Juaa̱ 17:11 - Xo̱jo̱n eén Néná

¹¹ Kó jè ngiti̱ kuijín nga̱sondiee̱ tikòn an, ta̱nga kui xotaa̱, ta̱kó ki̱a̱ síndo, kó án ki̱a̱ tsꞌénfikoo̱n ji. Na̱ꞌmi tsjie, xota̱ xi katseꞌéní, chíi̱n nga ti̱ꞌinkjìn jí ngaꞌniuú jaꞌée̱n, tsi̱ꞌe̱ nga ngo ka̱ma kui, xikótsꞌèn ngo má ñá.

Juaa̱ 17:11 ပူးပေါင်းရင်းမြစ်များ

Xo̱jo̱n Salmoo̱ 79:9

¡Ji Ne xi ꞌboxiéꞌájne̱, ¡tasíke̱jejne̱! Ta̱ngatꞌanii̱ kjo̱a̱je xi tjiín jaꞌée̱n, ¡xín ti̱ꞌinkjeꞌejne̱ jeé, kó ti̱ꞌinjetakínjne̱ jéjne̱, ta̱ngatꞌanii̱ kjo̱a̱tjó xi tjiín jaꞌée̱n!

Énkjínkón 18:10

Jaꞌeén Néná, kuí boá xi xikoó ngo tarié xi ꞌniú tikón, kó ki̱a̱ boá nínga fí manga manga xota̱ xi kixi̱i̱, nga mongase nga ko̱si̱ko̱jo.

Matioo̱ 10:16

Kꞌi̱e̱ tsꞌéntsangiyajnúꞌun xikó maá cho̱tsa̱nga̱ xi tjimá ngi̱jii̱n cho̱lobo̱, kó kuíni nga ti̱ndyiondajnú xikó maá ngo ye̱, ta̱nga inda ini̱ma̱ ngatamajnú xikó maá ngo tójo.

Matioo̱ 5:48

Chjiéngá kixi̱ ngatamajnú xikó má tsꞌén kixi̱ Na̱ꞌmijnú xi tikón ndiꞌakꞌajmi jàn.

Matioo̱ 6:9

Bi̱ tsꞌén ndókjo̱a̱jnúu̱ Néná: Ji Na̱ꞌmi tsa̱ji̱n xi tindyin ji ndiꞌakꞌajmi jàn, ngachjaninkꞌa jaꞌée̱n.

Juaa̱ 13:1

Kó ngindiee̱ sꞌué paskuaa̱, nga ja̱bo̱a̱ je be Kjisoo̱ nga je jachó chi̱bo̱a̱a̱, nga ko̱e̱je̱ kui nga̱sondiee̱ sꞌe̱ ko̱e̱je̱koo̱n Na̱ꞌmii̱, katsꞌéntjó xotaa̱ kui nga̱sondiee̱, katsꞌéntjó ngaskande nga fetꞌani.

Juaa̱ 13:3

Kjisoo̱ ja̱bo̱a̱ jè be nga Na̱ꞌmii̱ katsjaá ngi̱ya tsja ngayeje nii̱, kó nga Néná jatjoni, ko̱jo nga ti̱ kuii̱ ko̱e̱je̱kon nginií,

Juaa̱ 14:20

Kui ni̱xtjin jàn xcha̱jnú nga Na̱ꞌmina tikónjìi̱n, kó jún tindyionjinjnúꞌun, kó án tikónjinjnúꞌun jún.

Juaa̱ 16:28

Na̱ꞌmina xí katsangiyana, kó jéꞌe̱ an kui nga̱sondiee̱, kó kꞌuijñá ngiñá an kui nga̱sondiee̱, kó kjuínkón ngiñáa̱ Na̱ꞌmina.

Juaa̱ 16:33

Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.

Juaa̱ 17:23

ngatama ngo kui xotaa̱ ko̱jo an, kó jí ko̱jo an, tsi̱ꞌe̱ nga kjóchotꞌáa̱ kjo̱a̱a̱ ngo tjín xí ja̱koxi̱i̱, tsi̱ꞌe̱ nga xotaa̱ nga̱sondiee̱ sku̱i̱e̱ nga ji xi kanangiyení, kó nga tjoó kui xotaa̱ xikótsꞌèn tjoó an.

Juaa̱ 17:25

Na̱ꞌmi kixi̱, nga ja̱koxi̱ xotaa̱ kui nga̱sondiee̱ kamábejiín jí, ta̱nga beñaá jí, kó kui xotaa̱ be nga ji xi kanangiyení,

Juaa̱ 17:6

Jè akòo̱ xotaa̱ ꞌyání jí, kui xota̱ xi katseꞌéní xí tjín nga̱sondiee̱, tse̱ kamá, kó an katseꞌéní, kó jè ndyi̱tsꞌènkjátjosón ée̱n.

