Juaa̱ 17:21 - Xo̱jo̱n eén Néná

²¹ tsi̱ꞌe̱ nga ka̱ma ngo, xikoó ji Na̱ꞌmi, nga ngo má ñá ji ko̱jo an, ti̱ bo̱a̱ ti̱ tsꞌén nga ngo ngatama kui xotaa̱ ko̱jo ñá, tsi̱ꞌe̱ nga sꞌi̱jii̱n xotaa̱ kui nga̱sondiee̱ nga ji xi kanangiyení.

Juaa̱ 17:21 ပူးပေါင်းရင်းမြစ်များ

Markoo̱ 3:24

Kó tsi ngo ngi̱ndie nínga botixómá ngo nda̱ re jó tjín ka̱ma nga skjánjo̱ ti̱ kuii̱ xkjín, tsiejín ka̱maa̱ kui ngi̱ndiee̱,

Juaa̱ 10:16

Kó ti̱ tjínna kje̱ꞌe cho̱tsa̱nga̱ xi kuijín nchꞌoaá chji̱a̱ni, kó ti̱ kjuínkjáꞌa an nga, kó kui cho̱tsa̱nga̱a̱ ku̱i̱ntꞌiè nda̱na, kó ta̱ ngo tsí tjín ka̱ma, kó ta̱ ngo tsí nda̱ xi skoón kui cho̱tsa̱nga̱a̱.

Juaa̱ 10:30

Na̱ꞌmina ko̱jo an ta̱ ngo tsí májne̱.

Juaa̱ 10:38

ta̱nga tsi sa̱ꞌin an, ndatsi sꞌi̱jinjínjnú an, sꞌijin ngatamajnú ni xi tsꞌen an, tsi̱ꞌe̱ nga xcha̱jnú, kó ka̱makjínjnú nga Néná xí Na̱ꞌmii̱ tikónjinna, kó an tikónjìi̱n kui.

Juaa̱ 11:42

Jè be an nga ngatsjéni̱xtjin ndaꞌyéní, ta̱nga bo̱a̱ kixian an kjo̱a̱a̱ xota̱ xi síndotꞌana, tsi̱ꞌe̱ nga sꞌi̱jii̱n nga ji xi kanangiyení.

Juaa̱ 13:32

Tsi ta̱ngatꞌanii̱ kui nga xcha̱ kjo̱a̱jee̱ Néná, ja̱ ti̱ Néná ko̱kó kjo̱a̱jee̱ kui, kó Néná tsá sa̱ꞌín kui nii̱.

Juaa̱ 13:35

Tsi tjó ka̱majnú xingi̱jnú, ja̱ kjiꞌá boá nga xcha̱ nga jún xí xota̱na.

Juaa̱ 17:11

Kó jè ngiti̱ kuijín nga̱sondiee̱ tikòn an, ta̱nga kui xotaa̱, ta̱kó ki̱a̱ síndo, kó án ki̱a̱ tsꞌénfikoo̱n ji. Na̱ꞌmi tsjie, xota̱ xi katseꞌéní, chíi̱n nga ti̱ꞌinkjìn jí ngaꞌniuú jaꞌée̱n, tsi̱ꞌe̱ nga ngo ka̱ma kui, xikótsꞌèn ngo má ñá.

Juaa̱ 17:18

Xikó tsꞌén kanangiyení kui nga̱sondiee̱, ti̱ bo̱a̱ ti̱ tsꞌén katsangiya an kui xotaa̱, kui nga̱sondiee̱,

Juaa̱ 17:20

Ta̱nga jmí ta̱ kjo̱a̱a̱ kuí tsí kui xotaa̱ nga tsꞌénchji̱a̱ñáa ji, tsꞌénchji̱a̱ñáa an, ko̱jo kjo̱a̱a̱ xota̱ xi sꞌijii̱n an, kjo̱a̱a̱ én xí ku̱i̱chji̱a̱ kui xotaa̱,

Juaa̱ 17:25

Na̱ꞌmi kixi̱, nga ja̱koxi̱ xotaa̱ kui nga̱sondiee̱ kamábejiín jí, ta̱nga beñaá jí, kó kui xotaa̱ be nga ji xi kanangiyení,

Juaa̱ 17:3

Kó kuí xi̱ꞌbi̱ xi kjo̱a̱mindyion ngatsjéni̱xtjii̱n: Nga sku̱i̱e̱e̱ ji, nga ta̱ jí tsí xi Néná xí ja̱koxi̱i̱ ji, ko̱jo Jesukristoo̱, kui xi kanangiye ji.

Juaa̱ 17:8

Ngatꞌa̱ én xí katseꞌéní, jè katsjáa̱, kó iskjíbé, kó jè kamábe nga ja̱koxi̱ nga ji jatjoxiejinñaa̱, kó jè kisꞌijii̱n nga ji xi kanangiyení.

Juaa̱ 3:17

Ngatꞌa̱ Néná jmí tsi katsangiya ndií kui nga̱sondiee̱ tsi̱ꞌe̱ nga sa̱ꞌínjeé xotaa̱, katsangiya tsi̱ꞌe̱ nga kui ndií xi kꞌo̱xiéꞌá xotaa̱.

