Juaa̱ 17:2 - Xo̱jo̱n eén Néná

² xikótsꞌèn katseꞌéní xá nga án kotixomáa̱ xotaa̱, ko̱jo tsi̱ꞌe̱ nga an tsjàa̱ kjo̱a̱mindyion ngatsjéni̱xtjii̱n ngayeje xota̱ xi ji katseꞌée̱.

Juaa̱ 17:2 ပူးပေါင်းရင်းမြစ်များ

Xo̱jo̱n Salmoo̱ 110:1

Néná bi̱ katsoó nda̱ rejne̱: «Kꞌi̱e̱ ti̱ndyintꞌení nínga kixi̱i̱ ngi̱ndie nínga botixoma an, ngaskande nga sa̱ꞌinchaja an kondra̱a̱».

Matioo̱ 11:27

Ngayeje nii̱ Na̱ꞌmina boá xí katsꞌénkꞌasꞌienna, kó ta̱ꞌyajín xi be ndií, ta̱kuítsí Na̱ꞌmii̱, kó ta̱ꞌyajín xi be Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Matioo̱ 25:46

Kó kui xota̱ xi ndajiín, ka̱majeé nínga jmíni̱xtjin kju̱i̱e̱ jeé, kó xota̱ xi kixi̱i̱ sa̱ko̱ó kjo̱a̱mindyion ngatsjéni̱xtjii̱n.

Matioo̱ 28:18

Kó Kjisoo̱ kijíkóntiñaa̱, sꞌe̱ bi̱ katsoó: –Jè katseꞌéna xá nga kotixomáa̱ ngayeje ni xi tjín ndiꞌakꞌajmi jàn ko̱jo ni xi tjín tꞌanangii̱.

Juaa̱ 17:24

Na̱ꞌmi, kui xota̱ xi je katseꞌéní, mejénna nga nínga tikòn an, nga ti̱ ki̱a̱ kꞌuíndojo̱na nga, tsi̱ꞌe̱ nga sku̱i̱e̱ ngayeje kjo̱a̱je xi katseꞌéní, ngatꞌa̱ kiniꞌíntjéní ndeskande koó nga ítjatsꞌennii̱ kui nga̱sondiee̱.

Juaa̱ 17:6

Jè akòo̱ xotaa̱ ꞌyání jí, kui xota̱ xi katseꞌéní xí tjín nga̱sondiee̱, tse̱ kamá, kó an katseꞌéní, kó jè ndyi̱tsꞌènkjátjosón ée̱n.

Juaa̱ 17:9

An ꞌniú tsꞌénmíꞌá an kjo̱a̱a̱ kui xotaa̱, jmí tsi kjo̱a̱a̱ xotaa̱ kui nga̱sondiee̱, tsꞌénmíꞌáñaá kjo̱a̱a̱ xota̱ xi katseꞌéní, ngatꞌa̱ jí tse̱,

Juaa̱ 3:35

Néná xí Na̱ꞌmii̱ tjoó ndií, kó ngayeje nii̱ ngi̱ya tsja íjñá.

Juaa̱ 4:14

ta̱nga xi kꞌuí kui ndáfoa xi tsjàa̱, nginijánjín ka̱ma xíndaá, ngatꞌa̱ kui ndáfoa xi tsjàa̱, kuí boá xi ngo ndáńchꞌi̱ xi kjo̱tjoo̱ ndáfoa xi tsjaá kjo̱a̱mindyion ngatsjéni̱xtjii̱n xotaa̱.

Juaa̱ 6:27

Ti̱ꞌanxájnú, ta̱nga jmí tsi kjo̱a̱a̱ nichinie xi fee̱, ta̱sá ti̱ꞌanxájnú kjo̱a̱a̱ nichinie xi tsja̱ajnú kjo̱a̱mindyion ngatsjéni̱xtjii̱n, kui xi tsja̱ajnú ndií nda̱ xi̱ꞌii̱n, ngatꞌa̱ jè Néná xí Na̱ꞌmii̱ katsjáxaá kuí.

Juaa̱ 6:37

Ngayeje xota̱ xi je jaꞌájin Na̱ꞌmina, kji̱ndi̱bákónna, kó xi kji̱ndi̱bákónna sa̱ꞌinchꞌójín an,

Juaa̱ 6:39

Kó kuí nii̱ xi mejeén Na̱ꞌmina xi katsangiyana: Nga ngayeje ni xi tsja̱ana, ngojín ni xi sa̱ꞌinchaja an, nga ta̱sá sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌaa̱ kui nga̱sondiee̱.

