Juaa̱ 14:26 - Xo̱jo̱n eén Néná

²⁶ Ta̱nga kuí A̱si̱énni̱xtjii̱n Néná xi sa̱ꞌíndajonjnú, xi ngajona nga sa̱ngíyá Na̱ꞌmina, kuí xí ko̱kóyájnú ngayeje kui nii̱, kó sa̱ꞌínkjaꞌátsjienjnú ngayeje ni xi je kixiyajnúꞌun.

Juaa̱ 14:26 ပူးပေါင်းရင်းမြစ်များ

Xo̱jo̱n Salmoo̱ 51:11

Ngata̱ kjinjín niꞌínkjeꞌéní ngindyikin ji, ¡Ti̱nde ngata̱ chjeꞌéxínjínní A̱siénni̱xtjin tsjièe̱!

Matioo̱ 1:18

Bi̱ kamá nga katsen Jesukristoo̱: Na̱ Riyaa̱, na̱aa̱n Kjisoo̱, ja̱bo̱a̱ jé índa nga Kosiee̱ ku̱i̱xanjo̱, ta̱nga ngindiee̱ nga kꞌuíndojo̱ xkjín, kamábe nga A̱si̱énni̱xtjii̱n Néná ngo ndí jè katsjaá.

Matioo̱ 1:20

Ta̱nga tji̱e̱nga tjítsꞌénkjó kuí nii̱, ngo ndítsjiee̱ Néná tsíchji̱a̱jo ngi̱jin ńjñá jàn, kó bi̱ katsoó: –Kosiee̱, ji xi xota̱ tji̱e̱e̱ Ndabii̱, ngata̱ ndakinjín má ji nga ku̱i̱xenje̱ ji na̱ Riyaa̱, chjóo̱n, ngatꞌa̱ ndí xí yaꞌa, A̱si̱énni̱xtjii̱n Néná boá xi katsjaá.

Matioo̱ 28:19

Kó kuíni nga, tangínjnú kó xota̱ tsa̱ꞌa̱n ti̱ꞌánjnú ngayeje xota̱ na̱xi̱ńdá, tatíndánijnú nga si̱ꞌankaxomájnú jaꞌeén Na̱ꞌmii̱, ko̱jo jaꞌeén ndií, ko̱jo jaꞌeén A̱si̱énni̱xtjii̱n,

Matioo̱ 3:11

An, nga ja̱koxi̱, ndáfoa xí botindá án tsi̱ꞌe̱ nga si̱ꞌankꞌoyájnú yojojnú kjo̱a̱a̱ xikótsꞌèn tindyiónjnú, ta̱nga xi jaskan an ndibá, tjín ngasee̱ ngaꞌniú, kó nde tsoboájínna nga an kjuínjòo̱ tji̱xíndieé, kó kuí boá xi A̱si̱énni̱xtjii̱n Néná ko̱jo ndiꞌí xí ko̱tíndánijnú.

Markoo̱ 12:36

Xi ti̱kuíní Ndabii̱, xi bi̱ katsó nga A̱si̱énni̱xtjii̱n Néná katsꞌénkíchji̱a̱: Ndi̱a̱ná bi̱ katsoó Ndi̱a̱na: “Ti̱ndyintꞌení nga fojnína nínga botixoma an, ngaskande nga kꞌuindo an ngindie ndsa̱ki ji kondra̱ tse̱.”

Markoo̱ 13:11

Ta̱nga nga si̱ꞌankꞌasꞌienjnú nínga síndo jáxaá, ngata̱ nda̱jín májnú kjo̱a̱a̱ ni xi ko̱ndókjo̱a̱jnú, ti̱nde ngata̱ niꞌánkjójínjnú, ta̱sá ni xi kꞌuiyájnú nga kꞌuínjnú kui chi̱bo̱a̱a̱, kuí xí ndokjo̱a̱jnú, ngatꞌa̱ jmí tsi jún xi ko̱ndókjo̱a̱jnú, A̱si̱énni̱xtjii̱n Néná boá xi ku̱i̱chji̱a̱.

