Juaa̱ 17:8 - Xo̱jo̱n eén Néná

⁸ Ngatꞌa̱ én xí katseꞌéní, jè katsjáa̱, kó iskjíbé, kó jè kamábe nga ja̱koxi̱ nga ji jatjoxiejinñaa̱, kó jè kisꞌijii̱n nga ji xi kanangiyení.

Juaa̱ 17:8 ပူးပေါင်းရင်းမြစ်များ

Énkjínkón 1:23

¡Tasiénijónjnúꞌun kjiꞌanga sa̱ꞌinchji̱ni̱e̱jnúꞌun! Án boá xi tsjajnúꞌun a̱si̱énni̱xtjinna, kó xiyàjnúꞌun ni xi tsꞌenkjó án ko̱jo énna.

Énkjínkón 1:3

ko̱jo tsi̱ꞌe̱ nga ko̱nda̱ꞌyájnú kjo̱a̱botíxoma kjo̱a̱a̱ xikótsꞌèn nga nda si̱ꞌankjójnú ni xi si̱ꞌánjnú, ko̱jo kjo̱a̱a̱ nga kixi̱, nga na̱xo̱, ko̱jo nga ndse̱je̱n ka̱majnú.

Énkjínkón 2:1

Ji ndí tsi si̱ꞌinjo̱ꞌo ji énna, ko̱jo tsi kjójintakín ji kjo̱a̱botíxomana,

Énkjínkón 4:10

»Ji ndí, ndaꞌyéní kó ti̱ꞌinjo̱ꞌo ji énna, tsi̱ꞌe̱ nga kjín ngase nó ka̱maa̱ nga ku̱i̱ndyin ji nga̱sondie.

Énkjínkón 8:10

Ta̱sá kjo̱a̱bokoyána xi ti̱ndyi̱séjnú, kó jmí tsi to̱ntiboaa̱, ta̱sá kjo̱a̱kjínkónna xi ti̱ndyi̱séjnú, kó jmí tsi to̱nsinieé xi kui soboá soboaá,

Matioo̱ 13:11

Kó Kjisoo̱, bi̱ katsó: –Ngatꞌa̱ jún jè kiꞌmíyàjnú ni xi tjiꞌmaá xikótsꞌèn botixómá Néná, ta̱nga kui xotaa̱ kji̱e̱ ꞌmíyajiín.

Juaa̱ 12:49

Ngatꞌa̱ jmí tsi ta̱xkiya tsíchji̱a̱ an, Na̱ꞌmina xí katsangiyana, kuí xí katsjána kui kjo̱a̱botíxoma xi tsꞌénchji̱a̱ an ko̱jo xi sꞌe̱ kuichjiá an.

Juaa̱ 14:10

A sꞌijinjiín nga Na̱ꞌmii̱ tikónjìi̱n, kó nga Na̱ꞌmii̱ tikónjinna an. Kó én xí chjiá an jmí tsi én xi tsa̱ꞌa̱n so̱bo̱a̱, tsi̱ꞌe̱ Na̱ꞌmi xi tikónjinna boá, kuí xí tsꞌén ngayeje nii̱.

Juaa̱ 15:15

Ngiti̱ moso̱jín xiánjnúꞌun, ngatꞌa̱ mosoo̱ bejín ni xi tsꞌén ndi̱a̱ xi tsi̱ꞌe̱, ta̱nga amingo̱ kixianjnúꞌun, ngatꞌa̱ ngayeje ni xi katsóyàna Na̱ꞌmina, jè kixiyajnúꞌun.

Juaa̱ 16:27

ngatꞌa̱ ti̱kuíní Na̱ꞌmina xi tjoó jún, ngatꞌa̱ jún kiniꞌántjójnúꞌun an, kó kisꞌijinjnú nga Néná boá xí katsangiyana.

Juaa̱ 16:30

Ngotꞌe̱ ꞌne̱ nga je yàjne̱, nga ye ji ngayeje nii̱, kó nga nde chjiénjín nga ngo xi ko̱síyaá, kuíni nga sꞌijinjne̱ nga Néná boá xí katsangiyaa̱.

Juaa̱ 17:14

An jè katsjáa̱ ée̱n, kó xotaa̱ kui nga̱sondiee̱ katsꞌénchꞌó, ngatꞌa̱ jmí tsi kui nga̱sondiee̱ chji̱a̱ni, xikoó án, nga ti̱ jmí tsi kui nga̱sondiee̱ chjiá an.

Juaa̱ 17:18

Xikó tsꞌén kanangiyení kui nga̱sondiee̱, ti̱ bo̱a̱ ti̱ tsꞌén katsangiya an kui xotaa̱, kui nga̱sondiee̱,

Juaa̱ 17:21

tsi̱ꞌe̱ nga ka̱ma ngo, xikoó ji Na̱ꞌmi, nga ngo má ñá ji ko̱jo an, ti̱ bo̱a̱ ti̱ tsꞌén nga ngo ngatama kui xotaa̱ ko̱jo ñá, tsi̱ꞌe̱ nga sꞌi̱jii̱n xotaa̱ kui nga̱sondiee̱ nga ji xi kanangiyení.

