Juaa̱ 16:3 - Xo̱jo̱n eén Néná

³ Kó kui nii̱ sa̱ꞌín ngatꞌa̱ bejínna, kó ti̱ bejín Na̱ꞌmina nga.

Juaa̱ 16:3 ပူးပေါင်းရင်းမြစ်များ

Rkaa̱ 10:22

Ngayeje nii̱ Na̱ꞌmina xí katsꞌénkꞌasꞌienna, kó ta̱ꞌyajín xi be ꞌyání xi ndií, ta̱kuítsí Na̱ꞌmii̱, kó ta̱ꞌyajín xi be ꞌyání xi Na̱ꞌmii̱, ta̱kuítsí ndií, ko̱jo xota̱ xi kui ndií mejeén ka̱tso̱yaa̱.

Juaa̱ 15:21

Ngayeje kui nii̱ xi sa̱ꞌínjo̱jnú xotaa̱ ta̱ngatꞌanii̱ jaꞌénna, ngatꞌa̱ bejín ꞌyání xi katsangiyana.

Juaa̱ 15:23

Xi chꞌoo̱ an, ti̱ chꞌoo̱ Na̱ꞌmina nga.

Juaa̱ 17:25

Na̱ꞌmi kixi̱, nga ja̱koxi̱ xotaa̱ kui nga̱sondiee̱ kamábejiín jí, ta̱nga beñaá jí, kó kui xotaa̱ be nga ji xi kanangiyení,

Juaa̱ 17:3

Kó kuí xi̱ꞌbi̱ xi kjo̱a̱mindyion ngatsjéni̱xtjii̱n: Nga sku̱i̱e̱e̱ ji, nga ta̱ jí tsí xi Néná xí ja̱koxi̱i̱ ji, ko̱jo Jesukristoo̱, kui xi kanangiye ji.

Juaa̱ 8:19

Sꞌe̱ bi̱ katsó kui jaá: –Ñá tikón Na̱ꞌmíi̱ ꞌne̱. Kó Kjisoo̱, bi̱ katsó: –Nde an yàjínjnúꞌun, ti̱nde Na̱ꞌmina yàjínjnú, tsi yarajnúꞌun katsaki, ti̱ xcha̱ra̱jnú Na̱ꞌmina nga.

Juaa̱ 8:55

kó nga ja̱koxi̱ yàjínjnú kuí, ta̱nga an be án kuí. Kó tsi bejín an kui xian án, tsꞌénꞌbindiso án xikoó jún, ta̱nga be án kuí, kó tsꞌenkjatjosón án eén.

Ni xi kamá 3:17

Kó ngotꞌe̱ ꞌne̱ já ntsꞌie, jè be an nga yàjínjnú ni xi kiniꞌánjnú jún ko̱jo já xí botixómaá.

1 Xota̱ Korinto̱ 2:8

Kui kjo̱a̱kjíntakoón nde ngojín xota̱ xi botixómaá nga̱sondiee̱ xi kamákjiín, ngatꞌa̱ tsi kamákjiín kui nii̱, yítꞌajínra̱ kro kui Ndi̱a̱ xi tjiín kjo̱a̱jee̱ tsobo̱a̱.

2 Xota̱ Tesalónika̱ 1:8

Ngi̱jii̱n ndiꞌí kji̱ndi̱báni, tsi̱ꞌe̱ nga sa̱ꞌínjeé ngayeje xota̱ xi kamábejín Néná, ti̱nde tsintꞌiéꞌénjiín éntjatsi̱e̱e̱ Ndi̱a̱ná Jesukristoo̱.

1 Timoo̱ 1:13

ndatsi ngasꞌe̱ achichí chꞌo kixian an kondraa̱ kui, tsangatji̱ngíi̱ xota̱ xi tsi̱ꞌe̱, ko̱jo chꞌo kixiáa̱n. Ta̱nga Néná ni̱ma̱ kamaá an, ngatꞌa̱ kui ni̱xtjin jàn kji̱e̱ sꞌijinjínna Kristoo̱, kó bejín an ni xi katsꞌen an.

1 Xo̱jo̱o̱n Juaa̱ 2:23

Kó ta̱ ꞌyání xi tsꞌenjóꞌojín ndií, tikónjinjiín Na̱ꞌmii̱. Ta̱nga ta̱ ꞌyání xi ka̱tso̱yà nga Kjisoo̱ xi ndií Néná, ti̱ tikónjii̱n Na̱ꞌmii̱ nga.

1 Xo̱jo̱o̱n Juaa̱ 3:1

Tsitsíjenjnúu̱ kókjiꞌi tsie kjo̱a̱tjó xi tsꞌéntsjáná Néná xí Na̱ꞌmii̱, nga xotaa̱, ndií Néná tsóná ñá, kó ndií Néná boá ñá. Kuíni nga xotaa̱ kui nga̱sondiee̱ bejínná ñá, ngatꞌa̱ kui bejín Néná.

1 Xo̱jo̱o̱n Juaa̱ 4:8

Xota̱ xi jmíjiín kjo̱a̱tjoó, bejín Néná, ngatꞌa̱ kjo̱a̱tjó boá Néná.

1 Xo̱jo̱o̱n Juaa̱ 5:20

Ta̱nga ti̱ jè ya nga ndií Néná jè jeꞌe, kó katsjáná kjo̱a̱kjíntakón tsi̱ꞌe̱ nga xcha̱ kui Néná xí ja̱koxi̱i̱, kó jè tindyionjo̱ kui xi ja̱koxi̱i̱, ndií Néná xi ꞌmí Jesukristoo̱. Kuí bí xi̱ꞌbi̱ xi Néná xí ja̱koxi̱i̱, ko̱jo xi tsjá kjo̱a̱mindyion ngatsjéni̱xtjii̱n.