Juaa̱ 16:20 - Xo̱jo̱n eén Néná

²⁰ Ja̱koxi̱, ja̱koxi̱ ni xi xiánjnúꞌun, nga jún xchaꞌájnú, ko̱jo ni̱ma̱ ka̱majnú, kó xotaa̱ kui nga̱sondiee̱ tsja ka̱maa̱, ta̱nga ndatsi ndasen ka̱majnú, kjo̱a̱ndasenjnú kjo̱a̱tsja ka̱ma.

Juaa̱ 16:20 ပူးပေါင်းရင်းမြစ်များ

Joo̱b 20:5

nga kjo̱a̱tsjaa̱ xota̱ xi ndajiín, tsiejín ꞌbondíyaá, ko̱jo nga kjo̱a̱tsjaa̱ xota̱ xi ꞌniú ndajiín, ta̱ ngotjón tsí foaꞌa.

Xo̱jo̱n Salmoo̱ 30:11

Jí boá xi akasíkje ji kjo̱a̱ndasenna, kó kjo̱a̱chá kiniꞌín ji. Kachjeꞌéxín ji ńjño xa̱ꞌya̱ xi yajà an, sꞌe̱ ńjño xi chajá nga ma sꞌué kiniꞌínkajéní,

Xo̱jo̱n Salmoo̱ 30:5

Ngatꞌa̱ ta̱ ngotjón tsí bo̱a̱ nga tsꞌénxchán, ta̱nga ngatsjéni̱xtjin nga nda xota̱ ma. Xchaꞌára̱ nga ni̱xtji̱e̱e̱n, ta̱nga nga kamángindyiojoón jè tsjá kꞌuiéna.

Xo̱jo̱n Salmoo̱ 97:11

Ndiꞌií boá xi tsꞌentsíjee̱n xota̱ xi kixi̱i̱, kó tsjaá kjo̱a̱tsja xota̱ xi kixi̱ síndo ini̱ma̱a̱.

Matioo̱ 21:38

Ta̱nga kui já xí ndyi̱tsꞌènxájin kui ngi̱ndiee̱, nga kamábe ndií ndi̱a̱a̱ kui ngi̱ndiee̱, bi̱ katsoó xkjín: «Kuí xi̱ꞌbi̱ xi tsi̱ꞌe̱ ka̱ma ngayeje kui ngi̱ndiee̱, ta̱sá si̱ꞌankꞌién, ki̱a̱ ka̱maa̱ nga tsa̱ñá ka̱ma ngayeje kui nii̱.»

Matioo̱ 5:4

Achichíra̱tsjaa̱ xota̱ xi ndyi̱kjandà, ngatꞌa̱ kuí xí sa̱ko̱ó kjo̱a̱niꞌándajon.

Markoo̱ 14:72

Kó askjandáyà xo̱nda̱xi̱ꞌii̱n xi ma joó ndi̱yà, kósꞌe̱ Peé jaꞌátsjiee̱n ni xi katsó Kjisoo̱, nga bi̱ katsoó: “Ngindiee̱ nga jó ndi̱yà skja̱ndáyà xo̱nda̱xi̱ꞌii̱n, ji ján ndi̱yà jè kiniꞌínkiejín yojòo̱ nga yení.” Kó katsꞌénkjó kuí nii̱, sꞌe̱ askjandá.

Markoo̱ 16:10

Kijí kui xota̱chjo̱on, kó kijítsáyaá xota̱ xi nijan kistsoꞌbájo̱ Kjisoo̱, ngatꞌa̱ kjén nga ta̱ ndasen síndo ko̱jo ndyi̱kjandà kuí jaá.

Rkaa̱ 22:45

Kó ngije jastjíe̱n nga tsíchji̱a̱a̱ Néná, kijíkoón xota̱ tsi̱ꞌe̱, kó kamábe nga kjiyojofé ta̱ngatꞌanii̱ kjo̱a̱ndasee̱n,

Rkaa̱ 22:62

Kó Peé jataxie ndi̱tsén jàn, kó achichí on askjandá.

Rkaa̱ 23:27

Kó achichí má xota̱ kjiín xi kijítji̱ngii̱, ko̱jo kjín ínchjín xí achichí askjandá nga on kamaá ni xi kiniꞌánjo̱ Kjisoo̱.

Rkaa̱ 24:17

Kósꞌe̱ Kjisoo̱, bi̱ katsoó kui jaá: –Mí ni xi ndyi̱ndokjo̱a̱jnú tji̱e̱nga ndyi̱mongínjnú, kó míkjo̱a̱a̱ nga ndasen tindyiónjnú.

Rkaa̱ 24:21

Ta̱nga ji̱n kichiyájne̱ nga kui xi kꞌo̱xiéꞌá ngayeje xota̱ xi chji̱a̱ni Israee̱l, kó je ján ni̱xtjinnii̱ nga kamá ngayeje kui nii̱.

