Juaa̱ 19:4 - Xo̱jo̱n eén Néná

⁴ Kó ti̱ jataxie nginí Pilatoo̱, kó bi̱ katsó: –Tsitsíjenjnú, tsꞌaxié ngiñá an, tsi̱ꞌe̱ nga ka̱makjínjnú nga jmí jéjiín Kjisoo̱.

Juaa̱ 19:4 ပူးပေါင်းရင်းမြစ်များ

Matioo̱ 27:19

Kó tji̱e̱nga tikón Pilatoo̱ ngi̱ndie nínga niꞌánjeé, chjo̱ón katsangiyaa̱ ngo én xi bi̱ tsó: «Ngata̱ jijín chingajin nii̱ kui xota̱ kixi̱i̱, ngatꞌa̱ achichí kjo̱a̱ni̱ma̱ jaꞌatio an ngi̱jin ńjñána ngoye ta̱ngatꞌanii̱ kui.»

Matioo̱ 27:24

Kó nga kamábe Pilatoo̱ nga ngiti̱ jmí ni kamájín katsꞌén, nga ta̱sá kamákján ngasee̱ xota̱ na̱xi̱ńdaá, iskjíbé chií ndáfoa sꞌe̱ aniéjón tsja ngindyi̱ko̱n xotaa̱, kó bi̱ katsó: –Jmí jéjínna kjo̱a̱a̱ nga ko̱yà kuí nda̱ kixi̱i̱, ni tsa̱jún boá kui nii̱.

Matioo̱ 27:4

kó bi̱ katsó: –Katsꞌenjé án nga katsꞌenkꞌasꞌienjnúꞌun nga kiniꞌánkꞌién ngo nda̱ xi jmí jéjiín. Sꞌe̱ kui jaá bi̱ katsó: –Kó ji̱n mí ndasenjne̱ kui nii̱. ¡Ni tse̱ boá xi̱ꞌba̱!

Matioo̱ 27:54

Kó ngito̱ko̱o̱ jájuún ko̱jo jájún xi ndyi̱konda Kjisoo̱ nga kamábe kjo̱a̱ndi̱ko̱ón, ko̱jo ngayeje ni xi kamaá, achichí katsakjónní, kó bi̱ katsó: –¡Ja̱koxi̱ nga kui nda̱a̱ xi ndií Néná!

Rkaa̱ 23:4

Kósꞌe̱ Pilatoo̱, bi̱ katsoó já ngito̱ko̱o̱ chináꞌmii̱ ko̱jo xotaa̱: –Sa̱kójínna míkjo̱a̱a̱ nga si̱ꞌanjénií kui nda̱a̱.

Rkaa̱ 23:41

Ñá, nga ja̱koxi̱, ndakjíꞌí nga kiniꞌánjéná, ngatꞌa̱ ndyi̱ꞌbíchjí ñá ni xi tsoboáná kjo̱a̱a̱ ni xi kiniꞌán, ta̱nga Kjisoo̱ jmí ni katsꞌénjín.

Rkaa̱ 23:47

Nga kamábe nda̱ ngito̱ko̱o̱ jájuún ngayeje kui ni xi kamaá, katsjaá kjo̱a̱je Néná, nga bi̱ katsó: –Ja̱koxi̱ nga nda̱ kixi̱ kamá kui nda̱a̱.

Juaa̱ 18:33

Kósꞌe̱ Pilatoo̱, ti̱ tsꞌasꞌien nginí ndiꞌa nínga niꞌánjeé xotaa̱, kó tsíchji̱a̱a̱ Kjisoo̱, sꞌe̱ bi̱ katsoó: –A jí xí nda̱ Ree̱ xota̱ jundíoo̱ ji.

Juaa̱ 18:38

Sꞌe̱ bi̱ katsó Pilatoo̱: –Kó mí ni bo̱a̱ ni xi ja̱koxi̱i̱. Kó ngije bo̱a̱ katsó Pilatoo̱, kijíkón nginií xota̱ jundíoo̱ kó bi̱ katsoó: –Jmí kjo̱a̱jín nga si̱ꞌanjeé kui nda̱a̱.

Juaa̱ 19:6

Kó nga je kamábe kui já ngito̱ko̱o̱ chináꞌmii̱, ko̱jo jájún xi konda na̱ngo̱xi̱i̱, askjandáyà má nga bi̱ katsó: –¡Tjatꞌe ji kro! ¡Tjatꞌe ji kro! Kó bi̱ katsó Pilatoo̱: –Tangínjo̱jnú, kó jún tjatꞌajnú kro, ngatꞌa̱ jè bo̱a̱ kixian an nga jmí jéjiín.

2 Xota̱ Korinto̱ 5:21

Kristoo̱ nde ngo jé kisꞌiejiín, nganda tsa̱ñá boá nga Néná xikoó tsi xota̱ jé katsꞌén, tsi̱ꞌe̱ nga ñá xota̱ kixi̱ ka̱ma ngindyi̱ko̱n Néná, ta̱ngatꞌanii̱ ni xi katsꞌén Kristoo̱.

Xota̱ Ebreo̱ 7:26

Kjisoo̱ kuí boá kui chináꞌmi xi ꞌniú nkꞌa xaá xi machjiénná ñá: Kuí xí tsjie, kuí xí jmíjiín ni xi ndajín, kuí xí jmíjiín ni xi ndándí, kuí xí xín tikónnii̱ xota̱jeé, kuí xí ꞌniú niꞌándikón ki̱a̱ ndiꞌakꞌajmii̱,

1 Xo̱jo̱o̱n Peé 1:19

Ta̱sá jiín Kristoo̱ xi kiniꞌánchjién kuí xí ꞌniú chjí ngasenii̱. Kristoo̱, kuí boá xi xikoó ngo cho̱tsa̱nga̱ xi nda ko̱jo xi onjiín.

1 Xo̱jo̱o̱n Peé 2:22

Kristoo̱ ngojín jé katsꞌén, ti̱nde jmíni̱xtjin tjín xí tsꞌenṉcha̱jo nga tsíchji̱a̱,

1 Xo̱jo̱o̱n Peé 3:18

Ngatꞌa̱ Kristoo̱ ti̱ bo̱a̱ ti̱ tsꞌén jaꞌatio kjo̱a̱ni̱ma̱, kó ta̱ ngo tsí ndi̱yà kꞌien nga katsꞌénkjié jeé xotaa̱. Nda̱ xi kixi̱i̱, xota̱ xi kixi̱jiín kꞌientjéni, tsi̱ꞌe̱ nga kjo̱joná ngindyi̱ko̱n Néná. Nga ja̱koxi̱ kiniꞌánkꞌién nga xota̱, ta̱nga kiniꞌánkjaꞌáꞌyaá nga a̱siénni̱xtjin.

1 Xo̱jo̱o̱n Juaa̱ 3:5

Kó jún jè yàjnú nga Jesukristoo̱ jeꞌe kui nga̱sondiee̱ tsi̱ꞌe̱ nga jaꞌáxín jéná, kó kuí, jmí jé kisꞌiejiín.