Juaa̱ 15:12 - Xo̱jo̱n eén Néná

¹² Kuí xi̱ꞌbi̱ xi kjo̱a̱botíxomana: Nga tjó si̱ꞌánjnú ja̱kꞌi̱e̱ ja̱ngaján xingi̱jnú, xikótsꞌèn tjó tjítsꞌenjnúꞌun.

Juaa̱ 15:12 ပူးပေါင်းရင်းမြစ်များ

Juaa̱ 13:34

Ngo kjo̱a̱botíxoma tja̱tsi̱e̱ tsjajnúꞌun: Tjó ti̱ꞌánjnú nga ngo nga ngo xingi̱jnú, xikótsꞌèn katsꞌentjójnúꞌun jún, ti̱ bo̱a̱ ti̱ tsꞌén ti̱ꞌantjójnú xingi̱jnú.

Juaa̱ 15:17

Kuí xi̱ꞌbi̱ xi kjo̱a̱botíxomana: Ti̱ꞌantjójnú ja̱kꞌi̱e̱ ja̱ngaján xingi̱jnú.

Xota̱ Roma̱ 12:10

Ja̱kꞌi̱e̱ ja̱ngaján ti̱ꞌantjójnú xingi̱jnú xikoó tsi ngo ntsꞌiejnú, ngatꞌa̱ ntsꞌié májnú, kó cha̱ndikón ngasejnú xingi̱jnú.

Xota̱ Éfeso̱ 5:2

Kó tjó ti̱ꞌanjo̱jnú ngayeje xotaa̱, xikótsꞌèn tjó katsꞌénná Kristoo̱ nga kꞌientjéná, kó katsjá yojoo̱ xikoó ngo chji̱e̱, ko̱jo kjo̱a̱tjó xi sije̱n kamaá Néná nga kiniꞌánkꞌasꞌiee̱n.

1 Xota̱ Tesalónika̱ 3:12

Ndi̱a̱ná ngatasikójojnú tsi̱ꞌe̱ nga ja̱kꞌi̱e̱ ja̱ngaján si̱ꞌantjó ngasejnú xingi̱jnú ko̱jo ngayeje xotaa̱, xikótsꞌèn niꞌántjójne̱ jún.

1 Xota̱ Tesalónika̱ 4:9

Kó kjo̱a̱a̱ nga kꞌuiéjnú kjo̱a̱tjó xi ꞌbéná xikoó tsi ngo ntsꞌié, nde chjiénjín nga xo̱jo̱n kuitꞌajnúꞌun kui nii̱, ngatꞌa̱ ti̱kuíní Néná xi je akóyájnú nga chjiéngá ja̱kꞌi̱e̱ ja̱ngaján si̱ꞌantjójnú xingi̱jnú.

2 Xota̱ Tesalónika̱ 1:3

Jún ntsꞌie, ngatsjéni̱xtjin chjiéngá ko̱e̱ꞌéjne̱ ndokꞌóchjì Néná kjo̱a̱a̱ jún, xikótsꞌèn chjiéngá nga ko̱e̱ꞌé, ngatꞌa̱ kjimatsie kui kjo̱a̱sꞌijinjnú, ko̱jo kui kjo̱a̱tjó xi je tjínjnú ngayejejnú, ko̱jo kjo̱a̱a̱ nga ꞌniú kjimatjójnú xota̱ xi ngasee̱.

1 Xo̱jo̱o̱n Peé 1:22

Ngotꞌe̱ ꞌne̱ nga je kiniꞌántsjiejnú yojojnú ta̱ngatꞌanii̱ nga kandaꞌyáꞌénjnúu̱ én xí ja̱koxi̱i̱, kó nga je tjó ja̱koxi̱jnú xingi̱jnú, xikoó tsi ngo ntsꞌiejnú. Ngayeje ini̱ma̱jnú ꞌniú ti̱ꞌantjójnú ja̱kꞌi̱e̱ ja̱ngaján xingi̱jnú.

1 Xo̱jo̱o̱n Peé 3:8

Kó nga fetꞌa, ngayejejnú tsjatsꞌèn tindyionjinjnúu̱ xingi̱jnú, tasíko̱jojnú xingi̱jnú, tjó ti̱ꞌánjnú xingi̱jnú xikoó tsi ngo ntsꞌiejnú, ndaxota̱ ko̱jo ni̱ma̱kjo̱a̱ ngatamajnú.

1 Xo̱jo̱o̱n Peé 4:8

Tsie kjo̱a̱tjó ngatꞌiéjnú ngi̱jinjnú, ngatꞌa̱ kjo̱a̱tjoó achichí jé sa̱ꞌínkjié.

1 Xo̱jo̱o̱n Juaa̱ 3:23

Nga si̱ꞌansꞌijin Jesukristoo̱, kui xi ndií Néná, ko̱jo nga si̱ꞌantjó ja̱kꞌi̱e̱ ja̱ngaján xingi̱ xikótsꞌèn íjñá Néná nga si̱ꞌán, kuí bí kui nii̱ xi kjo̱a̱botíxomaa̱ Néná.

1 Xo̱jo̱o̱n Juaa̱ 4:21

Xota̱ xi tjoó Néná, chjiéngá ti̱ nga tsꞌéntjó xota̱ xi ngasee̱ nga. Kuí bí kjo̱a̱botíxoma xi je tikónná xi katsjáná Néná.

2 Xo̱jo̱o̱n Juaa̱ 1:5

Kó ngotꞌe̱ ꞌne̱, já ntsꞌie, ꞌniú míꞌájnúꞌun, nga ja̱kꞌi̱e̱ ja̱ngaján si̱ꞌantjó xingi̱. Jmí tsi xikoó tsi ngo kjo̱a̱botíxoma tja̱tsi̱e̱ xi tjítsꞌenꞌindó an, ta̱sá kuí boá kui kjo̱a̱botíxoma xi tikónná ndeskande koó ngasꞌe̱.