Juaa̱ 15:10 - Xo̱jo̱n eén Néná

¹⁰ Tsi si̱ꞌankjatjosónjnú kjo̱a̱botíxomana, kjo̱a̱tjóna ku̱i̱ndyionjinjnú, xikótsꞌèn tjítsꞌenkjatjosóo̱n kjo̱a̱botíxomaa̱ Na̱ꞌmina, kó kjo̱a̱tjó tsi̱ꞌe̱ tikónjìi̱n.

Juaa̱ 15:10 ပူးပေါင်းရင်းမြစ်များ

Éksondo̱ 7:6

Kó Moisee̱ ko̱jo Aaroo̱n bo̱a̱ má tsꞌén katsꞌénkjatjosón xikótsꞌèn atíxomaa̱ Néná nga sa̱ꞌín.

Juaa̱ 10:18

Nde ngojín xi ka̱maa̱ sa̱ꞌínkꞌiénna, ngatꞌa̱ ngayejení ko̱n an nga sa̱ꞌinkꞌasꞌien an yojona. Tjínna ngaꞌniú tsi̱ꞌe̱ nga sa̱ꞌinkꞌasꞌien an yojona, kó ti̱ tjínna ngaꞌniú tsi̱ꞌe̱ nga kjo̱a̱ꞌáꞌyá nginína. Kuí bí kjo̱a̱botíxoma xi katsjána Na̱ꞌmina.

Juaa̱ 12:49

Ngatꞌa̱ jmí tsi ta̱xkiya tsíchji̱a̱ an, Na̱ꞌmina xí katsangiyana, kuí xí katsjána kui kjo̱a̱botíxoma xi tsꞌénchji̱a̱ an ko̱jo xi sꞌe̱ kuichjiá an.

Juaa̱ 14:15

Tsi tjójnú án, chjiéngá si̱ꞌankjatjosónjnú kjo̱a̱botíxomana.

Juaa̱ 14:21

Xi tikoón kjo̱a̱botíxomana, kó sa̱ꞌínkjatjosón, kuí xi̱ꞌba̱ xi tjoó an, kó xi tjoó an, ti̱ sa̱ꞌíntjó Na̱ꞌmina, kó an sa̱ꞌíntjó an, kó kokòo̱ ꞌyání án.

Juaa̱ 14:23

Sꞌe̱ Kjisoo̱, bi̱ katsó: –Xi tjoó an, sa̱ꞌínkjatjosón kjo̱a̱botíxomana, kó Na̱ꞌmina tjó sa̱ꞌín, kó kji̱ndibáchonjne̱, kó ngo ngi̱ndie nijan ku̱i̱ndyionjo̱jne̱.

Juaa̱ 14:31

tsꞌén án ni xi tsóna Na̱ꞌmina xi katsangiyana, tsi̱ꞌe̱ nga xotaa̱ kui nga̱sondiee̱ sku̱i̱e̱ nga tjóna Na̱ꞌmina. Ti̱sítji̱e̱njnú ꞌne̱, xín tjián.

Juaa̱ 17:4

An jè ako an kjo̱a̱jèe̱ kꞌi̱e̱ tꞌanangii̱, kó jè katsꞌenkjatjosón an ni xi katseꞌéní nga sa̱ꞌin an.

Juaa̱ 4:34

Ta̱nga Kjisoo̱, bi̱ katsó: –Ni chiniena, kuí boá nga chjiéngá sa̱ꞌinkjatjosón an ni xi mejeén xi katsangiyana, kó nga ka̱mando̱jo ni xi mejeén sa̱ꞌín kuí.

Juaa̱ 8:29

Ngatꞌa̱ xi katsangiyana, tikónjo̱na, kji̱e̱ ngo ndi̱yà ꞌbijñá soboána Na̱ꞌmina, ngatꞌa̱ ngatsjéni̱xtjin nga ni xi tsja maa̱ kuí boá xí tsꞌen an.

