Juaa̱ 16:33 - Xo̱jo̱n eén Néná

³³ Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.

Juaa̱ 16:33 ပူးပေါင်းရင်းမြစ်များ

Xo̱jo̱n Salmoo̱ 68:18

Kꞌinnijíngí ji nínga nkꞌaa̱, nga kꞌinje̱ ji xota̱ xi síndoꞌniuú, ki̱a̱ kachjábé jí kjo̱a̱tjó xi katsꞌénkꞌasꞌiee̱n xota̱ nga̱sondiee̱, kó ngaskande ko̱jo xota̱ xi kitikjo̱a̱a̱ katsꞌénkꞌasꞌiee̱n nga, kó ki̱a̱ kixindyinjìi̱n kui xotaa̱ ji Ne.

Matioo̱ 9:2

Kó ki̱a̱ jachóchinií ngo nda̱ xi ni̱ma̱ xi májín fí, xi je ta̱ ngo ṉchan kjiꞌijñasón. Kó nga kamábe Kjisoo̱ nga sꞌijii̱n Néná kuí jaá, bi̱ katsoó nda̱ xi ni̱ma̱a̱: –Te̱ꞌéngaꞌníi̱ yojòo̱, jée̱ jè kiniꞌánjetakoón.

Rkaa̱ 19:38

bi̱ katsó nga askjandáyà: –¡Ngatamachikonñé nda̱ re xi kjindibáni ngajoo̱ Ndi̱a̱ná, xió ngatjaꞌbé ndiꞌakꞌajmii̱, kó ngatꞌieé kjo̱a̱je Néná nkꞌa jàn!

Rkaa̱ 2:14

¡Ngatꞌieé kjo̱a̱je Néná ndiꞌakꞌajmi jàn! ¡Kó ngatꞌieé kjo̱a̱xió kꞌi̱e̱ tꞌanangii̱ xota̱ xi ndyi̱tsꞌènkjátjosoón kjo̱a̱ndaa̱ Néná!

Juaa̱ 12:31

Ngotꞌe̱ boá ꞌne̱ nga Néná tsꞌéntsáyà tsi nda ko̱jo tsi ndajín tjítsꞌén xindajín kui xi botixómaá kui nga̱sondiee̱, kó ndi̱tsén jàn je ko̱ꞌna̱xié.

Juaa̱ 14:1

Ngata̱ nda̱jín maá ini̱ma̱jnú, sꞌijin ngatamajnú Néná, kó ti̱ sꞌijin ngatamajnú án.

Juaa̱ 14:27

Kjo̱a̱xióna kꞌuijñájnúꞌun, kjo̱a̱xióna tsjajnúꞌun, jmí tsi bo̱a̱ tsꞌén tsja an xikótsꞌèn tsjá xotaa̱ kui nga̱sondiee̱. Ngata̱ nda̱jín maá ini̱ma̱jnú, ti̱nde ngata̱ ndakonjínmájnú.

Juaa̱ 16:11

kó kjo̱a̱a̱ nga niꞌánjeé, ngatꞌa̱ kui xi xindajín xi botixómaá kui nga̱sondiee̱ jè tjíniꞌánjeé.

Ni xi kamá 14:22

kó ki̱a̱ katsjángaꞌniuú xota̱ xi sꞌijii̱n Kjisoo̱, kó ꞌniú tsíchji̱a̱jo, tsi̱ꞌe̱ nga sa̱ꞌínsꞌijin, kó bo̱a̱ katsoó nga chjiéngá tsie kjo̱a̱ni̱ma̱ ku̱i̱tja̱tió, tsi̱ꞌe̱ nga ku̱i̱tjásꞌi̱e̱n nínga botixómá Néná.

Ni xi kamá 23:11

Ni̱xtji̱e̱n xi mangindyiojón, Ndi̱a̱ná akoó yojoo̱ Pabloo̱, kó bi̱ katsoó: –Ti̱ꞌin ꞌniú takín Pablo̱, ngatꞌa̱ xikótsꞌèn kandokjo̱e̱ ji kjo̱a̱a̱ an kꞌi̱e̱ na̱xi̱ńdáꞌniú Jerusale̱n, kó bo̱a̱ ti̱ tsꞌén chjiéngá ko̱ndókjo̱e̱je ji xota̱ na̱xi̱ńdá xí chji̱a̱ni Roma̱.

