9:7

¡Ye tsobo̱a̱, ti̱ꞌinꞌnítakín ji! Chi̱ni kó tsjatsꞌèn ti̱ndyin ji, tꞌi̱ ji binòo̱, kó tsjangatꞌieé ini̱ma̱a̱, ngatꞌa̱ xá xí je kiniꞌín ji, achichí tsjá maá Néná.

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Juaa̱ 1:17

ngatꞌa̱ kjo̱a̱kitii̱ Néná ngatꞌaa̱ Moisee̱ nga katseꞌeé xotaa̱, ta̱nga ngatꞌaa̱ Jesukristoo̱ nga jeꞌe kjo̱a̱ndaa̱ ko̱jo ja̱koxi̱i̱.

Juaa̱ 1:43

Nga kamángindyiojón Kjisoo̱ kamámejeén kijí nangi Ngalilea̱, kó kijí, sꞌe̱ ki̱a̱ kasakoo̱ Ngiripee̱, kó bi̱ katsoó: –Ndibétji̱ngíní.

Juaa̱ 1:50

Sꞌe̱ Kjisoo̱, bi̱ katsó: –A kjo̱a̱a̱ nga bi̱ kixiaan: Kamábee̱ nga tindyin ngindiee̱ ngo yáꞌingo̱, a kuíni nga sꞌijinnii. Sꞌe̱ xchi̱e̱ ngase tsie ni xi xikoó xi̱ꞌbi̱.

Juaa̱ 10:41

Sꞌe̱ achichí má xota̱ xi jachókoón, kó bi̱ katsó kui xotaa̱: –Nga ja̱koxi̱, Juaa̱ nde ngojín chi̱bo̱a̱ ndikón katsꞌén, ta̱nga ngayeje ni xi katsó Juaa̱ kjo̱a̱a̱ Kjisoo̱, ni ja̱koxi̱ boá.

Juaa̱ 11:15

kó tsja mana kjo̱a̱a̱ jún, ngatꞌa̱ ki̱a̱jín kisꞌijña an tsi̱ꞌe̱ nga sꞌi̱jinjnú, ta̱nga tjián nínga tikón.

Juaa̱ 11:47

Sꞌe̱ já ngito̱ko̱o̱ chináꞌmii̱ ko̱jo já fariseoo̱ kamátikó, kó bi̱ katsoó xkjín: –Mí xí si̱ꞌán, ngatꞌa̱ kui nda̱a̱ achichí kjo̱a̱ndikón tjítsꞌén.

Juaa̱ 12:18

Kó ti̱ kuii̱ kjo̱a̱ nga jachókjaꞌayíndi̱yà kjín xota̱, kjo̱a̱a̱ kjo̱a̱ndikón xí katsꞌén.

Juaa̱ 12:37

Ta̱nga ndatsi kjín kjo̱a̱ndikón katsꞌén Kjisoo̱ ngindyi̱ko̱n kui xotaa̱, ta̱kó kisꞌijinjiín,

Juaa̱ 12:41

Kui nii̱ xi katsó Isayaa̱ ngatꞌa̱ kamábe kjo̱a̱jee̱ Kjisoo̱, kó tsíchji̱a̱ kjo̱a̱a̱ kui.

Juaa̱ 14:13

kó ngayeje ni xi chji̱e̱ꞌèe̱ Na̱ꞌmii̱ ngajona, sa̱ꞌin an, tsi̱ꞌe̱ nga xcha̱ kjo̱a̱jee̱ Na̱ꞌmii̱ kjiꞌanga xcha̱ ni xi sa̱ꞌín ndií.

Juaa̱ 16:27

ngatꞌa̱ ti̱kuíní Na̱ꞌmina xi tjoó jún, ngatꞌa̱ jún kiniꞌántjójnúꞌun an, kó kisꞌijinjnú nga Néná boá xí katsangiyana.

Juaa̱ 16:30

Ngotꞌe̱ ꞌne̱ nga je yàjne̱, nga ye ji ngayeje nii̱, kó nga nde chjiénjín nga ngo xi ko̱síyaá, kuíni nga sꞌijinjne̱ nga Néná boá xí katsangiyaa̱.

Juaa̱ 2:1

Kó xi ma ján ni̱xtjin kamá ngo ndiꞌibixan na̱xi̱ńdá Kanaa̱, ngi̱ndie xi tikónjii̱n nangi Ngalilea̱, kó ki̱a̱ kisꞌijña na̱aa̱n Kjisoo̱,

Juaa̱ 2:23

Tji̱e̱nga kisꞌijña Kjisoo̱ na̱xi̱ńdáꞌniú Jerusale̱n ni̱xtjii̱n sꞌué paskuaa̱, achichí má xota̱ xi kisꞌijii̱n jaꞌeén nga kamábe ngayeje kjo̱a̱ndikón xí katsꞌén,

Juaa̱ 3:2

kui nda̱a̱ kijíkatsijee̱n Kjisoo̱ nga jñoó, kó bi̱ katsoó: –Mostro̱, jè yàjne̱ nga Néná katsangiyaa ji nga mostro̱ ji, ngatꞌa̱ jmíjín xi sa̱ꞌín kui chi̱bo̱a̱ ndikón xí niꞌín ji tsi Nénájín tikónjo̱.

Juaa̱ 4:3

Kjisoo̱ jatjoni nangi Jundea̱, sꞌe̱ kijí nginí nangi Ngalilea̱.