Juaa̱ 17:23

ngatama ngo kui xotaa̱ ko̱jo an, kó jí ko̱jo an, tsi̱ꞌe̱ nga kjóchotꞌáa̱ kjo̱a̱a̱ ngo tjín xí ja̱koxi̱i̱, tsi̱ꞌe̱ nga xotaa̱ nga̱sondiee̱ sku̱i̱e̱ nga ji xi kanangiyení, kó nga tjoó kui xotaa̱ xikótsꞌèn tjoó an.

Juaa̱ 17:3

Kó kuí xi̱ꞌbi̱ xi kjo̱a̱mindyion ngatsjéni̱xtjii̱n: Nga sku̱i̱e̱e̱ ji, nga ta̱ jí tsí xi Néná xí ja̱koxi̱i̱ ji, ko̱jo Jesukristoo̱, kui xi kanangiye ji.

Juaa̱ 3:17

Ngatꞌa̱ Néná jmí tsi katsangiya ndií kui nga̱sondiee̱ tsi̱ꞌe̱ nga sa̱ꞌínjeé xotaa̱, katsangiya tsi̱ꞌe̱ nga kui ndií xi kꞌo̱xiéꞌá xotaa̱.

Juaa̱ 3:33

Kó kui xota̱ xi tjisꞌíjii̱n, kuí xí be nga tjiín kjo̱a̱kixi̱ Néná.

Juaa̱ 6:68

Sꞌe̱ Ximo̱ Peé, bi̱ katsó: –Ndi̱a̱, ꞌyá xí kongínchonjne̱. Xi jí boá xi tjiín eén kjo̱a̱mindyion ngatsjéni̱xtjii̱n.

Juaa̱ 8:42

Sꞌe̱ Kjisoo̱, bi̱ katsó: –Tsi ja̱koxi̱ nga Néná xí na̱ꞌmijnú, tjóra̱ si̱ꞌánjnúꞌun, ngatꞌa̱ Néná boá xi na̱ꞌmina, kó jéꞌe̱ an kꞌi̱e̱e̱, ngatꞌa̱ jéꞌe̱so̱bo̱a̱jín an, na̱ꞌmina boá xi katsangiyana.

1 Xota̱ Korinto̱ 11:23

Ngatꞌa̱ ni xi akóyána Ndi̱a̱ná kuí má ni xi akoyájnúꞌun: Nga Ndi̱a̱ná Kjisoo̱ iskjíbé paa̱n kui ni̱xtji̱e̱n nga kiniꞌánkꞌasꞌien kui,

1 Xota̱ Korinto̱ 15:1

Ngotꞌe̱ ꞌne̱ já ntsꞌie, mejénna sa̱ꞌinkjaꞌátsjienjnúꞌun éntjatsi̱e̱e̱ Ndi̱a̱ná xí je ini̱jmijnúꞌun, kui xi je kiniꞌánjo̱ꞌojnú, kó ta̱ngatꞌanii̱ kui nga je ꞌniú tindyiónjnú,

Ndeuteronomio̱ 18:18

»Néná boá xi kjo̱a̱ꞌájin kui nda̱ chji̱ni̱e̱ꞌe̱én ngi̱jii̱n xota̱ na̱xi̱ńdaá. Kó ngo xota̱ xi tsa̱ñá ka̱ma, kó ti̱ bo̱a̱ ti̱ sa̱ꞌín xikótsꞌen an ngotꞌe̱, ka̱tso̱yàjnú ngayeje én xí Néná mejeén ka̱tso̱jnú.

1 Xota̱ Tesalónika̱ 2:13

Kó kuíni nga ji̱n ngatsjéni̱xtjin boeꞌéjne̱ ndokꞌóchjì Néná, ngatꞌa̱ nga kandaꞌyájnú eén Néná xí ikꞌíni̱jmìjne̱, kachjábéjnú jmí tsi xikoó eén xotaa̱, ta̱sá xikoó nga én xí ja̱koxi̱i̱ Néná, kui én xí bosíkjoyajnú jún xi sꞌijinjnú Néná.

1 Xota̱ Tesalónika̱ 4:1

Kjo̱a̱a̱ ni xi chaja ngasee̱, jún ntsꞌie, ꞌniú chjiáꞌájne̱ ko̱jo ꞌniú botíxomajne̱ ngi̱yaa̱ jaꞌeén Ndi̱a̱ná Kjisoo̱, tsi̱ꞌe̱ nga ndyiojón ndyiojón nda ngase tsꞌén ku̱i̱ndyionjnú xikótsꞌèn tsja maa̱ Néná, xikótsꞌèn akakoyájne̱ ji̱n. Nga ja̱koxi̱, ja̱ jè bo̱a̱ ndyi̱niꞌánjnú.

1 Xo̱jo̱o̱n Juaa̱ 4:14

Kó ji̱n jè kamáyà ji̱n, kó chistiko̱ ji̱n nga Néná xí Na̱ꞌmii̱ xí katsangiya ndií, tsi̱ꞌe̱ nga kꞌo̱xiéꞌá xota̱ xi tjín kuí nga̱sondiee̱.

Ni xi akakoo̱ 1:1

Kuí bí ni xi akó Jesukristoo̱, kui ni xi Néná katsjaá, tsi̱ꞌe̱ nga kui ko̱ko̱ó mosoo̱ kjo̱a̱a̱ ni xi sꞌe̱ je tsá ka̱ma, Jesukristoo̱ katsangiya ngo ndítsjiee̱ tsi̱ꞌe̱ nga akoó mosoo̱ xi ꞌmí Juaa̱ ni xi sꞌe̱ je tsá ka̱ma,