Juaa̱ 13:34 - Xo̱jo̱n eén Néná

³⁴ Ngo kjo̱a̱botíxoma tja̱tsi̱e̱ tsjajnúꞌun: Tjó ti̱ꞌánjnú nga ngo nga ngo xingi̱jnú, xikótsꞌèn katsꞌentjójnúꞌun jún, ti̱ bo̱a̱ ti̱ tsꞌén ti̱ꞌantjójnú xingi̱jnú.

Juaa̱ 13:34 ပူးပေါင်းရင်းမြစ်များ

Xo̱jo̱n Salmoo̱ 119:63

Amingo̱ mána ngayeje xota̱ xi bendikoón, ko̱jo xota̱ xi ntꞌiéꞌeén.

Xo̱jo̱n Salmoo̱ 16:3

Xota̱ tsjie ko̱jo xota̱ xi kixi̱ xi síndo nga̱sondiee̱, kuí boá xi tsjána kjo̱a̱tsja.

Lebitiko̱ 19:34

Bo̱a̱ ti̱ꞌanjo̱jnú xikoó tsi xota̱ Israee̱l, kó tjó ti̱ꞌanjo̱jnú xikoó tsi ti̱ juún bo̱a̱, ngatꞌa̱ jún, xota̱ xi xín nangi kamájnú ngasꞌe̱ ki̱a̱ nangi Ejipto̱. Án boá xi Nee̱ xota̱ Israee̱l.

Matioo̱ 5:44

Ta̱nga an, bi̱ tꞌíxiánjnúꞌun: Tjó ti̱ꞌánjnú xota̱ xi kondra̱jnú, ti̱ꞌanchikonñéjnú xota̱ xi chꞌo tjítsójnú, nda ti̱ꞌanjo̱jnú xota̱ xi chꞌoo̱ jún, ndókjo̱a̱tjéjnú xota̱ xi chꞌo tjítsꞌénjnú, ko̱jo xi ndyi̱mongatji̱ngijnú,

Juaa̱ 15:17

Kuí xi̱ꞌbi̱ xi kjo̱a̱botíxomana: Ti̱ꞌantjójnú ja̱kꞌi̱e̱ ja̱ngaján xingi̱jnú.

Juaa̱ 17:21

tsi̱ꞌe̱ nga ka̱ma ngo, xikoó ji Na̱ꞌmi, nga ngo má ñá ji ko̱jo an, ti̱ bo̱a̱ ti̱ tsꞌén nga ngo ngatama kui xotaa̱ ko̱jo ñá, tsi̱ꞌe̱ nga sꞌi̱jii̱n xotaa̱ kui nga̱sondiee̱ nga ji xi kanangiyení.

Xota̱ Roma̱ 12:10

Ja̱kꞌi̱e̱ ja̱ngaján ti̱ꞌantjójnú xingi̱jnú xikoó tsi ngo ntsꞌiejnú, ngatꞌa̱ ntsꞌié májnú, kó cha̱ndikón ngasejnú xingi̱jnú.

Xota̱ Roma̱ 13:10

Xi tjoó xotaa̱, kuí boá xi jmí tsi ni xi ndajín ndyi̱tsꞌènjo̱ xkjín, kó kuíni nga kjo̱a̱tjoó boá xi tsꞌénkjátjosón ngayeje kjo̱a̱kitii̱.

Xota̱ Roma̱ 13:8

Ngata̱ ngojín xi tsjienjnú tsi̱ꞌe̱, ta̱sá ja̱kꞌi̱e̱ ja̱ngaján tjó ti̱ꞌánjnú xingi̱jnú, ngatꞌa̱ xota̱ xi tjoó xotaa̱, tjítsꞌénkjátjosón ni xi tsó ngayeje kjo̱a̱kitii̱.

Xota̱ Ngalasia̱ 5:22

Ta̱nga ni xi ꞌbítji̱e̱jinná A̱si̱énni̱xtjii̱n Néná, kuí ni xi̱ꞌbi̱: kjo̱a̱tjó, ko̱jo kjo̱a̱tsja, ko̱jo kjo̱a̱xió, ko̱jo kjo̱a̱jekon, ko̱jo kjo̱a̱ni̱ma̱takón, ko̱jo kjo̱a̱ndaxota̱, ko̱jo kjo̱a̱sꞌijin,

Xota̱ Ngalasia̱ 5:6

Ngatꞌa̱ ndokꞌóchji̱nií Kristo̱ Kjisoo̱, nga ngiti̱ chjíjiín tsi kiniꞌán, ko̱jo tsi kiniꞌánjáa̱n sirkunsisioo̱n yojoná. Kjo̱a̱sꞌijii̱n Néná xí chjínií, ngatꞌaa̱ kjo̱a̱tjoó.

Xota̱ Ngalasia̱ 6:10

Kó kuíni nga, ngatsjéni̱xtjin nga ka̱ma xi si̱ꞌán, si̱ꞌáa̱n ni xi nda ngayeje xotaa̱, kó ngase má kui xota̱ xi ti̱ Néná sꞌijii̱n kui nga.

