Juaa̱ 15:2 - Xo̱jo̱n eén Néná

² Ngayeje tjia xi tjiín yojona xi jmí to tsjájín, na̱ꞌmina kjo̱a̱ꞌáxín, kó ngayeje tjia xi tsjá to, sa̱ꞌíntsjie tsi̱ꞌe̱ nga kjín ngase to tsja.

Juaa̱ 15:2 ပူးပေါင်းရင်းမြစ်များ

Joo̱b 17:9

Xota̱ xi kixi̱i̱, fíra ndi̱yà xí tjimá, kó xota̱ xi jmíjéjiín ndyiojón ndyiojón kꞌuié ngasee̱ ngaꞌniú!

Xo̱jo̱n Salmoo̱ 92:14

Kó ndatsi je xchá ka̱ma, ti̱ kuí xí ko̱a̱ja̱a̱ to.

Énkjínkón 4:18

»Ta̱nga ndi̱yà xí tjimáyà xota̱ xi kixi̱i̱, ꞌna̱ ma xikoó nda̱a̱ ndiꞌí xí ya nga ndibáꞌásie̱én: kó saꞌniú sáꞌniú ngase ma ꞌna̱, ngaskande nga ma ndisꞌueé.

Matioo̱ 13:12

Ngatꞌa̱ ta̱ꞌyaní xi ntꞌié ni xi bokoyá an, tsie ngase ko̱e̱ꞌeé nga ka̱makjiín, kó ꞌniú ka̱makjiín, ta̱nga xi ntꞌiéjín, chja̱ꞌáxiín ngaskande ni xi chií makjiín.

Matioo̱ 13:33

Ingo énkjín katsóyà Kjisoo̱, xi bi̱ tsó: –Nínga botíxomaa̱ Néná, xikó maá tsi ján chi̱bo̱a̱ nisan iskjíbé ngo xota̱chjo̱on sꞌe̱ ki̱a̱ indyiaá ndso̱ko̱a̱n ṉño̱paa̱n ngaskande nga kaxongatjo̱ ngayeje nda̱ꞌyo̱paa̱n.

Matioo̱ 15:13

Ta̱nga Kjisoo̱, bi̱ katsó: –Ngayeje xka̱ xi ítji̱e̱jín Na̱ꞌmina xi tikón ndiꞌakꞌajmi jàn xtjo̱níyá ndeskande ja̱ma̱a̱.

Matioo̱ 21:19

Kó nga kamábe ngo yá xí boajaá toꞌingo̱ tꞌa ndi̱ya̱à, kijí nínga tikón kui yaá, kó jmí to kasakojiín, ta̱ xka̱ tsí xi tjiín yaá. Kósꞌe̱ Kjisoo̱, bi̱ katsoó kui yaá: –¡Nga nginijánjín ko̱a̱ja̱a̱ to! Kó ti̱ kjiꞌa kixí kui yaá.

Matioo̱ 25:29

Ngatꞌa̱ xi tjiín, ko̱e̱ꞌeé, kó tsie ngase kꞌuieé, kó xi jmíjiín, ngaskande ni xi tjiín xi chje̱ꞌéxiín.

Matioo̱ 3:10

Kó ti̱ je tikónnda jachaa̱, tsi̱ꞌe̱ nga ko̱tie yaá ndeskande ja̱ma̱a̱, ngatꞌa̱ ngayeje yá xí jmí to xi nda tsjájín, bichá, kó ngi̱jin ndiꞌí jàn bichijmijin.

Matioo̱ 3:12

Jè tsꞌényaꞌa ngi̱ya tsja ni xi sa̱ꞌíntsjie to ndso̱ko̱a̱n ṉño̱paa̱n nga xín sa̱ꞌínkjaꞌa xtjieé. Kó kjo̱a̱ꞌátjó to ndso̱ko̱a̱n ṉño̱paa̱n ngi̱ndie nínga xi̱ndyiá, kó ku̱i̱ꞌítí xtjieé ngo ngi̱jii̱n ndiꞌí xi jmíni̱xtjin kꞌo̱.

Matioo̱ 7:19

Ngayeje yá xí jmí to xi nda tsjájín, bichá sꞌe̱ ꞌbítí.

Markoo̱ 4:20

Kó kuí xi̱ꞌbi̱ xi ikꞌítji̱e̱ tꞌanangi ndaa̱: Xota̱ xi ntꞌié eén Néná kó nda kjíbé, kó kuí xí xikoó xojmá xí tsjá kantié, ko̱jo ichítié ko̱jo tie, ko̱jo ngaskande úchán to nga ngo nga ngo.

Rkaa̱ 8:13

Kó kui xojmá xí ixó nga̱són ndi̱jo̱o̱, kuí xí xikoó xota̱ xi ntꞌié eén Néná, kó tsja maa̱ nga kjíbé, ta̱nga nga jmí ja̱ma̱jiín, ta̱ ngotjón tsí sꞌijii̱n, kó nga fochó chi̱bo̱a̱ nga chjátꞌayákón tsꞌenkjié kjo̱a̱.

Juaa̱ 15:1

Án boá xi ńꞌniuú tostsi̱jè xí ja̱koxi̱i̱, kó Na̱ꞌmina, kuí boá nda̱ xi tsꞌénxaá.

