Juaa̱ 19:11 - Xo̱jo̱n eén Néná

¹¹ Sꞌe̱ Kjisoo̱, bi̱ katsó: –Nde ngo xájiín tsi̱ꞌe̱ nga si̱ꞌinjéní, tsi Nénájín xi katsjaá kui xaá, kó kuíni nga kui nda̱ xi ngi̱ya ndse̱ katsꞌénkꞌasꞌienna, tsie ngase jé tjiín.

Juaa̱ 19:11 ပူးပေါင်းရင်းမြစ်များ

Xo̱jo̱n Salmoo̱ 39:9

»Xikoó tsi kamáni̱ma̱, iskjíxꞌájín an ndso̱ꞌba án, ¡ngatꞌa̱ jí boá xi bo̱a̱ kase ji nga bo̱a̱ ka̱ma!

Xo̱jo̱n Salmoo̱ 62:11

Ngo ndi̱yà je tsíchji̱a̱ Néná, kó jó ndi̱yà jè tsintꞌie an kui nii̱: «Néná boá xi tikoón ngaꞌniuú.»

Kjo̱a̱chaꞌaá 3:37

ꞌYání bo̱a̱ xi bo̱a̱ ka̱tso̱ nga ngo ni kamá, kó nga Nénájín xi bo̱a̱ katsꞌén.

Matioo̱ 26:65

Kósꞌe̱ chináꞌmi xi ꞌniú nkꞌa xaá, katsꞌénxchán, kó iskjíndiyájón má ńjño xi yajá kuí, sꞌe̱ bi̱ katsó: ¡Chꞌo katsoó Néná! Kó si̱ꞌan ngase chistiko̱. Jún má xi kandaꞌyájnú én chꞌo tsó xi tsíchji̱a̱,

Matioo̱ 27:2

kó ítaꞌniú nga kijíjo̱, sꞌe̱ kiniꞌánkꞌasꞌiee̱n nda̱ xtitjón Ponsio Pilatoo̱.

Matioo̱ 6:13

Kó ngata̱ boeꞌéndièjín ji nga chjátꞌayákónjne̱, xín ti̱ꞌinkjeꞌejne̱ ni xi ndajín, ngatꞌa̱ jí tse̱ ngi̱ndie nínga botíxomaa̱, ko̱jo ngaꞌniuú, ko̱jo kjo̱a̱jee̱, ngatsjéni̱xtjin. Bo̱a̱ kjiꞌi.

Markoo̱ 14:44

Kó kui nda̱ xi katsꞌénkꞌasꞌien Kjisoo̱ ngo chi̱bo̱a̱ katsjaá kui xotaa̱, nga bi̱ katsoó: –Kui xi ngo ndsó tsjàa̱ tꞌanijon, kuí boá xi Kjisoo̱, ndo̱bo̱a̱jnú, kó nda tꞌítaꞌniújnú nga kongínjo̱jnú.

Rkaa̱ 22:53

Ndyiojón ndyiojón kisꞌijñajo̱jnúꞌun ki̱a̱ ndi̱tsen na̱ngo̱xi̱i̱, kó ikjienjínjnú ndsa̱jnú nga kandobájnúꞌun, ta̱nga kuí xi̱ꞌbi̱ xi ora̱jnú, kó jè ko̱tíxoma nínga jñoó.

Juaa̱ 18:13

kó tjón nda̱ xi ꞌmí Anàa̱ tsangínjoo̱, ngatꞌa̱ chiꞌyaá Kaifaa̱ ma, nda̱ xi chináꞌmi xi ꞌniú nkꞌa xaá kamá kui noó.

Juaa̱ 18:3

Kó Jundaa̱ jachó kui ngi̱ndiee̱ nga tji̱e̱njo jájún, ko̱jo jájún xi konda ndiꞌaa̱ já ngito̱ko̱o̱ chináꞌmii̱ ko̱jo já fariseo̱. Nga jachó ki̱a̱a̱ ndyi̱yaꞌa ndiꞌífóko̱, ko̱jo yá xí tjítokó ndiꞌí, ko̱jo ki̱cha̱.

