Juaa̱ 14:27 - Xo̱jo̱n eén Néná

²⁷ Kjo̱a̱xióna kꞌuijñájnúꞌun, kjo̱a̱xióna tsjajnúꞌun, jmí tsi bo̱a̱ tsꞌén tsja an xikótsꞌèn tsjá xotaa̱ kui nga̱sondiee̱. Ngata̱ nda̱jín maá ini̱ma̱jnú, ti̱nde ngata̱ ndakonjínmájnú.

Juaa̱ 14:27 ပူးပေါင်းရင်းမြစ်များ

Joo̱b 34:29

Ta̱nga tsi Néná xí mejeén nga xió kꞌuijñá, ꞌyá xí ka̱maa̱ sa̱ꞌínchꞌó nga bo̱a̱ sa̱ꞌín. Tsi kui xi mejénjiín nga ko̱kó yojoo̱, ꞌyá xí ka̱maa̱ sku̱i̱e̱ kje̱n. Ta̱nga Néná, kuí boá xi tsꞌénkotsijee̱n ngayeje na̱xi̱ńdá ko̱jo xota̱ xi tjín nga̱sondiee̱,

Xo̱jo̱n Salmoo̱ 11:1

Néná boá xi kónna. Kótsꞌèn bo̱a̱ sení nga ki̱a̱ konga an ngi̱jin na̱xi̱i̱, xikoó tsi ngo ni̱sie.

Xo̱jo̱n Salmoo̱ 112:7

Jmí ni̱xtjin nga tsakjón má kjiꞌanga ngo ni xi ndajín ku̱i̱ntꞌiè, ngatꞌa̱ Néná boá xi kjimaꞌniákón ngayeje ini̱ma̱a̱.

Xo̱jo̱n Salmoo̱ 27:1

Néná boá ndiꞌí xí tsꞌentsíjenna ko̱jo xi ꞌboxiéꞌána. ꞌYá xí stsakjòo̱n. Néná boá xi tsjangaꞌniúna nga tikón an. ꞌYá xí ku̱i̱ndyiándikónna.

Xo̱jo̱n Salmoo̱ 28:3

Ngata̱ ki̱a̱jín nijan chjaféní ngi̱jii̱n xota̱ xi ꞌniú ndajiín, kui xi ni xi ꞌniú ndajín ndyi̱tsꞌe̱én, ngatꞌa̱ kui xotaa̱, kjo̱a̱a̱ kjo̱a̱xioó ndyi̱chji̱a̱jo xota̱ xi xkjín, ta̱nga ngi̱jin ini̱ma̱a̱ je tikoón ni xi ndajiín.

Xo̱jo̱n Salmoo̱ 29:11

Néná boá xi tsja̱á ngaꞌniú xota̱ na̱xi̱ńdaá, Néná boá xi sa̱ꞌínchikonñé xota̱ na̱xi̱ńdaá nga tsja̱á kjo̱a̱xioó.

Xo̱jo̱n Salmoo̱ 56:11

Néná boá xi kjimaꞌniáko̱n an, kó stsakjonjín an. ¡Mí ni xi ka̱maa̱ sa̱ꞌínjo̱na xota̱ nga̱sondiee̱!

Xo̱jo̱n Salmoo̱ 56:3

Ni̱xtjin nga tsakjon má an, jí boá xi kjimaꞌniákoo̱n, ji Ne.

Xo̱jo̱n Salmoo̱ 72:2

Kó kui ree̱, kixi̱ ko̱tíxomaa̱ xota̱ na̱xi̱ńdáa̱, kó kꞌuieé kjo̱a̱kixi̱ nga sa̱ꞌínseén xota̱ ni̱ma̱a̱.

Xo̱jo̱n Salmoo̱ 72:7

¡Ni̱xtjin nga ko̱tíxoma kui ree̱ ngatꞌié xota̱ xi kixi̱! ¡Ngatꞌié kjo̱a̱xió ngaskande ngije xcha̱ja saá!

