Juaa̱ 17:24 - Xo̱jo̱n eén Néná

²⁴ Na̱ꞌmi, kui xota̱ xi je katseꞌéní, mejénna nga nínga tikòn an, nga ti̱ ki̱a̱ kꞌuíndojo̱na nga, tsi̱ꞌe̱ nga sku̱i̱e̱ ngayeje kjo̱a̱je xi katseꞌéní, ngatꞌa̱ kiniꞌíntjéní ndeskande koó nga ítjatsꞌennii̱ kui nga̱sondiee̱.

Juaa̱ 17:24 ပူးပေါင်းရင်းမြစ်များ

Jenesii̱s 45:13

Tꞌíyájnúu̱ na̱ꞌmina ngayeje ni xi je kamáyàjnú kꞌi̱e̱e̱ ko̱jo xá xí tjínna kui na̱xi̱ńdaá, kó tsá ndibájo̱jnú kꞌi̱e̱e̱.

Matioo̱ 25:21

Sꞌe̱ ndi̱a̱a̱, bi̱ katsoó: «Ndakjiꞌi, ngo moso̱ xi nda ko̱jo xi maꞌniátakón boá ji, kó nga nda kichíi̱n ni chiboa xi katsjaa, tsie ngase nina xchíi̱n. ¡Ja̱bíꞌi̱n, kó nijan si̱ꞌantsjà!»

Matioo̱ 25:23

Sꞌe̱ ndi̱a̱a̱, bi̱ katsoó: «Ndakjiꞌi, ngo moso̱ xi nda ko̱jo xi maꞌniátakón boá ji, kó nga nda kichíi̱n ni chiboa xi katsjaa, tsie ngase nina xchíi̱n. ¡Ja̱bíꞌi̱n, kó nijan si̱ꞌantsjà!»

Matioo̱ 25:34

Kósꞌe̱ nda̱ Ree̱, bi̱ ka̱tso̱o̱ ngayeje xi síndo nga kixi̱i̱: «Ja̱bíjnúꞌun, jún xi je katsꞌénchikonñéjnú Na̱ꞌmina, chjábéjnú ngi̱ndie nínga botíxoma xi je tikónndajnú ndeskande koó nga ítsꞌi̱yanii̱ nga kamánda nga̱sondiee̱.

Matioo̱ 26:29

Kó xiyàjnúꞌun nga ngotꞌe̱ ngiti̱ kꞌuijín an ndaá tostsi̱je̱è, ngaskande nga kꞌuíjo̱jnúꞌun xi tja̱tsi̱e̱e̱, nga ku̱i̱ndyión ngi̱ndie nínga botixómá Na̱ꞌmina.

Rkaa̱ 12:37

Achichíra̱tsjaa̱ moso̱ xi kjiꞌiféjín nga kjo̱chó ndi̱a̱a̱, ja̱koxi̱ nga ti̱ kuii̱ ndi̱a̱a̱ sa̱ꞌínkꞌijñátꞌa yámíxa̱, kó ti̱ kuii̱ sa̱ꞌínseén.

Rkaa̱ 23:43

Kó Kjisoo̱, bi̱ katsoó: –Ja̱koxi̱ ni xi xiáa̱n, nga ngotꞌe̱ má ku̱i̱ndyinje̱ní ndiꞌakꞌajmii̱.

Juaa̱ 1:14

Kó kuí Eén xi yojo kamá, kó kꞌi̱e̱ kisꞌijñajinná, kó kamáyà kjo̱a̱jee̱, kjo̱a̱jee̱ nga Ndí ngototoo̱ Na̱ꞌmii̱, xi kisꞌikitsiee̱ kjo̱a̱nda ko̱jo ja̱koxi̱.

Juaa̱ 12:26

Tsi tjín xí sa̱ꞌínsénna, ngatjandibátjingína, kó nínga kotíjña̱ an, ti̱ ki̱a̱ kꞌuijñá nda̱ xi sa̱ꞌínsénna. Tsi tjín xí sa̱ꞌínsénna, Na̱ꞌmina sku̱i̱e̱ndikón.

Juaa̱ 14:3

Kó tsi kjuínkꞌijñandajnúꞌun ngo ngi̱ndie, kjoéꞌe̱ ngiñá an nga kjoéꞌe̱kjaꞌajnúꞌun, tsi̱ꞌe̱ nga nínga kotíjña̱ an ki̱a̱ ku̱i̱ndyionjnú nga.

Juaa̱ 15:9

Xikó tsꞌén tjoó an Na̱ꞌmina, ti̱ bo̱a̱ ti̱ tsꞌén tjóna jún, ti̱ndyionjinjnú kjo̱a̱tjóna.

Juaa̱ 17:2

xikótsꞌèn katseꞌéní xá nga án kotixomáa̱ xotaa̱, ko̱jo tsi̱ꞌe̱ nga an tsjàa̱ kjo̱a̱mindyion ngatsjéni̱xtjii̱n ngayeje xota̱ xi ji katseꞌée̱.

Juaa̱ 17:22

Kó kui kjo̱a̱je xi katseꞌéní, jè katsjáa̱ kui xotaa̱, tsi̱ꞌe̱ nga ka̱ma ngo xikoó ñá nga ngo má,

Juaa̱ 17:5

Ngotꞌe̱ ꞌne̱ Na̱ꞌmi, tꞌa nínga tindyin jí, te̱ꞌéní kjo̱a̱je xi kisꞌiena nga kisꞌijñajoo̱, ngindiee̱ nga kamánda kui nga̱sondiee̱.

