Juaa̱ 14:12 - Xo̱jo̱n eén Néná

¹² Ja̱koxi̱, ja̱koxi̱ ni xi xiánjnúꞌun: Xi sꞌijii̱n an, xá xí tsꞌen an sa̱ꞌín ndatsa kui nga, kó tsie ngase ni xi sa̱ꞌín, ngatꞌa̱ Na̱ꞌmii̱ tsꞌénfikóo̱n,

Juaa̱ 14:12 ပူးပေါင်းရင်းမြစ်များ

Matioo̱ 21:21

Sꞌe̱ Kjisoo̱, bi̱ katsoó: –Ja̱koxi̱ ni xi xiánjnúꞌun nga tsi ꞌniú sꞌijinjnú Néná, kó nga jmí tsi jó tsi ján kꞌuijñájnúu̱ ini̱ma̱jnú, jmí tsi ta̱kuítsí nii̱ yáꞌingoo̱ xi ka̱majnú, ngaskande ka̱ma tsi bi̱ kꞌuínjnúu̱ kui tji̱ngi̱i̱: «Ti̱xín ji kꞌi̱e̱e̱, kó tjajmijin yojòo̱ ngi̱jii̱n ndáchíkoón», kó bo̱a̱ ka̱ma.

Markoo̱ 11:13

Kó ta̱ kjin kamábeni ngo yáꞌingo̱ xi tjiín xka̱, kijíkatsijen tiñaa̱ tsi ta̱ꞌa nga yajaá to, kó nga jachó tꞌa yaá, ta̱ jmíjín ni xi kasakoo̱, ta̱ xka̱ tsí xi yajaá kui yaá, ngatꞌa̱ kuijín ni̱xtjii̱n nga boajá toꞌingoo̱.

Markoo̱ 16:17

Kó kui chi̱bo̱a̱ xi̱ꞌbi̱ xi kꞌuitsómajo̱ xi sꞌi̱jii̱n éntjatsi̱e̱e̱ Néná: Ngajona kꞌo̱xiéni xindajín, kó ku̱i̱chji̱a̱ éntjatsi̱e̱,

Juaa̱ 14:28

Jè kandaꞌyájnú nga bi̱ kixian an: Je tsꞌénfí an, ta̱nga kjo̱e̱ꞌekón nginíjnúꞌun. Tsi tjójnú an katsaki, tsjara̱ ka̱majnú, ngatꞌa̱ je kixiyajnúꞌun an, nga Na̱ꞌmina tsꞌénfikóo̱n, ngatꞌa̱ nkꞌa ngase xaá Na̱ꞌmina ta̱bo̱a̱jiín an.

Juaa̱ 16:7

Ta̱nga ni ja̱koxi̱ xí tꞌíxiánjnúꞌun: Ta̱sá nda ka̱majnú nga kjuín án, ngatꞌa̱ tsi kjuínjín an, kui xi sa̱ꞌíndajonjnú kjo̱e̱ꞌekónjínjnú, ta̱nga tsi kjuín án, án xí sangiya an.

Juaa̱ 4:37

Ngatꞌa̱ ja̱koxi̱ boá ni xi tsó kui eén: “Ngo xò xí ꞌbítji̱e̱, kó kje̱ꞌe xò xí ꞌboje̱n ni xi kamáxchaá.”

Juaa̱ 5:20

Ngatꞌa̱ Na̱ꞌmii̱ achichí tjoó ndií, kó bokoó ngayeje ni xi tsꞌén, kó tsie ngase ni xi sꞌe̱ ko̱ko̱ó, xi ngaskande jún ko̱e̱je̱ndikónjnú.

Juaa̱ 7:33

Sꞌe̱ Kjisoo̱, bi̱ katsó: –Ta̱ ngi chiboa tsí ni̱xtjin kotíjña̱jinjnúꞌun, sꞌe̱ kjuín án ngijee̱ nínga tikón xi katsangiyana.

Juaa̱ 7:39

Ta̱nga kui nii̱ katsó kjo̱a̱a̱ a̱siénni̱xtjin xi sa̱ko̱ó ngayeje xota̱ xi sꞌijii̱n kui. Nga kamá kui nii̱ kji̱e̱ sakójiín A̱si̱énni̱xtjii̱n Néná, ngatꞌa̱ kji̱e̱ boeꞌéjiín kjo̱a̱je nga si̱tꞌa kro, ko̱jo nga kjo̱a̱ꞌáꞌyaá Kjisoo̱.

Ni xi kamá 10:46

ngatꞌa̱ nga kje̱ꞌe én ndyi̱chji̱a̱ kui xotaa̱ nga katsꞌéntsjaà Néná.

Ni xi kamá 16:18

Kui tsa̱kji̱ín kjín ni̱xtjin nga ta̱soboá bo̱a̱ katsó, ngaskande nga ngiti̱ kichikjo̱a̱jiín Pabloo̱, kó kamáxtií, kósꞌe̱ bi̱ katsoó kui a̱siénni̱xtjin xindajín xi tikónjii̱n kui tsa̱kji̱ín: –¡Jaꞌeén Jesukristoo̱ xi bo̱a̱ tꞌíxiánñaa, nga kjo̱tje ji ngi̱jin yojoo̱ kui tsa̱kji̱ín! Kó ti̱ kjiꞌa jatjo kui a̱si̱énni̱xtjii̱n.