Xo̱jo̱n Salmoo̱ 85:10

Kjo̱a̱ni̱ma̱takoón ko̱jo ni xi ja̱koxi̱i̱, xikoó tsi kasakoo̱ xkjín, kó kjo̱a̱kixi̱i̱ ko̱jo kjo̱a̱xioó, ndse̱je̱n kamá, xikoó tsi atíndsoꞌá xkjín.

Xo̱jo̱n Salmoo̱ 91:5

Ka̱májín ko̱nda̱kin jí ni xi ndakon xi ma nga jñoó, ti̱nde ka̱májín ko̱nda̱kin jí yá yojó xi fítji̱e̱n nga ni̱xtjii̱n.

Énkjínkón 3:25

Ko̱nda̱kínjín ji kui ni xi ta̱niján má mindyiandíkónna, ti̱nde ko̱nda̱kínjín ji ni ndajín xi ndibánié xota̱ xi ꞌniú ndajiín.

Kjo̱a̱chaꞌaá 3:17

Jè ngiti̱ jmíjínna kjo̱a̱xió, kó jè kichíyána kjo̱a̱tsjaa̱,

Xki̱ 6:26

Néná tsjangatamaa̱ nga skotsíjee̱n, kó ngatsjaá kjo̱a̱xioó”.

Matioo̱ 10:26

Ja̱ kuíni nga ngata̱ ndakonjínmájnú, ngatꞌa̱ jmíjín ni xi tjiꞌmá, xi xcha̱jín mí nii̱ bo̱a̱, ti̱nde jmíjín ni xi tikónꞌmá xi xcha̱jín.

Rkaa̱ 1:79

Tsi̱ꞌe̱ nga tsja̱á ndiꞌí ngayeje xota̱ xi síndo nínga ꞌniú jñoó, ko̱jo nínga tjín kjo̱a̱bo̱yaa̱, tsi̱ꞌe̱ nga kui xi ko̱ko̱ó ndsa̱ko ngo ndi̱yà nínga tjín kjo̱a̱xió.

Rkaa̱ 10:5

Kó kjiꞌanga ku̱i̱tjásꞌi̱e̱njnú ngo ndiꞌa, tjón ti̱ꞌantindéjnú, nga bi̱ kꞌuínjnú: “Ngatꞌieé kjo̱a̱xió kui ndiꞌaa̱.”

Rkaa̱ 12:4

Ja̱ kuíni nga bi̱ xiánjnúꞌun já amingo̱, nga ngata̱ ndakonjínmájnú xi tsꞌenkꞌién yojoná, sꞌe̱ ngiti̱ jmí ni tsꞌénjín ngijee̱.

Rkaa̱ 2:14

¡Ngatꞌieé kjo̱a̱je Néná ndiꞌakꞌajmi jàn! ¡Kó ngatꞌieé kjo̱a̱xió kꞌi̱e̱ tꞌanangii̱ xota̱ xi ndyi̱tsꞌènkjátjosoón kjo̱a̱ndaa̱ Néná!

Juaa̱ 14:1

Ngata̱ nda̱jín maá ini̱ma̱jnú, sꞌijin ngatamajnú Néná, kó ti̱ sꞌijin ngatamajnú án.

Juaa̱ 16:33

Kuí nii̱ xi je kixiyajnúꞌun, tsi̱ꞌe̱ nga sa̱kójnú kjo̱a̱xióna. Achichí kjo̱a̱ni̱ma̱ ku̱i̱tja̱tiójnú kui nga̱sondiee̱, ta̱nga ti̱ꞌanꞌniátakónjnúꞌun, ngatꞌa̱ an, jè katsꞌée̱n kui nga̱sondiee̱.

Juaa̱ 20:19

Ngije kamájñoó kui ni̱xtjii̱n, ni̱xtjin tjoón xomanaa̱, tjíchjá nga̱ntjo̱a̱a̱ ngi̱ndie nínga kamátikó xota̱ tsi̱ꞌe̱ Kjisoo̱, ngatꞌa̱ katsakjónní xota̱ jundíoo̱, kó ki̱a̱ jachó Kjisoo̱, kó ngije tikónjii̱n ngamasiee̱n kui jaá, bi̱ katsó: Ngatꞌiéjnú kjo̱a̱xió.

