Juaa̱ 17:25 - Xo̱jo̱n eén Néná

²⁵ Na̱ꞌmi kixi̱, nga ja̱koxi̱ xotaa̱ kui nga̱sondiee̱ kamábejiín jí, ta̱nga beñaá jí, kó kui xotaa̱ be nga ji xi kanangiyení,

Juaa̱ 17:25 ပူးပေါင်းရင်းမြစ်များ

Matioo̱ 11:27

Ngayeje nii̱ Na̱ꞌmina boá xí katsꞌénkꞌasꞌienna, kó ta̱ꞌyajín xi be ndií, ta̱kuítsí Na̱ꞌmii̱, kó ta̱ꞌyajín xi be Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Matioo̱ 16:16

Kó Ximo̱ Peé, bi̱ katsoó: –Jí xí Kristoo̱, ndií Néná xí tikoón.

Rkaa̱ 10:22

Ngayeje nii̱ Na̱ꞌmina xí katsꞌénkꞌasꞌienna, kó ta̱ꞌyajín xi be ꞌyání xi ndií, ta̱kuítsí Na̱ꞌmii̱, kó ta̱ꞌyajín xi be ꞌyání xi Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Juaa̱ 1:18

Kji̱e̱ ngo xi be kókjiꞌi Néná, kó kui ndí ngototoo̱ xi tikón nínga tikón Néná xí Na̱ꞌmii̱, kuí boá xi akó ngatꞌaa̱ Néná.

Juaa̱ 10:15

xikótsꞌèn bena Na̱ꞌmina, an ti̱ bo̱a̱ ti̱ tsꞌén be an Na̱ꞌmina, kó an tsja an kjo̱a̱mindyionna ta̱ngatꞌanii̱ cho̱tsa̱nga̱na.

Juaa̱ 15:21

Ngayeje kui nii̱ xi sa̱ꞌínjo̱jnú xotaa̱ ta̱ngatꞌanii̱ jaꞌénna, ngatꞌa̱ bejín ꞌyání xi katsangiyana.

Juaa̱ 16:27

ngatꞌa̱ ti̱kuíní Na̱ꞌmina xi tjoó jún, ngatꞌa̱ jún kiniꞌántjójnúꞌun an, kó kisꞌijinjnú nga Néná boá xí katsangiyana.

Juaa̱ 16:3

Kó kui nii̱ sa̱ꞌín ngatꞌa̱ bejínna, kó ti̱ bejín Na̱ꞌmina nga.

Juaa̱ 16:30

Ngotꞌe̱ ꞌne̱ nga je yàjne̱, nga ye ji ngayeje nii̱, kó nga nde chjiénjín nga ngo xi ko̱síyaá, kuíni nga sꞌijinjne̱ nga Néná boá xí katsangiyaa̱.

Juaa̱ 17:11

Kó jè ngiti̱ kuijín nga̱sondiee̱ tikòn an, ta̱nga kui xotaa̱, ta̱kó ki̱a̱ síndo, kó án ki̱a̱ tsꞌénfikoo̱n ji. Na̱ꞌmi tsjie, xota̱ xi katseꞌéní, chíi̱n nga ti̱ꞌinkjìn jí ngaꞌniuú jaꞌée̱n, tsi̱ꞌe̱ nga ngo ka̱ma kui, xikótsꞌèn ngo má ñá.

Juaa̱ 17:18

Xikó tsꞌén kanangiyení kui nga̱sondiee̱, ti̱ bo̱a̱ ti̱ tsꞌén katsangiya an kui xotaa̱, kui nga̱sondiee̱,

Juaa̱ 17:21

tsi̱ꞌe̱ nga ka̱ma ngo, xikoó ji Na̱ꞌmi, nga ngo má ñá ji ko̱jo an, ti̱ bo̱a̱ ti̱ tsꞌén nga ngo ngatama kui xotaa̱ ko̱jo ñá, tsi̱ꞌe̱ nga sꞌi̱jii̱n xotaa̱ kui nga̱sondiee̱ nga ji xi kanangiyení.

Juaa̱ 17:23

ngatama ngo kui xotaa̱ ko̱jo an, kó jí ko̱jo an, tsi̱ꞌe̱ nga kjóchotꞌáa̱ kjo̱a̱a̱ ngo tjín xí ja̱koxi̱i̱, tsi̱ꞌe̱ nga xotaa̱ nga̱sondiee̱ sku̱i̱e̱ nga ji xi kanangiyení, kó nga tjoó kui xotaa̱ xikótsꞌèn tjoó an.

