Juaa̱ 17:3 - Xo̱jo̱n eén Néná

³ Kó kuí xi̱ꞌbi̱ xi kjo̱a̱mindyion ngatsjéni̱xtjii̱n: Nga sku̱i̱e̱e̱ ji, nga ta̱ jí tsí xi Néná xí ja̱koxi̱i̱ ji, ko̱jo Jesukristoo̱, kui xi kanangiye ji.

Juaa̱ 17:3 ပူးပေါင်းရင်းမြစ်များ

Xo̱jo̱n Salmoo̱ 9:10

Jí boá xi ka̱maꞌniátakoón xota̱ xi bee ji, ngatꞌa̱ ji Ne, jmíni̱xtjin ꞌbíndemasin ji xi ji mongasee̱.

Énkjínkón 8:35

Ngatꞌa̱ kui xi sa̱ko̱ó an, kjo̱a̱mindyioo̱n boá xi sa̱ko̱ó, kó sa̱ko̱ó kjo̱a̱ndaa̱ Néná nga,

Markoo̱ 9:37

–Ta̱ ꞌyání xi skjíbéní ngajona ngo nda̱chí xikoó xi̱ꞌbi̱, ti̱ tsꞌénkjíbéna án nga, kó xi tsꞌénkjíbéna án, jmí tsi an xi tsꞌénkjíbéna, kuí Néná xi katsangiyana xi tsꞌénkjíbé.

Rkaa̱ 9:48

kó bi̱ katsoó: –Ta̱ ꞌyání xi skjíbéní kui nda̱chií ngajona, ti̱ tsꞌénkjíbéna án nga, kó ta̱ ꞌyání xi tsꞌénkjíbéna, tsꞌénkjíbé kui Néná xi katsangiyana, ngatꞌa̱ kui xi ꞌniú chichí ngi̱jii̱n jún, kuí xi̱ꞌba̱ xi chjí ngasenii̱.

Juaa̱ 10:36

míkjo̱a̱a̱ nga kui nda̱ xi Néná xí Na̱ꞌmii̱ katsꞌéntsjie ko̱jo katsangiya kui nga̱sondiee̱, jún bi̱ ndyi̱ꞌmìjnúu̱: “Néná chꞌo tsoó”, ngatꞌa̱ bi̱ kixian an, nga an xi ndií Néná.

Juaa̱ 11:42

Jè be an nga ngatsjéni̱xtjin ndaꞌyéní, ta̱nga bo̱a̱ kixian an kjo̱a̱a̱ xota̱ xi síndotꞌana, tsi̱ꞌe̱ nga sꞌi̱jii̱n nga ji xi kanangiyení.

Juaa̱ 14:26

Ta̱nga kuí A̱si̱énni̱xtjii̱n Néná xi sa̱ꞌíndajonjnú, xi ngajona nga sa̱ngíyá Na̱ꞌmina, kuí xí ko̱kóyájnú ngayeje kui nii̱, kó sa̱ꞌínkjaꞌátsjienjnú ngayeje ni xi je kixiyajnúꞌun.

Juaa̱ 17:18

Xikó tsꞌén kanangiyení kui nga̱sondiee̱, ti̱ bo̱a̱ ti̱ tsꞌén katsangiya an kui xotaa̱, kui nga̱sondiee̱,

Juaa̱ 17:21

tsi̱ꞌe̱ nga ka̱ma ngo, xikoó ji Na̱ꞌmi, nga ngo má ñá ji ko̱jo an, ti̱ bo̱a̱ ti̱ tsꞌén nga ngo ngatama kui xotaa̱ ko̱jo ñá, tsi̱ꞌe̱ nga sꞌi̱jii̱n xotaa̱ kui nga̱sondiee̱ nga ji xi kanangiyení.

Juaa̱ 17:23

ngatama ngo kui xotaa̱ ko̱jo an, kó jí ko̱jo an, tsi̱ꞌe̱ nga kjóchotꞌáa̱ kjo̱a̱a̱ ngo tjín xí ja̱koxi̱i̱, tsi̱ꞌe̱ nga xotaa̱ nga̱sondiee̱ sku̱i̱e̱ nga ji xi kanangiyení, kó nga tjoó kui xotaa̱ xikótsꞌèn tjoó an.

Juaa̱ 17:25

Na̱ꞌmi kixi̱, nga ja̱koxi̱ xotaa̱ kui nga̱sondiee̱ kamábejiín jí, ta̱nga beñaá jí, kó kui xotaa̱ be nga ji xi kanangiyení,

Juaa̱ 17:8

Ngatꞌa̱ én xí katseꞌéní, jè katsjáa̱, kó iskjíbé, kó jè kamábe nga ja̱koxi̱ nga ji jatjoxiejinñaa̱, kó jè kisꞌijii̱n nga ji xi kanangiyení.

