Juaa̱ 13:31 - Xo̱jo̱n eén Néná

³¹ Ngije jataxie Jundaa̱, Kjisoo̱, bi̱ katsó: –Ngotꞌe̱ ꞌne̱ nga xcha̱ kjo̱a̱jee̱ ndií nda̱ xi̱ꞌii̱n, kó kuí xí xcha̱ni kjo̱a̱jee̱ Néná.

Juaa̱ 13:31 ပူးပေါင်းရင်းမြစ်များ

Matioo̱ 8:20

Sꞌe̱ Kjisoo̱, bi̱ katsoó: –Xańñaá ti̱xa̱ tjiín nínga ꞌbíndoyá, kó ni̱siee̱ ndo̱bo̱a̱ tjiín nínga ꞌbíndo, ta̱nga ndií nda̱ xi̱ꞌii̱n jmíjiín ngo ngi̱ndie nínga sa̱ꞌínkjaꞌyá.

Rkaa̱ 12:50

Ta̱nga tjón mára ngo kjo̱a̱ni̱ma̱ xi ꞌniú kjo̱a̱ꞌajin an, ¡kó achichí nda̱ kjimana ngaskande nga kjo̱tjosón!

Juaa̱ 11:4

Nga tsintꞌié Kjisoo̱ kui nii̱, bi̱ katsó: –Kui chiꞌii̱n jmí tsi tsi̱ꞌe̱ nga ko̱yà Laá, ta̱sá tsi̱ꞌe̱ nga sꞌi̱jña tsijen kjo̱a̱jee̱ Néná, ko̱jo tsi̱ꞌe̱ nga sꞌi̱jña tsijen kjo̱a̱jee̱ ndií Néná.

Juaa̱ 12:23

Sꞌe̱ Kjisoo̱, bi̱ katsó: –Jè jachó chi̱bo̱a̱ nga ko̱e̱ꞌeé kjo̱a̱je ndií nda̱ xi̱ꞌii̱n.

Juaa̱ 12:28

Na̱ꞌmi, ngatꞌieé kjo̱a̱je jaꞌée̱n. Kósꞌe̱ kandaꞌyá ngo nda̱ ndiꞌakꞌajmi jàn, xi bi̱ katsó: –Jè tjiín kjo̱a̱je, kó kꞌuié nginií ingo ndi̱yà.

Juaa̱ 14:13

kó ngayeje ni xi chji̱e̱ꞌèe̱ Na̱ꞌmii̱ ngajona, sa̱ꞌin an, tsi̱ꞌe̱ nga xcha̱ kjo̱a̱jee̱ Na̱ꞌmii̱ kjiꞌanga xcha̱ ni xi sa̱ꞌín ndií.

Juaa̱ 16:14

Kuí xí ko̱kó kjo̱a̱jena, ngatꞌa̱ sa̱ko̱ó ni xi tsa̱ꞌa̱n, kó kuí xí ka̱tso̱yàjnú.

Juaa̱ 7:39

Ta̱nga kui nii̱ katsó kjo̱a̱a̱ a̱siénni̱xtjin xi sa̱ko̱ó ngayeje xota̱ xi sꞌijii̱n kui. Nga kamá kui nii̱ kji̱e̱ sakójiín A̱si̱énni̱xtjii̱n Néná, ngatꞌa̱ kji̱e̱ boeꞌéjiín kjo̱a̱je nga si̱tꞌa kro, ko̱jo nga kjo̱a̱ꞌáꞌyaá Kjisoo̱.

Ni xi kamá 2:36

Ngatamabe cha̱n cha̱n ngayeje xota̱ Israee̱l, nga ti̱kuíní Kjiso̱ xi̱ꞌbi̱ xi jún akjatꞌajnú kro, kó Néná kuí xí katsꞌén nga Ndi̱a̱ná ko̱jo Kristoo̱ kamá.

Ni xi kamá 3:13

Néná xí tsi̱ꞌe̱ Abraa̱n, ko̱jo xi tsi̱ꞌe̱ Isaa̱, ko̱jo xi tsi̱ꞌe̱ Jako̱b, Néná xí tsi̱ꞌe̱ xota̱ tji̱e̱ xcháná, kui xi katsjaá kjo̱a̱je Kjisoo̱, kui xi ndií, kui nda̱ xi jún kiniꞌánkꞌasꞌienjnú ko̱jo xi kiniꞌánchꞌójnú ngindyi̱ko̱n xtitjón Pilatoo̱, kjiꞌanga ja̱bo̱a̱ je bo̱a̱ katsó nga ku̱i̱ꞌíjñandé.