Ni xi kamá 27:22

Kó ngotꞌe̱ ꞌne̱ te̱ꞌéngaꞌniújnúu̱ yojojnú, ngatꞌa̱ nde ngojín jún xi ko̱yàjnú, ndatsi tjotso jee̱ xcha̱ja.

Ni xi kamá 27:25

Kó kuíni já, te̱ꞌéngaꞌniújnúu̱ yojojnú, ngatꞌa̱ ꞌniákón án Néná, kó bee̱ko̱n an nga kjo̱tjosón kui ni xi tsíchji̱a̱jona kui ndítsjiee̱.

Ni xi kamá 9:31

Tji̱e̱nga ngayeje xota̱ na̱ngo̱xi̱ xi chji̱a̱ni nangi Jundea̱, ko̱jo nangi Ngalilea̱, ko̱jo nangi Samaria̱ kisꞌiee̱ kjo̱a̱xió, ko̱jo kasakongaꞌniuú, kó kamándikoón Néná nga kisꞌińdo, kó A̱si̱énni̱xtjii̱n Néná katsjángaꞌniuú kui xotaa̱.

2 Xota̱ Korinto̱ 1:3

Nganiꞌántsjaá Néná, kui xi Nee̱ ko̱jo Na̱ꞌmii̱ Ndi̱a̱ná Jesukristoo̱, kui xi Na̱ꞌminá ko̱jo xi Néná xí ma ni̱ma̱a̱ ñá, ko̱jo xi tsjangaꞌniúná ngatsjéni̱xtjin.

2 Xota̱ Korinto̱ 13:11

Kó nga fetꞌanii̱ ni xi xiyàjnúꞌun já ntsꞌie, mejénna nga kꞌuiéjnú kjo̱a̱tsja, ti̱ndyi̱séjnú nga xota̱ xi kixi̱ ndo̱jò ndójo̱ ka̱majnú, te̱ꞌéngaꞌniújnúu̱ xingi̱jnú, kó ti̱ bo̱a̱ ti̱ tsꞌén ngasꞌiejnú jún nga, ngatꞌiéjnú kjo̱a̱xió, kó bo̱a̱ tsꞌén nga Néná xi tjiín kjo̱a̱xioó, ko̱jo xi tjiín kjo̱a̱tjoó nga tꞌíjñajinjnú.

2 Xota̱ Korinto̱ 2:14

Ndokꞌóchji̱ì Néná, nga ngatsjéni̱xtjin tsja̱ajne̱ nga niꞌánjne̱ ngi̱yaa̱ jaꞌeén Kristoo̱ ko̱jo nga ji̱n tsꞌénkjiénjne̱ nga bokó ngayeje ngi̱ndie, kjo̱a̱kjíntakoón xikó maá tsi ngo ni xi sije̱n.

2 Xota̱ Korinto̱ 4:7

Néná katsjájne̱ kui kjo̱a̱cho̱n xi̱ꞌbi̱, kó ji̱n xikónií ngo boso̱ ti̱jì nínga tikóntjó kui kjo̱a̱cho̱o̱n. Tsi̱ꞌe̱ nga sꞌi̱jña tsijen nga kui ngaꞌniú ndakjiꞌii̱ tsi̱ꞌe̱ Néná ka̱ma, kó jmí tsi tsa̱ji̱n.

2 Xota̱ Korinto̱ 6:4

Ta̱sá ngayeje ni xi niꞌánjne̱, bokó nga xaá Néná boá xi ndyi̱niꞌánjne̱, nga ꞌniú ndyi̱niꞌánchíkjo̱a̱jne̱, ko̱jo nga ndyi̱bitjatiójne̱ kjo̱a̱ni̱ma̱, ko̱jo nga chjiénjne̱ ngo ni, ko̱jo nga nda̱ kjimajne̱.