Rkaa̱ 1:15

Ngatꞌa̱ ndíi̱ achichí ꞌniú nkꞌa xá xí kꞌuieé ngindyi̱ko̱n Néná. Jmí bino̱ ko̱jo jmí xán kꞌuijín, kó ndeskande nga tjiyáꞌmá nga A̱si̱énni̱xtjii̱n Néná tsja̱angaꞌniuú.

Rkaa̱ 1:35

Kó ndítsjiee̱, bi̱ katsoó: —A̱si̱énni̱xtjii̱n Néná kji̱ndi̱bánieé ji, kó ngaꞌniuú Néná xí tikón ndiꞌakꞌajmi jàn ko̱óꞌmánii̱ tji̱nkꞌi̱e̱én, kuíni nga kui ndí xí stse̱én jí, ndií Néná kꞌuiín.

Rkaa̱ 1:41

Kó nga tsintꞌié nga katsꞌéntinde na̱ Riyaa̱, kui ndí xí yaꞌa na̱ Sabee̱ iskjínkꞌá má ngi̱ya nga̱tsꞌo̱a̱, kó na̱ Sabee̱ ti̱ kjiꞌa tsꞌasꞌienjii̱n A̱si̱énni̱xtjii̱n Néná.

Rkaa̱ 1:67

Kó Sakariyaa̱, na̱ꞌmii̱ kui ndií kisꞌikitsiee̱ A̱si̱énni̱xtjii̱n Néná, kó bi̱ katsó nga tsíchji̱a̱ xikoó ngo nda̱ chji̱ni̱e̱ꞌe̱én Néná:

Rkaa̱ 11:13

Ngatꞌa̱ ndatsi jún ndajínjnú xota̱, májnú boeꞌéjnúu̱ ngo ni xi nda ndíjnú, ¡akja̱ꞌmíra̱ nga Na̱ꞌmijnú xi tikón ndiꞌakꞌajmi jàn tsja̱ajiín A̱si̱énni̱xtjii̱n tsi tjín xí ku̱i̱ꞌaa̱!

Rkaa̱ 2:25

Kó ki̱a̱ na̱xi̱ńdáꞌniú Jerusale̱n kisꞌijña ngo nda̱ xi ꞌmí Simeoo̱n xi tikónjii̱n A̱si̱énni̱xtjii̱n Néná, ngo nda̱ xi kixi̱ ko̱jo xi ni̱ma̱takón kamá, xi tsꞌénkoyaa̱ nga Néná kꞌo̱xiéꞌá xota̱ Israee̱l,

Rkaa̱ 24:49

Kó ngotꞌe̱ ꞌne̱, sangiyájnúꞌun ni xi katsóyàtjón nga tsja̱a Na̱ꞌmina, ta̱nga kꞌi̱e̱ ti̱ndyiónjnú na̱xi̱ńdáꞌniú Jerusale̱n, ngaskande nga sa̱kójnú ngaꞌniú xí kji̱ndi̱báni ndiꞌakꞌajmi jàn.

Rkaa̱ 3:22

kó A̱si̱énni̱xtjii̱n Néná nga yojo, ja̱kjiꞌi tójo má kjiꞌi nga kjindibánié Kjisoo̱, kó kandaꞌyá ngo nda̱ ndiꞌakꞌajmi jàn, xi bi̱ katsó: –Jí xí ndí tjóna, ꞌniú tsjátjínna kjo̱a̱a̱ ji.

Juaa̱ 1:33

Kó nde bejín an ꞌyání kui, ta̱nga kui xi katsangiyana nga ndáfoa tsꞌénbotindá án, bi̱ katsóna: “Kui xi xchi̱e̱ ji nga kjo̱tjajennié A̱si̱énni̱xtjii̱n kó nga ki̱a̱ kꞌuijñájíi̱n, kuí xi̱ꞌba̱ xi A̱si̱énni̱xtjii̱n Néná xí ko̱tíndání.”

Juaa̱ 12:16

Nga tjón tjón kamákjínjiín kui nii̱ xota̱ tsi̱ꞌe̱ Kjisoo̱, ta̱nga ngije kamábe nga katseꞌeé kjo̱a̱je, kjiꞌa kjin jaꞌátsjiee̱n ko̱jo kamákjiín nga jatjosón ni xi kjitꞌa xo̱jo̱o̱n kjo̱a̱a̱ kui, ko̱jo nga kui nii̱ kiniꞌaán.

