Juaa̱ 15:16 - Xo̱jo̱n eén Néná

¹⁶ Júnjín xi kachjeꞌéjinjnúꞌun, án boá xi jaꞌajinjnúꞌun jún, kó jè katsangiyajnúꞌun tsi̱ꞌe̱ nga kongínjnú, kó kꞌuiéjnú to, ngo to xi kꞌo̱ndíyaá ngatsjéni̱xtjin, tsi̱ꞌe̱ nga ngayeje ni xi chji̱e̱ꞌèe̱ Na̱ꞌmina ngajona, tsja̱á.

Juaa̱ 15:16 ပူးပေါင်းရင်းမြစ်များ

Jenesii̱s 18:18

ngatꞌa̱ xota̱ tji̱e̱ tsi̱ꞌe̱ boá xi ka̱ma ngo na̱xi̱ńdá xí ꞌniú je, ko̱jo nga ta̱ngatꞌanii̱ kui nga sa̱ꞌinchikonñé an ngayeje na̱xi̱ńdá xí tjín nga̱sondiee̱.

Xo̱jo̱n Salmoo̱ 145:4

Ji̱n boá xi ko̱ndókjo̱a̱jne̱ kjo̱a̱a̱ ngaꞌniúu̱, ko̱jo kjo̱a̱tsjakjiꞌíi̱, ko̱jo kjo̱a̱jèe̱, ko̱jo kjo̱a̱a̱ ni xi fíndikónná xi kiniꞌín ji, achichí sa̱ꞌinkjó án kjo̱a̱a̱ kui nii̱, kó kuí má ndína xi xiyàa̱.

Xo̱jo̱n Salmoo̱ 71:18

Ji Ne, ndatsi je xchá án, ko̱jo ndatsi je kichjí tokó án, ngata̱ ꞌbíjñímasínjínní, ngaskande nga xiyàa̱ kui xota̱ tji̱e̱e̱, ko̱jo xiyàa̱ ngaꞌniú xí tjiín kui xota̱ xi kji̱e̱ tsenjiín.

Énkjínkón 11:30

Kjo̱a̱mindyioo̱n boá xi tsꞌén xota̱ xi kixi̱i̱, ta̱nga xota̱ xi kjínkón boá, kui xi fíjo̱ xota̱ ngi̱ya tsja Néná.

Matioo̱ 21:22

Kó ngayeje ni xi chji̱a̱ꞌajnú nga ko̱ndókjo̱a̱jnúu̱ Néná, tsi sꞌijinjnú, sa̱kójnú.

Matioo̱ 7:7

Chji̱a̱ꞌajnú, kó ko̱e̱ꞌéjnú, ti̱ndyi̱séjnú, kó sa̱kójnú, ndókjo̱a̱jnú tꞌa ngo nga̱ntjo̱a̱, kó xchjáxꞌájnú.

Rkaa̱ 6:13

Kó nga kisisie̱èn, tsíchji̱a̱a̱ ngayeje xota̱ tsi̱ꞌe̱, kó tiejó má já xí jaꞌájin xi já apostro̱ katsoó.

Juaa̱ 13:18

Jmí tsi kjo̱a̱a̱ ngayejejnú ni xi tꞌíxián an, jè be an ꞌyání xi je jaꞌajin an, ta̱nga tsi̱ꞌe̱ nga kjo̱tjosón ni xi kjitꞌa xo̱jo̱n eén Néná, nínga bi̱ tsoó: “Xi kꞌi̱e̱ tsꞌénkjiniejo̱na pan, kondra̱na je tikón.”

Juaa̱ 15:19

Tsi kui nga̱sondiee̱ ndokjo̱a̱nijnú, sa̱ꞌíntjójnú xotaa̱ kui nga̱sondiee̱, xikótsꞌèn tsꞌéntjó xota̱ tsi̱ꞌe̱, ta̱nga kuijín nga̱sondiee̱ ndokjo̱a̱nijnú, ngatꞌa̱ án xí jaꞌajinjnúꞌun ngi̱jii̱n xotaa̱ kui nga̱sondiee̱, kuíni nga xotaa̱ kui nga̱sondiee̱ tsꞌenchꞌójnú.