Juaa̱ 20:21

Sꞌe̱ Kjisoo̱ ti̱ bi̱ ti̱ katsó nginií: –Ngatꞌiéjnú kjo̱a̱xió ngayejejnú, xikótsꞌèn katsangiyana Na̱ꞌmina, ti̱ bo̱a̱ ti̱ tsꞌén sangiyájnúꞌun jún.

Juaa̱ 20:26

Kó ngije jaꞌa jin ni̱xtjin ngijee̱, ti̱ kamátikó nginí xota̱ tsi̱ꞌe̱ Kjisoo̱ ko̱jo Tomaa̱. Kó jachó Kjisoo̱ nga tjíchjá nga̱ntjo̱a̱a̱, kó Kjisoo̱ kasasienkixi̱ ngamasiee̱n kui jaá, kó bi̱ katsó: –Ngatꞌiéjnú kjo̱a̱xió ngayejejnú.

Ni xi kamá 10:36

Néná xí katsangiyaa̱ eén xota̱ Israee̱l nga katsóyà éntjatsi̱e̱e̱ kjo̱a̱xioó ngatꞌaa̱ Jesukristoo̱, nga kui xi Ndi̱a̱ xi tsa̱ñá.

Ni xi kamá 18:9

Kó ngo ni̱xtji̱e̱n, Ndi̱a̱ná bi̱ katsoó Pabloo̱ nga akoó ngo ni: –Ngata̱ ndakinjín má ji, ta̱kó ndókjo̱e̱ra ji énna kó ngata̱ fokjejín ji ndso̱ꞌbe,

Xota̱ Roma̱ 1:7

Ngayejejnú xi tindyiónjnú na̱xi̱ńdá Roma̱, tsꞌéntsangiyajnúꞌun kui xo̱jo̱o̱n, jún xi jaꞌájinjnú Néná nga xota̱ tsjiee̱ kui ka̱majnú jún. Néná xí Na̱ꞌminá ko̱jo Ndi̱a̱ná Jesukristoo̱ nga tsja̱ajnú kjo̱a̱ndaa̱ ko̱jo kjo̱a̱xioó.

Xota̱ Roma̱ 15:13

Kó Néná xí kjimaꞌniátakón, ngatsjájnú kjo̱a̱tsja, ko̱jo kjo̱a̱xió jún xi sꞌijinjnú, tsi̱ꞌe̱ nga ngaꞌniuú A̱si̱énni̱xtjii̱n Néná tsie kjo̱a̱chiyá tsja̱ajnú.

Xota̱ Roma̱ 5:1

Ja̱ kuíni nga Néná katsꞌénjo̱ꞌoná xikoó xota̱ xi kixi̱, ndokꞌóchji̱nií nga sꞌijinná kuí, kó tjínná kjo̱a̱xió ngatꞌaa̱ Ndi̱a̱ná Jesukristoo̱.

Xota̱ Roma̱ 5:10

Ngatꞌa̱ tsi kjiꞌanga kondraa̱ Néná kamá ñá, akjandajo̱ Néná ta̱ngatꞌaa̱ nga kꞌien ndií, kó kuíni nga, nga nda yaꞌaná Néná, kuí xí kꞌo̱xiéꞌáná ngotꞌe̱ ꞌne̱ nga tikón ndií.

Xota̱ Roma̱ 8:6

Ngatꞌa̱ tsi ku̱i̱ndyión nga si̱ꞌankjó ngayeje ni xi ndajín xi mejeén sa̱ꞌín yojoná, ko̱yà ñá ngindyi̱ko̱n Néná, ta̱nga tsi ta̱kuítsí ni xi tsi̱ꞌe̱ A̱si̱énni̱xtjii̱n Néná xi si̱ꞌankjó, kjiꞌá boá nga kꞌuiéná kjo̱a̱mindyion ngatsjéni̱xtjin ko̱jo kjo̱a̱xió.

