Juaa̱ 15:5 - Xo̱jo̱n eén Néná

⁵ Án boá xi ńꞌniuú tostsi̱je̱è, kó jún boá xi tjiaa̱, xi kꞌuijñájo̱na, ja̱ ti̱ kotíjña̱jìi̱n, kó achichí to ko̱a̱ja̱a̱, ngatꞌa̱ tsi kjin ku̱i̱ndyionjnúꞌun jmí ni ka̱májínjnú si̱ꞌan.

Juaa̱ 15:5 ပူးပေါင်းရင်းမြစ်များ

Énkjínkón 11:30

Kjo̱a̱mindyioo̱n boá xi tsꞌén xota̱ xi kixi̱i̱, ta̱nga xota̱ xi kjínkón boá, kui xi fíjo̱ xota̱ ngi̱ya tsja Néná.

Matioo̱ 13:21

ta̱nga nga jmí ja̱ma̱jiín, kuíni nga ta̱ chiboa tsí ꞌbondíyaá, ngatꞌa̱ kjiꞌanga ta̱ngatꞌanii̱ eén Néná foaꞌatio ngo kjo̱a̱ni̱ma̱, ko̱jo tsi miyotji̱ngii̱, tji̱e̱nmá ꞌbijñámasien ni xi tsi̱ꞌe̱ Néná.

Juaa̱ 12:24

Ja̱koxi̱, ja̱koxi̱ ni xi xiánjnúꞌun, nga tsi ngo xojmaá to ndso̱ko̱a̱n ṉño̱pan xi kꞌo̱kajín tꞌanangii̱, kó tsi ko̱yàjín, kꞌuijñá soboá, ta̱nga tsi ko̱yà, achichí to kꞌuieé.

Juaa̱ 15:16

Júnjín xi kachjeꞌéjinjnúꞌun, án boá xi jaꞌajinjnúꞌun jún, kó jè katsangiyajnúꞌun tsi̱ꞌe̱ nga kongínjnú, kó kꞌuiéjnú to, ngo to xi kꞌo̱ndíyaá ngatsjéni̱xtjin, tsi̱ꞌe̱ nga ngayeje ni xi chji̱e̱ꞌèe̱ Na̱ꞌmina ngajona, tsja̱á.

Juaa̱ 5:19

Sꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun: Ta̱ jmíjín ni xi ka̱maa̱ sa̱ꞌín soboá ndií Néná, ta̱kuítsí ni xi tsꞌén, ni xi be nga tsꞌén Na̱ꞌmii̱, ngatꞌa̱ ngayeje ni xi tsꞌén Na̱ꞌmii̱, ti̱kuíní ni xi tsꞌén ndií.

Juaa̱ 9:33

Tsi Nénájín xi katsangiya kui nda̱a̱, nde ngojín ni xi ka̱ma sa̱ꞌín.

Ni xi kamá 4:12

Kó jmíjín ingo ngase xi ka̱maa̱ kꞌo̱xiéꞌá xotaa̱, ngatꞌa̱ Néná katsangiyajín kje̱ꞌe ngase kui nga̱sondiee̱ xi ka̱maa̱ kꞌo̱xiéꞌáná.

Xota̱ Roma̱ 12:5

Ti̱ bo̱a̱ ti̱ kjiꞌinii̱ ñá, achichí má ñá, kó ngayeje ñá ta̱ ngo tsí yojo kamájo̱ Kristoo̱, kó nga ngo nga ngo ñá ngo ndiè yojoo̱ Kristoo̱ má, kó ngo kichꞌiá xingi̱ nga ngo tsí yojo ndokjo̱a̱.

Xota̱ Roma̱ 6:22

Ta̱nga ngotꞌe̱ ꞌne̱ ngije xín kiniꞌánkjaꞌajnúu̱ yojojnú jeé, kó ngije mosoo̱ Néná jè kamájnú, tikónjnú ngo ni xi tsi̱ꞌe̱ kjo̱a̱tsjiee̱, kó nga kju̱i̱e̱tꞌa sa̱kójnú kjo̱a̱mindyion ngatsjéni̱xtjii̱n.

Xota̱ Roma̱ 7:4

Ti̱ bo̱a̱ ti̱ tsꞌén jún ntsꞌie, nga je kiniꞌángojo̱jnú yojojnú Kristoo̱, jè jesónjnú ngi̱yaa̱ kjo̱a̱kitii̱. Tsi̱ꞌe̱ nga ka̱mangojo̱jnú kui xi jaꞌáꞌyaá ngi̱jii̱n xota̱ xi je jesoón, kó nga ni xi nda xi tsi̱ꞌe̱ Néná xí si̱ꞌánjnú.

1 Xota̱ Korinto̱ 10:16

Kui chi̱tsen kamáchikon xi ndyi̱chjiáꞌá nga Néná sa̱ꞌínchikonñé, a ngayejejín ñá nga nijan kjimá nga ndyi̱ꞌyò jiín Kristoo̱. Kó kjiꞌanga ndyi̱chinié pan xi akakjangaa̱, a nijánjín kjimá nga ndyi̱chinié yojoo̱ Kristoo̱.

1 Xota̱ Korinto̱ 12:12

Ngatꞌa̱ xikótsꞌèn nga ngo yojo kjín má ni xi yaꞌajo̱ni, kó ndatsi kjín ni xi yaꞌajo̱, ta̱ ngo tsí yojo ma, ti̱ bo̱a̱ ti̱ kjiꞌinii̱ Kristoo̱.