Juaa̱ 14:16

Kó án ꞌniú kuíꞌáa̱ Na̱ꞌmii̱, nga tsja̱a ingo xi sa̱ꞌíndajonjnú, tsi̱ꞌe̱ nga kꞌuijñájo̱jnú ngatsjéni̱xtjin:

Juaa̱ 14:25

Kuí nii̱ xi je kixiyajnúꞌun kjiꞌanga kisꞌijñajo̱jnúꞌun.

Juaa̱ 15:26

Ta̱nga nga kjo̱e̱ꞌe xí sa̱ꞌíndajoo̱n, kui xi sangiya an ta̱ngatꞌanii̱ Na̱ꞌmii̱, kui A̱si̱énni̱xtjii̱n Néná xí ja̱koxi̱ xi sa̱ngíyá Na̱ꞌmii̱, kuí xí chistiko̱na ka̱ma, kó kuí xí ku̱i̱chji̱a̱ kjo̱a̱a̱ an,

Juaa̱ 16:7

Ta̱nga ni ja̱koxi̱ xí tꞌíxiánjnúꞌun: Ta̱sá nda ka̱majnú nga kjuín án, ngatꞌa̱ tsi kjuínjín an, kui xi sa̱ꞌíndajonjnú kjo̱e̱ꞌekónjínjnú, ta̱nga tsi kjuín án, án xí sangiya an.

Juaa̱ 2:22

Kó kuíni nga, kjiꞌanga jaꞌáꞌyaá Kjisoo̱ ngi̱jii̱n xota̱ xi je jesoón, xota̱ tsi̱ꞌe̱ jaꞌátsjiee̱n nga kui nii̱ xi katsó, kó kisꞌijii̱n xo̱jo̱n eén Néná ko̱jo én xí katsó Kjisoo̱.

Juaa̱ 20:22

Kó ngije bo̱a̱ katsó, askjonomójón xotaa̱, kó bi̱ katsoó: –Chjábéjnú A̱si̱énni̱xtjii̱n Néná.

Juaa̱ 6:45

Jè bi̱ tsó ni xi kjitꞌa ngo xo̱jo̱n xi katsꞌénꞌindó já chji̱ni̱e̱ꞌe̱én Néná: “Kó Néná xi ko̱kóyaá ngayeje xotaa̱”, ngayeje xota̱ xi tsintꞌieé Na̱ꞌmina, kó kamaá ni xi akóyaá, kuí boá xi kji̱ndi̱bákónna.

Juaa̱ 7:39

Ta̱nga kui nii̱ katsó kjo̱a̱a̱ a̱siénni̱xtjin xi sa̱ko̱ó ngayeje xota̱ xi sꞌijii̱n kui. Nga kamá kui nii̱ kji̱e̱ sakójiín A̱si̱énni̱xtjii̱n Néná, ngatꞌa̱ kji̱e̱ boeꞌéjiín kjo̱a̱je nga si̱tꞌa kro, ko̱jo nga kjo̱a̱ꞌáꞌyaá Kjisoo̱.

Ni xi kamá 1:2

ngaskande ni̱xtjin nga kijí ndiꞌakꞌajmi jàn, ngije ja̱bo̱a̱ je katsjaá kjo̱a̱botíxoma já apostro̱ xi je jaꞌájin nga A̱si̱énni̱xtjii̱n Néná katsꞌénkjién,

Ni xi kamá 1:4

Kó kjiꞌanga nijan síndotikó kui, ko̱jo já apostroo̱, Kjisoo̱ atíxomaa̱ tsi̱ꞌe̱ nga kjo̱tjojín na̱xi̱ńdáꞌniú Jerusale̱n, kó bi̱ katsoó: –Chiyájnúu̱ nga kjo̱tjosón ni xi katsó Na̱ꞌmii̱ nga ka̱ma, xikótsꞌèn je tsíchji̱a̱jojnúꞌun.

