Juaa̱ 19:13 - Xo̱jo̱n eén Néná

¹³ Kó ngije tsintꞌié kuí nii̱ Pilatoo̱, tsꞌaxié Kjisoo̱ ndi̱tsee̱n, sꞌe̱ katsꞌénkꞌíjñasón yáxíríe̱ xi ꞌbíndosón xota̱ xi niꞌánjeé, ki̱a̱ ngo ngi̱ndie xi ꞌmí Ngabataa̱ nga én ebreo̱ (Ngi̱ndie xi kjiyaa̱ ndi̱jo̱, tsó kui eén).

Juaa̱ 19:13 ပူးပေါင်းရင်းမြစ်များ

Énkjínkón 29:25

Tsi ngo xota̱ xi tsakjón kje̱ꞌe xota̱, xikónii̱ tsi ngo chja̱ya̱ tsꞌénꞌbijñaá yojoo̱, ta̱nga xota̱ xi Néná ꞌniátakón, kuí boá xi jmí ni ka̱májiín.

Eklesiastee̱ 5:8

Ngata̱ fíndikónjiín nga xchi̱e̱ ji na̱xi̱ńdá nínga tjíꞌbiniéꞌniuú xá xota̱ ni̱ma̱a̱, ko̱jo nínga tjíbosíkjoyá kjo̱a̱kitii̱ tsi̱ꞌe̱ nga jmí tsi kixi̱ tjíniꞌánseén. Kuí nii̱ xi ma kjiꞌanga ngo nda̱ xi nkꞌa xaá, ingo xi nkꞌa ngase xaá boꞌmá ni xi tsꞌén, kósꞌe̱ ingo xi ꞌniú nkꞌa ngase xaá boꞌmá ni xi tsꞌén ngajoó.

Matioo̱ 27:19

Kó tji̱e̱nga tikón Pilatoo̱ ngi̱ndie nínga niꞌánjeé, chjo̱ón katsangiyaa̱ ngo én xi bi̱ tsó: «Ngata̱ jijín chingajin nii̱ kui xota̱ kixi̱i̱, ngatꞌa̱ achichí kjo̱a̱ni̱ma̱ jaꞌatio an ngi̱jin ńjñána ngoye ta̱ngatꞌanii̱ kui.»

Rkaa̱ 12:5

Kꞌi̱e̱ kokojnúꞌun ꞌyání xí ka̱ma ko̱nda̱konjnú: Ti̱nda̱kònjnú kui xi ngije jaꞌáxínná kui kjo̱a̱mindyioo̱n, tjiín ngaꞌniú nga ka̱maa̱ sa̱ꞌínkjíná ndo̱bo̱a̱ṉkꞌi̱e̱e̱n. Jo̱o̱n, kuí xi̱ꞌba̱ xi ti̱nda̱kònjnú.

Juaa̱ 19:17

Kó ti̱ kuii̱ Kjisoo̱ tsaꞌanijín kroo̱, sꞌe̱ kijí ngo ngi̱ndie xi ꞌmí ngi̱ndiee̱ ńdato̱ko̱ ini̱ma̱, Ngólngota̱, ꞌmí nga én ebreo̱,

Juaa̱ 19:20

Kó achichí má xota̱ jundíoo̱ xi katsꞌényà kui eén, ngatꞌa̱ tiñaa̱ na̱xi̱ńdáꞌniuú boá nínga kisitꞌa kro Kjisoo̱, kó kui ni xi kisitꞌa yátiee̱, én ebreo̱, ko̱jo én ngriengo̱, ko̱jo én lati̱n boá.

Juaa̱ 19:8

Nga tsintꞌié kuí nii̱ Pilatoo̱, achichí katsakjón ngase.

Juaa̱ 5:2

Ki̱a̱ na̱xi̱ńdáꞌniú Jerusale̱n, tiñaa̱ ngo ngi̱ndie xi ꞌmí nga̱ntjo̱a̱a̱ cho̱tsa̱nga̱, kisꞌijña ngo ti̱xa̱ je xi ndyi̱a̱ ndáfoa xi ꞌmí Betesnda̱ nga én ebreo̱, xi ún ngi̱ndie tji̱nkꞌi̱én kisꞌiee̱.

Ni xi kamá 4:19

Ta̱nga Peé ko̱jo Juaa̱, bi̱ katsó nga tsíchji̱a̱: –Bo̱a̱ tꞌínjnú tsi kixi̱ ngindyi̱ko̱n Néná nga jún xi ko̱nda̱ꞌyáꞌénjne̱, ngindiee̱ nga Néná xí ko̱nda̱ꞌyáꞌénjne̱,