Juaa̱ 13:5 - Xo̱jo̱n eén Néná

⁵ sꞌe̱ indyiá ndáfoa ngo ndástsié, kósꞌe̱ ítsꞌi̱yanii̱ nga aniéjón sé xota̱ tsi̱ꞌe̱, kó katsꞌénxíjón ńjño ndsa̱ xi íkjá ndáyaá.

Juaa̱ 13:5 ပူးပေါင်းရင်းမြစ်များ

Jenesii̱s 18:4

Ngotꞌe̱ má kuíꞌá an chií ndáfoa tsi̱ꞌe̱ nga ka̱ma ko̱niéjónjnú ndsa̱kojnú, kó ka̱ma si̱ꞌankjaꞌyá chiíjnú ngindie kui yaá.

Jenesii̱s 19:2

kó bi̱ katsoó: —Jún ndi̱a̱, ꞌniú míꞌájnúꞌun nga kji̱ndi̱bájnú ndiꞌana, ki̱a̱ ka̱ma ku̱i̱ndáyájnú, kó ka̱ma ki̱a̱ tsjayójojnú, kó ndyiojón ta̱jñó ka̱ma kongínrajnú ndi̱yàjnú. Ta̱nga kui já ndítsjiee̱ bi̱ katsó: —Jmí, ndokꞌóchji̱ì, ta̱nga ngi̱ya ndi̱yàtieé tsjayójojne̱.

Jenesii̱s 43:24

Kó ngayejee̱ nga kiniꞌánkjaꞌa ngi̱ya ndiꞌaa̱ Kosiee̱, kó katseꞌeé ndáfoa tsi̱ꞌe̱ nga ko̱niéjón se ko̱jo katsjaá nichinie bórroó nga.

Xo̱jo̱n Salmoo̱ 51:2

¡Taníjín ngase ji ni ndajín xi katsꞌen an, kó ti̱ꞌintsjiejín ji jéna!

Éksondo̱ 29:4

»Ngije kiniꞌín kui nii̱, tꞌenje̱ ji Aaroo̱n ko̱jo jaá ki̱a̱ nga̱ntjo̱a̱a̱ ndiꞌandikoón, kó bo̱a̱ tꞌíi̱n nga ngatangóyá.

Lebitiko̱ 14:8

»Jaskan kui xi oo̱n ko̱nié ńjñoo̱, sꞌe̱ ko̱ngóyá, kó ku̱i̱ꞌíjoón ngayeje yojoo̱. Bo̱a̱ tsꞌén nga je ka̱matsjie, kó je ka̱ma kꞌo̱sꞌien nginí nínga síndo ndiꞌaa̱ xotaa̱, ndatsi chjiéngá ngi yito ni̱xtjin kꞌuijñá ndi̱tsee̱n ndiꞌa nínga ꞌbíjñá.

Rkaa̱ 7:38

kó kisꞌijñando tꞌa se Kjisoo̱, askjandá, sꞌe̱ ítsꞌi̱yanii̱ nga ndándyíko̱n aniéjónni sé Kjisoo̱, kó tsja̱to̱ko̱ katsꞌénxíjónni, sꞌe̱ atíndsoꞌá sé, kósꞌe̱ katsangijon ndásíjee̱n.

Rkaa̱ 7:44

Kó Kjisoo̱ askotsijee̱n kui naa̱, kósꞌe̱ bi̱ katsoó nda̱ xi ꞌmí Ximoo̱: –A titsitsijìi̱n kui naa̱. Tsꞌasꞌien an ndiꞌàa̱, kó jmí ndáfoa katseꞌéjínní xi aniejón an ndsa̱ko án, ta̱nga kui naa̱ ndándyíko̱n aniéjónni ndsa̱ko án, kó tsja̱to̱ko̱ katsꞌénxíjónni nga.

Juaa̱ 13:10

Sꞌe̱ Kjisoo̱, bi̱ katsó: –Xi je tsangóyá, ta̱ sé tsí xi chjieén nga ko̱niéjón, ngatꞌa̱ jè tsjie ngayeje yojoo̱, kó jún jè tsjiejnú, ndatsi jmí tsi ngayejejnú.

Juaa̱ 13:6

Sꞌe̱ nga katsoboaá Ximo̱ Peé, bi̱ katsó kui nda̱a̱: –Ndi̱a̱, a jí ko̱níjín ndsa̱ko án.