Ni xi kamá 1:8

ta̱nga kjiꞌanga kjo̱e̱ꞌe̱kónjnú A̱si̱énni̱xtjii̱n Néná, sa̱kójnú ngaꞌniuú, kó ka̱ma chistiko̱na ka̱majnú, kó jmí tsi ta̱ na̱xi̱ńdáꞌniú Jerusale̱n tsi, ko̱jo ngayeje nangi Jundea̱, ko̱jo nangi Samaria̱, ko̱jo ngaskande nínga fetꞌaa̱ tꞌanangii̱.

Ni xi kamá 11:16

Kósꞌe̱ bo̱a̱ tsꞌén jaꞌátsjienna ni xi katsóna Ndi̱a̱ná: “Ja̱koxi̱ nga Juaa̱ ndáfoa xí atíndání, ta̱nga jún A̱si̱énni̱xtjii̱n Néná xí sa̱tíndánijnú.”

Ni xi kamá 13:2

Ngo ni̱xtjin tji̱e̱nga síndotikó nga ndyi̱tsꞌéndíkón Ndi̱a̱ná, ko̱jo nga ndyi̱tsꞌèn kjindiá, A̱si̱énni̱xtjii̱n Néná, bi̱ katsó: –Tꞌíjñitꞌaxínní Bernabee̱ ko̱jo Sauloo̱, tsi̱ꞌe̱ nga sa̱ꞌín kui xá xí tsíchji̱a̱ñàa̱.

Ni xi kamá 13:4

A̱si̱énni̱xtjii̱n Néná katsangiya Bernabee̱ ko̱jo Sauloo̱ nga kijí nangi xi ꞌmí Seleusia̱, sꞌe̱ ki̱a̱ iskjíbé nga kijíyà ngo tjotso je xi kijíjo̱ tji̱ngi̱ Chipre̱.

Ni xi kamá 15:28

Ngatꞌa̱ jè nda tsakiín A̱si̱énni̱xtjii̱n Néná, ko̱jo ji̱n, tsi̱ꞌe̱ nga ta̱xkiya si̱ꞌánjínjnú ngo ni, ta̱kuítsí ni xi xikoó xi̱ꞌbi̱:

Ni xi kamá 15:8

Kó Néná xí be ini̱ma̱ná akó nga tjoó xotaa̱, ngatꞌa̱ katsjaá A̱si̱énni̱xtjii̱n Néná xikótsꞌèn katsjáná ñá,

Ni xi kamá 16:6

Kó nga jaꞌa nangi Frijia̱ ko̱jo Ngalasia̱, A̱si̱énni̱xtjii̱n Néná katsjandièjiín nga tsíchji̱a̱ eén Néná nangi Asia̱,

Ni xi kamá 2:33

Kuíni nga kiniꞌándikón nga ki̱a̱ tsja fojnií Néná tikón, kó ngije Na̱ꞌmii̱ katsjaá A̱si̱énni̱xtjii̱n Néná xi katsóyàtjón nga tsja̱á, kó kui nii̱ xi ndyi̱yajnú ko̱jo xi ndyi̱ndaꞌyájnú.

Ni xi kamá 2:4

kó ngayejee̱ nga tsꞌasꞌieén A̱si̱énni̱xtjii̱n Néná, kó ítsꞌi̱yanii̱ nga tsíchji̱a̱ ja̱ kje̱ꞌe ja̱ kje̱ꞌe én, xikótsꞌèn katsjaá A̱si̱énni̱xtjii̱n Néná nga ku̱i̱chji̱a̱.

Ni xi kamá 20:28

Kó bo̱a̱ tsꞌén nda chónjnú yojojnú, kó chónjnú ngayeje xota̱ na̱ngo̱xi̱i̱, nínga A̱si̱énni̱xtjii̱n Néná katsjájnú ngo xá nga stsitsíjenjnúu̱, tsi̱ꞌe̱ nga jún xi xchindàjnú xota̱ na̱ngo̱xi̱i̱ Ndi̱a̱ná, kui xi jiín ndí tsi̱ꞌe̱ íchjítjéni.

