Juaa̱ 15:24 - Xo̱jo̱n eén Néná

²⁴ Tsi katsꞌénjín an ngi̱jii̱n kui xotaa̱, ni xi kji̱e̱ ngo xi tsꞌén, jmí jéjínra̱a̱, ta̱nga ngotꞌe̱ jè kamábe kui nii̱, kó ti̱ kuira xí katsꞌénchꞌóna an ko̱jo Na̱ꞌmina.

Juaa̱ 15:24 ပူးပေါင်းရင်းမြစ်များ

Xo̱jo̱n Salmoo̱ 81:15

Xota̱ xi chꞌoo̱ Néná, ki̱a̱ra̱ je ni̱ma̱kjo̱a̱ kixindyia ngindyi̱ko̱n kui, ta̱nga ngatsjéni̱xtjinra̱ nga Néná kotijée̱.

Éksondo̱ 20:5

Ngata̱ bosiéntꞌajínjnúu̱ tikójnú kui nii̱, ti̱nde ngata̱ niꞌándikónjínjnú. Án boá xi Nejnú an, kó chi̱ni̱ án. Án boá xi tsꞌenjée̱ ndií, ko̱jo ndíndee̱, ko̱jo ndínde xi ma joó tsi̱ꞌe̱ xota̱ xi tsꞌenchꞌóna,

Énkjínkón 8:36

ta̱nga kui xi tsꞌénjé nga chꞌo tsóna, ndajín tsꞌén ndyi̱ꞌbijñá yojoo̱, ngayeje xi chꞌoo̱ an, kjo̱a̱bo̱yaa̱ boá xi tjoó».

Matioo̱ 11:5

tꞌíni̱jmìjnúu̱ nga xota̱ xi ti̱ka̱a̱ je kamátsijee̱n, xi ni̱ma̱ see̱ je ma fí, xi tjiín chiꞌin xi tsꞌénkjátsón tji̱xin yojoná je kamándaya, xi xtiyaa̱ je tsintꞌié, xi kꞌiee̱n je jaꞌáꞌyaá, ko̱jo nga xota̱ ni̱ma̱a̱ je tjíꞌmíyaá éntjatsi̱e̱e̱ Néná.

Matioo̱ 21:32

Ngatꞌa̱ Jua̱ xi botíndaá jeꞌe tsi̱ꞌe̱ nga kui xi ko̱kóyájnú ndi̱ya̱à kjo̱a̱kixi̱i̱, ta̱nga jún kisꞌijinjínjnú, ta̱nga kui já xí foaꞌáꞌyá to̱n xi machjítjé nii̱ ko̱jo ínchjínmasieén kisꞌijinrií. Ta̱nga jún, ndatsi kamáyàjnú ngayeje kui nii̱, ti̱nde bo̱a̱ tsꞌén kiniꞌánkꞌoyàjínjnú yojojnú nga kisꞌijinjnú.

Matioo̱ 9:33

Kó Kjisoo̱ ngije tsꞌaxié kui a̱si̱énni̱xtjii̱n xindajiín, nda̱ xi májín chji̱a̱a̱, tsíchji̱a̱, kó ngayeje xotaa̱ kijíndikoón kui nii̱, kó bi̱ katsoó xkjín: Kji̱e̱ ngo ndi̱yà yàjne̱ kui nii̱ kꞌi̱e̱ Israee̱l.

Markoo̱ 2:12

Kósꞌe̱ kui nda̱ xi ni̱ma̱a̱, tji̱e̱nmá jastjíe̱n, iskjíbé ṉchaa̱n, sꞌe̱ jataxie nga kamábe ngayeje xotaa̱, kó achichí kijíndikoón ngayejee̱, kó katsjaá kjo̱a̱je Néná, nga bi̱ katsoó xkjín: –Kji̱e̱ ngo ndi̱yà yàjne̱ ngo ni xi xikoó xi̱ꞌbi̱.