1 Xota̱ Korinto̱ 1:3

Néná xí Na̱ꞌminá, ko̱jo Ndi̱a̱ná Jesukristoo̱, ngatsjájnú kjo̱a̱ndaa̱ ko̱jo kjo̱a̱xioó.

Xota̱ Ngalasia̱ 1:3

Ngatsjájnú kjo̱a̱ndaa̱ ko̱jo kjo̱a̱xioó Néná xí Na̱ꞌmii̱, ko̱jo Ndi̱a̱ná Jesukristoo̱,

Xota̱ Ngalasia̱ 5:22

Ta̱nga ni xi ꞌbítji̱e̱jinná A̱si̱énni̱xtjii̱n Néná, kuí ni xi̱ꞌbi̱: kjo̱a̱tjó, ko̱jo kjo̱a̱tsja, ko̱jo kjo̱a̱xió, ko̱jo kjo̱a̱jekon, ko̱jo kjo̱a̱ni̱ma̱takón, ko̱jo kjo̱a̱ndaxota̱, ko̱jo kjo̱a̱sꞌijin,

Xota̱ Ngalasia̱ 6:16

Ngayeje xota̱ xi ndyi̱fítji̱ngi kui kjo̱a̱botíxomaa̱, ngatꞌieé kjo̱a̱xió, ko̱jo kjo̱a̱ni̱ma̱takón, ko̱jo ngayeje xota̱ xi tsi̱ꞌe̱ Néná, xi xota̱ Israee̱l xi tsi̱ꞌe̱ Néná tjíꞌmií.

Xota̱ Filipo̱ 4:7

Kó kjo̱a̱xioó Néná, kui kjo̱a̱xió xi foaꞌatjoón ngayeje kjo̱a̱kjíntakoón, skoón ini̱ma̱jnú ko̱jo kjo̱a̱kjíntakónjnú ngatꞌaa̱ Kristo̱ Kjisoo̱.

Xota̱ Kolosa̱ 1:2

niꞌántindejne̱ jún xi xota̱ tsjiee̱ Néná, ko̱jo xi sꞌijinjnú Kristo̱ Kjisoo̱ xi tindyiónjnú na̱xi̱ńdáꞌniú Kolosa̱. Néná xí Na̱ꞌminá, ko̱jo Ndi̱a̱ná Jesukristoo̱ ngatsjájnú kjo̱a̱ndaa̱ ko̱jo kjo̱a̱xioó.

Xota̱ Kolosa̱ 1:20

Kó nga ngatꞌaa̱ Kristoo̱ nga Néná boá xi katsꞌén nga kjo̱e̱ꞌekón nginií ngayeje xi síndotꞌaxiín, xi síndo kui nga̱sondiee̱, ko̱jo xi síndo ndiꞌakꞌajmii̱, kó Kristoo̱ boá xi katsjá kjo̱a̱xioó ta̱ngatꞌanii̱ jín xí iskjitjón tꞌa kroo̱.

Xota̱ Kolosa̱ 3:15

Kjo̱a̱xioó Kristoo̱ ngatatixómaá ini̱ma̱jnú, ngatꞌa̱ ta̱ngatꞌanii̱ kui nii̱, nga Néná tsíchji̱a̱nijnú tsi̱ꞌe̱ nga ta̱ ngo tsí yojoo̱ Kristoo̱ ka̱majnú, nga kꞌuiéjnú kjo̱a̱xió. Te̱ꞌéjnúu̱ ndokꞌóchjì Néná kjo̱a̱a̱ kui nii̱.

2 Xota̱ Tesalónika̱ 1:2

Néná xí Na̱ꞌminá, ko̱jo Ndi̱a̱ná Jesukristoo̱, ngatsjájnú kjo̱a̱ndaa̱ ko̱jo kjo̱a̱xioó.

2 Xota̱ Tesalónika̱ 3:16

Ndi̱a̱ná xi tsi̱ꞌe̱ kjo̱a̱xioó ngatsjájnú ngatsjéni̱xtjin kjo̱a̱xioó ngi̱jii̱n ta̱jmì niní xi ku̱i̱tjájinjnú. Ndi̱a̱ná ngatꞌíjñajo̱jnú ngayejejnú.

