Juaa̱ 19:39 - Xo̱jo̱n eén Néná

³⁹ Kó ti̱ jachó nda̱ xi ꞌmí Nikondemoo̱ xi ngo ndi̱yà jachókoón Kjisoo̱ nga jñoó, jachó kui ngi̱ndiee̱, kó yaꞌa mara̱ tsi ta̱ kantié kilo̱ nisije̱n xi ꞌmí mirra̱ ko̱jo aloe̱.

Juaa̱ 19:39 ပူးပေါင်းရင်းမြစ်များ

Jenesii̱s 50:2

Ngi̱chí sájín Kosiee̱ katsangiya chji̱ni̱e̱ndiki xi mosoo̱, kui xi tsꞌéndíkii̱ xotaa̱ tsi̱ꞌe̱ nga tsájín fotson yojoo̱, kó kiniꞌándikii̱ yojoo̱ na̱ꞌmii̱.

Xo̱jo̱n Salmoo̱ 45:8

Ngi̱jin ńjñoo̱ foaꞌándá sije̱n sije̱n mirraa̱, ko̱jo aloee̱, ko̱jo kasiaa̱, kó ndeskande ki̱a̱ ndo̱bo̱a̱xa̱á xí ndi̱ja̱a̱ ki̱ña̱ kamándanii̱, ndaꞌyánii̱ soó arpa̱ xi ꞌbikítsie maá kjo̱a̱tsja.

Énkjínkón 7:17

Ṉchanna achichí sije̱n katsꞌen an, nga indyiáa̱ ndásíje̱n mirra̱, ko̱jo aloe̱, ko̱jo tji̱bo̱a̱kanera̱.

Én xí nda xi ꞌniú tsjatsó ngasee̱ 1:13

Xota̱ xi tjóna an, xikó maá ndí stsa ndásíje̱n mirra̱ xi yaꞌa an ngi̱jin chikina kjimana kui,

Én xí nda xi ꞌniú tsjatsó ngasee̱ 4:14

narndo̱ ko̱jo asafraa̱n, ko̱jo nde̱je sije̱n, ko̱jo tji̱bo̱a̱kanera̱, xikoó ngayeje yá xí tjiín nisijee̱n, mirra̱ ko̱jo aloe̱, ko̱jo ngayeje xka̱ sije̱n xi nda ngasee̱ nga.

Én xí nda xi ꞌniú tsjatsó ngasee̱ 4:6

Ngaskande nga si̱si̱eén, kó ngaskande nga ko̱e̱je̱ tji̱nkꞌi̱e̱én jñoó, mejénna kjuín án ki̱a̱ na̱xi̱ nínga tjín nisijee̱n, mejénna kjuín án ki̱a̱ tji̱ngi̱ nínga tjín ndásíjee̱n.

Matioo̱ 12:20

Skjítꞌójín ngo yáxá xi je kjiꞌikjojó, kó sa̱ꞌínkꞌójín ndiꞌií ngo ńchjónsién xi je ta̱ ṉdi̱i̱ xí tjitjó, ngaskande nga sa̱ꞌín ni xi tjiín kjo̱a̱kixi̱i̱.

Matioo̱ 19:30

Kjín má xota̱ xi tjón ngotꞌe̱, xi fetꞌa ka̱ma, kó kjín má xota̱ xi fetꞌa ngotꞌe̱, xi tjón ka̱ma.

Matioo̱ 2:11

Kó nga tsꞌasꞌien ngi̱yaa̱, kamábe ndí ndií ko̱jo na̱ Riya̱ na̱aa̱n ndií, kó asiéntikoó kui jaá, kó katsꞌéndikón, kó iskjíxꞌá koxa̱a̱, kó tsꞌaxié ni xi ndyi̱yaꞌaa̱ ndií: Ngo xi yaꞌaa̱ to̱nsinié, ngo xi yaꞌaa̱ nisije̱n xi niꞌánkjién nga niꞌándikón Néná, ko̱jo ngo xi yaꞌaa̱ ndásíje̱n chjí xí ꞌmí mirra̱.

Markoo̱ 16:1

Kó ngije jaꞌa ni̱xtjin ndikoón, na̱ Riya̱ Lenaa̱, ko̱jo na̱ Riya̱ na̱aa̱n Sandiyaá, ko̱jo na̱ Salomee̱, tsꞌatsie nisije̱n xi sa̱ngínjón yojoo̱ Kjisoo̱.

Juaa̱ 12:3

kósꞌe̱ na̱ Riyaa̱ iskjíbé masien litro̱ ndásíje̱n soboá xi chjií, xi naxó narndo̱ kamándani, sꞌe̱ katsangijon se Kjisoo̱, kó tsja̱to̱ko̱ kui naa̱ katsꞌénxíjónni, sꞌe̱ ngayeje ndiꞌaa̱ kamásije̱n.

Juaa̱ 12:7

Kósꞌe̱ Kjisoo̱, bi̱ katsó: –Xióchíi̱n, jaꞌátjó kuí ndásíjee̱n tsi̱ꞌe̱ ni̱xtjin nga kjónijínna.