Juaa̱ 15:5

Án boá xi ńꞌniuú tostsi̱je̱è, kó jún boá xi tjiaa̱, xi kꞌuijñájo̱na, ja̱ ti̱ kotíjña̱jìi̱n, kó achichí to ko̱a̱ja̱a̱, ngatꞌa̱ tsi kjin ku̱i̱ndyionjnúꞌun jmí ni ka̱májínjnú si̱ꞌan.

Juaa̱ 6:70

Sꞌe̱ Kjisoo̱, bi̱ katsó: –A ánjín xi jaꞌajinjnúꞌun nga tiejójnú. Ta̱nga ngo jún xi xindajín ndiabloo̱ chji̱a̱ni.

Ni xi kamá 1:24

Kó bi̱ katsó kui jaá nga tsíchji̱a̱a̱ Néná: –Ji Ndi̱a̱, ji xi ye ji ngayeje ini̱ma̱a̱ xotaa̱, takejne̱ ꞌyání nga jó kui jaá xi je kachjeꞌéjin ji,

Ni xi kamá 1:8

ta̱nga kjiꞌanga kjo̱e̱ꞌe̱kónjnú A̱si̱énni̱xtjii̱n Néná, sa̱kójnú ngaꞌniuú, kó ka̱ma chistiko̱na ka̱majnú, kó jmí tsi ta̱ na̱xi̱ńdáꞌniú Jerusale̱n tsi, ko̱jo ngayeje nangi Jundea̱, ko̱jo nangi Samaria̱, ko̱jo ngaskande nínga fetꞌaa̱ tꞌanangii̱.

Ni xi kamá 10:41

jmí tsi ngayeje xota̱ na̱xi̱ńdaá xi akoó yojoo̱, ta̱ ji̱n tsí xi kamáyàjne̱, ji̱n xi ja̱bo̱a̱ je jaꞌájinjne̱ Néná nga chistiko̱ kamájne̱, kó ji̱n kichiniejo̱ ko̱jo kiꞌyójo̱jne̱ jaskan ngije jaꞌáꞌyaá.

Ni xi kamá 22:14

Kó bi̱ katsó ngasena: “Kuí Nee̱ xota̱ tji̱e̱ xcháná xí jaꞌájiin ji tsi̱ꞌe̱ nga xchi̱e̱ ji ngayeje ni xi mejeén sa̱ꞌín, ko̱jo tsi̱ꞌe̱ nga xchi̱e̱ ji Kjiso̱ xi kixi̱i̱, kó ko̱nda̱ꞌyé ji nda̱a̱ nga tsꞌoa má xi ku̱i̱chji̱a̱joo,

Ni xi kamá 9:15

Ta̱nga Ndi̱a̱ná, bi̱ katsoó: –¡Tꞌenchíi̱n! Ngatꞌa̱ nga kuí nda̱a̱ xi je jaꞌajin an tsi̱ꞌe̱ nga ku̱i̱chji̱a̱jo kjo̱a̱a̱ an xota̱ xi Israee̱ljín, ko̱jo re, ko̱jo ngayeje xota̱ xi chji̱a̱ni Israee̱l,

Xota̱ Roma̱ 1:13

Jún ntsꞌie, mejénna nga xcha̱jnú nga antꞌe̱na nga mejénna nga kjuínkónjnúꞌun, ta̱nga ngongá kjiꞌa fotjokjàna kje̱ꞌe ni xi bosíkjo ni xi je tjíndana. Mejénna kjuínkónjnúꞌun tsi̱ꞌe̱ nga sa̱ꞌin an ngi̱jinjnú xá xi katsjána Jesukristoo̱, xikó katsꞌen an ngi̱jii̱n xota̱ xi ngasee̱.