Xota̱ Ngalasia̱ 6:2

Ja̱kꞌi̱e̱ ja̱ngaján tasíko̱jojnú xingi̱jnú xi ndyi̱foaꞌatio kjo̱a̱ni̱ma̱, kó nga bo̱a̱ si̱ꞌánjnú ndyi̱niꞌánkjatjosónjnú kjo̱a̱kitii̱ Kristoo̱.

Xota̱ Éfeso̱ 5:2

Kó tjó ti̱ꞌanjo̱jnú ngayeje xotaa̱, xikótsꞌèn tjó katsꞌénná Kristoo̱ nga kꞌientjéná, kó katsjá yojoo̱ xikoó ngo chji̱e̱, ko̱jo kjo̱a̱tjó xi sije̱n kamaá Néná nga kiniꞌánkꞌasꞌiee̱n.

Xota̱ Kolosa̱ 1:4

Ngatꞌa̱ jè kandaꞌyájne̱ kjo̱a̱a̱ nga sꞌijinjnú Kristo̱ Kjisoo̱, ko̱jo kjo̱a̱a̱ nga tjójnú ngayeje xota̱ tsjiee̱ Néná.

1 Xota̱ Tesalónika̱ 3:12

Ndi̱a̱ná ngatasikójojnú tsi̱ꞌe̱ nga ja̱kꞌi̱e̱ ja̱ngaján si̱ꞌantjó ngasejnú xingi̱jnú ko̱jo ngayeje xotaa̱, xikótsꞌèn niꞌántjójne̱ jún.

2 Xota̱ Tesalónika̱ 1:3

Jún ntsꞌie, ngatsjéni̱xtjin chjiéngá ko̱e̱ꞌéjne̱ ndokꞌóchjì Néná kjo̱a̱a̱ jún, xikótsꞌèn chjiéngá nga ko̱e̱ꞌé, ngatꞌa̱ kjimatsie kui kjo̱a̱sꞌijinjnú, ko̱jo kui kjo̱a̱tjó xi je tjínjnú ngayejejnú, ko̱jo kjo̱a̱a̱ nga ꞌniú kjimatjójnú xota̱ xi ngasee̱.

Xota̱ Ebreo̱ 13:1

Ngatsjéni̱xtjin tjó ti̱ꞌánjnú xingi̱jnú, xikoó tsi ngo ntsꞌiejnú.

Xo̱jo̱o̱n Sandiyaá 2:8

Tsi ja̱koxi̱ nga ndyi̱niꞌánkjatjosónjnú kjo̱a̱kiti xi katsjájnú nda̱ Rená, xikótsꞌèn kjitꞌa xo̱jo̱n eén Néná: “Ti̱ꞌintjé ji xotaa̱, xikó má tsꞌén tjoó yojòo̱”, ja̱ nda ndyi̱niꞌánjnú.

1 Xo̱jo̱o̱n Peé 1:22

Ngotꞌe̱ ꞌne̱ nga je kiniꞌántsjiejnú yojojnú ta̱ngatꞌanii̱ nga kandaꞌyáꞌénjnúu̱ én xí ja̱koxi̱i̱, kó nga je tjó ja̱koxi̱jnú xingi̱jnú, xikoó tsi ngo ntsꞌiejnú. Ngayeje ini̱ma̱jnú ꞌniú ti̱ꞌantjójnú ja̱kꞌi̱e̱ ja̱ngaján xingi̱jnú.

2 Xo̱jo̱o̱n Peé 1:7

Kó kui kjo̱a̱yandikoón Néná, tjasónjnúu̱ nga tjó si̱ꞌánjnú xingi̱jnú xikoó tsi ntsꞌiejnú, kó kui kjo̱a̱a̱ nga niꞌántjó xingi̱jnú xikoó tsi ntsꞌié, tjasónjnúu̱ ngase kjo̱a̱tjó.

1 Xo̱jo̱o̱n Juaa̱ 3:11

Kuí bí én xí je kandaꞌyájnú ndeskande koó ngasꞌe̱. Nga tjó si̱ꞌán ja̱kꞌi̱e̱ ja̱ngaján xingi̱.

1 Xo̱jo̱o̱n Juaa̱ 3:23

Nga si̱ꞌansꞌijin Jesukristoo̱, kui xi ndií Néná, ko̱jo nga si̱ꞌantjó ja̱kꞌi̱e̱ ja̱ngaján xingi̱ xikótsꞌèn íjñá Néná nga si̱ꞌán, kuí bí kui nii̱ xi kjo̱a̱botíxomaa̱ Néná.

1 Xo̱jo̱o̱n Juaa̱ 4:21

Xota̱ xi tjoó Néná, chjiéngá ti̱ nga tsꞌéntjó xota̱ xi ngasee̱ nga. Kuí bí kjo̱a̱botíxoma xi je tikónná xi katsjáná Néná.

2 Xo̱jo̱o̱n Juaa̱ 1:5

Kó ngotꞌe̱ ꞌne̱, já ntsꞌie, ꞌniú míꞌájnúꞌun, nga ja̱kꞌi̱e̱ ja̱ngaján si̱ꞌantjó xingi̱. Jmí tsi xikoó tsi ngo kjo̱a̱botíxoma tja̱tsi̱e̱ xi tjítsꞌenꞌindó an, ta̱sá kuí boá kui kjo̱a̱botíxoma xi tikónná ndeskande koó ngasꞌe̱.