Juaa̱ 4:46

Sꞌe̱ kijí nginí Kjisoo̱ na̱xi̱ńdá Kanaa̱, ngi̱ndie xi chji̱a̱ni nangi Ngalilea̱, nínga ndáfoaa̱ bino̱ katsꞌén. Kó ki̱a̱ kisꞌijña ngo nda̱ xi tsꞌénxátꞌaa̱ nda̱ ree̱, kó kui nda̱a̱ oo̱n ndií xi tikón na̱xi̱ńdá Kapernau̱n.

Juaa̱ 4:54

Kuí xi̱ꞌbi̱ xi ma joó kjo̱a̱ndikón xí katsꞌén Kjisoo̱ nga jatjo nangi Jundea̱, kó jaꞌa xtji̱e̱e̱n nangi Ngalilea̱.

Juaa̱ 5:23

tsi̱ꞌe̱ nga ngayeje xota̱ sku̱i̱e̱ndikón ndií xikótsꞌèn bendikón Na̱ꞌmii̱. Xi bendikónjín ndií, bendikónjín Na̱ꞌmi xi katsangiya kui nga.

Juaa̱ 6:14

Kósꞌe̱ nga kamábe kui jaá kui chi̱bo̱a̱ xi katsꞌén Kjisoo̱, bi̱ katsó: –Ja̱koxi̱ boá nga kui nda̱a̱ xi nda̱ chji̱ni̱e̱ꞌe̱én Néná kui xi kjo̱e̱ꞌe kuí nga̱sondiee̱.

Juaa̱ 6:2

Kó achichí má xota̱ xi kijítji̱ngii̱, ngatꞌa̱ kamábe ngayeje kjo̱a̱ndikón xí katsꞌén nga katsꞌéndaya xota̱ xi oo̱n.

Juaa̱ 6:26

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun nga jún ndyi̱mindyiséjnúꞌun kjo̱a̱a̱ pan xi kichiniejnú, kó katsꞌéntsiejnú, jmí tsi kjo̱a̱a̱ chi̱bo̱a̱ xi kamáyàjnú.

Juaa̱ 6:30

Sꞌe̱ bi̱ katsó kui jaá: –Mí kjo̱a̱ndikón xi si̱ꞌin ji tsi̱ꞌe̱ nga xcha̱jne̱, sꞌe̱ sꞌi̱jinjne̱. Mí xá xi niꞌín jí.

Juaa̱ 7:31

Kó achichí má xota̱ xi kisꞌijii̱n Kjisoo̱, kó bi̱ katsó: –Nga kjo̱e̱ꞌe Kristoo̱, a kjín ngase kjo̱a̱ndikón sa̱ꞌín ta̱bo̱a̱jiín kui nda̱a̱.

Juaa̱ 9:16

Sꞌe̱ tjín já fariseoo̱, xi bi̱ katsó: –Nénájín xi katsangiya kui nda̱a̱, ngatꞌa̱ bendikónjín ni̱xtjin ndikoón. Kje̱ꞌe xí bi̱ katsó: –Kótsꞌèn nga maa̱ tsꞌén ngo kjo̱a̱ndikón ngo nda̱jé. Kó ndse̱je̱njín kamá ni xi tsíchji̱a̱ kui jaá.

2 Xota̱ Korinto̱ 3:18

Kó kuíni nga ngayeje ñá, ngiti̱ jmíjínná kuí ńjño xi boꞌmá kje̱n. Xikoó kjiꞌanga ngo chi̱tsen bokó kje̱n, bo̱a̱ tsꞌén bokó ñá kjo̱a̱jee̱ Ndi̱a̱ná. Bo̱a̱ kon kjimá xikó maá a̱sie̱én Néná, ngatꞌa̱ ngatsjéni̱xtjin sa kjiꞌbé sa kjiꞌbéná tsie kjo̱a̱jee̱, ta̱ngatꞌanii̱ ni xi tjítsꞌén A̱si̱énni̱xtjii̱n Ndi̱a̱ná.

2 Xota̱ Korinto̱ 4:17

Ngatꞌa̱ kui kjo̱a̱ni̱ma̱ xi ta̱ ngotjón nga ndyi̱bitjatió ñá, kuí xí tsja̱aná ngo kjo̱a̱je xi ngatsjéni̱xtjin ko̱jo xi nda ngase.

2 Xota̱ Korinto̱ 4:6

Ngatꞌa̱ kuí Néná xí katsjákjo̱a̱ nga nínga jñoó sa̱ꞌíntsijen ndiꞌií, kó ti̱kuíní xi katsꞌéntsijen ndiꞌií ngi̱jin ini̱ma̱ná, kó katsꞌéntsijee̱n tsi̱ꞌe̱ nga ka̱makjínná kjo̱a̱jee̱ Néná xí tjítsꞌén ꞌna̱ kje̱n Jesukristoo̱.

Ndeuteronomio̱ 5:24

kó bi̱ katsóna: “Ja̱koxi̱ nga Néná jè akóná ngaꞌniuú ko̱jo kjo̱a̱jee̱. Je kandaꞌyáa̱ nda̱a̱ xi jatjoni ngi̱jin ndiꞌií. Ngotꞌe̱ jè kamáyà nga Néná tsíchji̱a̱joná, kó jesónjín ñá.

1 Xo̱jo̱o̱n Juaa̱ 5:13

Jún xi sꞌijinjnú ndií Néná, jún xí tjítsꞌenꞌindójnúꞌun kui xo̱jo̱o̱n, tsi̱ꞌe̱ nga xcha̱jnú nga tikónjnú kui kjo̱a̱mindyion ngatsjéni̱xtjii̱n.