2 Xota̱ Korinto̱ 7:4

Achichí kixi̱ chjiájojnúꞌun, kó achichí tsjá mana kjo̱a̱a̱ jún. Achichí ngaꞌniú tjisákóna. Ngaskande jaꞌatio maá kjo̱a̱tsja xi tjínna, ndatsi tsie kjo̱a̱ni̱ma̱ ndyi̱bitjatiójne̱.

Xota̱ Ngalasia̱ 1:4

kui xi katsjá yojoo̱ nga kiniꞌánkꞌién ta̱ngatꞌanii̱ jéná, tsi̱ꞌe̱ nga kꞌo̱xiéꞌáná kui nga̱sondie xi ndajín xi tindyión kuí ni̱xtjii̱n, xikótsꞌèn kamámejeén Néná xí Na̱ꞌmii̱.

Xota̱ Ngalasia̱ 6:14

Kjo̱a̱ ngaá an ꞌne̱, mejénjínna nga je kꞌoxié an yojona, ngototo kjo̱a̱a̱ ni xi katsꞌén Ndi̱a̱ná Jesukristoo̱ nga kꞌientꞌa kroo̱. Ngatꞌa̱ ki̱a̱ tꞌaa̱ kro jè kꞌienjo̱ an Kristoo̱. Kó ni xi tsi̱ꞌe̱ kui nga̱sondiee̱ jè ngiti̱ jmí ni bejín kjo̱a̱a̱ an, ti̱nde an ngiti̱ jmí ni bejín an kjo̱a̱a̱ ni xi tsi̱ꞌe̱ kui nga̱sondiee̱.

Xota̱ Filipo̱ 4:7

Kó kjo̱a̱xioó Néná, kui kjo̱a̱xió xi foaꞌatjoón ngayeje kjo̱a̱kjíntakoón, skoón ini̱ma̱jnú ko̱jo kjo̱a̱kjíntakónjnú ngatꞌaa̱ Kristo̱ Kjisoo̱.

Xota̱ Kolosa̱ 1:20

Kó nga ngatꞌaa̱ Kristoo̱ nga Néná boá xi katsꞌén nga kjo̱e̱ꞌekón nginií ngayeje xi síndotꞌaxiín, xi síndo kui nga̱sondiee̱, ko̱jo xi síndo ndiꞌakꞌajmii̱, kó Kristoo̱ boá xi katsjá kjo̱a̱xioó ta̱ngatꞌanii̱ jín xí iskjitjón tꞌa kroo̱.

1 Xota̱ Tesalónika̱ 3:4

Ngatꞌa̱ ti̱ bo̱a̱ ti̱ tsꞌén kjiꞌanga ta̱kó tindyionjinjne̱ jún, kandokjo̱a̱tjónjne̱ nga kui kjo̱a̱ni̱ma̱a̱ ku̱i̱tja̱tió, kó bo̱a̱ kamá, xikótsꞌèn je yàjnú.

1 Xota̱ Tesalónika̱ 3:7

Kó kuíni ntsꞌie, ngi̱jii̱n ngayeje kui kjo̱a̱ni̱ma̱ ko̱jo kui kjo̱a̱boaa̱, achichí tsie ngaꞌniú kasakojne̱ nga jún ta̱kó ꞌniú tindyionjinjnú kjo̱a̱sꞌijinjnú.

2 Xota̱ Tesalónika̱ 3:16

Ndi̱a̱ná xi tsi̱ꞌe̱ kjo̱a̱xioó ngatsjájnú ngatsjéni̱xtjin kjo̱a̱xioó ngi̱jii̱n ta̱jmì niní xi ku̱i̱tjájinjnú. Ndi̱a̱ná ngatꞌíjñajo̱jnú ngayejejnú.

2 Timoo̱ 3:12

Kó ja̱koxi̱ boá nga ngayeje xota̱ xi mejeén sku̱i̱e̱ndikón Néná, kó sꞌijii̱n Kristo̱ Kjisoo̱, tsie kjo̱a̱miyotji̱ngi kjo̱a̱ꞌatio.

Xota̱ Ebreo̱ 11:25

Ta̱sá jaꞌájin nga nijan ndajín kiniꞌánjo̱ kui ko̱jo xota̱ na̱xi̱ńdaá Néná, ta̱bo̱a̱jiín nga katsꞌéntsjajo̱ ngotjón kjo̱a̱tsja xi tsjá jeé.

