Juaa̱ 14:21 - Xo̱jo̱n eén Néná

²¹ Xi tikoón kjo̱a̱botíxomana, kó sa̱ꞌínkjatjosón, kuí xi̱ꞌba̱ xi tjoó an, kó xi tjoó an, ti̱ sa̱ꞌíntjó Na̱ꞌmina, kó an sa̱ꞌíntjó an, kó kokòo̱ ꞌyání án.

Juaa̱ 14:21 ပူးပေါင်းရင်းမြစ်များ

Xo̱jo̱n Salmoo̱ 35:27

Nga sie ko̱jo tsjangatamaa̱ kui xi tsja maa̱, xikótsꞌèn kixi̱ tjíniꞌánjo̱na an. Kó ngatsjéni̱xtjin nga bi̱ nga tsó: «¡Achichí kjo̱a̱je tjiín Néná! ¡Ngatꞌa̱ mongase nga nda tsꞌén kꞌuijñá xota̱ xi mosoo̱!»

Éksondo̱ 33:18

Kósꞌe̱ Moisee̱ bi̱ katsoó Néná: —Te̱ꞌéndièní nga skotsijèe̱n kje̱n ji.

Énkjínkón 8:17

Tsꞌentjó an xota̱ xi tsꞌéntjóna an, kó tsja mana nga sakoó an ngayeje xota̱ xi ja̱koxi̱ nga an mongasena.

Rkaa̱ 11:28

Kó Kjisoo̱, bi̱ katsoó: –¡Ta̱sá tjón mára achichíra̱tsjaa̱ xota̱ xi ntꞌié eén Néná, kó tsꞌénkjátjosón ni xi tsó!

Juaa̱ 14:15

Tsi tjójnú án, chjiéngá si̱ꞌankjatjosónjnú kjo̱a̱botíxomana.

Juaa̱ 14:18

Kꞌuijñáxꞌi̱a̱njínjnúꞌun, kji̱ndi̱bákón nginíjnúꞌun.

Juaa̱ 15:14

Amingo̱na má jún, tsi si̱ꞌánjnú ni xi xian an.

Juaa̱ 16:14

Kuí xí ko̱kó kjo̱a̱jena, ngatꞌa̱ sa̱ko̱ó ni xi tsa̱ꞌa̱n, kó kuí xí ka̱tso̱yàjnú.

Juaa̱ 16:27

ngatꞌa̱ ti̱kuíní Na̱ꞌmina xi tjoó jún, ngatꞌa̱ jún kiniꞌántjójnúꞌun an, kó kisꞌijinjnú nga Néná boá xí katsangiyana.

Juaa̱ 17:23

ngatama ngo kui xotaa̱ ko̱jo an, kó jí ko̱jo an, tsi̱ꞌe̱ nga kjóchotꞌáa̱ kjo̱a̱a̱ ngo tjín xí ja̱koxi̱i̱, tsi̱ꞌe̱ nga xotaa̱ nga̱sondiee̱ sku̱i̱e̱ nga ji xi kanangiyení, kó nga tjoó kui xotaa̱ xikótsꞌèn tjoó an.

Ni xi kamá 22:18

Kamábe an Néná nga bi̱ katsóna: “Tsá ti̱ꞌíi̱n yojòo̱, kó tsá ti̱tjaxi̱e̱ ji na̱xi̱ńdáꞌniú Jerusale̱n, ngatꞌa̱ jmíjín xi sꞌi̱jii̱n ni xi ko̱ndókjo̱e̱ kjo̱a̱a̱ an.”

2 Xota̱ Korinto̱ 12:8

kjo̱a̱a̱ kui nii̱ je ján ndi̱yà tsíꞌáa̱ Ndi̱a̱ná tsi̱ꞌe̱ kjo̱a̱ꞌáxínna kui kjo̱a̱ni̱ma̱a̱,

2 Xota̱ Korinto̱ 3:18

Kó kuíni nga ngayeje ñá, ngiti̱ jmíjínná kuí ńjño xi boꞌmá kje̱n. Xikoó kjiꞌanga ngo chi̱tsen bokó kje̱n, bo̱a̱ tsꞌén bokó ñá kjo̱a̱jee̱ Ndi̱a̱ná. Bo̱a̱ kon kjimá xikó maá a̱sie̱én Néná, ngatꞌa̱ ngatsjéni̱xtjin sa kjiꞌbé sa kjiꞌbéná tsie kjo̱a̱jee̱, ta̱ngatꞌanii̱ ni xi tjítsꞌén A̱si̱énni̱xtjii̱n Ndi̱a̱ná.

2 Xota̱ Korinto̱ 4:6

Ngatꞌa̱ kuí Néná xí katsjákjo̱a̱ nga nínga jñoó sa̱ꞌíntsijen ndiꞌií, kó ti̱kuíní xi katsꞌéntsijen ndiꞌií ngi̱jin ini̱ma̱ná, kó katsꞌéntsijee̱n tsi̱ꞌe̱ nga ka̱makjínná kjo̱a̱jee̱ Néná xí tjítsꞌén ꞌna̱ kje̱n Jesukristoo̱.