Juaa̱ 17:3

Kó kuí xi̱ꞌbi̱ xi kjo̱a̱mindyion ngatsjéni̱xtjii̱n: Nga sku̱i̱e̱e̱ ji, nga ta̱ jí tsí xi Néná xí ja̱koxi̱i̱ ji, ko̱jo Jesukristoo̱, kui xi kanangiye ji.

Juaa̱ 17:8

Ngatꞌa̱ én xí katseꞌéní, jè katsjáa̱, kó iskjíbé, kó jè kamábe nga ja̱koxi̱ nga ji jatjoxiejinñaa̱, kó jè kisꞌijii̱n nga ji xi kanangiyení.

Juaa̱ 3:17

Ngatꞌa̱ Néná jmí tsi katsangiya ndií kui nga̱sondiee̱ tsi̱ꞌe̱ nga sa̱ꞌínjeé xotaa̱, katsangiya tsi̱ꞌe̱ nga kui ndií xi kꞌo̱xiéꞌá xotaa̱.

Juaa̱ 6:19

Jera̱ ma tsi ta̱ ún ko̱jo tsi jún kilometro̱ nínga ndyi̱fochó, nga je iskjindaá tjotso jee̱ nga kamábe Kjisoo̱, nga tsoꞌbáyise nga̱soón ndáchíkoón, kó xtji̱e̱e̱n nínga tikón tjotso jee̱ tsꞌénfí, kó achichí katsakjónní kui jaá.

Juaa̱ 7:29

Ta̱nga be án ꞌyání kui, ngatꞌa̱ ki̱a̱ kjindibáni an nínga tikón kuí, kó kuí xí katsangiyana.

Juaa̱ 8:19

Sꞌe̱ bi̱ katsó kui jaá: –Ñá tikón Na̱ꞌmíi̱ ꞌne̱. Kó Kjisoo̱, bi̱ katsó: –Nde an yàjínjnúꞌun, ti̱nde Na̱ꞌmina yàjínjnú, tsi yarajnúꞌun katsaki, ti̱ xcha̱ra̱jnú Na̱ꞌmina nga.

Juaa̱ 8:55

kó nga ja̱koxi̱ yàjínjnú kuí, ta̱nga an be án kuí. Kó tsi bejín an kui xian án, tsꞌénꞌbindiso án xikoó jún, ta̱nga be án kuí, kó tsꞌenkjatjosón án eén.

Ni xi kamá 17:23

Ngatꞌa̱ nga tsꞌénkotsijen an ngi̱ndiejnú nínga niꞌándikónjnú nejnú, tsꞌénbe an ngo ṉchandikón xi bi̱ tsó én xí kjitꞌaa̱: “Tsi̱ꞌe̱ ngo Ne xi nde yàjín.” Ja̱ ndakjíꞌí, kui ni xi yàjínjnú, kó ndyi̱niꞌándikónjnú, kjo̱a̱a̱ kuí boá kui ni xi kjoéꞌe̱kꞌini̱jmìjnúꞌun.

Ni xi kamá 26:18

tsi̱ꞌe̱ nga chjáxꞌé jí ndyi̱ko̱n, kó ngiti̱ nínga jñójín kꞌuitsómá ngase, ta̱sá nínga tsijen ngatꞌítso̱ma, tsi̱ꞌe̱ nga ngiti̱ kuijín ngaꞌniuú xindajín Satanaa̱ kꞌuitsómátji̱ngii̱, nga ta̱sá Néná ngatꞌítso̱matji̱ngii̱, tsi̱ꞌe̱ nga sꞌijii̱n an, kó sa̱ko̱ó kjo̱a̱niꞌánjetakoón jeé, ko̱jo kui ngi̱ndie xi katsó Néná nga tsja̱á xota̱ xi je katsꞌéntsjie yojoo̱.”

Xota̱ Roma̱ 1:28

Kó nga akó kui xotaa̱ nga kamámejénjiín katsꞌénseén Néná, Néná índomasien tsi̱ꞌe̱ nga kjo̱tsòn kjo̱a̱kjíntakoón, tsi̱ꞌe̱ nga sa̱ꞌín ni xi májín niꞌán.