Ni xi kamá 20:35

Ngatsjéni̱xtjin akoyájnúꞌun nga bo̱a̱ tsꞌén si̱ꞌanxá ko̱jo nga ko̱si̱ko̱jó xota̱ xi ni̱ma̱ tjimá, kó ti̱ꞌankjaꞌátsjienjnú kui én xí tsíchji̱a̱ Ndi̱a̱ná Kjisoo̱ xi bi̱ tsó: “Achichíra̱ tsjakjiꞌi ngase nga ñá ko̱e̱ꞌé, ta̱bo̱a̱jínnii̱ nga ñá ko̱e̱ꞌéná.”

Ni xi kamá 28:25

kó nga jmí ni índajín, ńgó ńgó kijí, kó Pabloo̱ ta̱ bi̱ tsí katsoó: –Achichí nda tsíchji̱a̱jo xota̱ tji̱e̱ xchájnú A̱si̱énni̱xtjii̱n Néná nga katsꞌénkíchji̱a̱ nda̱ chji̱ni̱e̱ꞌe̱én Néná xi ꞌmí Isayaa̱, nga bi̱ katsó:

Ni xi kamá 5:3

Ta̱nga Peé, bi̱ katsoó: –Ananiya̱, ánní nga xindajín Satanaa̱ tsꞌasꞌieén ngi̱jii̱n ini̱màa̱ nga ikꞌíndiseje̱ ji A̱si̱énni̱xtjii̱n Néná, nga kachjábé jí ngo tjín kui to̱o̱n ni xi akatíñí ji.

Ni xi kamá 7:51

Kó bi̱ katsó ngase Ixtibaa̱: Ta̱nga jún tajá tokojnú, ko̱jo ini̱ma̱jnú, ko̱jo tji̱bo̱a̱nijónjnú, ngatsjéni̱xtjin nga ndyi̱mongínjnúu̱ kondra̱ A̱si̱énni̱xtjii̱n Néná, xikó má katsꞌén xota̱ xi xchájnú.

Ni xi kamá 7:55

Ta̱nga Ixtibaa̱ kisꞌikitsié maá A̱si̱énni̱xtjii̱n Néná, kó askotsijen ndiꞌakꞌajmi jàn, sꞌe̱ kamábe kjo̱a̱jee̱ Néná, kó kamábe Kjisoo̱ nga ki̱a̱ tikóntꞌa tsja fojnií Néná,

Xota̱ Roma̱ 14:17

Ngatꞌa̱ nínga botixómá Néná jmí tsi nichiniee̱ ko̱jo tsi ni ꞌyoó xi ꞌniú chjínií, kjo̱a̱kixi̱i̱, ko̱jo kjo̱a̱xioó, ko̱jo kjo̱a̱tsjaa̱ A̱si̱énni̱xtjii̱n Néná xí chjínií.

Xota̱ Roma̱ 15:13

Kó Néná xí kjimaꞌniátakón, ngatsjájnú kjo̱a̱tsja, ko̱jo kjo̱a̱xió jún xi sꞌijinjnú, tsi̱ꞌe̱ nga ngaꞌniuú A̱si̱énni̱xtjii̱n Néná tsie kjo̱a̱chiyá tsja̱ajnú.

Xota̱ Roma̱ 15:16

tsi̱ꞌe̱ nga mosoo̱ Jesukristoo̱ ka̱ma an, nganda tsi̱ꞌe̱ xota̱ xi jundío̱jín nga kokoyáa̱ eén Néná, kó kui xotaa̱ ngo kjo̱a̱tjó xi nda ka̱ma ngindyi̱ko̱n Néná, kjo̱a̱tjó xi tjítsꞌéntsjie A̱si̱énni̱xtjii̱n Néná.

Xota̱ Roma̱ 5:5

Kó kjo̱a̱chiyaá tsja̱ajínná kjo̱a̱soboá, ngatꞌa̱ kjo̱a̱tjoó Néná íjñá ngi̱jii̱n ini̱ma̱ná ta̱ngatꞌanii̱ kui A̱si̱énni̱xtjii̱n xi katsjáná ñá.

1 Xota̱ Korinto̱ 12:3

Kó kuíni nga xiyàjnúꞌun nga nde ngojín xota̱ xi A̱si̱énni̱xtjii̱n Néná tjítsꞌénkíchji̱a̱ xi “ngatꞌíko̱jonii̱ Kjisoo̱” ka̱tso̱, kó ti̱nde ngojín xota̱ xi tikónjinjiín A̱si̱énni̱xtjii̱n Néná xi “Kjisoo̱ xí Ndi̱a̱ná” ka̱tso̱.