Juaa̱ 7:33

Sꞌe̱ Kjisoo̱, bi̱ katsó: –Ta̱ ngi chiboa tsí ni̱xtjin kotíjña̱jinjnúꞌun, sꞌe̱ kjuín án ngijee̱ nínga tikón xi katsangiyana.

Ni xi kamá 3:21

kui xi je ta̱xà bo̱a̱ kjiꞌini nga ndiꞌakꞌajmii̱ kꞌuijñá ngaskande ni̱xtjin nga ka̱mandaya ngayeje nii̱, kui ni xi katsó Néná nga katsꞌénkíchji̱a̱ já chji̱ni̱e̱ꞌén tsjiee̱ xi kisꞌińdo ni̱xtjin xcháján.

Xota̱ Roma̱ 12:5

Ti̱ bo̱a̱ ti̱ kjiꞌinii̱ ñá, achichí má ñá, kó ngayeje ñá ta̱ ngo tsí yojo kamájo̱ Kristoo̱, kó nga ngo nga ngo ñá ngo ndiè yojoo̱ Kristoo̱ má, kó ngo kichꞌiá xingi̱ nga ngo tsí yojo ndokjo̱a̱.

Xota̱ Roma̱ 9:17

Ngatꞌa̱ bi̱ tsó kjo̱a̱a̱ nda̱ ree̱ nangi Ejipto̱ xo̱jo̱n eén Néná: “Re katsꞌeen tsi̱ꞌe̱ nga katsꞌenkjieén nga koko an ngaꞌniúna, ko̱jo nga kꞌuiyá jaꞌénna ngayeje tꞌanangii̱.”

1 Xota̱ Korinto̱ 1:10

Já ntsꞌie, ta̱ngatꞌanii̱ xá xí katsjána Ndi̱a̱ná Jesukristoo̱, ꞌniú míꞌájnúꞌun nga ndse̱je̱n ka̱majnú nga ngo ni ko̱ndókjo̱a̱jnú, kó nga ko̱kjangajínjnú yojojnú, nga ta̱sá nga ngo xtín ka̱majnú, kó nga ti̱ kuii̱ ni xi si̱ꞌankjójnú, ko̱jo nga ti̱ kuii̱ ni xi kjójintakónjnú.

Xota̱ Ngalasia̱ 3:28

Jè ngiti̱ jmí ndasénjín tsi xota̱ jundío̱, ko̱jo tsi xota̱ ngriengo̱, tsi moso̱ xi kastiñá, ko̱jo tsi xota̱ xi síndondé, tsi xi xi̱ꞌin ko̱jo tsi xi ínchjín. Ngatꞌa̱ jè kiniꞌángojnú yojojnú Kristo̱ Kjisoo̱, kuíni nga je ta̱ ngo ndse̱je̱njnú ngindyi̱ko̱n Néná.

Xota̱ Éfeso̱ 4:4

Ta̱ ngo tsí yojoo̱ Kristoo̱ má ngayeje ñá, kó ti̱kuíní A̱siénni̱xtjin xi tikónjinná, kó ti̱ bo̱a̱ ti̱ tsꞌén ta̱ ngo tsí kjo̱a̱chiyá xi kandokjo̱a̱ná ñá.

Xota̱ Filipo̱ 2:9

Kó kuíni nga Néná katsjaá ngo kjo̱a̱je xi je, kó katsjaá ngo jaꞌén xí nkꞌa ta̱bo̱a̱jiín jaꞌén xí ngasee̱.

Xota̱ Ebreo̱ 1:3

Kuí ndií xi tsꞌentsíjen kjo̱a̱jee̱ Néná, kó kuí boá xi bokó xikótsꞌèn tjíjii̱n Néná, kó kuí boá xi tsꞌénkꞌíndo ngayeje ni xi tjiín, ta̱ngatꞌanii̱ ngaꞌniuú én xí chji̱a̱. Ngije katsꞌéntsjiejónná jé xí tjínná ngindyi̱ko̱n Néná, ki̱a̱ kisꞌijña ndiꞌakꞌajmii̱ nga fojnií Néná xi tsꞌénbotixómaá.

Xota̱ Ebreo̱ 9:24

Ngatꞌa̱ Kristoo̱ jmí tsi tsꞌasꞌien ngi̱yaa̱ kui na̱ngo̱xi̱ ndikón xí katsꞌénda tsja xotaa̱, kui xi ta̱ ni xi katjoꞌótꞌa na̱ngo̱xi̱ ndikón xí ja̱koxi̱i̱ boá. Kristoo̱ boá xi ki̱a̱ má ndiꞌakꞌajmii̱ tsꞌasꞌien, tsi̱ꞌe̱ nga jachó ngindyi̱ko̱n Néná, kó kuí boá xi tsꞌénmíꞌá nganda tsa̱ñá.