Juaa̱ 5:23

tsi̱ꞌe̱ nga ngayeje xota̱ sku̱i̱e̱ndikón ndií xikótsꞌèn bendikón Na̱ꞌmii̱. Xi bendikónjín ndií, bendikónjín Na̱ꞌmi xi katsangiya kui nga.

Ni xi kamá 2:46

Kó ndyiojón ndyiojón kamátikó ki̱a̱ na̱ngo̱xi̱i̱, kó xki̱ ndiꞌa akjángá paa̱n, kó iskjinie xtín nga tsja kamaá, ko̱jo nga nda kamá ini̱ma̱a̱,

Ni xi kamá 4:32

Kó xota̱ kjín xi kisꞌijii̱n eén Néná, ta̱ ngo ini̱ma̱ ko̱jo ngo kjo̱a̱kjíntakón tsí kamá, kó nde ngojín xi tsi̱ꞌe̱ soboá kamaá ni xi kisꞌiee̱, ngatꞌa̱ ta̱ tsi̱ꞌe̱ yeje kamá ni xi kisꞌiee̱ nga ngo nga ngo.

Xota̱ Roma̱ 12:5

Ti̱ bo̱a̱ ti̱ kjiꞌinii̱ ñá, achichí má ñá, kó ngayeje ñá ta̱ ngo tsí yojo kamájo̱ Kristoo̱, kó nga ngo nga ngo ñá ngo ndiè yojoo̱ Kristoo̱ má, kó ngo kichꞌiá xingi̱ nga ngo tsí yojo ndokjo̱a̱.

1 Xota̱ Korinto̱ 1:10

Já ntsꞌie, ta̱ngatꞌanii̱ xá xí katsjána Ndi̱a̱ná Jesukristoo̱, ꞌniú míꞌájnúꞌun nga ndse̱je̱n ka̱majnú nga ngo ni ko̱ndókjo̱a̱jnú, kó nga ko̱kjangajínjnú yojojnú, nga ta̱sá nga ngo xtín ka̱majnú, kó nga ti̱ kuii̱ ni xi si̱ꞌankjójnú, ko̱jo nga ti̱ kuii̱ ni xi kjójintakónjnú.

1 Xota̱ Korinto̱ 12:12

Ngatꞌa̱ xikótsꞌèn nga ngo yojo kjín má ni xi yaꞌajo̱ni, kó ndatsi kjín ni xi yaꞌajo̱, ta̱ ngo tsí yojo ma, ti̱ bo̱a̱ ti̱ kjiꞌinii̱ Kristoo̱.

1 Xota̱ Korinto̱ 6:17

Ta̱nga kui xota̱ xi ndyi̱tsꞌèngojo̱ yojoo̱ Ndi̱a̱ná, ta̱ ngo tsi A̱siénni̱xtjin ma nga joó.

Xota̱ Ngalasia̱ 3:28

Jè ngiti̱ jmí ndasénjín tsi xota̱ jundío̱, ko̱jo tsi xota̱ ngriengo̱, tsi moso̱ xi kastiñá, ko̱jo tsi xota̱ xi síndondé, tsi xi xi̱ꞌin ko̱jo tsi xi ínchjín. Ngatꞌa̱ jè kiniꞌángojnú yojojnú Kristo̱ Kjisoo̱, kuíni nga je ta̱ ngo ndse̱je̱njnú ngindyi̱ko̱n Néná.

Xota̱ Filipo̱ 1:27

Ta̱ kuí tsí nii̱ xi míꞌájnúꞌun: Ti̱ndyiónjnú xikótsꞌèn tsoboaá nga kꞌuíndo xota̱ je sꞌijii̱n éntjatsi̱e̱e̱ Kristoo̱. Kuíni nga tsi kjuínkátsijenjnúꞌun skuie an, kó tsi ki̱a̱jín kotíjña̱ an kuintꞌie an én xikótsꞌèn tindyiónjnú. ꞌNiú ti̱ndyiónjnú. Ngo tsí ni xi tjajintakónjnú. Ngo ndséje̱n ti̱ꞌangaꞌniújnú nga ku̱i̱xkántjéjnú kjo̱a̱sꞌijii̱n éntjatsi̱e̱e̱ Kristoo̱.

1 Xo̱jo̱o̱n Juaa̱ 1:3

Kui xi je kamáyà ji̱n, ko̱jo kui xi je kandaꞌyá ji̱n xí ndyi̱ꞌbíni̱jmìjne̱ jún, tsi̱ꞌe̱ nga jún, ko̱jo ji̱n ngo ka̱ma ñá. Kó bo̱a̱ tsꞌén nga ja̱koxi̱ nga ñá je kiniꞌángojo̱ yojoná Na̱ꞌmii̱ ko̱jo Jesukristoo̱, kui xi ndií ma kui.

1 Xo̱jo̱o̱n Juaa̱ 5:7

Ján má xi chistikoo̱,