Juaa̱ 15:11 - Xo̱jo̱n eén Néná

¹¹ Kuí nii̱ xi kixiyajnúꞌun, tsi̱ꞌe̱ nga kꞌuiéjnú kjo̱a̱tsjana, kó kjo̱tjosón kjo̱a̱tsjajnú.

Juaa̱ 15:11 ပူးပေါင်းရင်းမြစ်များ

Rkaa̱ 15:23

Kó ndibájo̱jnú cho̱yojo xi ꞌniú jee̱, sꞌe̱ ti̱ꞌankꞌiènjnú, xi̱ni̱e̱ kó tsjangatꞌiéná,

Rkaa̱ 15:32

Ta̱nga chjiéngá katsꞌen an kui sꞌueé, tsi̱ꞌe̱ nga tsja kamána, ngatꞌa̱ ntsꞌie, jè kꞌien katsaki, ta̱nga ngotꞌe̱ ꞌne̱ jè jaꞌáꞌyaá, kichajá katsaki, ta̱nga ngotꞌe̱ ꞌne̱ jè kasakona.”

Rkaa̱ 15:5

Kó ngije sa̱ko̱ó, ngaskande tsjá má ka̱maa̱ nga nga̱són tjiaa̱ ku̱i̱ꞌíjñasón,

Rkaa̱ 15:9

Kó ngije sa̱ko̱ó, ku̱i̱ꞌítikó xota̱ xi nda yaꞌa ko̱jo xota̱ tꞌa ndiꞌaa̱, kó bi̱ ka̱tso̱o̱: “Tsja ngatamajnú, ngatꞌa̱ jè kasakona to̱n xi kichajána.”

Juaa̱ 16:24

Ngaskande ngotꞌe̱, kji̱e̱ ngo ni xi ngajona chjiáꞌájnú, chji̱a̱ꞌajnú, kó ko̱e̱ꞌéjnú, tsi̱ꞌe̱ nga ka̱mando̱jo kjo̱a̱tsjajnú.

Juaa̱ 16:33

Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.

Juaa̱ 17:13

Ta̱nga ngotꞌe̱ ꞌne̱, jè tsꞌénfikoo̱n ji, kó kui nii̱ tsꞌénxiyàa̱ xotaa̱ kui nga̱sondiee̱, tsi̱ꞌe̱ nga kꞌuié ndo̱jò ndójo̱ò kjo̱a̱tsjana.

Juaa̱ 3:29

Kjiꞌanga ma ngo ndiꞌibixan, kuí nda̱ xi ku̱i̱xaa̱n xi tsi̱ꞌe̱ ka̱ma na̱ xi ku̱i̱xaa̱n, ta̱nga nda̱ amingoo̱ nda̱ xi ku̱i̱xaa̱n xi tikóntꞌaa̱ ntꞌieé, kó ꞌniú tsja maá ni xi tsó nda̱ xi ku̱i̱xaa̱n, bo̱a̱ tsꞌén nga je kjimando̱jo kjo̱a̱tsjana ngotꞌe̱.

Xota̱ Roma̱ 15:13

Kó Néná xí kjimaꞌniátakón, ngatsjájnú kjo̱a̱tsja, ko̱jo kjo̱a̱xió jún xi sꞌijinjnú, tsi̱ꞌe̱ nga ngaꞌniuú A̱si̱énni̱xtjii̱n Néná tsie kjo̱a̱chiyá tsja̱ajnú.

2 Xota̱ Korinto̱ 1:24

Jmí tsi ji̱n xi si̱ꞌanjne̱ kjo̱a̱ꞌniú kjo̱a̱a̱ xikótsꞌèn sꞌijinjnú, ta̱sá mejénjne̱ nga ji̱n ko̱siko̱jojne̱ jún tsi̱ꞌe̱ nga kꞌuiéjnú kjo̱a̱tsja, ngatꞌa̱ jè ꞌniú tindyiàjnú nga sꞌijinjnú Néná.

Xota̱ Éfeso̱ 5:18

Ngata̱ niꞌánchꞌi̱jínjnú yojojnú, ngatꞌa̱ xaán xí tsꞌén nga niꞌán ta̱jmì niní, ta̱sá ngasꞌikitsienijnú A̱si̱énni̱xtjii̱n Néná,

Xota̱ Filipo̱ 1:25

Kó be án nga bo̱a̱ kjiꞌi kui nii̱, kó kotíjña̱ ngase an, kó ta̱kó kotíjña̱jinjnúꞌun ngayejejnú tsi̱ꞌe̱ nga ꞌniú ngase sꞌi̱jinjnú, kó tsja ka̱majnú nga bo̱a̱ si̱ꞌánjnú.

1 Xota̱ Tesalónika̱ 5:16

Ngatsjéni̱xtjin nga tsjangatꞌiéjnú.

1 Xo̱jo̱o̱n Peé 1:8

Jesukristoo̱ xí ndyi̱niꞌántjójnú ndatsi kamáyàjínjnú kó kisꞌie kje̱n, kó tjisꞌíjinjnú ndatsi ngotꞌe̱ yàjínjnú kje̱n, achichí kjo̱a̱tsja xi ꞌniú jè tjínjnú, kó ngaskande nde yàjín kótsꞌèn kꞌuiyá kuí nii̱,

1 Xo̱jo̱o̱n Juaa̱ 1:4

Kó kui nii̱ xi ndyi̱ꞌbítꞌajne̱ xo̱jo̱n tsi̱ꞌe̱ nga ka̱mando̱jo kjo̱a̱tsjaná.

2 Xo̱jo̱o̱n Juaa̱ 1:12

Achichí ni xi tikónna xi kuichjiájojnúꞌun katsaki, ta̱nga mejénjínna nga xo̱jo̱n ko̱jo tinta̱ sa̱ꞌinkjièn án. Ngatꞌa̱ ta̱sá skoyáa̱ nga tsi ta̱ꞌa ka̱ma kjuínkátsijenjnúꞌun nga án má, tsi̱ꞌe̱ nga ka̱ma tíkje̱n tíkje̱n xchi̱boáni̱jmì, kó bo̱a̱ tsꞌén ka̱mando̱jo kjo̱a̱tsjaná.