Ndeuteronomio̱ 11:13

»Kuíni nga, tsi si̱ꞌankjatjosónjnú kjo̱a̱botíxoma xi ngotꞌe̱ tsꞌéntsjájnúꞌun, kó tsi si̱ꞌantjójnú, ko̱jo tsi si̱ꞌantsjajnúu̱ Néná, ngayeje ini̱ma̱jnú ko̱jo ngayeje kjo̱a̱mindyionjnú,

Ndeuteronomio̱ 7:13

Tsi ko̱nda̱ꞌyáꞌénjnú, Néná sa̱ꞌínchikonñéjnú, ko̱jo sa̱ꞌíntjójnú, kó ngo na̱xi̱ńdá xí ꞌniú je sa̱ꞌínjnú. Néná achichí tsjatsꞌèn sa̱ꞌínkꞌíndo ndí xí kꞌuiéjnú, kó tsie to ndso̱ko̱a̱n ṉño̱pan, ko̱jo tsie bino̱, ko̱jo tsie isti̱ tsja̱á. Kó kjín cho̱ tjié kꞌuieé nga kꞌuíndo ki̱a̱ tꞌanangi xi katsóyàtjoón xota̱ xi xcháná nga tsja̱á.

2 Xota̱ Tesalónika̱ 2:16

Kó kuí má Ndi̱a̱ná Jesukristoo̱, ko̱jo Néná xí Na̱ꞌminá, kui xi tsꞌéntjóná, ko̱jo xi tsjáná ngaꞌniú ngatsjéni̱xtjin, ko̱jo xi tsjáná kjo̱a̱chiyá ngatꞌaa̱ kjo̱a̱ndaa̱,

2 Timoo̱ 4:22

Ndi̱a̱ná Jesukristoo̱ ngasꞌijñajin ini̱màa̱. Néná ngatsjájnú kjo̱a̱ndaa̱ ngayejejnú. Bo̱a̱ kjiꞌi.

1 Xo̱jo̱o̱n Juaa̱ 2:5

Ta̱nga kui xota̱ xi tsꞌénkjátjosón eén Néná, kuí boá xi ja̱koxi̱ nga tsꞌéntjó Néná xikótsꞌèn chjiéngá sa̱ꞌíntjó, kó kuí nii̱ xi bokó nga je tindyionjìi̱n Néná.

1 Xo̱jo̱o̱n Juaa̱ 3:1

Tsitsíjenjnúu̱ kókjiꞌi tsie kjo̱a̱tjó xi tsꞌéntsjáná Néná xí Na̱ꞌmii̱, nga xotaa̱, ndií Néná tsóná ñá, kó ndií Néná boá ñá. Kuíni nga xotaa̱ kui nga̱sondiee̱ bejínná ñá, ngatꞌa̱ kui bejín Néná.

1 Xo̱jo̱o̱n Juaa̱ 5:3

Ngatꞌa̱ kuí nii̱ xi bokó nga tjóná Néná, kjiꞌanga si̱ꞌankjatjosón kjo̱a̱botíxomaa̱. Niꞌínjín niꞌánkjatjosón kjo̱a̱botíxomaa̱ kui.

2 Xo̱jo̱o̱n Juaa̱ 1:6

Chjiéngá bo̱a̱ tsꞌén ku̱i̱ndyión xikó tsó kjo̱a̱botíxomaa̱ Néná, ngatꞌa̱ kuí bí kui nii̱ xi kjo̱a̱tjoó. Ngi̱jii̱n kui kjo̱a̱tjoó ti̱ńtja̱jnú, ngatꞌa̱ kuí bí kui nii̱ xi kjo̱a̱botíxomaa̱ Néná, xikótsꞌèn je kandaꞌyájnú ndeskande koó ngasꞌe̱.

Ni xi akakoo̱ 2:17

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, tsjàa̱ nga skji̱ni̱e̱ ni xi ꞌmí manaa̱ xi tikónꞌmaá, kó ti̱ tsjàa̱ ngo ndí ndi̱jo̱ tiboa, kui xi kjitꞌaa̱ ngo jaꞌén tja̱tsi̱e̱ xi nde kji̱e̱ ngo xi be, ta̱kuítsí xota̱ xi kjíbé kuí ndí ndi̱jo̱o̱.”

Ni xi akakoo̱ 22:14

Achichíra̱tsjaa̱ xi ndyi̱moniè ńjñoo̱ tsi̱ꞌe̱ nga kꞌuieé kjo̱a̱nda nga ka̱ma skji̱ni̱e̱ too̱ yaá kjo̱a̱mindyioo̱n, kó ka̱maa̱ kꞌo̱sꞌienni nga̱ntjo̱a̱a̱ na̱xi̱ńdáꞌniuú.

Ni xi akakoo̱ 3:20

Tsitsíjin, kꞌi̱e̱ tikòn an tꞌa nga̱ntjo̱a̱a̱ kó tsꞌénchji̱a̱ an, tsi tjín xí ku̱i̱ntꞌiè nda̱na, kó tsi skjíxꞌá nga̱ntjo̱a̱a̱, kꞌosꞌi̱e̱n an ndiꞌaa̱, kó an skjíni̱e̱jo an ṉño̱, kó kui skji̱ni̱e̱jona an.