Xota̱ Roma̱ 6:23

Ngatꞌa̱ chjií jeé kjo̱a̱bo̱yaa̱ boá, ta̱nga kjo̱a̱ndaa̱ Néná kjo̱a̱mindyion ngatsjéni̱xtjii̱n boá ngatꞌaa̱ Kristo̱ Kjisoo̱, kui xi Ndi̱a̱ná.

1 Xota̱ Korinto̱ 15:25

Ngatꞌa̱ Kristoo̱ chjiéngá kuí ko̱tíxoma ngaskande nga ngayeje kondra̱ tsi̱ꞌe̱ ku̱i̱ꞌíndo ngindie se.

Xota̱ Éfeso̱ 1:20

kuí xí katsꞌénkjién nga katsꞌénkjaꞌáꞌyaá Kristoo̱ ngi̱jii̱n xota̱ xi je jesoón, kó Néná ki̱a̱ katsꞌénkꞌíjñátꞌa tsja fojnií ki̱a̱ ndiꞌakꞌajmii̱.

Xota̱ Filipo̱ 2:10

Tsi̱ꞌe̱ nga kjiꞌanga ko̱nda̱ꞌyá jaꞌeén Kjisoo̱, ngayeje xi ko̱siéntikoó, ki̱a̱ ndiꞌakꞌajmii̱, ko̱jo tꞌanangii̱, ko̱jo ngindie tꞌanangii̱.

1 Timoo̱ 1:16

Kuíni nga Néná kamáni̱ma̱a̱ an, tsi̱ꞌe̱ nga Jesukristoo̱ akó ngayeje kjo̱a̱ndaa̱ nga katsꞌénkjiénna án. Kó bo̱a̱ tsꞌén nga an xi chi̱bo̱a̱ kamá an tsi̱ꞌe̱ xota̱ xi jaskan sꞌi̱jii̱n kui, tsi̱ꞌe̱ nga sa̱ko̱ó kjo̱a̱mindyion ngatsjéni̱xtjii̱n.

Xota̱ Ebreo̱ 1:2

Kó ngotꞌe̱ ꞌne̱, kui ni̱xtjin xi kjifetꞌaa̱, Néná katsangiya ndií, kó kuí xí katsꞌénkjién nga tsíchji̱a̱joná, kó kuí boá xi katsꞌénkꞌasꞌiee̱n ngayeje nii̱, ko̱jo ta̱ngatꞌanii̱ kui nga Néná katsꞌénda ngayeje nga̱sondiee̱ ko̱jo ndiꞌakꞌajmii̱.

1 Xo̱jo̱o̱n Peé 3:22

Jesukristoo̱ kijínijíngí ndiꞌakꞌajmi jàn, kó ki̱a̱ tikón nga fojnií Néná, kó kuí boá xi tsꞌénbotixómaá ndítsjiee̱, ko̱jo a̱siénni̱xtjin xi tjiín xá ko̱jo ngaꞌniuú.

1 Xo̱jo̱o̱n Juaa̱ 1:2

Kui kjo̱a̱mindyion xi je akakoo̱ xotaa̱, kó ji̱n má xi kamáyà ji̱n, kó chistiko̱ ji̱n, kó ndyi̱ꞌbíni̱jmìjne̱ kjo̱a̱a̱ kui kjo̱a̱mindyion ngatsjéni̱xtjii̱n, kui xi tikónjii̱n Na̱ꞌmii̱, kó jè akakoná.

1 Xo̱jo̱o̱n Juaa̱ 2:25

Kjo̱a̱mindyion ngatsjéni̱xtjii̱n boá xi katsóyàtjónná Jesukristoo̱ nga tsja̱aná.

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.

Xo̱jo̱o̱n Jundaa̱ 1:21

Ti̱ndyiajinjnú kjo̱a̱tjoó Néná, kó chiyájnúu̱ ni̱xtjin nga Ndi̱a̱ná Jesukristoo̱ kꞌuieé kjo̱a̱ni̱ma̱takón nga tsja̱aná kjo̱a̱mindyion ngatsjéni̱xtjii̱n.