Juaa̱ 14:23 - Xo̱jo̱n eén Néná

²³ Sꞌe̱ Kjisoo̱, bi̱ katsó: –Xi tjoó an, sa̱ꞌínkjatjosón kjo̱a̱botíxomana, kó Na̱ꞌmina tjó sa̱ꞌín, kó kji̱ndibáchonjne̱, kó ngo ngi̱ndie nijan ku̱i̱ndyionjo̱jne̱.

Juaa̱ 14:23 ပူးပေါင်းရင်းမြစ်များ

Jenesii̱s 1:26

Kó nga kamábe Néná nga tsjakon kamá kui nii̱, bi̱ katsó: «Si̱ꞌanda xotaa̱ ꞌne̱, xikó má kjiꞌi a̱si̱énná, ko̱jo xikó má kón ñá, bo̱a̱ má tsꞌén si̱ꞌanda. Kó kuí ngatatixómaá cho̱ xi tjín ngi̱jin ndáchíkoón, ko̱jo ni̱sie xi tjín nkꞌa jàn, ko̱jo ngayeje cho̱ xi tjín tꞌanangii̱, ko̱jo ngayeje cho̱ xi ꞌbifé yojoo̱, ko̱jo ngayeje ndí cho̱ xi ꞌniú xi̱xi̱i̱».

Jenesii̱s 11:7

Ta̱sá tjianjayá, kó si̱ꞌantsobéjíi̱n én xí ndyi̱chji̱a̱ tsi̱ꞌe̱ nga ngojín xi ka̱makjiín ni xi ndyi̱chji̱a̱jo xkjín».

Xo̱jo̱n Salmoo̱ 90:1

¡Ji Ne, ta̱kjiꞌání nga ji xi kjima ji xikoó tsi ngi̱ndie nínga mindyionjne̱!

Xo̱jo̱n Salmoo̱ 91:1

Kui xi tikón nga Néná xí tikón nkꞌajmii̱ skoón, ki̱a̱ kꞌuijñá ngindie nkꞌieén Néná xí tjiín ngayeje ngaꞌniuú.

Juaa̱ 10:30

Na̱ꞌmina ko̱jo an ta̱ ngo tsí májne̱.

Juaa̱ 14:15

Tsi tjójnú án, chjiéngá si̱ꞌankjatjosónjnú kjo̱a̱botíxomana.

Juaa̱ 14:17

Kuí boá A̱siénni̱xtjin xi ko̱kóyá ja̱koxi̱i̱, kui xi ka̱májín sa̱ko̱ó xotaa̱ kui nga̱sondiee̱, ngatꞌa̱ bejín, ta̱nga jún jè yàjnú, ngatꞌa̱ ki̱a̱ tikónjinjnú, kó ki̱a̱ kꞌuijñájo̱jnú.

Juaa̱ 14:21

Xi tikoón kjo̱a̱botíxomana, kó sa̱ꞌínkjatjosón, kuí xi̱ꞌba̱ xi tjoó an, kó xi tjoó an, ti̱ sa̱ꞌíntjó Na̱ꞌmina, kó an sa̱ꞌíntjó an, kó kokòo̱ ꞌyání án.

Juaa̱ 14:24

Xi tjójiín an, tsꞌénkjátjosónjín kjo̱a̱botíxomana, kó én xí je tsintꞌié tsa̱ꞌa̱njín bo̱a̱, tsi̱ꞌe̱ Na̱ꞌmi xi katsangiyana boá.

Juaa̱ 15:10

Tsi si̱ꞌankjatjosónjnú kjo̱a̱botíxomana, kjo̱a̱tjóna ku̱i̱ndyionjinjnú, xikótsꞌèn tjítsꞌenkjatjosóo̱n kjo̱a̱botíxomaa̱ Na̱ꞌmina, kó kjo̱a̱tjó tsi̱ꞌe̱ tikónjìi̱n.

Juaa̱ 16:27

ngatꞌa̱ ti̱kuíní Na̱ꞌmina xi tjoó jún, ngatꞌa̱ jún kiniꞌántjójnúꞌun an, kó kisꞌijinjnú nga Néná boá xí katsangiyana.

Juaa̱ 6:56

Xi skji̱ni̱e̱ yojona kó xi kꞌuí jínna, kui kꞌuijñájinna, kó an kotíjña̱jìi̱n.

Juaa̱ 8:51

Ja̱koxi̱, ja̱koxi̱ ni xi xiánjnúꞌun, nga xi sa̱ꞌínkjatjosón énna, jmíni̱xtjin sku̱i̱e̱ kjo̱a̱bo̱yaa̱.

Juaa̱ 8:52

Sꞌe̱ bi̱ katsó já jundíoo̱: –Ngotꞌe̱ ꞌne̱ nga je yàjne̱ nga xindajín tjíjii̱n yojòo̱, ngatꞌa̱ Abraa̱n ko̱jo já chji̱ni̱e̱ꞌe̱én Néná jesón, kó jí bi̱ se ji: “Xi sa̱ꞌínkjatjosón énna, jmíni̱xtjin sku̱i̱e̱ kjo̱a̱bo̱yaa̱.”

