Juaa̱ 18:28 - Xo̱jo̱n eén Néná

²⁸ Tsangínjo̱ Kjisoo̱ ngindyi̱ko̱n Kaifaa̱, ki̱a̱ ndiꞌa nínga niꞌánjeé xotaa̱, nínga tikón nda̱ xtitjón xi chji̱a̱ni Roma̱. Kó kui jaá tsꞌasꞌienjín ndiꞌa nínga niꞌánjeé xotaa̱, tsi̱ꞌe̱ nga ka̱ma ndándíjín, kó bo̱a̱ tsꞌén ka̱ma skji̱ni̱e̱ ṉño̱o̱ sꞌué paskuaa̱.

Juaa̱ 18:28 ပူးပေါင်းရင်းမြစ်များ

Xo̱jo̱n Salmoo̱ 35:16

Xikó maá xota̱ xi ndajín, nga chꞌo tsꞌén ndyi̱mojnókiena, ¡kó ngaskande iskjinieya má ṉꞌni̱u̱ nga chꞌo maa̱ an!

Énkjínkón 1:16

¡Ngatꞌa̱ monga má nga fí tsꞌén ni xi ndajín, kó achichí je tsaá nga mejeén nga xota̱ sa̱ꞌínkꞌién!

Énkjínkón 4:16

Ngatꞌa̱ kui xotaa̱ nde foféjín ngaskande nga tsꞌén ngo ni xi ndajín, ¡nde tsꞌénkjaꞌyájín ngaskande nga tjín xí tsꞌenkjié!

Matioo̱ 27:27

Kósꞌe̱ jájuún nda̱ xtitjoón, kijíjo̱ Kjisoo̱ ndi̱tsen ndiꞌa nínga niꞌánjeé xotaa̱, kó ki̱a̱ kamátikó jájún xi ngasee̱.

Markoo̱ 15:16

Kósꞌe̱ jájuún iskjíbé Kjisoo̱, kó kijíjo̱ ndi̱tsen ndiꞌa nínga niꞌánjeé xotaa̱, kó ki̱a̱ kamátikó jájún xi ngasee̱.

Rkaa̱ 22:66

Nga kisisie̱èn, kamátikó ngayeje já xchá ngito̱ko̱o̱ na̱xi̱ńdaá, ko̱jo já ngito̱ko̱o̱ chináꞌmii̱, ko̱jo já chji̱ni̱e̱kjo̱a̱kitii̱, kó kijíjo̱ Kjisoo̱ nínga kamátikó já xí tjiín xá, kó bi̱ katsoó:

Juaa̱ 11:55

Kó ngije kjimatiña sꞌué paskuaa̱ xota̱ jundíoo̱, achichí má xota̱ xi kijí na̱xi̱ńdáꞌniú Jerusale̱n, ngindiee̱ sꞌué paskuaa̱ tsi̱ꞌe̱ nga sa̱ꞌíntsjie yojoo̱.

Juaa̱ 18:13

kó tjón nda̱ xi ꞌmí Anàa̱ tsangínjoo̱, ngatꞌa̱ chiꞌyaá Kaifaa̱ ma, nda̱ xi chináꞌmi xi ꞌniú nkꞌa xaá kamá kui noó.

Juaa̱ 18:15

Kó kijítji̱ngii̱ Kjisoo̱ Ximo̱ Peé, ko̱jo ingo xota̱ tsi̱ꞌe̱ Kjisoo̱. Kó kui nda̱a̱ ja̱bo̱a̱ jè be chináꞌmi xi ꞌniú nkꞌa xaá, kó tsꞌasꞌienjo̱ Kjisoo̱ ndi̱tsee̱n ndiꞌaa̱ chináꞌmi xi ꞌniú nkꞌa xaá,

Juaa̱ 18:33

Kósꞌe̱ Pilatoo̱, ti̱ tsꞌasꞌien nginí ndiꞌa nínga niꞌánjeé xotaa̱, kó tsíchji̱a̱a̱ Kjisoo̱, sꞌe̱ bi̱ katsoó: –A jí xí nda̱ Ree̱ xota̱ jundíoo̱ ji.

Juaa̱ 18:39

Ta̱nga jún jè kamángájnú nga xki̱ nga ma sꞌué paskuaa̱ ngo xi ꞌboxié an ndo̱bo̱a̱yà. A mejénjnú nga kꞌuijñándé an nda̱ Ree̱ xota̱ jundíoo̱.

Juaa̱ 19:11

Sꞌe̱ Kjisoo̱, bi̱ katsó: –Nde ngo xájiín tsi̱ꞌe̱ nga si̱ꞌinjéní, tsi Nénájín xi katsjaá kui xaá, kó kuíni nga kui nda̱ xi ngi̱ya ndse̱ katsꞌénkꞌasꞌienna, tsie ngase jé tjiín.

Juaa̱ 19:14

Kuí má ni̱xtjin nga tjíꞌbíjñanda sꞌué paskuaa̱, ngije makama ndisꞌué. Pilatoo̱ bi̱ katsoó xota̱ jundíoo̱: –¡Jéꞌe̱n kꞌi̱e̱ tikón nda̱ Rejnú!

Juaa̱ 19:9

Kó ti̱ tsꞌasꞌien nginí ngi̱ya ndiꞌa nínga niꞌánjeé xotaa̱, kó ti̱ bi̱ ti̱ katsó nginií Kjisoo̱: –Ñá ngindie ndokjo̱e̱ ji. Ta̱nga Kjisoo̱ jmí ni katsójín.