Juaa̱ 3:17

Ngatꞌa̱ Néná jmí tsi katsangiya ndií kui nga̱sondiee̱ tsi̱ꞌe̱ nga sa̱ꞌínjeé xotaa̱, katsangiya tsi̱ꞌe̱ nga kui ndií xi kꞌo̱xiéꞌá xotaa̱.

Juaa̱ 3:34

Ngatꞌa̱ kui xi katsangiya Néná, eén Néná xí chji̱a̱, ngatꞌa̱ Néná tsjaá ngayeje ngaꞌniuú.

Juaa̱ 5:44

Kótsꞌèn ka̱ma sꞌi̱jinjnú, nga ja̱kꞌi̱e̱ ja̱ngaján ndyi̱boeꞌéjnúu̱ kjo̱a̱je xingi̱jnú, kó ndyi̱mindyiséjínjnú kjo̱a̱je xi tsja̱aná Néná xí ngototoo̱.

Juaa̱ 6:57

Xikó tsꞌén katsangiyana Na̱ꞌmina xi tikoón, kó ta̱ngatꞌanii̱ kui nga tikòn an, ti̱ bo̱a̱ ti̱ tsꞌén xi skji̱ni̱e̱ yojona, kꞌuijñá ta̱ngatꞌanii̱ an.

Juaa̱ 7:29

Ta̱nga be án ꞌyání kui, ngatꞌa̱ ki̱a̱ kjindibáni an nínga tikón kuí, kó kuí xí katsangiyana.

Juaa̱ 8:19

Sꞌe̱ bi̱ katsó kui jaá: –Ñá tikón Na̱ꞌmíi̱ ꞌne̱. Kó Kjisoo̱, bi̱ katsó: –Nde an yàjínjnúꞌun, ti̱nde Na̱ꞌmina yàjínjnú, tsi yarajnúꞌun katsaki, ti̱ xcha̱ra̱jnú Na̱ꞌmina nga.

1 Xota̱ Korinto̱ 15:34

Chjáxꞌájnú ndyikonjnú, kó ngata̱ niꞌánjéjínjnú, ngatꞌa̱ tjín ngi̱jinjnú xota̱ xi bejín ni xi tsi̱ꞌe̱ Néná, xiyà án kui nii̱ tsi̱ꞌe̱ nga soboá ka̱majnú.

1 Xota̱ Korinto̱ 8:4

Kjo̱a̱a̱ nichinie xi niꞌánkꞌasꞌiee̱n a̱sie̱én ngo ne xi tsꞌénda xotaa̱, jè ya nga kui nee̱, jmí ni chjíjiín kui nga̱sondiee̱, kó ti̱ jè ya nga ta̱ ngo tsí má Néná.

2 Xota̱ Korinto̱ 4:6

Ngatꞌa̱ kuí Néná xí katsjákjo̱a̱ nga nínga jñoó sa̱ꞌíntsijen ndiꞌií, kó ti̱kuíní xi katsꞌéntsijen ndiꞌií ngi̱jin ini̱ma̱ná, kó katsꞌéntsijee̱n tsi̱ꞌe̱ nga ka̱makjínná kjo̱a̱jee̱ Néná xí tjítsꞌén ꞌna̱ kje̱n Jesukristoo̱.

Xota̱ Filipo̱ 3:10

Jè ijñámasien an ngayeje nii̱, tsi̱ꞌe̱ nga skuie an Kristoo̱, kó skuie án ngaꞌniú xí katsꞌénkjaꞌáꞌyaá, ko̱jo nga sa̱kóna kjo̱a̱ni̱ma̱ xi jaꞌatio, kó nga xikoó tsi kui ka̱ma an nga kiniꞌánkꞌién kuí,

Xota̱ Filipo̱ 3:8

Kó kjénní nga xikoó tsi ngo ni xi je kichajá kjimana kui nii̱, nga ndse̱je̱n tsꞌén ꞌbijñá an xikó kjiꞌi ꞌniú nda ngase nga be an Kristo̱ Kjisoo̱, Ndi̱a̱na. Ta̱ngatꞌanii̱ Kristoo̱ nga je ijñámasien an ngayeje nii̱, kó xikónií tsi xtjié kjimána kui nii̱, tsi̱ꞌe̱ nga sa̱ꞌin an Kristoo̱,

1 Xota̱ Tesalónika̱ 1:9

Ngatꞌa̱ ti̱ kuii̱ kui xotaa̱ xi ndyi̱chji̱a̱ kjo̱a̱a̱ nga jún, nda tsꞌén kiniꞌánsénjne̱ nga jáchochonjne̱ ko̱jo xikótsꞌèn ikꞌíndomasienjnú a̱sie̱én ne xi tsꞌénda xotaa̱, tsi̱ꞌe̱ nga kiniꞌánjo̱ꞌojnú kui Néná xí tikoón, ko̱jo xi ja̱koxi̱i̱,

2 Xota̱ Tesalónika̱ 1:8

Ngi̱jii̱n ndiꞌí kji̱ndi̱báni, tsi̱ꞌe̱ nga sa̱ꞌínjeé ngayeje xota̱ xi kamábejín Néná, ti̱nde tsintꞌiéꞌénjiín éntjatsi̱e̱e̱ Ndi̱a̱ná Jesukristoo̱.