Rkaa̱ 24:19

Kó Kjisoo̱, bi̱ katsoó kui jaá: –Mí ni xi kamá. Sꞌe̱ bi̱ katsó kui jaá: –Kjo̱a̱a̱ Kjisoo̱, nda̱ xi chji̱a̱ni na̱xi̱ńdáꞌniú Nasaree̱t, nda̱ chji̱ni̱e̱ꞌe̱én Néná, xi nkꞌa kamá xaá kjo̱a̱a̱ ngayeje ni xi katsꞌén, ko̱jo ni xi akóyá, kó kamáyàndikón ngindyi̱ko̱n Néná ko̱jo ngindyi̱ko̱n ngayeje xota̱ na̱xi̱ńdaá,

Juaa̱ 10:32

Sꞌe̱ Kjisoo̱, bi̱ katsó: –Achichí má ni xi ndaa̱ xi je akójnú Na̱ꞌmina, kjo̱a̱a̱ ñání kui nii̱ xi kjoyànijnúꞌun ndi̱jo̱.

Juaa̱ 10:37

Tsi sa̱ꞌinjín an xaá Na̱ꞌmina, sꞌi̱jinjínjnú,

Juaa̱ 12:10

Ta̱nga já ngito̱ko̱o̱ chináꞌmii̱ índa tsi̱ꞌe̱ nga sa̱ꞌínkꞌién Laá nga,

Juaa̱ 12:45

kó xi bena, be xí katsangiyana.

Juaa̱ 14:9

Sꞌe̱ Kjisoo̱, bi̱ katsó: –Achichí kjín ni̱xtjin je kisꞌijñajinjnúꞌun, kó a kji̱e̱ yejínní Ngiripe̱. Xi je kamábena, ti̱ jè kamábe Na̱ꞌmina nga, kó kótsꞌèn bi̱ se ji: Takejne̱ Na̱ꞌmii̱.

Juaa̱ 15:21

Ngayeje kui nii̱ xi sa̱ꞌínjo̱jnú xotaa̱ ta̱ngatꞌanii̱ jaꞌénna, ngatꞌa̱ bejín ꞌyání xi katsangiyana.

Juaa̱ 15:22

Ta̱nga tsi jéꞌe̱jín an, kó tsi tsíchji̱a̱jojín an kui xotaa̱, nde jmí jéjínra̱a̱, ta̱nga ngotꞌe̱ ꞌne̱, nde jmí ni ka̱tso̱jín kjo̱a̱a̱ jeé.

Juaa̱ 15:23

Xi chꞌoo̱ an, ti̱ chꞌoo̱ Na̱ꞌmina nga.

Juaa̱ 16:9

Kjo̱a̱a̱ jeé, ngatꞌa̱ kisꞌijinjiín an,

Juaa̱ 3:2

kui nda̱a̱ kijíkatsijee̱n Kjisoo̱ nga jñoó, kó bi̱ katsoó: –Mostro̱, jè yàjne̱ nga Néná katsangiyaa ji nga mostro̱ ji, ngatꞌa̱ jmíjín xi sa̱ꞌín kui chi̱bo̱a̱ ndikón xí niꞌín ji tsi Nénájín tikónjo̱.

Juaa̱ 5:36

Ta̱nga an tikónná ngo én chistiko̱ xi je ngase, ta̱bo̱a̱jiín xi tsíchji̱a̱ Juaa̱ kjo̱a̱a̱ an, ngatꞌa̱ kuí xá xí katsjána Na̱ꞌmina xi katsangiyana, tsi̱ꞌe̱ nga kjo̱tjosón ni xi tsꞌen an ngotꞌe̱, kuí xí chji̱a̱ kjo̱a̱a̱ ni xi tsꞌen an.

Juaa̱ 6:36

Ta̱nga jè bo̱a̱ kixianjnúꞌun nga ndatsi je kamáyàjnúꞌun, ti̱ kuí xi sꞌijinjín májnú.

