Juaa̱ 15:19 - Xo̱jo̱n eén Néná

¹⁹ Tsi kui nga̱sondiee̱ ndokjo̱a̱nijnú, sa̱ꞌíntjójnú xotaa̱ kui nga̱sondiee̱, xikótsꞌèn tsꞌéntjó xota̱ tsi̱ꞌe̱, ta̱nga kuijín nga̱sondiee̱ ndokjo̱a̱nijnú, ngatꞌa̱ án xí jaꞌajinjnúꞌun ngi̱jii̱n xotaa̱ kui nga̱sondiee̱, kuíni nga xotaa̱ kui nga̱sondiee̱ tsꞌenchꞌójnú.

Juaa̱ 15:19 ပူးပေါင်းရင်းမြစ်များ

Matioo̱ 10:22

Kó ngayeje xota̱ xi sa̱ꞌínchꞌójnú ta̱ngatꞌanii̱ jaꞌénna, ta̱nga xi sa̱ꞌínchíkjo̱a̱ ngaskande nga kju̱i̱e̱tꞌa, kuí xi̱ꞌba̱ xi kjo̱tjoꞌa.

Matioo̱ 24:9

Kósꞌe̱ xotaa̱ sa̱ꞌínkꞌasꞌienjnú jún tsi̱ꞌe̱ nga ku̱i̱yotjíngíjnú, ko̱jo tsi̱ꞌe̱ nga si̱ꞌankꞌiénjnú, kó ngayeje xota̱ sa̱ꞌínchꞌójnú ta̱ngatꞌanii̱ jaꞌénna.

Rkaa̱ 6:32

Ngatꞌa̱ tsi ta̱kuítsí xota̱ xi tjoó jún xi si̱ꞌantjójnú, mí kjo̱a̱nda xi tjínjnú. Ngaskande xota̱jeé tsꞌéntjó xota̱ xi ndyi̱tsꞌèntjó kuí.

Juaa̱ 13:18

Jmí tsi kjo̱a̱a̱ ngayejejnú ni xi tꞌíxián an, jè be an ꞌyání xi je jaꞌajin an, ta̱nga tsi̱ꞌe̱ nga kjo̱tjosón ni xi kjitꞌa xo̱jo̱n eén Néná, nínga bi̱ tsoó: “Xi kꞌi̱e̱ tsꞌénkjiniejo̱na pan, kondra̱na je tikón.”

Juaa̱ 15:16

Júnjín xi kachjeꞌéjinjnúꞌun, án boá xi jaꞌajinjnúꞌun jún, kó jè katsangiyajnúꞌun tsi̱ꞌe̱ nga kongínjnú, kó kꞌuiéjnú to, ngo to xi kꞌo̱ndíyaá ngatsjéni̱xtjin, tsi̱ꞌe̱ nga ngayeje ni xi chji̱e̱ꞌèe̱ Na̱ꞌmina ngajona, tsja̱á.

Juaa̱ 6:70

Sꞌe̱ Kjisoo̱, bi̱ katsó: –A ánjín xi jaꞌajinjnúꞌun nga tiejójnú. Ta̱nga ngo jún xi xindajín ndiabloo̱ chji̱a̱ni.

Xo̱jo̱o̱n Sandiyaá 4:4

¡Jún xota̱ xi jmí tsi kixi̱ timatji̱ngijnú Néná! A yàjínjnú jún nga xota̱ xi ndyi̱tsꞌèntjó nii̱ kui nga̱sondiee̱, kondraa̱ Néná síndoni. Ta̱ꞌya xota̱ní xi mejeén nga amingoo̱ kui nga̱sondiee̱ ka̱ma, kondraa̱ Néná tjítsꞌén yojoo̱.

1 Xo̱jo̱o̱n Peé 4:3

Jè jaꞌa ni̱xtjin xikótsꞌèn kixindyionjnú ngasꞌe̱, kjiꞌanga kiniꞌánjnú ni xi tsja máa xota̱ xi sꞌijinjiín Néná, nga kiniꞌánjnú ni xi ndajín, ko̱jo ni xi ndajín xi mejeén yojojnú, ko̱jo kjo̱a̱chꞌi̱, ko̱jo nga chꞌo kiniꞌánjo̱xtínjnú yojo ndikónjnú, ko̱jo nga ikitjatjónjnúu̱ nga kiniꞌánjnú sꞌué, ko̱jo nga kiniꞌántsjájnúu̱ a̱sie̱én ne xi tsꞌénda xotaa̱, kui xi achichí chꞌokoón.

1 Xo̱jo̱o̱n Juaa̱ 3:12

Jmí tsi bo̱a̱ si̱ꞌán xikoó Kaii̱n nga xindajín tsíchji̱a̱ni, kó katsꞌénkꞌién ntsꞌi̱e̱. Kó míkjo̱a̱a̱ nga katsꞌénkꞌién. Ngatꞌa̱ ndajínkjiꞌi ngayeje ni xi katsꞌén kuí, kó kixi̱ kamá ngayeje ni xi katsꞌén Abe̱ ntsꞌi̱e̱.

Ni xi akakoo̱ 12:17

Kó ta̱ngatꞌanii̱ kui nii̱ nga kui cho̱ tamá xí yito to̱koo̱, achichí katsꞌénxchán kjo̱a̱a̱ kui xota̱chjo̱on, kó kijíkjánjo̱ ngayeje ndí xí ngasee̱ kui naa̱, kui xi ndyi̱ntꞌièꞌén nga ndyi̱tsꞌènkjátjosón kjo̱a̱botíxomaa̱ Néná ko̱jo kui xi ꞌniátakón ni xi katsꞌén Jesukristoo̱,

Ni xi akakoo̱ 12:9

Kó bo̱a̱ tsꞌén ikiyotji̱ngii̱ kui cho̱ tamá xí yito to̱koo̱ ki̱a̱ ndiꞌakꞌajmii̱, kui ye̱ xchaá xi ꞌmí xindajín ndiabloo̱ ko̱jo Satanaa̱, kui xi ꞌboṉcha̱jo ngayeje xotaa̱, kui cho̱o̱ ko̱jo ndítsjiee̱ ki̱a̱ akatítsojosón nga̱són tꞌanangii̱.