Xo̱jo̱o̱n Sandiyaá 4:4

¡Jún xota̱ xi jmí tsi kixi̱ timatji̱ngijnú Néná! A yàjínjnú jún nga xota̱ xi ndyi̱tsꞌèntjó nii̱ kui nga̱sondiee̱, kondraa̱ Néná síndoni. Ta̱ꞌya xota̱ní xi mejeén nga amingoo̱ kui nga̱sondiee̱ ka̱ma, kondraa̱ Néná tjítsꞌén yojoo̱.

1 Xo̱jo̱o̱n Peé 1:5

Ngaꞌniuú tjítsꞌénkjién nga tsꞌénkoón jún, ta̱ngatꞌanii̱ nga sꞌijinjnú, tsi̱ꞌe̱ nga Néná kꞌo̱xiéꞌá kjin kjin xota̱ xi tsi̱ꞌe̱ xikótsꞌèn je tikónndaa̱ ni̱xtjin xi kjifetꞌaa̱.

1 Xo̱jo̱o̱n Juaa̱ 3:12

Jmí tsi bo̱a̱ si̱ꞌán xikoó Kaii̱n nga xindajín tsíchji̱a̱ni, kó katsꞌénkꞌién ntsꞌi̱e̱. Kó míkjo̱a̱a̱ nga katsꞌénkꞌién. Ngatꞌa̱ ndajínkjiꞌi ngayeje ni xi katsꞌén kuí, kó kixi̱ kamá ngayeje ni xi katsꞌén Abe̱ ntsꞌi̱e̱.

1 Xo̱jo̱o̱n Juaa̱ 5:19

Jè ya nga Néná ndokjo̱a̱ ñá, kó nga xota̱ xi ngasee̱ xindajín boá xi tsꞌénbotixómaá.

Xo̱jo̱o̱n Jundaa̱ 1:1

Án xí ꞌmína Jundaa̱, mosoo̱ Jesukristoo̱ ko̱jo ntsꞌi̱e̱ Sandiyaá, tsꞌentindejnúꞌun ngayejejnú jún xota̱ xi Néná xí Na̱ꞌmii̱ tjoó, ko̱jo xi je tsíchji̱a̱a̱, kui xota̱ xi Jesukristoo̱ tsꞌénkoón.

Xo̱jo̱o̱n Jundaa̱ 1:24

Néná tjiín ngaꞌniú nga skónjnú tsi̱ꞌe̱ nga kꞌo̱kajínjnú, ko̱jo tsi̱ꞌe̱ nga ndándíjín ka̱majnú nga kongínjnú ngindyi̱ko̱n kui, kó nga ꞌniú tsja kꞌuiéjnú nga kjóchójnú nínga tikón kjo̱a̱jee̱,

Ni xi akakoo̱ 15:4

ꞌYá xi stsa̱kjonjiín, Ndi̱a̱. ꞌYá xi tsja̱ajiín kjo̱a̱je jaꞌée̱n. Ngatꞌa̱ ta̱ jí tsi xi tsjie ji, kuíni nga ngayeje na̱xi̱ńdaá kji̱ndi̱bá, kó sa̱ꞌíndikoón, ngatꞌa̱ jè akake ji nga ta̱nisién kixi̱ ji.

Ni xi akakoo̱ 19:12

Ndyi̱ko̱n ꞌna̱ kamá xikoó tsi ngo ndiꞌí, kó achichí kjín korona̱ kisꞌińdoo̱ to̱ko̱, kó ngo jaꞌén kisitꞌaa̱, xi ta̱ ngototo kui xi be,

Ni xi akakoo̱ 4:8

Kó nga ngo nga ngo nga nijón kui xi síndoo̱, jun nga̱ kisꞌiee̱, kó xtji̱e̱e̱n ndi̱tsen ko̱jo xtji̱e̱e̱n ngi̱yaa̱ kui nga̱a̱ kisꞌiee̱ ndyi̱ko̱n, kó nga ni̱xtjin ni̱xtji̱e̱n nga bi̱ katsó: ¡Tsjie, tsjie, tsjie Ndi̱a̱ná, kui Néná xí tjiín ngaꞌniuú, kui xi ta̱kó kui ngasꞌe̱, kui xi kui ngotꞌe̱, ko̱jo kui xi sꞌe̱ ndibaá!