Xota̱ Roma̱ 3:11

Nde jmíjín xi kamákjiín, Nde jmíjín xi mongase Néná.

Xota̱ Roma̱ 3:26

tsi̱ꞌe̱ nga Néná akó kjo̱a̱kixi̱i̱ ni̱xtjin xi̱ꞌbi̱, kó kixi̱ ka̱ma kui, kó bo̱a̱ tsꞌén kixi̱ sa̱ꞌín xi sꞌijii̱n Kjisoo̱.

1 Xota̱ Korinto̱ 1:21

Ngatꞌa̱ ngi̱jin kjo̱a̱kjínkoón Néná índa, nga jmí tsi kjo̱a̱kjínkoón xota̱ nga̱sondiee̱ xi sku̱i̱e̱ni Néná, ta̱sá Néná tsja kamaá nga tsꞌaxiéꞌá xota̱ xi sꞌijii̱n kui ni xi kjo̱a̱tsobé kjimaa̱ xotaa̱ kui nga̱sondiee̱.

1 Xota̱ Korinto̱ 15:34

Chjáxꞌájnú ndyikonjnú, kó ngata̱ niꞌánjéjínjnú, ngatꞌa̱ tjín ngi̱jinjnú xota̱ xi bejín ni xi tsi̱ꞌe̱ Néná, xiyà án kui nii̱ tsi̱ꞌe̱ nga soboá ka̱majnú.

2 Xota̱ Korinto̱ 4:4

Ngatꞌa̱ nee̱ kui nga̱sondiee̱ katsꞌénjñoó kjo̱a̱kjíntakoón kui xota̱ xi sꞌijinjiín, tsi̱ꞌe̱ nga sku̱i̱e̱ cha̱n cha̱njín, kjo̱a̱tsijee̱n ndiꞌí ꞌna̱a̱ éntjatsi̱e̱ xi tsꞌéntsáyà kjo̱a̱jee̱ Kristoo̱, kó kuíni nga, nga ya ñá Kristoo̱, makjínná kókjiꞌi kjo̱a̱jee̱ Néná.

2 Xota̱ Tesalónika̱ 1:8

Ngi̱jii̱n ndiꞌí kji̱ndi̱báni, tsi̱ꞌe̱ nga sa̱ꞌínjeé ngayeje xota̱ xi kamábejín Néná, ti̱nde tsintꞌiéꞌénjiín éntjatsi̱e̱e̱ Ndi̱a̱ná Jesukristoo̱.

Xota̱ Ebreo̱ 8:11

Kó nde ngojín xi ko̱kóyaá xota̱a̱, ti̱nde ngojín xi bi̱ ka̱tso̱o̱ ntsꞌi̱e̱: Chjiéngá xchi̱e̱ ji Ndi̱a̱ná, ngatꞌa̱ ngayejee̱ nga sku̱i̱e̱na, ndeskande xi ꞌniú chichií, ngaskande xi ꞌniú xchaá.

1 Xo̱jo̱o̱n Juaa̱ 1:9

Ta̱nga tsi ndyi̱niꞌánkié yojoná nga tjínná jé, ka̱ma ka̱maꞌniátakón ñá nga kixi̱ boá Néná, tsi̱ꞌe̱ nga sa̱ꞌínjetakón jéná ko̱jo nga sa̱ꞌíntsjiejónná ngayeje ni xi ndajín xi tikónjinná.

Ni xi akakoo̱ 13:8

Kó kui cho̱ chꞌokjiꞌii̱ xi sa̱ꞌíndikón ngayeje xotaa̱ kui nga̱sondiee̱ xi kjitꞌajín jaꞌeén xo̱jo̱n nínga tjítꞌa jaꞌeén xota̱ xi kꞌuíndo ngatsjéni̱xtjin xi tsi̱ꞌe̱ cho̱tsa̱nga̱ xi kiniꞌánkꞌieén, xi je kjitꞌa ndeskande nga ítsꞌi̱yanii̱ nga kamánda nga̱sondiee̱.

Ni xi akakoo̱ 16:5

Kó tsintꞌie an nga ndítsjie xi tsi̱ꞌe̱ ndáfoaa̱, bi̱ katsó: –Jí xí kixi̱ ji, jí xí jí, Ndi̱a̱, jí xí kamá ji ngasꞌe̱, jí xí tsjie ji, ngatꞌa̱ jí xí kiniꞌínjée̱ kui nii̱,