Xota̱ Roma̱ 1:5

Ta̱ngatꞌaa̱ Jesukristoo̱ nga Néná katsjána kjo̱a̱ndaa̱, ko̱jo nga apostroo̱ kamá an, kó katsangiyana tsi̱ꞌe̱ nga ta̱jñàní kꞌuini̱jmìi̱ xotaa̱, tsi̱ꞌe̱ nga sꞌi̱jii̱n ko̱jo ku̱i̱ntꞌiéꞌeén Ndi̱a̱ná.

Xota̱ Roma̱ 15:4

Ngatꞌa̱ ngayeje ni xi je kiniꞌánꞌindó ngasꞌe̱ xo̱jo̱n eén Néná, kamánda tsi̱ꞌe̱ nga ko̱ko̱yaná, ki̱a̱ ka̱maa̱ nga kui kjo̱a̱tsiekoo̱n, ko̱jo kjo̱a̱niꞌándajoo̱n xo̱jo̱n eén Néná nga xchiyàa̱ ni xi tsja̱aná Néná.

Xota̱ Roma̱ 9:21

Kó nda̱ xi tsꞌénda ti̱ji̱í a jmíjínrií ngo ngaꞌniú nga kui xi ka̱tso̱ mí ni xi sa̱ꞌínda ndásee̱, kó ka̱ma bo̱a̱ ka̱tso̱ tsi ngo ti̱jì xi tsjá sa̱ꞌínda, axa̱ ngo ti̱jì xi ta̱xkiya.

1 Xota̱ Korinto̱ 10:11

Ngayeje kui nii̱ xi kamaá xota̱ tji̱e̱ xchaá xota̱ jundíoo̱, tsi̱ꞌe̱ nga kisꞌijñaná ngo chi̱bo̱a̱, kó kui nii̱ kiniꞌánꞌindó ngi̱yaa̱ xo̱jo̱n eén Néná, tsi̱ꞌe̱ nga bo̱a̱jín si̱ꞌán ñá xí tindyión kuí nga̱sondie xi je kjifetꞌaa̱.

Xota̱ Ngalasia̱ 1:15

Ta̱nga ngindiee̱ nga stse̱n an, Néná íjñátꞌaxínna kó katsjáxána, ngatꞌa̱ achichí je kjo̱a̱ndaa̱ kui.

Xota̱ Éfeso̱ 2:10

Ngatꞌa̱ Néná boá xi katsꞌéndaná, ngatꞌaa̱ Kristo̱ Kjisoo̱, tsi̱ꞌe̱ nga ni xi nda si̱ꞌán, kui ni xi Néná índa tjón tjón tsi̱ꞌe̱ nga ki̱a̱ ku̱i̱ṉtsomajin ni xi ndaa̱.

Xota̱ Kolosa̱ 1:23

Bo̱a̱ ka̱ma tsi ja̱koxi̱ nga ꞌniú tindyiàjnú ko̱jo tsi ꞌniú tikón kjo̱a̱sꞌijinjnú, ko̱jo nga jmíni̱xtjin kju̱i̱e̱ kjo̱a̱chiyá xi tikónjnú, kjo̱a̱a̱ kui éntjatsi̱e̱e̱ Kristoo̱ xi je kandaꞌyájnú, kuí eén xi je tjíꞌbíni̱jmì ngayeje són nga̱sondiee̱, kó an Pabloo̱ katseꞌéxána nga kꞌuini̱jmì án kui eén.

Xota̱ Kolosa̱ 1:6

Kui éntjatsi̱e̱ xi kandaꞌyájnú, jè tjíꞌbíni̱jmì ngayeje són nga̱sondiee̱, kó nda tjítsꞌeén xotaa̱, xikó kamá ngi̱jinjnú ni̱xtjin nga kamáyà ja̱koxi̱jnú kjo̱a̱ndaa̱ Néná.

