Juaa̱ 14:28 - Xo̱jo̱n eén Néná

²⁸ Jè kandaꞌyájnú nga bi̱ kixian an: Je tsꞌénfí an, ta̱nga kjo̱e̱ꞌekón nginíjnúꞌun. Tsi tjójnú an katsaki, tsjara̱ ka̱majnú, ngatꞌa̱ je kixiyajnúꞌun an, nga Na̱ꞌmina tsꞌénfikóo̱n, ngatꞌa̱ nkꞌa ngase xaá Na̱ꞌmina ta̱bo̱a̱jiín an.

Juaa̱ 14:28 ပူးပေါင်းရင်းမြစ်များ

Xo̱jo̱n Salmoo̱ 68:18

Kꞌinnijíngí ji nínga nkꞌaa̱, nga kꞌinje̱ ji xota̱ xi síndoꞌniuú, ki̱a̱ kachjábé jí kjo̱a̱tjó xi katsꞌénkꞌasꞌiee̱n xota̱ nga̱sondiee̱, kó ngaskande ko̱jo xota̱ xi kitikjo̱a̱a̱ katsꞌénkꞌasꞌiee̱n nga, kó ki̱a̱ kixindyinjìi̱n kui xotaa̱ ji Ne.

Xo̱jo̱n Salmoo̱ 68:9

Ji Ne, jí boá xi achichí stsé kanangiye ji, kó katseꞌéngaꞌní nginíi̱ tꞌanangi xi ji katseꞌéjne̱.

Matioo̱ 12:18

Kꞌi̱e̱ tikón moso̱na, kui xi jaꞌajin an, achichí tjóna, kó tsja maa̱ ini̱ma̱na. Tsjàa̱ A̱si̱énni̱xtjinna tsi̱ꞌe̱ nga ku̱i̱ꞌíni̱jmi̱ì ni xi kixi̱ xota̱ xi jundío̱jín.

Juaa̱ 10:38

ta̱nga tsi sa̱ꞌin an, ndatsi sꞌi̱jinjínjnú an, sꞌijin ngatamajnú ni xi tsꞌen an, tsi̱ꞌe̱ nga xcha̱jnú, kó ka̱makjínjnú nga Néná xí Na̱ꞌmii̱ tikónjinna, kó an tikónjìi̱n kui.

Juaa̱ 13:16

Ja̱koxi̱, ja̱koxi̱ ni xi xiánjnúꞌun: Nda̱ mosoo̱ ꞌniújín nkꞌa ngase ka̱ma ta̱bo̱a̱jiín ndi̱a̱a̱, ti̱nde nda̱ xi kanangiyaa̱ nkꞌajín ngase xaá ta̱bo̱a̱jiín xi katsangiya.

Juaa̱ 14:12

Ja̱koxi̱, ja̱koxi̱ ni xi xiánjnúꞌun: Xi sꞌijii̱n an, xá xí tsꞌen an sa̱ꞌín ndatsa kui nga, kó tsie ngase ni xi sa̱ꞌín, ngatꞌa̱ Na̱ꞌmii̱ tsꞌénfikóo̱n,

Juaa̱ 14:18

Kꞌuijñáxꞌi̱a̱njínjnúꞌun, kji̱ndi̱bákón nginíjnúꞌun.

Juaa̱ 16:7

Ta̱nga ni ja̱koxi̱ xí tꞌíxiánjnúꞌun: Ta̱sá nda ka̱majnú nga kjuín án, ngatꞌa̱ tsi kjuínjín an, kui xi sa̱ꞌíndajonjnú kjo̱e̱ꞌekónjínjnú, ta̱nga tsi kjuín án, án xí sangiya an.

Juaa̱ 20:17

Kjisoo̱, bi̱ katsó: –Ngata̱ niꞌínje̱jínní, ngatꞌa̱ kji̱e̱ fikónjáa̱n Na̱ꞌmina, ta̱nga ta̱sá tꞌenchíi̱n ntsꞌié án, kó bi̱ tꞌíi̱n nga jè tsꞌénfikóo̱n Na̱ꞌmina xi Na̱ꞌmijnú nga, Néná xi Nejnú nga.

Juaa̱ 20:21

Sꞌe̱ Kjisoo̱ ti̱ bi̱ ti̱ katsó nginií: –Ngatꞌiéjnú kjo̱a̱xió ngayejejnú, xikótsꞌèn katsangiyana Na̱ꞌmina, ti̱ bo̱a̱ ti̱ tsꞌén sangiyájnúꞌun jún.

Juaa̱ 5:18

Kó kuíni nga ꞌniú tsangasee̱ já ngito̱ko̱o̱ xota̱ jundíoo̱, nga kamámejeén sa̱ꞌínkꞌién Kjisoo̱, ngatꞌa̱ kamábendikónjín ni̱xtjin ndikoón, kó íni̱jmì nga Néná xí Na̱ꞌmii̱ kui, kó nga ti̱ Néná kuí katsó.

Juaa̱ 7:33

Sꞌe̱ Kjisoo̱, bi̱ katsó: –Ta̱ ngi chiboa tsí ni̱xtjin kotíjña̱jinjnúꞌun, sꞌe̱ kjuín án ngijee̱ nínga tikón xi katsangiyana.

1 Xota̱ Korinto̱ 11:3

Ta̱nga mejénna nga xcha̱jnú nga Kristoo̱ xí tikóntjoón nga ngo nga ngo já xíꞌiín, kó xi xi̱ꞌii̱n, kuí xí tikóntjoón chjo̱ón, xikótsꞌèn nga Néná boá xi tikóntjoón Kristoo̱.

1 Xo̱jo̱o̱n Peé 1:8

Jesukristoo̱ xí ndyi̱niꞌántjójnú ndatsi kamáyàjínjnú kó kisꞌie kje̱n, kó tjisꞌíjinjnú ndatsi ngotꞌe̱ yàjínjnú kje̱n, achichí kjo̱a̱tsja xi ꞌniú jè tjínjnú, kó ngaskande nde yàjín kótsꞌèn kꞌuiyá kuí nii̱,

Ni xi akakoo̱ 1:11

xi bi̱ katsóna: –Ngo xo̱jo̱n tꞌítꞌe ji kui ni xi tiye ji, kó nangíyée̱ nga yito na̱ngo̱xi̱ xi chji̱a̱ni nangi Asia̱: Kui xi Éfesoo̱, Esmirnaa̱, Pérngamoo̱, Tiatiraa̱, Sarndii̱, Filandelfiaa̱ ko̱jo Laondiseaa̱.