Xota̱ Ebreo̱ 7:2

kó Abraa̱n katsꞌénkꞌasꞌiee̱n kui nda̱ ree̱, tie nga úchán ngayeje ni xi kasakoo̱ xi katsꞌén kui kjo̱a̱xcha̱án. Jaꞌeén Melkisendee̱k, “nda̱ Re xi kixi̱” tsó, ko̱jo Ree̱ nangi Salee̱n, kó kui jaꞌeén “Re xi tjiín kjo̱a̱xió” tsó.

1 Xo̱jo̱o̱n Peé 5:9

Kondra̱ ti̱ndyiónjnúu̱ kui xindajiín nga ꞌniú si̱ꞌansꞌijinjnú Néná, ngatꞌa̱ jè yàjnú nga ngayeje nga̱sondiee̱, ntsꞌié ko̱jo ndichjá ti̱ bo̱a̱ ti̱ tsꞌén ndyi̱foaꞌatio kjo̱a̱ni̱ma̱ kjo̱a̱a̱ ti̱ kuii̱ ni xi ndyi̱bitjatiójnú jún nga.

1 Xo̱jo̱o̱n Juaa̱ 2:13

Jún xi xi xchájnú, tjítsꞌenꞌindójnúꞌun kui xo̱jo̱o̱n jún, ngatꞌa̱ jè kamáyàjnú kui xi ja̱bo̱a̱ je tikón ndeskande koó nga ítjatsꞌennii̱ nii̱. Jún xi xo̱ngòjnú, tjítsꞌenꞌindójnúꞌun kui xo̱jo̱o̱n jún, ngatꞌa̱ jè kiniꞌánjnúu̱ nga kiniꞌánchajajnú xindajiín. Tjítsꞌenꞌindójnúꞌun kui xo̱jo̱o̱n jún xi ndí ndína jún, ngatꞌa̱ jè kamáyàjnú Na̱ꞌmii̱.

1 Xo̱jo̱o̱n Juaa̱ 4:4

Jún ndí ndí tsa̱ꞌa̱n, Néná ndokjo̱a̱nijnú, kó jè kiniꞌánjnúu̱ nga kiniꞌánchajajnú kui já chji̱ni̱e̱ꞌén ndisoo̱, ngatꞌa̱ kui xi tikónjinjnú, tjín ngasee̱ ngaꞌniú ta̱bo̱a̱jiín kui xi tikónjii̱n xota̱ nga̱sondiee̱.

1 Xo̱jo̱o̱n Juaa̱ 5:4

Ngatꞌa̱ ngayeje xota̱ xi Néná je katsjaá nga ndií kui ka̱ma, tsꞌénrií nga tsꞌénchájá kui nga̱sondiee̱, kó kjo̱a̱sꞌijinná boá xi tsꞌeén nga tsꞌénchájá kui nga̱sondiee̱.

Ni xi akakoo̱ 12:11

Kó kui ntsꞌié jè katsꞌeén ngatꞌaa̱ kui jín xí iskjitjón cho̱tsa̱nga̱a̱ ko̱jo kui én xí tsíchji̱a̱a̱, katsakjónjín nga xcha̱ja kjo̱a̱mindyioo̱n, ta̱sá kamámejeén nga ngaskande jesón.

Ni xi akakoo̱ 3:21

Kui xi sa̱ꞌiín, ngo ngi̱ndie tsjàa̱ nínga tsꞌénbotixoma an, kó ki̱a̱ kꞌuijñátꞌana, xikótsꞌèn je katsꞌen an, kó kꞌi̱e̱ tikóntꞌáa̱ an Na̱ꞌmina nínga tsꞌénbotixómá.

Ni xi akakoo̱ 7:14

–Jí xí yé ji, Ndi̱a̱. Kixiáa̱n. Kó bi̱ katsóna kui: –Kuí bí xota̱ xi je jaꞌajin nga kamá kui kjo̱a̱ni̱ma̱a̱, kó kui jè anié ńjñoo̱, kó jiín cho̱tsa̱nga̱a̱ katsꞌéntiboani.