Juaa̱ 6:37

Ngayeje xota̱ xi je jaꞌájin Na̱ꞌmina, kji̱ndi̱bákónna, kó xi kji̱ndi̱bákónna sa̱ꞌinchꞌójín an,

Juaa̱ 6:39

Kó kuí nii̱ xi mejeén Na̱ꞌmina xi katsangiyana: Nga ngayeje ni xi tsja̱ana, ngojín ni xi sa̱ꞌinchaja an, nga ta̱sá sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌaa̱ kui nga̱sondiee̱.

Juaa̱ 8:58

Sꞌe̱ bi̱ ka̱tso̱ Kjisoo̱: –Ja̱koxi̱, ja̱koxi̱ ni xi xiánjnúꞌun, ngindiee̱ nga stse̱n Abraa̱n, ja̱bo̱a̱ jè tikòn an.

1 Xota̱ Korinto̱ 13:12

Ta̱nga ngotꞌe̱ ꞌne̱ ta̱ ndyi̱yà xa̱ tsí ñá ni xi tsi̱ꞌe̱ Néná, xikoó tsi ngo chi̱tsen tsitsienjenjin xi xa̱ ya, ta̱nga nga kjo̱chó ni̱xtjin tíkje̱n tíkje̱n xcha̱ Néná. Ngatꞌa̱ chiboa tsí be an ngotꞌe̱, ta̱nga kjo̱chó ngo ni̱xtjin nga sku̱i̱e̱ cha̱n cha̱n an Néná xikótsꞌèn bena kui.

2 Xota̱ Korinto̱ 3:18

Kó kuíni nga ngayeje ñá, ngiti̱ jmíjínná kuí ńjño xi boꞌmá kje̱n. Xikoó kjiꞌanga ngo chi̱tsen bokó kje̱n, bo̱a̱ tsꞌén bokó ñá kjo̱a̱jee̱ Ndi̱a̱ná. Bo̱a̱ kon kjimá xikó maá a̱sie̱én Néná, ngatꞌa̱ ngatsjéni̱xtjin sa kjiꞌbé sa kjiꞌbéná tsie kjo̱a̱jee̱, ta̱ngatꞌanii̱ ni xi tjítsꞌén A̱si̱énni̱xtjii̱n Ndi̱a̱ná.

2 Xota̱ Korinto̱ 4:6

Ngatꞌa̱ kuí Néná xí katsjákjo̱a̱ nga nínga jñoó sa̱ꞌíntsijen ndiꞌií, kó ti̱kuíní xi katsꞌéntsijen ndiꞌií ngi̱jin ini̱ma̱ná, kó katsꞌéntsijee̱n tsi̱ꞌe̱ nga ka̱makjínná kjo̱a̱jee̱ Néná xí tjítsꞌén ꞌna̱ kje̱n Jesukristoo̱.

2 Xota̱ Korinto̱ 5:8

Kjimaꞌniátakón ñá kó mejénná nga kꞌuijñámasien kui yojo xchaá, tsi̱ꞌe̱ nga nínga tikón Ndi̱a̱ná konginkíndyión.

Xota̱ Filipo̱ 1:23

Ngatꞌa̱ achichí niꞌin mana nga ngo nga jó kui nii̱ xi kjo̱a̱ꞌajin an: Ngatꞌa̱ ta̱ bo̱a̱ mejénna ko̱yà án, tsi̱ꞌe̱ nga ki̱a̱ kotíjña̱ an nínga tikón Kristoo̱, ngatꞌa̱ nda ngase kjimana kui nii̱,

1 Xota̱ Tesalónika̱ 4:17

Jaskan kongín ñá, kui xi ta̱kó tindyión nga̱sondie, si̱ꞌankjínijíngíná ñá, ko̱jo kui xota̱ xi je jesoón nínga tikón ṉdi̱i̱, tsi̱ꞌe̱ nga ki̱a̱ ngi̱jinꞌa̱sie̱èn sa̱kóná Ndi̱a̱ná, kó bo̱a̱ tsꞌén ku̱i̱ndyionjo̱ Ndi̱a̱ná ngatsjéni̱xtjin.

1 Xo̱jo̱o̱n Peé 1:21

Kó ta̱ngatꞌanii̱ Kristoo̱ nga jún sꞌijinjnú Néná, kui Néná xi katsꞌénkjaꞌáꞌyaá Kristoo̱ ngi̱jii̱n xota̱ xi je jesoón kó katsjaá kjo̱a̱je, tsi̱ꞌe̱ nga sꞌi̱jinjnú ko̱jo ka̱maꞌniátakónjnú Néná.

1 Xo̱jo̱o̱n Juaa̱ 3:2

Jún ndí ntsꞌie xi tjóna, ngotꞌe̱ ꞌne̱, jè ndií Néná ñá, kó ndatsi kji̱e̱ yàjín ñá mí ni xi ka̱ma ñá jaskan, jè ya ñá nga kjiꞌanga kjo̱e̱ꞌe Jesukristoo̱ xikó maá kui, nga bo̱a̱ kon ka̱ma ñá, ngatꞌa̱ xcha̱ cha̱n cha̱n ñá xikó má kjiꞌi kui.

Ni xi akakoo̱ 21:22

Kó nde ngo na̱ngo̱xi̱ kamábejín an ki̱a̱ na̱xi̱ńdáꞌniuú, ngatꞌa̱ Ndi̱a̱ná xí tjiín ngaꞌniuú kuí boá xi na̱ngo̱xi̱i̱ ko̱jo xi cho̱tsa̱nga̱a̱.

Ni xi akakoo̱ 3:21

Kui xi sa̱ꞌiín, ngo ngi̱ndie tsjàa̱ nínga tsꞌénbotixoma an, kó ki̱a̱ kꞌuijñátꞌana, xikótsꞌèn je katsꞌen an, kó kꞌi̱e̱ tikóntꞌáa̱ an Na̱ꞌmina nínga tsꞌénbotixómá.