Juaa̱ 14:17 - Xo̱jo̱n eén Néná

¹⁷ Kuí boá A̱siénni̱xtjin xi ko̱kóyá ja̱koxi̱i̱, kui xi ka̱májín sa̱ko̱ó xotaa̱ kui nga̱sondiee̱, ngatꞌa̱ bejín, ta̱nga jún jè yàjnú, ngatꞌa̱ ki̱a̱ tikónjinjnú, kó ki̱a̱ kꞌuijñájo̱jnú.

Juaa̱ 14:17 ပူးပေါင်းရင်းမြစ်များ

Énkjínkón 14:10

Ini̱ma̱a̱ boá xi be ni xi tsꞌénxtií, kó nde ngojín xota̱ xi nijan tsja ka̱maa̱ kjo̱a̱tsjaa̱.

Matioo̱ 10:20

Ngatꞌa̱ jmí tsi jún xi ko̱ndókjo̱a̱jnú, A̱si̱énni̱xtjii̱n Na̱ꞌmijnú boá xi ku̱i̱chji̱a̱ ngajojnú.

Juaa̱ 14:16

Kó án ꞌniú kuíꞌáa̱ Na̱ꞌmii̱, nga tsja̱a ingo xi sa̱ꞌíndajonjnú, tsi̱ꞌe̱ nga kꞌuijñájo̱jnú ngatsjéni̱xtjin:

Juaa̱ 14:23

Sꞌe̱ Kjisoo̱, bi̱ katsó: –Xi tjoó an, sa̱ꞌínkjatjosón kjo̱a̱botíxomana, kó Na̱ꞌmina tjó sa̱ꞌín, kó kji̱ndibáchonjne̱, kó ngo ngi̱ndie nijan ku̱i̱ndyionjo̱jne̱.

Juaa̱ 15:26

Ta̱nga nga kjo̱e̱ꞌe xí sa̱ꞌíndajoo̱n, kui xi sangiya an ta̱ngatꞌanii̱ Na̱ꞌmii̱, kui A̱si̱énni̱xtjii̱n Néná xí ja̱koxi̱ xi sa̱ngíyá Na̱ꞌmii̱, kuí xí chistiko̱na ka̱ma, kó kuí xí ku̱i̱chji̱a̱ kjo̱a̱a̱ an,

Juaa̱ 16:13

ta̱nga nga kji̱ndi̱bá A̱si̱énni̱xtjii̱n Néná xí ja̱koxi̱i̱, kuí xí ko̱kójnú ni xi ja̱koxi̱, ngatꞌa̱ jmí tsi kui xi ku̱i̱chji̱a̱ soboá, ni xi ku̱i̱ntꞌiè xí ku̱i̱chji̱a̱, kó kuí xí ka̱tso̱yà ni xi sꞌe̱ ka̱ma.

Juaa̱ 6:40

Ngatꞌa̱ kuí nii̱ xi mejeén na̱ꞌmina: Nga ngayeje xota̱ xi be ndií, kó xi sꞌijii̱n, sa̱ko̱ó kjo̱a̱mindyion ngatsjéni̱xtjii̱n, kó an sa̱ꞌinkjaꞌáꞌyáa̱ nga kjo̱chó ni̱xtjin nga kju̱i̱e̱tꞌa kui nga̱sondiee̱.

1 Xota̱ Korinto̱ 14:15

Ja̱ kó mí xí sa̱ꞌin an. Ini̱ma̱na kuichjiáñáa̱ Néná, ta̱nga ti̱ sa̱ꞌinkjièn án kjo̱a̱kjíntakónna nga. Ini̱ma̱na sieñáa̱ Néná, ta̱nga ti̱ sa̱ꞌinkjièn án kjo̱a̱kjíntakónna nga.

1 Xota̱ Korinto̱ 2:14

Ta̱nga kjíbéjín kui nii̱ xota̱ xi tsꞌénkjó ni xi tjíjinkon xota̱ nga̱sondiee̱, ngatꞌa̱ ta̱ ton maá, kó makjínjiín, ngatꞌa̱ ti̱kuíní A̱si̱énni̱xtjii̱n xi bokóná ni xi tsi̱ꞌe̱ Néná.

1 Xota̱ Korinto̱ 3:16

A yàjínjnú nga na̱ngo̱xi̱i̱ Néná boá jún, ko̱jo nga A̱si̱énni̱xtjii̱n Néná tikónjinjnú.

1 Xota̱ Korinto̱ 6:19

A yàjínjnú nga yojojnú na̱ngo̱xi̱i̱ A̱si̱énni̱xtjii̱n Néná boá. Néná xi katsjájnú A̱siénni̱xtjin xi tikónjinjnú. Júnjín xi tsa̱jún yojojnú.

2 Xota̱ Korinto̱ 13:5

Tsitsíjen cha̱n cha̱njnúu̱ yojojnú tsi sꞌijinjnú Kristoo̱. Chitꞌa so̱bo̱a̱jnú yojojnú. Axa̱, a yàjínjnú nga Jesukristoo̱ tikónjinjnú. Ngototo tsi ndajín tsꞌén jatjo xki̱i̱ nga kichitꞌajnú yojojnú.

2 Xota̱ Korinto̱ 6:16

Kó kótsꞌèn ka̱mangojo̱ xkjín na̱ngo̱xi̱i̱ Néná, ko̱jo a̱sie̱én ngo ne xi tsꞌénda xotaa̱. Ngatꞌa̱ ñá boá xi na̱ngo̱xi̱i̱ Néná xí tikoón, xikó katsó ti̱ kuii̱ Néná: Ki̱a̱ kotíjña̱jìi̱n, kó ki̱a̱ kjótsoꞌbájìi̱n, kó an xí Nee̱ ka̱ma an, kó kui xotaa̱, xi xota̱ na̱xi̱ńdána ka̱ma.