2 Timoo̱ 1:7

Ngatꞌa̱ Néná jmí tsi ngo a̱siénni̱xtjin xi tsiendikón xi katsjáná, a̱siénni̱xtjin xi tjiín ngaꞌniú boá, xi tjiín kjo̱a̱tjó, ko̱jo xi tsi̱ꞌe̱ nga ka̱máná nga nda kongínjo̱ yojoná.

Xota̱ Ebreo̱ 13:20

Néná xí tsjáná kjo̱a̱xioó, kui xi katsꞌénkjaꞌáꞌyaá Ndi̱a̱ná Jesukristoo̱, kui nda̱ xi ta̱nisién nkꞌa xaá xi tikóntjoón cho̱tsa̱nga̱a̱, kui xi ta̱ngatꞌanii̱ jiín, nga Néná katsꞌénjo̱ná ngo kjo̱a̱ꞌbínda tja̱tsi̱e̱ xi tikón ngatsjéni̱xtjii̱n,

Xota̱ Ebreo̱ 7:2

kó Abraa̱n katsꞌénkꞌasꞌiee̱n kui nda̱ ree̱, tie nga úchán ngayeje ni xi kasakoo̱ xi katsꞌén kui kjo̱a̱xcha̱án. Jaꞌeén Melkisendee̱k, “nda̱ Re xi kixi̱” tsó, ko̱jo Ree̱ nangi Salee̱n, kó kui jaꞌeén “Re xi tjiín kjo̱a̱xió” tsó.

Ni xi akakoo̱ 1:4

Juaa̱ tsꞌentínde nga yito na̱ngo̱xi̱ xi chji̱a̱ni nangi Asia̱: Chjábéjnú kjo̱a̱nda ko̱jo kjo̱a̱xió xi katsangiyajnú kui xi je kuii̱, kui xi kui kamaá, ko̱jo kui xi sꞌe̱ ndibaá, ko̱jo xi katsangiyajnú nga yito a̱siénni̱xtjin xi síndo kje̱n nínga tikón Néná xí botixómaá,

Ni xi akakoo̱ 2:10

Ngata̱ ndakinjín má kjo̱a̱a̱ kjo̱a̱ni̱ma̱ xi ku̱i̱tje̱tí ji. Tsitsíjin ngatꞌa̱ xindajín ndiabloo̱ ndo̱bo̱a̱yà sa̱ngísꞌién chiboajnú, tsi̱ꞌe̱ nga xchítꞌayákónjnú jún, kó bo̱a̱ tsꞌén ku̱i̱tja̱tiójnú kjo̱a̱ni̱ma̱ tie ni̱xtjin. ꞌNiú tindyin ji ngaskande ndatsi ko̱yè jí, kó an tsjaa ngo chjí, kó kuí boá xi kjo̱a̱mindyioo̱n.

Ni xi akakoo̱ 21:8

Ta̱nga kui xota̱ xi tsiendikoón, ko̱jo kui xi sꞌijinjiín Néná, ko̱jo xi chꞌokoo̱n, ko̱jo xi tsꞌenkꞌién ini̱ma̱a̱, ko̱jo xi tondoo̱, ko̱jo xi ndyi̱tsꞌèn kjo̱a̱tjiꞌe, ko̱jo xi ndyi̱tsꞌèntsjàjo̱ a̱sie̱én ngo ne xi tsꞌénda xotaa̱, ko̱jo ngayeje xota̱ xi ndiso, kui xi̱ꞌba̱ ki̱a̱ stso̱ba̱a̱ nga ko̱e̱je̱ ngi̱jin ndáchíkón ndiꞌí xí ta̱nisién ꞌniú jee̱ nínga tjítí ndso̱ko̱a̱n asufree̱, kuí ni xi̱ꞌbi̱ xi xi ma joó kjo̱a̱bo̱yaa̱.