1 Xota̱ Korinto̱ 6:19

A yàjínjnú nga yojojnú na̱ngo̱xi̱i̱ A̱si̱énni̱xtjii̱n Néná boá. Néná xi katsjájnú A̱siénni̱xtjin xi tikónjinjnú. Júnjín xi tsa̱jún yojojnú.

2 Xota̱ Korinto̱ 13:14

Kjo̱a̱ndaa̱ Ndi̱a̱ná Jesukristoo̱, kjo̱a̱tjoó Néná ko̱jo A̱si̱énni̱xtjii̱n Néná ngatꞌíndojo̱jnú ngatsjéni̱xtjin. Bo̱a̱ kjiꞌi.

2 Xota̱ Korinto̱ 6:6

Tsjietsꞌén ndyi̱mongínjo̱jne̱ yojojne̱. Makjínjne̱ ni xi ndokjo̱a̱jne̱. Niꞌánchíkjo̱a̱jne̱. Tjínjne̱ kjo̱a̱nda. Tikónjinjne̱ A̱si̱énni̱xtjii̱n Néná. Tjínjne̱ ngo kjo̱a̱tjó xi nda.

Xota̱ Éfeso̱ 1:13

Kó ko̱jo jún kandaꞌyájnú, kó kisꞌijinjnú éntjatsi̱e̱ ja̱koxi̱i̱ Jesukristoo̱, kui éntjatsi̱e̱ xi tsꞌaxiéꞌájnú, kó nga kisꞌijinjnú Kristoo̱, A̱si̱énni̱xtjii̱n Néná íjñájnú ngo chi̱bo̱a̱ nga je Néná ndokjo̱a̱nijnú, xikótsꞌèn katsóyàtjón kuí.

Xota̱ Éfeso̱ 1:17

tsi̱ꞌe̱ nga kui Néná xí tsi̱ꞌe̱ Ndi̱a̱ná Jesukristoo̱, kui Na̱ꞌmi xi tjiín kjo̱a̱jee̱, ngatsjájnú A̱si̱énni̱xtjii̱n, tsi̱ꞌe̱ nga kꞌuiéjnú kjo̱a̱kjínkoón, ko̱jo nga ko̱kójnú kókón Néná.

Xota̱ Éfeso̱ 4:30

Ngata̱ niꞌándasénjínjnúu̱ A̱si̱énni̱xtjii̱n Néná, kui xi katseꞌéjnú tsi̱ꞌe̱ nga xcha̱ nga kjo̱tjoꞌajnú ni̱xtjin nga ku̱i̱ndyiondéjnúu̱ jeé ngatsjéni̱xtjin.

1 Xota̱ Tesalónika̱ 4:8

Kó kuíni nga, kui xota̱ xi ꞌbijñátꞌaxín kui ni xi tjibókoyaá, jmí tsi xotaa̱ xi ꞌbijñátꞌaxín, Néná boá xi ꞌbijñátꞌaxín, kui Néná xi je katsjájnú A̱si̱énni̱xtjii̱n.

2 Timoo̱ 1:14

Ngatasikójoo A̱si̱énni̱xtjii̱n Néná xi tikónjinná tsi̱ꞌe̱ nga xchíi̱n kui kjo̱a̱bokoyá nda xi katseꞌeé nga ko̱ko̱yé ji.

Titoo̱ 3:5

tsꞌaxiéꞌáná, ta̱nga jmí tsi kjo̱a̱a̱ ni xi kiniꞌán, tsi kjo̱a̱a̱ ngo ni xi kixi̱ xi kiniꞌán, ta̱sá ta̱ngatꞌanii̱ nga kamáni̱ma̱a̱ ñá. Katsꞌéntsjiená kjiꞌanga katsꞌéntsen nginíná, kó A̱si̱énni̱xtjii̱n xí katsꞌéntja̱tsi̱e̱yaniná.

