Juaa̱ 14:20 - Xo̱jo̱n eén Néná

²⁰ Kui ni̱xtjin jàn xcha̱jnú nga Na̱ꞌmina tikónjìi̱n, kó jún tindyionjinjnúꞌun, kó án tikónjinjnúꞌun jún.

Juaa̱ 14:20 ပူးပေါင်းရင်းမြစ်များ

Juaa̱ 10:38

ta̱nga tsi sa̱ꞌin an, ndatsi sꞌi̱jinjínjnú an, sꞌijin ngatamajnú ni xi tsꞌen an, tsi̱ꞌe̱ nga xcha̱jnú, kó ka̱makjínjnú nga Néná xí Na̱ꞌmii̱ tikónjinna, kó an tikónjìi̱n kui.

Juaa̱ 14:10

A sꞌijinjiín nga Na̱ꞌmii̱ tikónjìi̱n, kó nga Na̱ꞌmii̱ tikónjinna an. Kó én xí chjiá an jmí tsi én xi tsa̱ꞌa̱n so̱bo̱a̱, tsi̱ꞌe̱ Na̱ꞌmi xi tikónjinna boá, kuí xí tsꞌén ngayeje nii̱.

Juaa̱ 14:11

Sꞌijin ngatamaa̱ nga Na̱ꞌmii̱ tikónjìi̱n, kó nga Na̱ꞌmii̱ tikónjinna an, kó tsi jmí, sꞌijin ngatamaa̱ ni xi tjítsꞌen an.

Juaa̱ 16:23

Kó kui ni̱xtjin jàn ngiti̱ ingojín ni xi ko̱si̱yájnúꞌun. Ja̱koxi̱, ja̱koxi̱ ni xi xiánjnúꞌun, nga ngayeje ni xi ngajona chji̱e̱ꞌèe̱ Na̱ꞌmina, kó kuí tsja̱á.

Juaa̱ 16:26

Kui ni̱xtjin jàn ngajona chji̱a̱ꞌajnú, kó xiyàjnúꞌun nga nde ka̱ma chjiénjín tsi an ꞌniú kuíꞌáa̱ Na̱ꞌmina kjo̱a̱a̱ jún,

Juaa̱ 17:11

Kó jè ngiti̱ kuijín nga̱sondiee̱ tikòn an, ta̱nga kui xotaa̱, ta̱kó ki̱a̱ síndo, kó án ki̱a̱ tsꞌénfikoo̱n ji. Na̱ꞌmi tsjie, xota̱ xi katseꞌéní, chíi̱n nga ti̱ꞌinkjìn jí ngaꞌniuú jaꞌée̱n, tsi̱ꞌe̱ nga ngo ka̱ma kui, xikótsꞌèn ngo má ñá.

Juaa̱ 17:26

kó án jè akòo̱ ꞌyání jí, kó ta̱kó koko ngasee̱, tsi̱ꞌe̱ nga kjo̱a̱tjó xi katseꞌéní kꞌuieé kui xotaa̱, kó án kotíjña̱jìi̱n kui xotaa̱.

Juaa̱ 17:7

Ngotꞌe̱ boá ꞌne̱ nga je be, nga ngayeje ni xi ji katseꞌéní, ki̱a̱ kjindibáni nínga tindyin ji.

Juaa̱ 6:56

Xi skji̱ni̱e̱ yojona kó xi kꞌuí jínna, kui kꞌuijñájinna, kó an kotíjña̱jìi̱n.

Xota̱ Roma̱ 16:7

Tinde bo̱a̱ tꞌínjnú Andronikoo̱ ko̱jo Juniaa̱, kui xi ti̱ xota̱ Israee̱l xikoó án ko̱jo xi nijan kixindyionjne̱ ndo̱bo̱a̱yà, kui xi já apostro̱ boá kó yandikón, kó kui xi tjón ngase kisꞌijii̱n Kristoo̱ ta̱bo̱a̱jiín an.

Xota̱ Roma̱ 8:1

Kósꞌe̱ ngotꞌe̱ ꞌne̱, Néná ngiti̱ ko̱tíjéjiín xota̱ xi je katsꞌéngojo̱ yojoo̱ Kristo̱ Kjisoo̱, kui xi tjimá xikótsꞌèn mejeén A̱si̱énni̱xtjii̱n Néná, jmí tsi xikótsꞌèn mejeén yojoo̱.