Juaa̱ 7:31

Kó achichí má xota̱ xi kisꞌijii̱n Kjisoo̱, kó bi̱ katsó: –Nga kjo̱e̱ꞌe Kristoo̱, a kjín ngase kjo̱a̱ndikón sa̱ꞌín ta̱bo̱a̱jiín kui nda̱a̱.

Juaa̱ 9:32

Ndeskande koó nga ítsꞌi̱yanii̱ nga̱sondiee̱ kji̱e̱ ngo ndi̱yà ya nga ngo nda̱ katsꞌéndaya ngo nda̱ xi ti̱ka̱ kamá ndeskande koó nga katsen.

Juaa̱ 9:41

Sꞌe̱ Kjisoo̱, bi̱ katsó: –Tsi ti̱ka̱jnú, jmí jéjínjnú, ta̱nga ngotꞌe̱ ꞌne̱, nga “yàjne̱” ndyi̱ꞌmìjnú, kuíni nga jéjnú ta̱kó tikón.

Ni xi kamá 10:38

ko̱jo nga Néná katsjaá ngaꞌniú ko̱jo A̱si̱énni̱xtjii̱n Néná kui Kjiso̱ xi chji̱a̱ni Nasaree̱t, kó kuí Kjisoo̱ xi kistsoꞌbá nga katsꞌén ni xi nda, ko̱jo nga katsꞌéndaya ngayeje xota̱ xi tsie kjo̱a̱ni̱ma̱ ndyi̱foaꞌa, xi kjimaniꞌii̱n ta̱ngatꞌanii̱ xindajín ndiabloo̱, ngatꞌa̱ Kjisoo̱ Néná kistsoꞌbájo̱,

Ni xi kamá 2:22

Jún bo̱a̱ já xí chji̱a̱ni Israee̱l, ndaꞌyájnú kui én xí xian an: Kjisoo̱ nda̱ xi chji̱a̱ni na̱xi̱ńdáꞌniú Nasaree̱t, ngo nda̱ xi Néná akójnú nga kisꞌiee̱ ngaꞌniú, ko̱jo nga tsie kjo̱a̱ndikón xí katsꞌén ngi̱ya tsja nga kisꞌijñajo̱jnú, xikótsꞌèn ti̱ juún je yàjnú,

Xota̱ Roma̱ 1:30

Tsíchji̱a̱taꞌin xkjín, chꞌo kamaá Néná, katsꞌén ni xi májín niꞌán ngindyi̱ko̱n xotaa̱, chꞌokon kamá, ti̱ kuii̱ je tsꞌaxié yojoo̱, katsꞌéntsijen ni xi ndajín, tsintꞌiéꞌénjiín xi xchaá.

Ndeuteronomio̱ 5:9

Ngata̱ bosiéntꞌajínjnúu̱ tikójnú kui nii̱, ti̱nde ngata̱ niꞌándikónjínjnú. Án boá xi Nejnú an, kó chi̱ni̱ án. Án boá xi tsꞌenjée̱ ndií, ko̱jo ndíndee̱, ko̱jo ndínde xi ma joó tsi̱ꞌe̱ xota̱ xi tsꞌenchꞌóna,

2 Timoo̱ 3:4

Ko̱tíñá xkjín, ko̱jo ta̱xkiya sa̱ꞌín ngo ni, ko̱jo achichí je kꞌo̱xié yojoo̱, ko̱jo tjó ngase ka̱maa̱ kjo̱a̱tsjaa̱ yojoo̱ ta̱bo̱a̱jiín nga Néná ko̱ngase.

Xo̱jo̱o̱n Sandiyaá 4:4

¡Jún xota̱ xi jmí tsi kixi̱ timatji̱ngijnú Néná! A yàjínjnú jún nga xota̱ xi ndyi̱tsꞌèntjó nii̱ kui nga̱sondiee̱, kondraa̱ Néná síndoni. Ta̱ꞌya xota̱ní xi mejeén nga amingoo̱ kui nga̱sondiee̱ ka̱ma, kondraa̱ Néná tjítsꞌén yojoo̱.