Juaa̱ 13:10 - Xo̱jo̱n eén Néná

¹⁰ Sꞌe̱ Kjisoo̱, bi̱ katsó: –Xi je tsangóyá, ta̱ sé tsí xi chjieén nga ko̱niéjón, ngatꞌa̱ jè tsjie ngayeje yojoo̱, kó jún jè tsjiejnú, ndatsi jmí tsi ngayejejnú.

Juaa̱ 13:10 ပူးပေါင်းရင်းမြစ်များ

Eklesiastee̱ 7:20

Ta̱nga nga ja̱koxi̱, jmíjín kui nga̱sondiee̱ ngo xota̱ xi kixi̱, xi sa̱ꞌín ni xi ndaa̱, ko̱jo xi jmíni̱xtjin sa̱ꞌínjé.

Én xí nda xi ꞌniú tsjatsó ngasee̱ 4:7

¡Achichí tsjákjiꞌi ji, na̱ xi mejénna an! ¡Jmíjiín ngo chi̱bo̱a̱ xi ndajín!

Lebitiko̱ 16:26

»Kui xi kjo̱jo tindsoo̱ ki̱a̱ nangi kixií, chjiéngá ko̱nié ńjñoo̱, ko̱jo ngatangóyá ngindiee̱ nga kꞌo̱sꞌien nginí nínga síndo ndiꞌaa̱ xotaa̱.

Lebitiko̱ 16:28

Kui xi ku̱i̱ꞌítí kui nii̱, chjiéngá ko̱nié ńjñoo̱, ko̱jo ngatangóyá ngindiee̱ nga kꞌo̱sꞌien nginí nínga síndo ndiꞌaa̱ xotaa̱.

Matioo̱ 6:12

Kó ti̱ꞌinjetakínjne̱ ni xi tjitjíe̱njne̱ ji̱n, xikótsꞌèn niꞌánjetakónjne̱ ngayeje xota̱ xi tjitjieén tsa̱ji̱n.

Juaa̱ 13:18

Jmí tsi kjo̱a̱a̱ ngayejejnú ni xi tꞌíxián an, jè be an ꞌyání xi je jaꞌajin an, ta̱nga tsi̱ꞌe̱ nga kjo̱tjosón ni xi kjitꞌa xo̱jo̱n eén Néná, nínga bi̱ tsoó: “Xi kꞌi̱e̱ tsꞌénkjiniejo̱na pan, kondra̱na je tikón.”

Juaa̱ 13:9

Sꞌe̱ bi̱ katsó nginí Peé: –Ndi̱a̱, ja̱ jmí tsi ta̱ ndsa̱ko án tsí xi taníjín ji, ti̱ taníjín ndsa̱ án, ko̱jo tokó án nga.

Juaa̱ 15:3

Jún jè kamátsjiejnú, kjo̱a̱a̱ ngayeje én xí je katsóyàjnúꞌun,

2 Xota̱ Korinto̱ 5:17

Kó kuíni nga kui xota̱ xi je katsꞌéngojo̱ yojoo̱ Kristoo̱, ngo xota̱ xi tja̱tsi̱e̱ je kamá, ni xi xchaá jè jaꞌa, kó ni xi tja̱tsi̱e̱e̱ jè jeꞌe.

2 Xota̱ Korinto̱ 5:21

Kristoo̱ nde ngo jé kisꞌiejiín, nganda tsa̱ñá boá nga Néná xikoó tsi xota̱ jé katsꞌén, tsi̱ꞌe̱ nga ñá xota̱ kixi̱ ka̱ma ngindyi̱ko̱n Néná, ta̱ngatꞌanii̱ ni xi katsꞌén Kristoo̱.

2 Xota̱ Korinto̱ 7:1

Jún xota̱ xi tjóna, ñá tsa̱ñá ni xi katsóyàtjón Néná nga tsja̱á xota̱ xi tsi̱ꞌe̱. Kuíni nga tsjietsꞌén ku̱i̱ndyión ngindyi̱ko̱n Néná, nga xín kꞌuijñá ni xi tsꞌénndándí yojoná, ko̱jo ini̱ma̱ná. Si̱ꞌando̱jò kjin kjin kui kjo̱a̱tsjiee̱ nga xcha̱ndikón Néná.

1 Xota̱ Tesalónika̱ 5:23

Kó ti̱ kuii̱ Néná xí tsi̱ꞌe̱ kjo̱a̱xioó, ngatsꞌéntsjie ndo̱jò ndójo̱jnú ngindyi̱ko̱n kui, ngatsꞌéntsjie a̱si̱énni̱xtjinjnú, ko̱jo ini̱ma̱jnú, ko̱jo yojojnú, kó nga jmíjín xi chꞌo tsꞌén ku̱i̱chji̱a̱taꞌinjnú kjiꞌanga kjo̱e̱ꞌe nginí Ndi̱a̱ná Jesukristoo̱.

Xota̱ Ebreo̱ 9:10

Kui kjo̱a̱botíxomaa̱ kjo̱a̱a̱ nichiniee̱, ni ꞌyoó ko̱jo xikótsꞌèn tsꞌéntsjie yojoo̱ xotaa̱ ngindyi̱ko̱n Néná tsí bo̱a̱, kui kjo̱a̱botíxomaa̱ chjírií ta̱nga ngaskande tsí nga Néná ko̱síkjo nii̱.

Xo̱jo̱o̱n Sandiyaá 3:2

Ngayeje ñá niꞌán ni xi bo̱a̱jín kjiꞌi, ta̱nga tsi ngo nda̱ xi chiíjín ku̱i̱chji̱a̱ ngo én xí ndajínkjiꞌi, kuí boá xi̱ꞌba̱ xi je kamá xi chjiéngá ka̱ma, kó ka̱maa̱ nga nda ku̱i̱ꞌíꞌniuú nga kjo̱jo ngayeje yojoo̱.