1 Xota̱ Korinto̱ 1:30

Néná xí katsꞌéngojo̱jnú Kristo̱ Kjisoo̱, kó ñá xi je kiniꞌángojo̱ yojoná makjínná ni xi tsi̱ꞌe̱, kó Néná xí katsꞌénná nga xota̱ kjínkón boá ñá, nga kixi̱ tindyión ngindyi̱ko̱n kui, nga xota̱ tsjie, ko̱jo nga xota̱ xi je kamáchjítjé jéná ñá,

2 Xota̱ Korinto̱ 12:2

Be án ngo nda̱ xi sꞌijii̱n Kristoo̱, xi je tienijón nónií nga tsangínjo̱ ngaskande xi ma ján ndiꞌakꞌajmii̱, bejín an tsi tsangínjo̱ ko̱jo yojo, axa̱ ta̱ a̱siénni̱xtjin tsí, ta̱nga Néná xí be kui nii̱.

2 Xota̱ Korinto̱ 13:5

Tsitsíjen cha̱n cha̱njnúu̱ yojojnú tsi sꞌijinjnú Kristoo̱. Chitꞌa so̱bo̱a̱jnú yojojnú. Axa̱, a yàjínjnú nga Jesukristoo̱ tikónjinjnú. Ngototo tsi ndajín tsꞌén jatjo xki̱i̱ nga kichitꞌajnú yojojnú.

2 Xota̱ Korinto̱ 5:17

Kó kuíni nga kui xota̱ xi je katsꞌéngojo̱ yojoo̱ Kristoo̱, ngo xota̱ xi tja̱tsi̱e̱ je kamá, ni xi xchaá jè jaꞌa, kó ni xi tja̱tsi̱e̱e̱ jè jeꞌe.

2 Xota̱ Korinto̱ 5:19

Néná katsꞌénkjién Kristoo̱ tsi̱ꞌe̱ nga xota̱ nga̱sondiee̱ sa̱ꞌíntiñaa̱ yojoo̱ Néná, kó katsꞌénxki̱jín jeé kui xotaa̱. Ji̱n katsjájne̱ nga kꞌuiníjmi̱jne̱ kui eén, tsi̱ꞌe̱ xotaa̱ sa̱ꞌíntiñaa̱ yojoo̱ Néná.

Xota̱ Ngalasia̱ 2:20

Jè kꞌien an ngatꞌa̱ je akjatꞌajo̱na kro Kristoo̱, je ngiti̱ ánjín xi tikón ngase an, Kristoo̱ boá xi tikónjinna, kó bo̱a̱ tsꞌén tikón ngase an nga̱sondiee̱ ta̱ngatꞌanii̱ kjo̱a̱a̱ nga sꞌijinna ndií Néná, kui xi katsꞌéntjóna, ko̱jo katsjá yojoo̱ nga kiniꞌánkꞌién ta̱ngatꞌanii̱ an.

Xota̱ Éfeso̱ 2:10

Ngatꞌa̱ Néná boá xi katsꞌéndaná, ngatꞌaa̱ Kristo̱ Kjisoo̱, tsi̱ꞌe̱ nga ni xi nda si̱ꞌán, kui ni xi Néná índa tjón tjón tsi̱ꞌe̱ nga ki̱a̱ ku̱i̱ṉtsomajin ni xi ndaa̱.

Xota̱ Kolosa̱ 1:19

Ngatꞌa̱ tsja kamaá Na̱ꞌmii̱, nga íjñajii̱n Jesukristoo̱ xi kókón kuí.

Xota̱ Kolosa̱ 1:27

Néná kamámejeén akoó kui xotaa̱, kókjiꞌi kjo̱a̱cho̱o̱n kjo̱a̱jee̱ ni xi tjiꞌmaá ngi̱jii̱n xota̱ xi tjín ngayeje nga̱sondiee̱, kó kui ni xi tjiꞌmá xi tjisꞌíjñátsijen ngotꞌe̱ kuí boá Kristo̱ xi tikónjinjnú, kó ta̱ngatꞌaa̱ kuí boá nga ndyi̱chiyájnú nga sa̱kójnú kjo̱a̱je.

Xota̱ Kolosa̱ 2:9

Néná tikónjin ndo̱jò ndójo̱ ngi̱jin yojoo̱ Kristoo̱.

1 Xo̱jo̱o̱n Juaa̱ 4:12

Kji̱e̱ ngo xi je kamábe kókjiꞌi Néná, ta̱nga tsi ja̱kꞌi̱e̱ ja̱ngaján tjóná xingi̱, kjiꞌá boá nga Néná tikónjinná, kó kjo̱a̱tjoó kjimando̱jo kjin kjin ngi̱jinná.