Juaa̱ 13:8

Sꞌe̱ bi̱ katsó Peé: –Jmí ni̱xtjin ko̱níjín ji ndsa̱ko án. Sꞌe̱ Kjisoo̱, bi̱ katsó: –Tsi ko̱e̱ꞌéndièjín ji, ka̱májín xota̱na ka̱ma ji.

Juaa̱ 19:34

Kó ngo nda̱juu̱n xi ngo ki̱cha̱yojó janijon ni̱se̱e̱n, kó tji̱e̱nmá jatjo jín ko̱jo ndáfoa.

Ni xi kamá 22:16

Kó ngotꞌe̱ ꞌne̱, ngiti̱ chiyéjín ngase, ti̱sítji̱n, tatíndé jí yojòo̱, kó taníjín ngayeje jée̱ nga si̱ꞌinkaxome ji jaꞌeén Néná.”

1 Xota̱ Korinto̱ 6:11

Kó tjín jún xi kui nii̱ kiniꞌánjnú ngasꞌe̱, ta̱nga ngotꞌe̱ ꞌne̱ je kiniꞌántsjiejónjnú yojojnú, kó je tsjiejnú ko̱jo je xota̱ kixi̱jnú ngindyi̱ko̱n Néná, kó ngaꞌniuú Ndi̱a̱ná Jesukristoo̱ ko̱jo A̱si̱énni̱xtjii̱n Néná xí katsꞌén kui nii̱.

Xota̱ Éfeso̱ 5:26

kui nii̱ xi katsꞌén nga katsꞌéntsi̱ꞌe̱. Eén katsꞌéntsjieni, kó ndáfoa aniéjónni,

1 Timoo̱ 5:10

Chjiéngá xcha̱ kjo̱a̱a̱ ni nda xi katsꞌén, ko̱jo tsi je nda katsꞌénxchá ndií, ko̱jo tsi je nda katsꞌénseén xota̱ xi jachó ndiꞌaa̱, ko̱jo tsi je aniéjón sé xota̱ tsjiee̱ Néná, ko̱jo tsi je asíko̱jo xota̱ xi ndyi̱foaꞌatio kjo̱a̱ni̱ma̱, ko̱jo tsi je katsꞌén ngayeje ni xi ndaa̱.

Xota̱ Ebreo̱ 10:22

Kuíni chjiéngá nga ngayeje ini̱ma̱ná nga kongínchon tiñáa̱ Néná, nga kꞌuiéná ngo kjo̱a̱sꞌijin xi ja̱koxi̱, nga tsjie ka̱ma ini̱ma̱ná kjo̱a̱a̱ ni xi ndajínkjiꞌi xi tikoón kjo̱a̱kjíntakónná ko̱jo nga ko̱niéjón ñá yojoná ndáfoa xi tsjie.

1 Xo̱jo̱o̱n Juaa̱ 1:7

Ta̱nga tsi nínga tikón ndiꞌí xí tsꞌentsíjee̱n timá, xikótsꞌèn Néná tikón nínga tikón ndiꞌí xí tsꞌentsíjee̱n, kjiꞌá boá nga ja̱kꞌi̱e̱ ja̱ngaján ndyi̱niꞌángo yojoná, kó jiín Jesukristoo̱ boá xi tsꞌéntsjiejón ngayeje jéná.

1 Xo̱jo̱o̱n Juaa̱ 5:6

Ndáfoa ko̱jo jín akakoni Jesukristoo̱, kó jmí tsi ta̱ ndáfoa tsi, ndáfoa ko̱jo jín boá. Kó A̱si̱énni̱xtjii̱n Néná boá xi chistiko̱, ngatꞌa̱ ja̱koxi̱ boá kui A̱si̱énni̱xtjii̱n.

Ni xi akakoo̱ 1:5

ko̱jo xi katsangiya Jesukristoo̱, chistiko̱ xi ꞌniátakoón, kuí boá ndí tjón xi jaꞌáꞌyaá, ko̱jo xi tjiín xá nga botixómaá ngayeje re xi chji̱a̱ni tꞌanangii̱. Kristoo̱ tjoó ñá, kó kuí boá xi índondéná kjo̱a̱a̱ jéná nga iskjitjón jiín,

Ni xi akakoo̱ 7:14

–Jí xí yé ji, Ndi̱a̱. Kixiáa̱n. Kó bi̱ katsóna kui: –Kuí bí xota̱ xi je jaꞌajin nga kamá kui kjo̱a̱ni̱ma̱a̱, kó kui jè anié ńjñoo̱, kó jiín cho̱tsa̱nga̱a̱ katsꞌéntiboani.