Juaa̱ 15:1 - Xo̱jo̱n eén Néná

¹ Án boá xi ńꞌniuú tostsi̱jè xí ja̱koxi̱i̱, kó Na̱ꞌmina, kuí boá nda̱ xi tsꞌénxaá.

Juaa̱ 15:1 ပူးပေါင်းရင်းမြစ်များ

Én xí nda xi ꞌniú tsjatsó ngasee̱ 7:12

Jñóyà ku̱i̱stjíe̱n, kó tjián nínga kjiꞌi tostsi̱je̱è, stsitsíjée̱n tsi je kjiꞌbíńtsꞌién, ko̱jo tsi je tjixó, tsi je tjixó yángranandaa̱, ¡ki̱a̱ sa̱ꞌinkꞌasꞌiee̱n kjo̱a̱tjóna!

Matioo̱ 15:13

Ta̱nga Kjisoo̱, bi̱ katsó: –Ngayeje xka̱ xi ítji̱e̱jín Na̱ꞌmina xi tikón ndiꞌakꞌajmi jàn xtjo̱níyá ndeskande ja̱ma̱a̱.

Matioo̱ 20:1

Nínga botíxomaa̱ Néná, xikónií ngo nda̱ xi achichí ta̱jñó kijíngase já xí sa̱ꞌínxaá ngi̱ndiee̱ nínga maxchaá tostsi̱je̱è.

Matioo̱ 21:33

Ndaꞌyájnú ingo énkjín: Ngo nda̱ íjñanda ngo jno̱ nínga maxchá tostsi̱jè, kó íchjáꞌyá, sꞌe̱ katsꞌénda ngo ngi̱ndie nínga ꞌnaxié ndaá kui too̱, kó ti̱ katsꞌénda ngo tarié xi nkꞌa, kósꞌe̱ katsjá chjínangií já xí tsꞌén kuí xaá. Sꞌe̱ kui nda̱ xi katsjá chjínangí kui ngi̱ndiee̱ kjin kijí.

Markoo̱ 12:1

Kósꞌe̱ ítsꞌi̱yanii̱ nga tsíchji̱a̱ Kjisoo̱ nga katsóyaà ngo énkjín xi bi̱ tsó: –Ngo nda̱ íjñanda ngo jno̱ nínga maxchá tostsi̱jè, kó íchjáꞌyá, sꞌe̱ katsꞌénda ngo ngi̱ndie nínga ꞌnaxié ndaá kui too̱, kó ti̱ katsꞌénda ngo tarié xi nkꞌa, kósꞌe̱ katsjá chjínangií já xí tsꞌén kuí xaá. Sꞌe̱ kui nda̱ xi katsjá chjínangí kui ngi̱ndiee̱, kjin kijí.

Rkaa̱ 13:6

Sꞌe̱ katsóyà Kjisoo̱ kui énkjiín: –Ngo nda̱ kisꞌijñaa̱ ngo yáꞌingo̱ ngi̱jin nínga ꞌbítji̱e̱ tostsi̱je̱è, kó kijíkatsijee̱n tsi ta̱ꞌa yajaá toꞌingo̱, ta̱nga nde ngo kasakojiín.

Juaa̱ 1:17

ngatꞌa̱ kjo̱a̱kitii̱ Néná ngatꞌaa̱ Moisee̱ nga katseꞌeé xotaa̱, ta̱nga ngatꞌaa̱ Jesukristoo̱ nga jeꞌe kjo̱a̱ndaa̱ ko̱jo ja̱koxi̱i̱.

Juaa̱ 1:9

Kui ndiꞌí ja̱koxi̱ xi tsꞌentsíjee̱n ngayeje xotaa̱, jeꞌe kui nga̱sondiee̱.

Juaa̱ 15:2

Ngayeje tjia xi tjiín yojona xi jmí to tsjájín, na̱ꞌmina kjo̱a̱ꞌáxín, kó ngayeje tjia xi tsjá to, sa̱ꞌíntsjie tsi̱ꞌe̱ nga kjín ngase to tsja.

Juaa̱ 6:32

Kósꞌe̱ Kjisoo̱, bi̱ katsó: –Ja̱koxi̱, ja̱koxi̱ ni xi xiánjnúꞌun: Moisee̱jín xi katsjájnú paa̱n ndiꞌakꞌajmii̱, ngatꞌa̱ Na̱ꞌmina boá xi tsjá pan xi ja̱koxi̱i̱ ndiꞌakꞌajmii̱.

Juaa̱ 6:55

Ngatꞌa̱ yojona, nichinie ja̱koxi̱ boá, kó jínna ni ꞌyó ja̱koxi̱ boá.

Xota̱ Roma̱ 11:17

Xota̱ Israee̱l xikónií tsi tjiaa̱ yáꞌolibo̱ xi ikichaá, kó tsi ji xi xikoó ngo tjiaa̱ yáꞌolibo̱ ngindie kꞌijñá, kó tsi kui ngi̱ndie nínga kitii̱ yaá kanangindyioó xikoó ngo tjiaa̱ yá xí tjín ngi̱jin kꞌijñaá, kó tsi ngotꞌe̱ ꞌne̱, je ja̱ma̱a̱ yaá ndokjo̱e̱ni, kó nijan tindyin xikótsꞌèn tikón yáꞌoliboo̱.

1 Xota̱ Korinto̱ 3:9

Ngatꞌa̱ ji̱n, xaá Néná boá xi nijan ndyi̱niꞌánjne̱, kó jún boá xi xikoó ngi̱ndie nínga ꞌbítji̱e̱e̱, ko̱jo xikoó ndiꞌa xi tsi̱ꞌe̱ Néná.

1 Xo̱jo̱o̱n Juaa̱ 2:8

Ta̱nga tikónrií ngo ni xi tja̱tsi̱e̱ kui kjo̱a̱botíxoma xi tjítsꞌenꞌindójnúꞌun, ngatꞌa̱ xikó katsꞌén Kristoo̱ ko̱jo xikótsꞌèn tindyiónjnú jún tjiyá nga ja̱koxi̱ boá kui kjo̱a̱botíxomaa̱. Kjo̱a̱jñoó ni xi ndajín niꞌaán, je tjichájá, kó je tjítsꞌéntsíjen ndiꞌí xí ja̱koxi̱i̱.