Ni xi kamá 10:28

Kó Peé, bi̱ katsoó kui xotaa̱: –Jè yàjnú nga ji̱n xi xota̱ jundío̱ ji̱n, tsjandièjínjne̱ kjo̱a̱kitijne̱ nga si̱ꞌankamajo̱jne̱ xota̱ xi kje̱ꞌe nangi, ta̱nga Néná akóna nga ka̱májín tsi ta̱xkiya ko̱jo tsi tsjiejín xiáa̱n ngo xota̱,

Ni xi kamá 10:32

Nangíyé ji xota̱a̱ na̱xi̱ńdáꞌniú Jope̱ tsi̱ꞌe̱ nga kji̱ndi̱bájo̱ nda̱ xi ꞌmí Ximoo̱ kui xi ti̱ Pé ꞌmií nga, xi tikón ndiꞌaa̱ nda̱ xi ingo xi ꞌmí Ximoo̱, xi tsꞌéntie tji̱xi̱ín cho̱ kui xi tꞌa ndáchíkoón tikón ndiꞌaa̱.”

Ni xi kamá 11:3

Míkjo̱a̱a̱ nga ki̱a̱ kꞌichíi̱n xota̱ xi kji̱e̱ niꞌánjiín sirkunsisioo̱n, kó míkjo̱a̱a̱ nga ṉño̱ kichinieje̱ kon ji nga.

Ni xi kamá 3:13

Néná xí tsi̱ꞌe̱ Abraa̱n, ko̱jo xi tsi̱ꞌe̱ Isaa̱, ko̱jo xi tsi̱ꞌe̱ Jako̱b, Néná xí tsi̱ꞌe̱ xota̱ tji̱e̱ xcháná, kui xi katsjaá kjo̱a̱je Kjisoo̱, kui xi ndií, kui nda̱ xi jún kiniꞌánkꞌasꞌienjnú ko̱jo xi kiniꞌánchꞌójnú ngindyi̱ko̱n xtitjón Pilatoo̱, kjiꞌanga ja̱bo̱a̱ je bo̱a̱ katsó nga ku̱i̱ꞌíjñandé.

Ni xi kamá 4:27

Ngatꞌa̱ nga ja̱koxi̱ nga ngo tjín katsꞌén yojoo̱ Erondee̱, ko̱jo Ponsio Pilatoo̱, ko̱jo xota̱ xi Israee̱ljín, ko̱jo xota̱ Israee̱l, kꞌi̱e̱ kui na̱xi̱ńdáꞌniuú nga kondra̱ kijií nda̱ tsjie, ko̱jo moso̱ xi ꞌmí Kjisoo̱, kui xi ji kachjeꞌéjin ji nga Kristoo̱ ka̱ma,

Ndeuteronomio̱ 16:2

»Ni̱xtjin tjoón sꞌué paskuaa̱, nga jñoó, chjiéngá kongínjnú ki̱a̱ ndiꞌandikoón, kó ngo cho̱yojo, ko̱jo ngo cho̱tsa̱nga̱ ti̱ꞌankꞌasꞌiénjnúu̱ Néná. Ngata̱ ki̱a̱jín na̱xi̱ńdáꞌniú xi tsja̱ajnú Néná niꞌánkꞌasꞌiénjnú kui cho̱o̱, chjiéngá ta̱ ki̱a̱ tsí ndiꞌandikoón ti̱ꞌankꞌasꞌiénjnú, kó nga kjimajñoó boá nga ti̱ꞌánjnú kui nii̱, ngatꞌa̱ bo̱a̱ chon nga jatjojnú nangi Ejipto̱. Ka̱má xi̱ni̱e̱jnú yojoo̱ kui cho̱o̱, ta̱nga ta̱ pan xi jmí nisanjiín tsí xi ka̱ma xi̱ni̱e̱tꞌajo̱jnú, kó ka̱májín chií si̱ꞌankꞌangíjnú tsi̱ꞌe̱ kamángindyiojón. Chjiéngá xi̱ni̱e̱ yejejnú. »Ngo xomana̱ ndo̱jò ndójo̱ nga ka̱ma kui sꞌueé. Ngayeje kui ni̱xtjii̱n ta̱ pan xi jmí nisanjiín tsí xi ka̱ma xi̱ni̱e̱jnú, xikoó xi kichiniejnú kui ni̱xtji̱e̱e̱n, kjiꞌanga xi tsá xi boaꞌa jatjojnú ki̱a̱ nangi Ejipto̱. Kui paa̱n, kuí boá xi “paa̱n kjo̱a̱ni̱ma̱” kꞌuin. Ngatsjéni̱xtjin nga xi̱ni̱e̱jnú, chjiéngá kjo̱a̱ꞌátsjienjnú kui kjo̱a̱ni̱ma̱ xi ikitjajinjnú ki̱a̱ nangi Ejipto̱, ko̱jo kótsꞌèn jatjojnú kui ngi̱ndiee̱. Ngayeje kui xomana̱ nga ka̱ma kui sꞌueé, nde ka̱májín chií nisan chjiéngá kꞌuié ngayeje kui na̱xi̱ńdaá. »Nga kamángindyiojón, ngije kiniꞌánchjánjnú ko̱jo ngije kichiniejnú kui cho̱ xi kiniꞌánkꞌasꞌienjnúu̱ Néná, ka̱ma kongín nginíjnú ndiꞌajnú.