Rkaa̱ 6:21

Achichíra̱ tsjajnú jún xi bojójnú ngotꞌe̱, ngatꞌa̱ sꞌe̱ stsi̱e̱jnú. Achichíra̱ tsjajnú jún xi ndyi̱chaꞌájnú ngotꞌe̱, ngatꞌa̱ sꞌe̱ ko̱jno̱jnú.

Juaa̱ 16:33

Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.

Juaa̱ 16:6

Ngatꞌa̱ jè kixiyajnúꞌun kui nii̱, kuíni nga ndasen tikón ini̱ma̱jnú.

Juaa̱ 20:20

Kó ngije katsó kui nii̱, akoó tsja ko̱jo ni̱se̱e̱n. Kó xota̱ tsi̱ꞌe̱, achichí tsja kamaá nga kamábe Ndi̱a̱a̱.

Ni xi kamá 5:41

Kó kui já apostroo̱ ata̱ chichí tsja tjiín nga jataxie nínga síndo jáxaá, ta̱ngatꞌanii̱ nga Néná katsjaá nga jaꞌatio kjo̱a̱ni̱ma̱ kjo̱a̱a̱ nga tsintꞌiéꞌeén Kjisoo̱.

Xota̱ Roma̱ 5:11

Kó jmí tsi ta̱kuítsí nii̱, ti̱ tsjá máná Néná ta̱ngatꞌanii̱ Ndi̱a̱ná Jesukristoo̱, kui xi ta̱ngatꞌanii̱ kui nga je akjandajo̱ Néná.

2 Xota̱ Korinto̱ 6:10

Tindyionjne̱ xikoó xota̱ xi ndasen síndo, ta̱nga ngatsjéni̱xtjin nga tsjatjínjne̱. Tindyionjne̱ xikoó xota̱ ni̱ma̱, ta̱nga achichí xota̱ xi niꞌáncho̱njne̱. Tindyionjne̱ xikoó xota̱ jmí nijiín, ta̱nga ngayeje nii̱ xi tjínjne̱.

Xota̱ Ngalasia̱ 5:22

Ta̱nga ni xi ꞌbítji̱e̱jinná A̱si̱énni̱xtjii̱n Néná, kuí ni xi̱ꞌbi̱: kjo̱a̱tjó, ko̱jo kjo̱a̱tsja, ko̱jo kjo̱a̱xió, ko̱jo kjo̱a̱jekon, ko̱jo kjo̱a̱ni̱ma̱takón, ko̱jo kjo̱a̱ndaxota̱, ko̱jo kjo̱a̱sꞌijin,

1 Xota̱ Tesalónika̱ 1:6

Kó jún kachjaꞌángijnú ji̱n, kó ti̱ kachjaꞌángijnúu̱ Ndi̱a̱ná nga kixindyionjnú, ngatꞌa̱ ndatsi tsie kjo̱a̱ni̱ma̱ ikitjatiójnú nga kachjábéjnú eén Néná, ta̱nga A̱si̱énni̱xtjii̱n Néná katsjájnú kjo̱a̱tsja.

Xo̱jo̱o̱n Sandiyaá 1:2

Jún ntsꞌie, tsja ngatamajnú kjiꞌanga kjín to̱ko̱ya ni ku̱i̱tjájinjnú nga chjátꞌayákónjnú,

Xo̱jo̱o̱n Jundaa̱ 1:24

Néná tjiín ngaꞌniú nga skónjnú tsi̱ꞌe̱ nga kꞌo̱kajínjnú, ko̱jo tsi̱ꞌe̱ nga ndándíjín ka̱majnú nga kongínjnú ngindyi̱ko̱n kui, kó nga ꞌniú tsja kꞌuiéjnú nga kjóchójnú nínga tikón kjo̱a̱jee̱,

Ni xi akakoo̱ 11:10

Kó kui xota̱ xi síndo tꞌanangii̱ tsja ka̱maa̱ nga kju̱i̱e̱són kui chistikoo̱, achichí tsja kꞌuieé, kó ngaskande ni tsja̱á xkjín, ngatꞌa̱ nga jó kui já chji̱ni̱e̱ꞌe̱én Néná boá xi tsie kjo̱a̱ni̱ma̱ katsꞌénkjaꞌatio xotaa̱ kui nga̱sondiee̱.

Ni xi akakoo̱ 18:7

Ti̱ꞌankjaꞌatiojnú kjo̱a̱ni̱ma̱ ko̱jo nga kjandá xikótsꞌèn tsja kamaá nga je kamaá yojoo̱, ko̱jo nga katseꞌeé kjo̱a̱je nga katsꞌénkjién to̱o̱n. Ngatꞌa̱ bi̱ tsó ini̱ma̱a̱: Kꞌi̱e̱ tikòn an xikoó ngo na̱ re, chjo̱on kꞌán xi je kꞌien xi̱ꞌii̱njín an, kó jmí xa̱ꞌya̱ skuiejín an,