2 Xota̱ Korinto̱ 3:18

Kó kuíni nga ngayeje ñá, ngiti̱ jmíjínná kuí ńjño xi boꞌmá kje̱n. Xikoó kjiꞌanga ngo chi̱tsen bokó kje̱n, bo̱a̱ tsꞌén bokó ñá kjo̱a̱jee̱ Ndi̱a̱ná. Bo̱a̱ kon kjimá xikó maá a̱sie̱én Néná, ngatꞌa̱ ngatsjéni̱xtjin sa kjiꞌbé sa kjiꞌbéná tsie kjo̱a̱jee̱, ta̱ngatꞌanii̱ ni xi tjítsꞌén A̱si̱énni̱xtjii̱n Ndi̱a̱ná.

Xota̱ Éfeso̱ 1:12

Kó nga ji̱n xi tjón kamájne̱ nga kisꞌiejne̱ kjo̱a̱chiyákjo̱a̱a̱ ni nda xi sa̱kójinjne̱ Kristoo̱, kuíni nga ndyi̱niꞌántsjáa̱ kui Néná xí tjiín kjo̱a̱jee̱.

Xota̱ Éfeso̱ 2:7

bo̱a̱ katsꞌén tsi̱ꞌe̱ nga ni̱xtjin xi sꞌe̱ ndibaá, ko̱kó kókjiꞌi je kjo̱a̱cho̱o̱n kjo̱a̱ndaa̱, ko̱jo xikótsꞌèn nda ni xi katsjáná ñá, ngatꞌaa̱ ni xi katsꞌén Kristo̱ Kjisoo̱.

Xota̱ Éfeso̱ 3:10

Kó bo̱a̱ tsꞌén ngotꞌe̱ ꞌne̱, xota̱ na̱ngo̱xi̱i̱ xi ku̱i̱ꞌíjñátsijen tsi̱ꞌe̱ nga ngayeje ngaꞌniú, ko̱jo xi botixómá xi tjín nkꞌa jàn, sku̱i̱e̱ kókjiꞌi to̱ko̱ya kjo̱a̱kjínkón xi tjiín Néná.

Xota̱ Filipo̱ 2:11

Kó nga ngayeje xi bo̱a̱ ka̱tso̱ nga Jesukristoo̱ boá xi Ndi̱a̱ná. Bo̱a̱ tsꞌén nga sꞌi̱jña tsijen kjo̱a̱jee̱ Néná xí Na̱ꞌmii̱.

1 Xo̱jo̱o̱n Peé 1:21

Kó ta̱ngatꞌanii̱ Kristoo̱ nga jún sꞌijinjnú Néná, kui Néná xi katsꞌénkjaꞌáꞌyaá Kristoo̱ ngi̱jii̱n xota̱ xi je jesoón kó katsjaá kjo̱a̱je, tsi̱ꞌe̱ nga sꞌi̱jinjnú ko̱jo ka̱maꞌniátakónjnú Néná.

1 Xo̱jo̱o̱n Peé 2:12

nda ti̱ꞌánjnú xikótsꞌèn tindyiónjnú ngi̱jii̱n xota̱ xi bejín Néná, bo̱a̱ ti̱ꞌánjnú ndatsi kui xotaa̱ ngotꞌe̱ ndajín tsꞌén chji̱a̱ kjo̱a̱a̱ jún, ta̱nga nga sku̱i̱e̱ ni nda xi ndyi̱niꞌánjnú, sa̱ꞌíntsjaá Néná ni̱xtjin nga Néná sa̱ꞌínjo̱ xki̱ ngayeje xotaa̱.

1 Xo̱jo̱o̱n Peé 4:11

Tsi tjín xí ku̱i̱chji̱a̱, ngatíchji̱a̱ én xí tsꞌéntsjaá Néná nga ku̱i̱chji̱a̱. Tsi tjín xí ko̱síko̱jo xotaa̱, bo̱a̱ nga tsꞌén xikó kjiꞌi ngaꞌniú xí tsꞌéntsjaá Néná, tsi̱ꞌe̱ nga Néná ko̱e̱ꞌeé kjo̱a̱je kjo̱a̱a̱ ngayeje nii̱ ngatꞌaa̱ Jesukristoo̱, kui xi tsi̱ꞌe̱ ngayeje kjo̱a̱jee̱, ko̱jo ngayeje ngaꞌniuú ngatsjéni̱xtjin. Bo̱a̱ kjiꞌi.