Xota̱ Ngalasia̱ 4:6

Ngatꞌa̱ nga jè ndií Néná kamá ñá, Néná katsangiya ngi̱jin ini̱ma̱ná A̱si̱énni̱xtjii̱n ndií, kuí xí bi̱ tsó nga chji̱a̱: “¡Abba, Na̱ꞌmi!”

Xota̱ Éfeso̱ 2:22

Ta̱ngatꞌanii̱ nga ngo majo̱jnú Kristoo̱, nga jún xí ka̱majnú xikoó ngo na̱ngo̱xi̱ nínga kꞌuijñá A̱si̱énni̱xtjii̱n Néná.

Xota̱ Éfeso̱ 3:17

Tsi̱ꞌe̱ nga Kristoo̱ ngatꞌíjñajin ini̱ma̱jnú, ngatꞌa̱ nga sꞌijinjnú kuí. Kó nga jún kꞌuiéjnú tsie kjo̱a̱tjó xikoó ngo yá xí na̱nga̱ kijí ja̱ma̱a̱ ko̱jo nga ꞌniú ku̱i̱ndyionjnú.

Xota̱ Kolosa̱ 1:27

Néná kamámejeén akoó kui xotaa̱, kókjiꞌi kjo̱a̱cho̱o̱n kjo̱a̱jee̱ ni xi tjiꞌmaá ngi̱jii̱n xota̱ xi tjín ngayeje nga̱sondiee̱, kó kui ni xi tjiꞌmá xi tjisꞌíjñátsijen ngotꞌe̱ kuí boá Kristo̱ xi tikónjinjnú, kó ta̱ngatꞌaa̱ kuí boá nga ndyi̱chiyájnú nga sa̱kójnú kjo̱a̱je.

2 Timoo̱ 1:14

Ngatasikójoo A̱si̱énni̱xtjii̱n Néná xi tikónjinná tsi̱ꞌe̱ nga xchíi̱n kui kjo̱a̱bokoyá nda xi katseꞌeé nga ko̱ko̱yé ji.

1 Xo̱jo̱o̱n Juaa̱ 2:27

Ta̱nga kui A̱si̱énni̱xtjii̱n Néná xi katsjájnú Jesukristoo̱ jè tikónjinjnú, kó nde chjiénjín nga tjín xí ko̱kóyájnú, ngatꞌa̱ kui A̱si̱énni̱xtjii̱n, kuí boá xi bokoyá kjo̱a̱a̱ ngayeje nii̱, kó ja̱koxi̱ boá ni xi bokoyá, jmí tsi kjo̱a̱ndiso. Xikó tsꞌén je akóyájnú kui A̱si̱énni̱xtjii̱n Néná, bo̱a̱ tsꞌén tindyionjinjnúu̱ Jesukristoo̱ ngatsjéni̱xtjin.

1 Xo̱jo̱o̱n Juaa̱ 3:24

Xi tjítsꞌénkjátjosón kjo̱a̱botíxomaa̱ Néná, jè tikónjii̱n Néná, kó Néná tikónjii̱n kui, kó kui nii̱ xi ya ñá nga Néná je tikónjinná ñá, ngatꞌaa̱ kui A̱siénni̱xtjin xi je katsjáná.

1 Xo̱jo̱o̱n Juaa̱ 4:4

Jún ndí ndí tsa̱ꞌa̱n, Néná ndokjo̱a̱nijnú, kó jè kiniꞌánjnúu̱ nga kiniꞌánchajajnú kui já chji̱ni̱e̱ꞌén ndisoo̱, ngatꞌa̱ kui xi tikónjinjnú, tjín ngasee̱ ngaꞌniú ta̱bo̱a̱jiín kui xi tikónjii̱n xota̱ nga̱sondiee̱.

1 Xo̱jo̱o̱n Juaa̱ 4:6

Ta̱nga ji̱n Néná ndokjo̱a̱nijne̱, kó kui xota̱ xi je be Néná kuí boá xi ntꞌiéjne̱, ta̱nga kui xota̱ xi Nénájín chji̱a̱ni ntꞌiéjínjne̱. Bo̱a̱ tsꞌén nga ka̱ma xcha̱ ñá ꞌyání xi tikoón a̱siénni̱xtjin xi ja̱koxi̱i̱, kó ꞌyání xi tikoón a̱siénni̱xtjin xi ꞌboṉcha̱a̱.

1 Xo̱jo̱o̱n Juaa̱ 5:7

Ján má xi chistikoo̱,

Ni xi akakoo̱ 2:17

Xi tjín tji̱bo̱a̱nijon nga ku̱i̱ntꞌiè, ngatintꞌiè ni xi A̱si̱énni̱xtjii̱n tsoó xota̱ na̱ngo̱xi̱i̱. Kui xi sa̱ꞌiín, tsjàa̱ nga skji̱ni̱e̱ ni xi ꞌmí manaa̱ xi tikónꞌmaá, kó ti̱ tsjàa̱ ngo ndí ndi̱jo̱ tiboa, kui xi kjitꞌaa̱ ngo jaꞌén tja̱tsi̱e̱ xi nde kji̱e̱ ngo xi be, ta̱kuítsí xota̱ xi kjíbé kuí ndí ndi̱jo̱o̱.”