Juaa̱ 15:16

Júnjín xi kachjeꞌéjinjnúꞌun, án boá xi jaꞌajinjnúꞌun jún, kó jè katsangiyajnúꞌun tsi̱ꞌe̱ nga kongínjnú, kó kꞌuiéjnú to, ngo to xi kꞌo̱ndíyaá ngatsjéni̱xtjin, tsi̱ꞌe̱ nga ngayeje ni xi chji̱e̱ꞌèe̱ Na̱ꞌmina ngajona, tsja̱á.

Juaa̱ 15:3

Jún jè kamátsjiejnú, kjo̱a̱a̱ ngayeje én xí je katsóyàjnúꞌun,

Juaa̱ 15:6

Xi kꞌuijñájinjínna, bo̱a̱ ka̱maa̱ xikó maá ngo tjia xi jmí to tsjájín: Bichá, xí, chjaꞌáꞌyá, kó ngi̱jin ndiꞌií bichijmijin tsi̱ꞌe̱ nga tí.

Juaa̱ 15:8

Kuí nii̱ xi ka̱mayani kjo̱a̱jee̱ Na̱ꞌmina nga achichí kjín to kꞌuiéjnú jún, kó bo̱a̱ tsꞌén nga xota̱na ka̱majnú jún.

Juaa̱ 17:12

Nga kisꞌijñajo̱ an kui xotaa̱ kꞌi̱e̱ kui nga̱sondiee̱, askóo̱n ngi̱yaa̱ ngaꞌniuú jaꞌée̱n, kui xota̱ xi ji katseꞌéní, kó askóo̱n, kó nde ngojín xi kichajá, ta̱kuítsí ndí kichajaá, tsi̱ꞌe̱ nga kjo̱tjosón ni xi tjítꞌa xo̱jo̱n ée̱n.

Xota̱ Roma̱ 11:17

Xota̱ Israee̱l xikónií tsi tjiaa̱ yáꞌolibo̱ xi ikichaá, kó tsi ji xi xikoó ngo tjiaa̱ yáꞌolibo̱ ngindie kꞌijñá, kó tsi kui ngi̱ndie nínga kitii̱ yaá kanangindyioó xikoó ngo tjiaa̱ yá xí tjín ngi̱jin kꞌijñaá, kó tsi ngotꞌe̱ ꞌne̱, je ja̱ma̱a̱ yaá ndokjo̱e̱ni, kó nijan tindyin xikótsꞌèn tikón yáꞌoliboo̱.

Xota̱ Roma̱ 11:22

Ja̱ ngatamaye ji nga achichí ndaxota̱ ko̱jo tajá tsꞌénjo̱ Néná xotaa̱, tajá katsꞌénjo̱ xota̱ xi kastingí nga ixó, kó ji nda tjítsꞌénjoo̱, tsi bo̱a̱ tsꞌén ꞌniú ku̱i̱ndyinjin ji kjo̱a̱ndaa̱, ngatꞌa̱ tsi bo̱a̱jín si̱ꞌin ku̱i̱chátꞌaa̱ ji kui yaá.

Xota̱ Roma̱ 8:28

Kó jè ya nga xota̱ xi tsꞌéntjó Néná, Néná tsꞌeén ni xi nda nganda tsi̱ꞌe̱, xota̱ xi Néná jaꞌájin xikótsꞌèn kamámejeén kui.

1 Xota̱ Korinto̱ 13:1

Tsi mana ngayeje én xí chji̱a̱ xota̱ nga̱sondiee̱, ko̱jo én xí chji̱a̱ ndítsjiee̱, ta̱nga tsi jmíjínna kjo̱a̱tjó, ta̱ xikónií ngo ki̱cha̱ xi ꞌniú fonie, ko̱jo tsi ngo platiyo̱ xi ta̱xkiya fonie kjima an.

Titoo̱ 2:14

kui xi katsjá yojoo̱ nga kiniꞌánkꞌién ta̱ngatꞌanii̱ ñá, nga íchjítjéná nga jatjoꞌa ñá, kjo̱a̱a̱ ni xi ndajín xi kiniꞌán, ko̱jo tsi̱ꞌe̱ nga sa̱ꞌíntsjiená, nga ñá xí xota̱ na̱xi̱ńdá xí tsi̱ꞌe̱ ka̱ma ñá, kó nga ngayejee̱ takón nga ni xi nda si̱ꞌán.

Xota̱ Ebreo̱ 12:15

Chindajnú nga ngojín xi sa̱ꞌínchꞌó kjo̱a̱ndaa̱ Néná, nga tsi ngo xi ndajín tjíjin ini̱ma̱a̱ tsja̱á kjo̱a̱xti, kuí nii̱ xi sa̱ꞌínniꞌii̱n xotaa̱, kó ka̱ma tsie kui ni xi ndajiín,

1 Xo̱jo̱o̱n Juaa̱ 2:19

Kui já boá, kꞌi̱e̱ jatjojinná, ta̱nga nga ja̱koxi̱ xota̱nájín bo̱a̱, ngatꞌa̱ tsi xota̱ná kamá, nijan síndojo̱na tsobo̱a̱, ta̱nga bo̱a̱ kamá tsi̱ꞌe̱ nga xcha̱ cha̱n cha̱n nga tjín xota̱ xi jmí tsi xota̱ xi tsa̱ñá boá.

Ni xi akakoo̱ 3:19

An tsꞌénxchánjo̱ an, kó tsꞌenchjíni̱e̱ an ngayeje xi tjóna, kuíni nga che̱ndikín ji ni xi tsi̱ꞌe̱ Néná, kó ti̱ꞌinkꞌoyé ji yojòo̱ kjo̱a̱a̱ ni xi ndajínkjiꞌi xi tiniꞌín ji.