1 Timoo̱ 2:7

Kó kuíni nga Néná, an katsꞌénna ngo xi ꞌbini̱jmì éntjatsi̱e̱e̱. An xi apostro̱ an, ja̱koxi̱ boá ni xi tꞌíxián an, jmí tsi tsꞌénꞌbindiso an, kó án boá xi mostroo̱ xota̱ xi jundío̱jín, tsi̱ꞌe̱ nga kokoyáa̱ kjo̱a̱sꞌijin xi ja̱koxi̱i̱.

2 Timoo̱ 1:11

Néná katsjáxána tsi̱ꞌe̱ nga ka̱ma an ngo xi ku̱i̱ꞌíni̱jmì éntjatsi̱e̱e̱, ngo apostro̱ ko̱jo ngo mostro̱.

2 Timoo̱ 2:2

Ni xi je kandaꞌyéní nga kixiya an ngindyi̱ko̱n kjín chistiko̱, mejénna nga ko̱ko̱yée̱ já xí ma ꞌniátakoón, tsi̱ꞌe̱ nga ka̱maa̱ ko̱kóyaá kje̱ꞌe xota̱.

Titoo̱ 1:5

Ki̱a̱ katsꞌenkꞌíjñaá jí tji̱ngi̱ Kreta̱, tsi̱ꞌe̱ nga si̱ꞌindaye ni xi chajaa̱ nga ka̱mandaya, ko̱jo tsi̱ꞌe̱ nga xki̱ nangi ko̱e̱ꞌéxée̱ xota̱ xi xchaá na̱ngo̱xi̱i̱, xikótsꞌèn atixomaa an nga si̱ꞌin ji.

Xota̱ Ebreo̱ 11:4

Ta̱ngatꞌanii̱ kjo̱a̱sꞌijii̱n nga Abee̱ katsꞌénkꞌasꞌiee̱n Néná ngo kjo̱a̱tjó xi chjí ngasenii̱, ta̱bo̱a̱jiín xi katsꞌénkꞌasꞌien Kaii̱n, kó kuíni nga Néná, xota̱ xi kixi̱ katsoó, kó katsꞌénjo̱ꞌo kjo̱a̱tjoó, kó kuíni nga ndatsi je kꞌien Abee̱, ta̱kó tsꞌénbokóná ngo chi̱bo̱a̱, xikótsꞌèn kisꞌijii̱n kui.

Xo̱jo̱o̱n Sandiyaá 3:18

Xota̱ xi mongase kjo̱a̱xioó xota̱ xi ngasee̱, Néná tsja̱á nga xió ko̱jo nga kixi̱ kꞌuíndo.

1 Xo̱jo̱o̱n Peé 3:15

Ta̱sá cha̱ndikónjnú Kristoo̱ ngi̱jii̱n ini̱ma̱jnú nga kui xi Ndi̱a̱jnú má, kó ngatsjéni̱xtjin ti̱ndyiondajnú nga ka̱majnú kꞌuiyájnúu̱ nga tjín xi ko̱síyájnú ngo ni kjo̱a̱a̱ kui kjo̱a̱chiyá xi tjínjnú jún.

1 Xo̱jo̱o̱n Peé 3:2

kó sku̱i̱e̱ nga nda ndyi̱mongínjo̱jnú yojojnú, ko̱jo nga ndyi̱yandikonjnú Néná.

1 Xo̱jo̱o̱n Juaa̱ 4:10

Kuí bí kui nii̱ xi kjo̱a̱tjoó: Nga jmí tsi ñá xí kiniꞌántjó Néná, ta̱sá kjo̱a̱a̱ nga Néná boá xi katsꞌéntjóná ñá, kó katsangiyaná ndií xikoó ngo kjo̱a̱tjó xi niꞌánkꞌasꞌien tsi̱ꞌe̱ nga kiniꞌánjetakoón jéná.

1 Xo̱jo̱o̱n Juaa̱ 4:19

Ñá ndyi̱niꞌántjó Néná, ngatꞌa̱ kuí xí tjón katsꞌéntjóná ñá.