Juaa̱ 19:10

Sꞌe̱ Pilatoo̱, bi̱ katsoó Kjisoo̱: –A mejénjiín ko̱ndókjo̱e̱jení. A yejín nga tjínna xá tsi̱ꞌe̱ nga kotꞌaa kro, kó ti̱ tjínna xá tsi̱ꞌe̱ nga ku̱i̱ntjoee̱n.

Juaa̱ 3:27

Sꞌe̱ bi̱ katsó Juaa̱: –Nde ngojín xota̱ xi skjíbé ngo ni, tsi ndiꞌakꞌajmii̱jín xi tsja̱á.

Juaa̱ 7:30

Sꞌe̱ kui jaá kamámejeén katsoboá, ta̱nga kamájín kón, ngatꞌa̱ kji̱e̱ fochójín chi̱bo̱a̱a̱.

Juaa̱ 9:41

Sꞌe̱ Kjisoo̱, bi̱ katsó: –Tsi ti̱ka̱jnú, jmí jéjínjnú, ta̱nga ngotꞌe̱ ꞌne̱, nga “yàjne̱” ndyi̱ꞌmìjnú, kuíni nga jéjnú ta̱kó tikón.

Ni xi kamá 2:23

kuí nda̱a̱, xi kiniꞌánkꞌasꞌien nga ja̱bo̱a̱ je índa Néná nga bo̱a̱ ka̱maa̱, kui xi ikꞌítꞌaꞌniújnú ko̱jo xi kiniꞌánkꞌiénjnú, nga kiniꞌánkꞌasꞌienjnú ngi̱ya tsja xota̱ xi ndajín nga akjatꞌa kro,

Ni xi kamá 3:13

Néná xí tsi̱ꞌe̱ Abraa̱n, ko̱jo xi tsi̱ꞌe̱ Isaa̱, ko̱jo xi tsi̱ꞌe̱ Jako̱b, Néná xí tsi̱ꞌe̱ xota̱ tji̱e̱ xcháná, kui xi katsjaá kjo̱a̱je Kjisoo̱, kui xi ndií, kui nda̱ xi jún kiniꞌánkꞌasꞌienjnú ko̱jo xi kiniꞌánchꞌójnú ngindyi̱ko̱n xtitjón Pilatoo̱, kjiꞌanga ja̱bo̱a̱ je bo̱a̱ katsó nga ku̱i̱ꞌíjñandé.

Ni xi kamá 4:28

tsi̱ꞌe̱ nga sa̱ꞌín ni xi ja̱bo̱a̱ je ikꞌínde ji, ko̱jo ja̱bo̱a̱ je bo̱a̱ kase nga bo̱a̱ ka̱ma.

Xota̱ Roma̱ 11:36

Ngatꞌa̱ Néná boá xi katsꞌénda ngayeje nii̱, kó ngayeje nii̱ síndo ta̱ngatꞌanii̱ kui, kó kuí tsi̱ꞌe̱. Néná xí Na̱ꞌmii̱ kui tsi̱ꞌe̱ ngatama kjo̱a̱jee̱ ngatsjéni̱xtjin. Bo̱a̱ kjiꞌi.

Xota̱ Roma̱ 13:1

Ngayeje xotaa̱ chjiéngá sku̱i̱e̱ndikón ngayeje xota̱ xi botixómaá, ngatꞌa̱ xá xí tjiín xota̱ xi botixómaá, Néná boá xí katsjaá, kó ngayeje xá xí tjiín, Néná boá xí íjñá.

Xo̱jo̱o̱n Sandiyaá 1:17

Ngayeje ni xi ꞌniú nda xi boeꞌéná, kuí nii̱ xi ꞌniú nda, kó ndiꞌakꞌajmi jàn ndibánií, ki̱a̱ nínga tikón Néná xí Na̱ꞌmii̱ kui xi katsꞌénda ngayeje ndiꞌí xí tjiín, kui xi bosíkjoyajín yojoo̱, ti̱nde tsꞌéntíyàjín xikoó ngo tji̱nkꞌi̱én.

Xo̱jo̱o̱n Sandiyaá 4:17

Xota̱ xi maá tsꞌén ni xi ndaa̱, kó tsi tsꞌénjín, ndyi̱tsꞌèn jé boá.