Ni xi kamá 19:12

ngaskande poñoo̱, ko̱jo ńjño xi katsꞌénkjién Pabloo̱ tsangínjoo̱ ngayeje xota̱ xi oo̱n, kó kamándaya ngayeje chiꞌin xi koo̱n, kó bo̱a̱ ti̱ tsꞌén a̱siénni̱xtjin xi ndajín xi kisꞌińdojii̱n yojoo̱ xotaa̱ jatjo.

Ni xi kamá 2:33

Kuíni nga kiniꞌándikón nga ki̱a̱ tsja fojnií Néná tikón, kó ngije Na̱ꞌmii̱ katsjaá A̱si̱énni̱xtjii̱n Néná xi katsóyàtjón nga tsja̱á, kó kui nii̱ xi ndyi̱yajnú ko̱jo xi ndyi̱ndaꞌyájnú.

Ni xi kamá 2:41

Kó bo̱a̱ tsꞌén, kui xota̱ xi iskjíbé kuí eén, atíndá yojoo̱, kó kamára̱ tsi ta̱ ngi ján mi̱ xota̱ xi kisꞌijii̱n Néná.

Ni xi kamá 4:16

nga bi̱ katsó: –Mí xí si̱ꞌanjo̱ kuí jaá. Ngatꞌa̱ ja̱koxi̱ nga ngo chi̱bo̱a̱ katsꞌén, kó ngayeje xota̱ xi síndo na̱xi̱ńdáꞌniú Jerusalee̱n xi kamábe, kó ka̱májín bo̱a̱jín kjiꞌi kꞌuin,

Ni xi kamá 4:33

Kó já apostroo̱ achichí ngaꞌniú kisꞌiee̱ nga katsóyà kótsꞌèn jaꞌáꞌyaá Ndi̱a̱ Kjisoo̱, kó Néná tsie kjo̱a̱nda katsjaá ngayeje kui jaá.

Ni xi kamá 4:4

Ta̱nga kjín má xota̱ xi tsintꞌié kuí eén xi kisꞌijii̱n, kó mara̱ tsi ta̱ ún mi̱ nga ta̱soboá jáxíꞌín.

Ni xi kamá 5:15

kó ngaskande ngi̱ya ndi̱yàtié kaꞌnaxié xota̱ xi oo̱n, nga akjajñasón ṉchan tsi̱ꞌe̱ nga, nga kjo̱a̱ꞌa Peé, ndeta̱ tji̱nkꞌi̱e̱én xí kjo̱a̱ꞌanié kui xota̱ xi oo̱n.

Ni xi kamá 6:7

Kó eén Néná sa kjin sa kjin kandaꞌyá ngase, kó ꞌniú kamákjín ngase xota̱ xi sꞌijii̱n Kjisoo̱ ki̱a̱ na̱xi̱ńdáꞌniú Jerusale̱n, kó ti̱ bo̱a̱ tsꞌén kjín já chináꞌmii̱ xi katsꞌénjo̱ꞌo kjo̱a̱sꞌijii̱n nga.

Ni xi kamá 8:7

Ngatꞌa̱ achichí kjín xota̱ xi síndojii̱n a̱siénni̱xtjin xi ndajín, xi askjandáyà má nga jatjojii̱n, kó ti̱ bo̱a̱ ti̱ tsꞌén kamándayaa̱ kjín xota̱ xi ni̱ma̱, xi májín fostjíe̱n ko̱jo xi májín fí,

Ni xi kamá 9:34

Kó Peé, bi̱ katsoó: –Enea̱, Jesukristoo̱ xí tjítsꞌéndáyaá, ti̱sítji̱n ji, kó chja̱ꞌáꞌyé ji ṉcháa̱n. Kó Eneaa̱ tji̱e̱nmá jastjíe̱n.

Ni xi kamá 9:40

Kó Peé tsꞌaxié ndi̱tsén jàn ngayeje xota̱ xi síndo kui ngi̱ndiee̱, kó asiéntikoó, kó tsíchji̱a̱a̱ Néná, sꞌe̱ jaskan askotsijee̱n nínga kjiꞌijña ini̱ma̱a̱, sꞌe̱ bi̱ katsó: –Na̱ Ndorka̱, ¡Ti̱sítji̱n! Kó kui naa̱ ja̱kó iskjíxꞌá ndyi̱ko̱n, kó nga kamábe Peé, kisꞌijñando.

Xota̱ Roma̱ 15:19

Kristoo̱ katsꞌénkjién ngaꞌniú, ko̱jo chi̱bo̱a̱, ko̱jo kjín kjo̱a̱ndikón, ko̱jo ngaꞌniuú A̱si̱énni̱xtjii̱n Néná, kó kuíni nga bo̱a̱ tsꞌén tsꞌénchji̱a̱ an éntjatsi̱e̱e̱ Néná xi ꞌboxiéꞌáná kui xi tsi̱ꞌe̱ Kristoo̱, xi yaꞌanii̱ ndeskande na̱xi̱ńdáꞌniú Jerusale̱n, ngaskande nangi Ilíriko̱.