2 Xota̱ Korinto̱ 6:16

Kó kótsꞌèn ka̱mangojo̱ xkjín na̱ngo̱xi̱i̱ Néná, ko̱jo a̱sie̱én ngo ne xi tsꞌénda xotaa̱. Ngatꞌa̱ ñá boá xi na̱ngo̱xi̱i̱ Néná xí tikoón, xikó katsó ti̱ kuii̱ Néná: Ki̱a̱ kotíjña̱jìi̱n, kó ki̱a̱ kjótsoꞌbájìi̱n, kó an xí Nee̱ ka̱ma an, kó kui xotaa̱, xi xota̱ na̱xi̱ńdána ka̱ma.

Xota̱ Éfeso̱ 3:17

Tsi̱ꞌe̱ nga Kristoo̱ ngatꞌíjñajin ini̱ma̱jnú, ngatꞌa̱ nga sꞌijinjnú kuí. Kó nga jún kꞌuiéjnú tsie kjo̱a̱tjó xikoó ngo yá xí na̱nga̱ kijí ja̱ma̱a̱ ko̱jo nga ꞌniú ku̱i̱ndyionjnú.

1 Xo̱jo̱o̱n Juaa̱ 2:24

Kuíni nga tꞌíjñajinjnú ngi̱jin ini̱ma̱jnú kui ni xi je kandaꞌyájnú jún ndeskande koó ngasꞌe̱. Kó tsi kꞌuijñájinjnú kui ni xi je kandaꞌyájnú ndeskande koó ngasꞌe̱, ti̱ bo̱a̱ ti̱ tsꞌén jún ku̱i̱ndyionjinjnúu̱ kui ndií ko̱jo Na̱ꞌmii̱.

1 Xo̱jo̱o̱n Juaa̱ 2:5

Ta̱nga kui xota̱ xi tsꞌénkjátjosón eén Néná, kuí boá xi ja̱koxi̱ nga tsꞌéntjó Néná xikótsꞌèn chjiéngá sa̱ꞌíntjó, kó kuí nii̱ xi bokó nga je tindyionjìi̱n Néná.

1 Xo̱jo̱o̱n Juaa̱ 4:4

Jún ndí ndí tsa̱ꞌa̱n, Néná ndokjo̱a̱nijnú, kó jè kiniꞌánjnúu̱ nga kiniꞌánchajajnú kui já chji̱ni̱e̱ꞌén ndisoo̱, ngatꞌa̱ kui xi tikónjinjnú, tjín ngasee̱ ngaꞌniú ta̱bo̱a̱jiín kui xi tikónjii̱n xota̱ nga̱sondiee̱.

1 Xo̱jo̱o̱n Juaa̱ 5:3

Ngatꞌa̱ kuí nii̱ xi bokó nga tjóná Néná, kjiꞌanga si̱ꞌankjatjosón kjo̱a̱botíxomaa̱. Niꞌínjín niꞌánkjatjosón kjo̱a̱botíxomaa̱ kui.

2 Xo̱jo̱o̱n Juaa̱ 1:6

Chjiéngá bo̱a̱ tsꞌén ku̱i̱ndyión xikó tsó kjo̱a̱botíxomaa̱ Néná, ngatꞌa̱ kuí bí kui nii̱ xi kjo̱a̱tjoó. Ngi̱jii̱n kui kjo̱a̱tjoó ti̱ńtja̱jnú, ngatꞌa̱ kuí bí kui nii̱ xi kjo̱a̱botíxomaa̱ Néná, xikótsꞌèn je kandaꞌyájnú ndeskande koó ngasꞌe̱.

Ni xi akakoo̱ 21:22

Kó nde ngo na̱ngo̱xi̱ kamábejín an ki̱a̱ na̱xi̱ńdáꞌniuú, ngatꞌa̱ Ndi̱a̱ná xí tjiín ngaꞌniuú kuí boá xi na̱ngo̱xi̱i̱ ko̱jo xi cho̱tsa̱nga̱a̱.

Ni xi akakoo̱ 21:3

Kó tsintꞌie an ngo nda̱ xi ꞌniú askjandáyà xi kjindibáni nínga tikón xi botixómaá, xi bi̱ katsó: Kꞌi̱e̱ tikón kui ngi̱ndie ndikón nínga Néná tikónjo̱ xotaa̱, kó kuí ki̱a̱ kꞌuijñájo̱, kó kuí boá xi xota̱ na̱xi̱ńdaá ka̱ma, kó ti̱kuíní Néná xi kꞌuijñájo̱ nga xikoó nga kui xi Nee̱ ka̱ma.

Ni xi akakoo̱ 22:3

Kó nginijánjín kꞌuié ki̱a̱a̱ ngo xi chꞌo ka̱tso̱o̱ Néná. Kó Néná xí botixómaá ko̱jo cho̱tsa̱nga̱a̱ ki̱a̱ kꞌuijñá na̱xi̱ńdaá, kó mosoo̱ ki̱a̱ sa̱ꞌínseén,