Xota̱ Ebreo̱ 3:1

Kó kuíni ntsꞌie, jún xi xota̱ na̱xi̱ńdá tsjiee̱, jún xí je tsíchji̱a̱jnú Néná tsi̱ꞌe̱ nga kui ko̱ndókjo̱a̱nijnú, ti̱ꞌankjó cha̱n cha̱njnú kjo̱a̱a̱ Kristo̱ Kjisoo̱ kui xi apostroo̱ Néná ko̱jo xi chináꞌmi xi ꞌniú nkꞌa xaá, kjo̱a̱a̱ kjo̱a̱sꞌijin xi tikónná.

2 Xo̱jo̱o̱n Peé 1:2

Ngatama tsie kjo̱a̱nda ko̱jo kjo̱a̱xió xi kꞌuiéjnú nga xcha̱jnú Néná ko̱jo Ndi̱a̱ná Kjisoo̱.

2 Xo̱jo̱o̱n Peé 1:3

Néná katsꞌénkjién ngaꞌniuú nga katsjáná ngayeje ni xi chjiénná, kó ta̱kó tsꞌéntsjáná tsi̱ꞌe̱ nga ku̱i̱ndyión xikótsꞌèn mejeén kui, kó katsjáná ngayeje kui nii̱ kjiꞌanga kamáyà Jesukristoo̱. Ngatꞌa̱ nga tsíchji̱a̱ná, bo̱a̱ katsꞌén, tsi̱ꞌe̱ nga ki̱a̱ ko̱ndókjo̱a̱ ñá nínga botixómá kui.

2 Xo̱jo̱o̱n Peé 1:8

Ngatꞌa̱ tsi bo̱a̱ ndyi̱niꞌánjnú, kó tsi ꞌniú tikónjinjnú kui nii̱, nda si̱ꞌánjnú ni xi si̱ꞌánjnú, kó kjo̱a̱a̱ nga je yàjnú Ndi̱a̱ná Jesukristoo̱ tsiꞌéjín ka̱majnú.

1 Xo̱jo̱o̱n Juaa̱ 1:2

Kui kjo̱a̱mindyion xi je akakoo̱ xotaa̱, kó ji̱n má xi kamáyà ji̱n, kó chistiko̱ ji̱n, kó ndyi̱ꞌbíni̱jmìjne̱ kjo̱a̱a̱ kui kjo̱a̱mindyion ngatsjéni̱xtjii̱n, kui xi tikónjii̱n Na̱ꞌmii̱, kó jè akakoná.

1 Xo̱jo̱o̱n Juaa̱ 1:3

Kui xi je kamáyà ji̱n, ko̱jo kui xi je kandaꞌyá ji̱n xí ndyi̱ꞌbíni̱jmìjne̱ jún, tsi̱ꞌe̱ nga jún, ko̱jo ji̱n ngo ka̱ma ñá. Kó bo̱a̱ tsꞌén nga ja̱koxi̱ nga ñá je kiniꞌángojo̱ yojoná Na̱ꞌmii̱ ko̱jo Jesukristoo̱, kui xi ndií ma kui.

1 Xo̱jo̱o̱n Juaa̱ 2:23

Kó ta̱ ꞌyání xi tsꞌenjóꞌojín ndií, tikónjinjiín Na̱ꞌmii̱. Ta̱nga ta̱ ꞌyání xi ka̱tso̱yà nga Kjisoo̱ xi ndií Néná, ti̱ tikónjii̱n Na̱ꞌmii̱ nga.

1 Xo̱jo̱o̱n Juaa̱ 4:6

Ta̱nga ji̱n Néná ndokjo̱a̱nijne̱, kó kui xota̱ xi je be Néná kuí boá xi ntꞌiéjne̱, ta̱nga kui xota̱ xi Nénájín chji̱a̱ni ntꞌiéjínjne̱. Bo̱a̱ tsꞌén nga ka̱ma xcha̱ ñá ꞌyání xi tikoón a̱siénni̱xtjin xi ja̱koxi̱i̱, kó ꞌyání xi tikoón a̱siénni̱xtjin xi ꞌboṉcha̱a̱.

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.