Juaa̱ 8:55

kó nga ja̱koxi̱ yàjínjnú kuí, ta̱nga an be án kuí. Kó tsi bejín an kui xian án, tsꞌénꞌbindiso án xikoó jún, ta̱nga be án kuí, kó tsꞌenkjatjosón án eén.

1 Xota̱ Korinto̱ 7:19

Ngatꞌa̱ jmí ni chjíjiín tsi kiniꞌánná ko̱jo tsi kiniꞌánjínná sirkunsisioo̱n, nga si̱ꞌankjatjosón kjo̱a̱botíxomaa̱ Néná kuí ni xi xi̱ꞌba̱ xi chjínií.

1 Xota̱ Tesalónika̱ 4:1

Kjo̱a̱a̱ ni xi chaja ngasee̱, jún ntsꞌie, ꞌniú chjiáꞌájne̱ ko̱jo ꞌniú botíxomajne̱ ngi̱yaa̱ jaꞌeén Ndi̱a̱ná Kjisoo̱, tsi̱ꞌe̱ nga ndyiojón ndyiojón nda ngase tsꞌén ku̱i̱ndyionjnú xikótsꞌèn tsja maa̱ Néná, xikótsꞌèn akakoyájne̱ ji̱n. Nga ja̱koxi̱, ja̱ jè bo̱a̱ ndyi̱niꞌánjnú.

Xota̱ Ebreo̱ 7:26

Kjisoo̱ kuí boá kui chináꞌmi xi ꞌniú nkꞌa xaá xi machjiénná ñá: Kuí xí tsjie, kuí xí jmíjiín ni xi ndajín, kuí xí jmíjiín ni xi ndándí, kuí xí xín tikónnii̱ xota̱jeé, kuí xí ꞌniú niꞌándikón ki̱a̱ ndiꞌakꞌajmii̱,

2 Xo̱jo̱o̱n Peé 2:21

Ngatꞌa̱ ta̱sara̱ ndatsi kamábejín kui jaá ndi̱yà xí kixi̱i̱, ta̱bo̱a̱jiín tsi ngije kamábe, xín sa̱ꞌínkjaꞌàa̱ yojoo̱ kui kjo̱a̱botíxoma tsjie xi je katseꞌeé.

1 Xo̱jo̱o̱n Juaa̱ 2:3

Tsi ndyi̱niꞌánkjatjosón kjo̱a̱botíxomaa̱ Néná, kuí nii̱ xi bokó nga je yà Néná.

1 Xo̱jo̱o̱n Juaa̱ 2:5

Ta̱nga kui xota̱ xi tsꞌénkjátjosón eén Néná, kuí boá xi ja̱koxi̱ nga tsꞌéntjó Néná xikótsꞌèn chjiéngá sa̱ꞌíntjó, kó kuí nii̱ xi bokó nga je tindyionjìi̱n Néná.

1 Xo̱jo̱o̱n Juaa̱ 2:6

Kui xota̱ xi tsó nga je tikónjii̱n Néná, chjiéngá bo̱a̱ tsꞌén ko̱e̱je̱tji̱ngi xikó katsꞌén Jesukristoo̱.

1 Xo̱jo̱o̱n Juaa̱ 5:3

Ngatꞌa̱ kuí nii̱ xi bokó nga tjóná Néná, kjiꞌanga si̱ꞌankjatjosón kjo̱a̱botíxomaa̱. Niꞌínjín niꞌánkjatjosón kjo̱a̱botíxomaa̱ kui.

Ni xi akakoo̱ 22:14

Achichíra̱tsjaa̱ xi ndyi̱moniè ńjñoo̱ tsi̱ꞌe̱ nga kꞌuieé kjo̱a̱nda nga ka̱ma skji̱ni̱e̱ too̱ yaá kjo̱a̱mindyioo̱n, kó ka̱maa̱ kꞌo̱sꞌienni nga̱ntjo̱a̱a̱ na̱xi̱ńdáꞌniuú.