Xota̱ Ebreo̱ 10:15

Kó A̱si̱énni̱xtjii̱n Néná, kuí boá xi chistiko̱ nga tjón bi̱ katsó:

Xota̱ Ebreo̱ 2:4

Kó Néná ti̱ akóná nga ja̱koxi̱ kuí nii̱ kjiꞌanga katsꞌén chi̱bo̱a̱, ko̱jo ni xi ꞌbíndíkón, ko̱jo kjo̱a̱ndikón, kó katsꞌénkjaꞌasónná kjo̱a̱ndaa̱ A̱si̱énni̱xtjii̱n xikótsꞌèn kamámejeén kui.

Xota̱ Ebreo̱ 3:7

Kó kuíni nga, ti̱ꞌansénjnúu̱ xikótsꞌèn tjítꞌa ni xi tsó A̱si̱énni̱xtjii̱n Néná: Tsi ngotꞌe̱ ko̱nda̱ꞌyájnú nda̱a̱.

Xota̱ Ebreo̱ 9:8

kó bo̱a̱ tsꞌén nga A̱si̱énni̱xtjii̱n Néná tsꞌénkjiín takón nga tji̱e̱nga kisꞌijña ndiꞌańjño xi tjoón, kji̱e̱ bokójín ndi̱yà xí fochó nínga tikón ngi̱ndie xi ꞌniú ndikoón.

1 Xo̱jo̱o̱n Peé 1:12

Néná akoó kui já chji̱ni̱e̱ꞌe̱én ta̱nga jmí tsi kjo̱a̱a̱ nganda ti̱ kuii̱ tsi̱ꞌe̱, nganda tsa̱jún boá nga akakoo̱. Kuí bí kui én xi katseꞌéjnú ngotꞌe̱ jún xi je ikꞌíni̱jmìjnú kui éntjatsi̱e̱e̱, ta̱ngatꞌanii̱ ngaꞌniuú A̱si̱énni̱xtjii̱n Néná xi kanangiyani ndiꞌakꞌajmi jàn, kui ni xi ngaskande ndítsjiee̱ kamámejeén kamábe.

2 Xo̱jo̱o̱n Peé 1:21

Ngatꞌa̱ én xí katsóyà Néná jmí tsi xota̱ nga̱sondiee̱ xi kjindibánii̱, ta̱sá já chji̱ni̱e̱ꞌe̱én Néná xi tsíchji̱a̱ eén Néná, ngatꞌa̱ A̱si̱énni̱xtjii̱n Néná boá xi katsꞌénkíchji̱a̱ én xí Néná kjindibánii̱.

1 Xo̱jo̱o̱n Juaa̱ 2:20

Ta̱nga jún jè tikónjnú A̱si̱énni̱xtjii̱n Néná xi katsjájnú Kristoo̱, kó jè yàjnú ni xi ja̱koxi̱i̱.

1 Xo̱jo̱o̱n Juaa̱ 2:27

Ta̱nga kui A̱si̱énni̱xtjii̱n Néná xi katsjájnú Jesukristoo̱ jè tikónjinjnú, kó nde chjiénjín nga tjín xí ko̱kóyájnú, ngatꞌa̱ kui A̱si̱énni̱xtjii̱n, kuí boá xi bokoyá kjo̱a̱a̱ ngayeje nii̱, kó ja̱koxi̱ boá ni xi bokoyá, jmí tsi kjo̱a̱ndiso. Xikó tsꞌén je akóyájnú kui A̱si̱énni̱xtjii̱n Néná, bo̱a̱ tsꞌén tindyionjinjnúu̱ Jesukristoo̱ ngatsjéni̱xtjin.

1 Xo̱jo̱o̱n Juaa̱ 5:7

Ján má xi chistikoo̱,

Xo̱jo̱o̱n Jundaa̱ 1:20

Ta̱nga jún, ndí ntsꞌie xi tjóna, ꞌniú ti̱ndyiajinjnú ni xi je sꞌijinjnú, ngatꞌa̱ ꞌniú tsjie kui nii̱ ngindyi̱ko̱n Néná, kó ndókjo̱a̱jnúu̱ Néná xikótsꞌèn bokoyájnú A̱si̱énni̱xtjii̱n.

Ni xi akakoo̱ 2:11

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, jmí ni ka̱májiín nga kji̱ndi̱bá kjo̱a̱bo̱ya xi ma joó.”