Juaa̱ 16:5 - Xo̱jo̱n eén Néná

⁵ Ta̱nga ngotꞌe̱ ꞌne̱, jè tsꞌénfikóo̱n xi katsangiyana, kó a nde ngojín jún, xi bi̱ ka̱tso̱na: Ñá tìꞌmi ji.

Juaa̱ 16:5 ပူးပေါင်းရင်းမြစ်များ

Juaa̱ 13:3

Kjisoo̱ ja̱bo̱a̱ jè be nga Na̱ꞌmii̱ katsjaá ngi̱ya tsja ngayeje nii̱, kó nga Néná jatjoni, ko̱jo nga ti̱ kuii̱ ko̱e̱je̱kon nginií,

Juaa̱ 13:36

Sꞌe̱ Ximo̱ Peé, bi̱ katsoó Kjisoo̱: –Ndi̱a̱, ñání tiꞌmi ji. Sꞌe̱ Kjisoo̱, bi̱ katsó: –Nínga tsꞌénfí an, ka̱májín kꞌuíntjingíni ngotꞌe̱, ta̱nga sájín ka̱ma kꞌuin jí.

Juaa̱ 14:28

Jè kandaꞌyájnú nga bi̱ kixian an: Je tsꞌénfí an, ta̱nga kjo̱e̱ꞌekón nginíjnúꞌun. Tsi tjójnú an katsaki, tsjara̱ ka̱majnú, ngatꞌa̱ je kixiyajnúꞌun an, nga Na̱ꞌmina tsꞌénfikóo̱n, ngatꞌa̱ nkꞌa ngase xaá Na̱ꞌmina ta̱bo̱a̱jiín an.

Juaa̱ 16:10

kjo̱a̱a̱ kjo̱a̱kixi̱i̱, ngatꞌa̱ jè tsꞌénfikóo̱n Na̱ꞌmina, kó ngiti̱ xcha̱jínjnúꞌun,

Juaa̱ 16:16

Jè ta̱ ngi chiboa tsí ni̱xtjin chaja nga ngiti̱ xcha̱jínjnúꞌun, sꞌe̱ ti̱ ngi chiboa tsí nginí ni̱xtjin nga xcha̱ nginíjnúꞌun, ngatꞌa̱ Na̱ꞌmina tsꞌénfikóo̱n.

Juaa̱ 16:17

Sꞌe̱ bi̱ katsoó xkjín xota̱ tsi̱ꞌe̱ Kjisoo̱: –Mí ni xi mejeén katsó Kjisoo̱, nga bi̱ katsó: Jè ta̱ ngi chiboa tsí ni̱xtjin chaja nga ngiti̱ xcha̱jínjnúꞌun, sꞌe̱ ti̱ ngi chiboa tsí nginí ni̱xtjin nga xcha̱ nginíjnúꞌun, ko̱jo: Ngatꞌa̱ Na̱ꞌmina tsꞌénfikóo̱n.

Juaa̱ 16:28

Na̱ꞌmina xí katsangiyana, kó jéꞌe̱ an kui nga̱sondiee̱, kó kꞌuijñá ngiñá an kui nga̱sondiee̱, kó kjuínkón ngiñáa̱ Na̱ꞌmina.

Juaa̱ 17:13

Ta̱nga ngotꞌe̱ ꞌne̱, jè tsꞌénfikoo̱n ji, kó kui nii̱ tsꞌénxiyàa̱ xotaa̱ kui nga̱sondiee̱, tsi̱ꞌe̱ nga kꞌuié ndo̱jò ndójo̱ò kjo̱a̱tsjana.

Juaa̱ 17:4

An jè ako an kjo̱a̱jèe̱ kꞌi̱e̱ tꞌanangii̱, kó jè katsꞌenkjatjosón an ni xi katseꞌéní nga sa̱ꞌin an.

Juaa̱ 6:62

Ja̱, kó ka̱majnú tsi xcha̱jnú nga ndií nda̱ xi̱ꞌii̱n ko̱e̱je̱nijíngí nginí nínga ja̱bo̱a̱ tikón.

Juaa̱ 7:33

Sꞌe̱ Kjisoo̱, bi̱ katsó: –Ta̱ ngi chiboa tsí ni̱xtjin kotíjña̱jinjnúꞌun, sꞌe̱ kjuín án ngijee̱ nínga tikón xi katsangiyana.

Xota̱ Ebreo̱ 1:3

Kuí ndií xi tsꞌentsíjen kjo̱a̱jee̱ Néná, kó kuí boá xi bokó xikótsꞌèn tjíjii̱n Néná, kó kuí boá xi tsꞌénkꞌíndo ngayeje ni xi tjiín, ta̱ngatꞌanii̱ ngaꞌniuú én xí chji̱a̱. Ngije katsꞌéntsjiejónná jé xí tjínná ngindyi̱ko̱n Néná, ki̱a̱ kisꞌijña ndiꞌakꞌajmii̱ nga fojnií Néná xi tsꞌénbotixómaá.

Xota̱ Ebreo̱ 12:2

Ta̱ ngo tsí Kjisoo̱ xi si̱ꞌansée̱n, kui xi ítsꞌi̱yanii̱ nga kisꞌijña, ko̱jo nga kamá xi chjiéngá nga ka̱ma kjo̱a̱sꞌijii̱n, ko̱jo jaꞌatio kjo̱a̱ni̱ma̱ tꞌa kroo̱, kó ndasénjín kamaá kjo̱a̱soboaá nga bo̱a̱ tsꞌén kꞌien, ta̱ngatꞌanii̱ nga askoyá, nga sa̱ko̱ó kjo̱a̱tsjaa̱. Kó ngotꞌe̱ ꞌne̱ ki̱a̱ tikón nga fojnií Néná xí botixómaá.