Juaa̱ 16:21 - Xo̱jo̱n eén Néná

²¹ Ínchjiín nga tsee̱n ndí, ndibá tsi̱ndi̱o̱o̱, ngatꞌa̱ jè jachó chi̱bo̱a̱ nga tsen ndií, ta̱nga ngije katsen ndií, jè ngiti̱ foaꞌátsjienjiín kjo̱a̱ni̱ma̱a̱, ngatꞌa̱ tsja kamaá nga je katsen ingo ndí kuí nga̱sondiee̱.

Juaa̱ 16:21 ပူးပေါင်းရင်းမြစ်များ

Jenesii̱s 3:16

Kósꞌe̱ Néná, bi̱ katsoó naa̱: «Kó jí, kjiꞌanga kꞌuié jí ndí, ¡án xí sa̱ꞌin an nga ꞌniú ka̱ma xi so xi ndakjáa̱n! Kó ndatsi bo̱a̱ ka̱maa̱, ti̱ kuí xí si̱ꞌinmején ji xi̱ꞌíi̱n tsi̱ꞌe̱ nga kꞌuieé ndí, kó xi̱ꞌíi̱n boá xi ko̱tíxomaa».

Joo̱b 11:16

Xchi̱ya ndo̱jò ndójo̱ò ngayeje kjo̱a̱ni̱ma̱ xi ikitjatí, ko̱jo tsi kjo̱a̱ꞌátsjiee̱n, ta̱ xikónií tsi ndáfoa xi je jaꞌa ka̱ma.

Xo̱jo̱n Salmoo̱ 113:9

Kui ínchjín xi jmí ndí ꞌbéjiín, jó kjo̱a̱tsja tsjaá: ¡tsjaá nga na̱an ma, kó tsjaá nga ꞌbeé ngo ndiꞌa! ¡Si̱ꞌantsjàa̱ Néná!

Xota̱ Ngalasia̱ 4:27

Ngatꞌa̱ bi̱ tsꞌén kjitꞌa xo̱jo̱n eén Néná: Tsjangatamaa̱ ji xota̱chjo̱on ndi̱, ji xi ꞌbéjín ji ndí, tajne̱tsen má ji, ji xi yejín ji tsi̱ndi̱o̱o̱ nga tsen ndí. Ngatꞌa̱ kui chjo̱on xí ikꞌíjñámasiee̱n kjín ngase ndií kꞌuieé ta̱bo̱a̱jiín kui xota̱chjo̱on xi tjiín xi̱ꞌii̱n.

1 Xota̱ Tesalónika̱ 5:3

Kjiꞌanga bi̱ ka̱tso̱ xotaa̱: “Tjínná kjo̱a̱xió, ko̱jo jè jmí ni ka̱májínná”, kjiꞌá boá nga ta̱niján ma kji̱ndi̱bá nga kju̱i̱e̱ kui xotaa̱, xikó ma má nga je ndibaá tsi̱ndi̱o̱o̱ ngo xota̱chjo̱on xí yaꞌa ndí. Ngiti̱ jmíjín kótsꞌèn ka̱ma ku̱i̱yòjnú.