1 Xota̱ Korinto̱ 12:27

Jún boá xi yojoo̱ Kristoo̱, kó nga ngo nga ngojnú tikónjnú ngo ngi̱ndie ki̱a̱ kui yojoo̱.

2 Xota̱ Korinto̱ 13:8

Ngatꞌa̱ ta̱ jmíjín ni xi ka̱ma si̱ꞌanjne̱ kondraa̱ ja̱koxi̱i̱ Jesukristoo̱, kuíni nga ta̱sá kjo̱a̱ndaa̱ ja̱koxi̱i̱ ni xi ndyi̱niꞌánjne̱.

2 Xota̱ Korinto̱ 9:10

Néná xí tsjá xojmá xí sꞌitji̱e̱e̱, kó ti̱ tsjá nichiniee̱ nga. Kó ti̱ bo̱a̱ ti̱ tsꞌén tsja̱ajnú jún ngayeje ni xi chjiénjnú, kó sa̱ꞌínkjín ni nda xi ndyi̱ꞌbítji̱e̱jnú, tsi̱ꞌe̱ nga ka̱ma ko̱si̱ko̱jójnú kje̱ꞌe xota̱.

Xota̱ Ngalasia̱ 5:22

Ta̱nga ni xi ꞌbítji̱e̱jinná A̱si̱énni̱xtjii̱n Néná, kuí ni xi̱ꞌbi̱: kjo̱a̱tjó, ko̱jo kjo̱a̱tsja, ko̱jo kjo̱a̱xió, ko̱jo kjo̱a̱jekon, ko̱jo kjo̱a̱ni̱ma̱takón, ko̱jo kjo̱a̱ndaxota̱, ko̱jo kjo̱a̱sꞌijin,

Xota̱ Éfeso̱ 5:9

Ti̱ꞌánjnú ni xi ndaa̱, ko̱jo ni xi kixi̱, ko̱jo ni xi ja̱koxi̱i̱, ngatꞌa̱ kuí nii̱ xi bokó nga nínga tsijee̱n ndokjo̱a̱ ñá.

Xota̱ Filipo̱ 1:11

Kui ni̱xtjii̱n ko̱kójnú jún kjín to̱ko̱ya ni xi kixi̱ xi kiniꞌánjnú, ni xi katsjájnú Jesukristoo̱ nga si̱ꞌánjnú, tsi̱ꞌe̱ nga xotaa̱ tsja̱á kjo̱a̱je, kó sa̱ꞌíntsjaá Néná.

Xota̱ Filipo̱ 4:13

Kristoo̱ xí tsjangaꞌniúna, tsi̱ꞌe̱ nga xchíkjo̱a̱na ta̱jmì niní.

Xota̱ Filipo̱ 4:17

Jmí tsi chji̱e̱ xi tsꞌénmongase an, ta̱sá tsꞌénmongase an nga tsie ngase kjo̱a̱cho̱n kꞌuiéjnú ngindyi̱ko̱n Néná.

Xota̱ Kolosa̱ 1:10

Bo̱a̱ ngatama tsi̱ꞌe̱ nga nda si̱ꞌánjnú xikó tsꞌén xota̱ xi tsi̱ꞌe̱ Ndi̱a̱ná, ko̱jo nga si̱ꞌánjnú ni xi tsja maa̱ Néná, ko̱jo nga si̱ꞌánjnú ngayeje to̱ko̱ya ni xi nda, ko̱jo nga nda ngase xcha̱jnú kókón Néná.

Xota̱ Kolosa̱ 1:6

Kui éntjatsi̱e̱ xi kandaꞌyájnú, jè tjíꞌbíni̱jmì ngayeje són nga̱sondiee̱, kó nda tjítsꞌeén xotaa̱, xikó kamá ngi̱jinjnú ni̱xtjin nga kamáyà ja̱koxi̱jnú kjo̱a̱ndaa̱ Néná.

Xo̱jo̱o̱n Sandiyaá 1:17

Ngayeje ni xi ꞌniú nda xi boeꞌéná, kuí nii̱ xi ꞌniú nda, kó ndiꞌakꞌajmi jàn ndibánií, ki̱a̱ nínga tikón Néná xí Na̱ꞌmii̱ kui xi katsꞌénda ngayeje ndiꞌí xí tjiín, kui xi bosíkjoyajín yojoo̱, ti̱nde tsꞌéntíyàjín xikoó ngo tji̱nkꞌi̱én.

1 Xo̱jo̱o̱n Peé 2:4

Kristoo̱ boá xi xikoó ngo ndi̱jo̱ xi tikón xi katsꞌénchꞌó xotaa̱, ta̱nga Néná xikoó ngo ndi̱jo̱ xi je katjoꞌójin xi achichí chjínií máa kui, kó nga ndyi̱niꞌántiñatꞌajnúu̱ yojojnú Kristoo̱,

2 Xo̱jo̱o̱n Peé 3:18

Ta̱sá ꞌniú tangíntji̱ngíjnú kjo̱a̱ndaa̱, ko̱jo nga nda xcha̱ ngasejnú Ndi̱a̱ná Jesukristoo̱, kui xi tsꞌaxiéꞌáná. ¡Kuí boá xi ngotꞌe̱, ko̱jo ta̱ kjiꞌání nga nga sꞌiee̱ kjo̱a̱je! Bo̱a̱ kjiꞌi.